തീ​ക്ക​ട്ട​യി​ൽ ഉ​റു​ന്പ​രി​ക്കു​ക​യോ? സു​പ്രീം​കോ​ട​തി ജ​ഡ്ജി​ക്കു​പോ​ലും സു​ര​ക്ഷ​യി​ല്ലാ​ത്ത സ്ഥി​തി ഉ​ണ്ടാ​കാ​ൻ പാ​ടി​ല്ലാ​ത്ത​താ​ണ്. പ​ക്ഷേ, മ​ണി​പ്പു​രി​ൽ അ​തും സം​ഭ​വി​ക്കു​ന്നു. രാ​ഷ്‌​ട്ര​പ​തിഭ​ര​ണ​ത്തി​ൻ കീ​ഴി​ൽ സൈ​ന്യ​വും അ​ർ​ധ​സൈ​നി​ക വി​ഭാ​ഗ​ങ്ങ​ളും പോ​ലീ​സും വ​ല​യം തീ​ർ​ത്തി​ട്ടും രാ​ജ്യ​ത്തെ പ​ര​മോ​ന്ന​ത കോ​ട​തി​യി​ലെ ന്യാ​യാ​ധി​പ​നു പി​ന്മാ​റേ​ണ്ടിവ​രു​ന്നു. സു​പ്രീം​കോ​ട​തി​യി​ൽ അ​ടു​ത്ത ചീ​ഫ് ജ​സ്റ്റീ​സ് ആ​കേ​ണ്ട ജ​സ്റ്റീ​സ് ബി.​ആ​ർ. ഗ​വാ​യി​യു​ടെ നേ​തൃ​ത്വ​ത്തി​ലാ​ണ് ആ​റ് ജ​ഡ്ജി​മാ​ർ ഇ​ന്നു മ​ണി​പ്പു​രി​ലെ​ത്തു​ന്ന​ത്. സു​പ്രീം​കോ​ട​തി​യി​ലെ ജ​സ്റ്റീ​സു​മാ​രാ​യ സൂ​ര്യ​കാ​ന്ത്, വി​ക്രം നാ​ഥ്, എം.​എം. സു​ന്ദ​രേ​ഷ്, കെ.​വി. വി​ശ്വ​നാ​ഥ​ൻ, എ​ൻ. കോ​ടീ​ശ്വ​ർ സിം​ഗ് എ​ന്നി​വ​രാ​ണു സം​ഘ​ത്തി​ലു​ള്ള​ത്.

മ​ണി​പ്പു​രി​ൽനി​ന്നു​ള്ള സു​പ്രീം​കോ​ട​തി​യി​ലെ ഏ​ക ജ​ഡ്ജി​യാ​യ ജ​സ്റ്റീ​സ് കോ​ടീ​ശ്വ​ർ സിം​ഗ്, ഇ​ന്നു ചു​രാ​ച​ന്ദ്പു​രി​ലെ ദു​രി​താ​ശ്വാ​സ ക്യാ​ന്പ് സ​ന്ദ​ർ​ശി​ക്കു​ന്ന ജ​ഡ്ജി​സം​ഘ​ത്തി​ൽ ഉ​ണ്ടാ​കി​ല്ല. മ​ണി​പ്പു​ർ ഹൈ​ക്കോ​ട​തി​യി​ലെ ജ​ഡ്ജി​മാ​രാ​യ എ. ​ബി​മോ​ൾ, ഗു​ണേ​ശ്വ​ർ ശ​ർ​മ എ​ന്നി​വ​രും കു​ക്കി ജ​ന​വാ​സ പ്ര​ദേ​ശ​ങ്ങ​ളി​ലേ​ക്കു യാ​ത്ര ചെ​യ്യി​ല്ലെ​ന്നാ​ണു റി​പ്പോ​ർ​ട്ട്. കാ​ര​ണം, മൂ​വ​രും മെ​യ്തെ​യ് വം​ശ​ജ​രാ​ണ്.

പ്ര​തീ​ക്ഷ​യാ​യ ജ​ഡ്ജി​മാ​ർ

ഗോ​ത്ര​വി​ഭാ​ഗ​ങ്ങ​ളു​ടെ കേ​ന്ദ്ര​മാ​യ മ​ല​യോ​ര മേ​ഖ​ല​യി​ലേ​ക്കു പ്ര​വേ​ശ​ന​മി​ല്ലെ​ന്ന ഗോ​ത്ര​വ​ക്കീ​ല​ന്മാ​രു​ടെ നി​ല​പാ​ടി​നു സു​പ്രീം​കോ​ട​തി ജ​ഡ്ജി​യും ഹൈ​ക്കോ​ട​തി ജ​ഡ്ജി​മാ​രും വ​ഴ​ങ്ങേ​ണ്ടിവ​രു​ന്ന ഗ​തി​കേ​ട് നി​സാ​ര​മ​ല്ല. മെ​യ്തെ​യ് ഭൂ​രി​പ​ക്ഷ ഇം​ഫാ​ൽ താ​ഴ്‌വ​ര​യി​ലെ​യും കു​ക്കി മ​ല​യോ​ര​ങ്ങ​ളി​ലെ​യും ദു​രി​താ​ശ്വാ​സ ക്യാ​ന്പു​ക​ൾ ഉ​ന്ന​ത ജ​ഡ്ജി​മാ​ർ സ​ന്ദ​ർ​ശി​ക്കു​മെ​ന്നാ​യി​രു​ന്നു ആ​ദ്യപ്ര​ഖ്യാ​പ​നം.

ഇ​ന്ത്യ​യി​ലെ ഏ​തെ​ങ്കി​ലു​മൊ​രു ക​ലാ​പ​ബാ​ധി​ത സം​സ്ഥാ​ന​ത്ത് ആ​റു സു​പ്രീം​കോ​ട​തി ജ​ഡ്ജി​മാ​ർ ഒ​രു​മി​ച്ചു സ​ന്ദ​ർ​ശ​നം ന​ട​ത്തി​യ​താ​യി കേ​ട്ടി​ട്ടി​ല്ല. ക​ലാ​പം തു​ട​ങ്ങി ര​ണ്ടു വ​ർ​ഷ​ത്തോ​ള​മാ​യി​ട്ടും പ്ര​ധാ​ന​മ​ന്ത്രി ന​രേ​ന്ദ്ര മോ​ദി മ​ണി​പ്പു​ർ സ​ന്ദ​ർ​ശി​ച്ചി​ട്ടി​ല്ല. ന്യാ​യീ​ക​രി​ക്കാ​നാ​കാ​ത്ത അ​പ​രാ​ധ​മാ​ണി​ത്.

ആ​ളി​ക്ക​ത്തി ചു​രാ​ച​ന്ദ്പു​ർ

2023 മേ​യ് മൂ​ന്നി​നു തു​ട​ങ്ങി​യ വം​ശീ​യാ​ക്ര​മ​ണ​ങ്ങ​ളു​ടെ പ്ര​ഭ​വ​കേ​ന്ദ്ര​മാ​യി​രു​ന്ന ചു​രാ​ച​ന്ദ്പുരി​ലെ ക്യാ​ന്പു​ക​ൾ സ​ന്ദ​ർ​ശി​ക്കു​ന്ന ജ​ഡ്ജി​മാ​രു​ടെ പ​ട്ടി​ക​യി​ൽ ജ​സ്റ്റീ​സ് സിം​ഗി​ന്‍റെ പേ​രി​ല്ല. മ​ണി​പ്പു​ർ സം​സ്ഥാ​ന നി​യ​മ​സ​ഹാ​യ സ​ർ​വീ​സ​സ് അ​ഥോ​റി​റ്റി​യു​ടെ പു​തു​ക്കി​യ ഷെ​ഡ്യൂ​ളി​ലാണ് ഇ​ദ്ദേ​ഹം ഒ​ഴി​വാ​യ​ത്. “സ​മാ​ധാ​ന​ത്തി​ന്‍റെ​യും പൊ​തു​ക്ര​മ​ത്തി​ന്‍റെ​യും താ​ത്പ​ര്യ​ങ്ങ​ൾ​ക്കാ​യി, മെ​യ്തെ​യ് സ​മു​ദാ​യ​ത്തി​ലെ ജ​ഡ്ജി​മാ​ർ (ലോ​ർ​ഡ്ഷി​പ്പു​ക​ൾ), അ​വ​രു​ടെ പേ​രു​ക​ൾ പ​രി​പാ​ടി​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ടെ​ങ്കി​ലും, ഞ​ങ്ങ​ളു​ടെ ജി​ല്ല​യി​ലേ​ക്കു പ്ര​വേ​ശി​ക്ക​രു​ത്” എ​ന്ന ചു​രാ​ച​ന്ദ്പു​ർ ജി​ല്ലാ ബാ​ർ അ​സോ​സി​യേ​ഷ​ന്‍റെ പ്ര​സ്താ​വ​ന​യ്ക്കു ശേ​ഷ​മാ​ണ് ഈ ​തീ​രു​മാ​നം.

നി​യ​മ​വ്യ​വ​സ്ഥ നി​ല​വി​ലു​ള്ള ഒ​രി​ട​ത്തും ഇ​ത്ത​ര​മൊ​രു തി​ട്ടൂ​രം ഉ​ണ്ടാ​ക​രു​താ​യി​രു​ന്നു. ചു​രാ​ച​ന്ദ്പു​ർ സ​ന്ദ​ർ​ശി​ക്ക​ണ​മെ​ന്നും ദു​രി​താ​ശ്വാ​സ ക്യാ​ന്പു​ക​ളി​ലു​ള്ള ജ​ന​ങ്ങ​ളോ​ടു നേ​രി​ട്ടു സം​സാ​രി​ക്ക​ണ​മെ​ന്നും അ​തി​യാ​യി ആ​ഗ്ര​ഹി​ച്ച ജ​സ്റ്റീ​സ് സിം​ഗി​നു ചു​രാ​ച​ന്ദ്പു​രി​ലേ​ക്കു പോ​കാ​ൻ ക​ഴി​യി​ല്ലെ​ന്നു ഹി​ന്ദു​സ്ഥാ​ൻ ടൈം​സ് പ​ത്രം ഇ​ന്ന​ലെ റി​പ്പോ​ർ​ട്ട് ചെ​യ്തു.

കു​ക്കി ഗോ​ത്രവി​ഭാ​ഗ​ങ്ങ​ൾ ത​മ്മി​ലു​ണ്ടാ​യ ഏ​റ്റു​മു​ട്ട​ലി​ൽ ക​ഴി​ഞ്ഞ ദി​വ​സം ഒ​രാ​ൾ കൊ​ല്ല​പ്പെ​ട്ട​തി​നെത്തു​ട​ർ​ന്നു ചു​രാ​ച​ന്ദ്പു​ർ ജി​ല്ല​യി​ൽ തു​ട​രു​ന്ന ബ​ന്ദും ക​ർ​ഫ്യുവും ശ​മി​ക്കാ​ത്ത സം​ഘ​ർ​ഷ​ങ്ങ​ളും പ്ര​ശ്ന​ത്തി​ന്‍റെ ഗു​രു​ത​രാ​വ​സ്ഥ വെ​ളി​പ്പെ​ടു​ത്തു​ന്നു. ദേ​ശീ​യ​പാ​ത​ക​ളി​ലെ റോ​ഡ് ഗ​താ​ഗ​തം പു​നഃ​സ്ഥാ​പി​ക്കു​മെ​ന്ന കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യു​ടെ പ്ര​ഖ്യാ​പ​നം​പോ​ലും ന​ട​പ്പാ​ക്കാ​നാ​യി​ല്ല. കേ​ന്ദ്ര​സ​ർ​ക്കാ​രി​ന്‍റെ നേ​രി​ട്ടു​ള്ള ഭ​ര​ണ​ത്തി​ലും പ​ട്ടാ​ള, പോ​ലീ​സ് വാ​ഴ്ച​യി​ലും അ​ക്ര​മ​ങ്ങ​ളും കൊല​പാ​ത​ക​ങ്ങ​ളും തു​ട​രു​ന്ന​തു നി​യ​മ​വാ​ഴ്ച​ ത​ക​ർന്നതിന്‍റെ നേ​ർ​ചി​ത്ര​മാ​കും.


ഇ​ര​ക​ൾ​ക്ക് തെ​ല്ലാ​ശ്വാ​സം

ഇം​ഫാ​ൽ ഈ​സ്റ്റ്, വെ​സ്റ്റ്, ഉ​ക്രു​ൾ ജി​ല്ല​ക​ളി​ലെ നി​യ​മ​സ​ഹാ​യ ക്ലി​നി​ക്കു​ക​ളും ദു​രി​താ​ശ്വാ​സ കേ​ന്ദ്ര​ങ്ങ​ളി​ലെ നി​യ​മ, മെ​ഡി​ക്ക​ൽ ക്യാ​ന്പു​ക​ളും ജ​ഡ്ജി​മാ​ർ ഉ​ദ്ഘാ​ട​നം ചെ​യ്യും. ക​ലാ​പ​ത്തി​നി​ടെ ന​ഷ്ട​മാ​യ തി​രി​ച്ച​റി​യ​ൽ, റേ​ഷ​ൻ കാ​ർ​ഡു​ക​ളും ആ​ധാ​രം പോ​ലു​ള്ള രേ​ഖ​ക​ളും സ്കൂ​ൾ കോ​ള​ജ് സ​ർ​ട്ടി​ഫി​ക്ക​റ്റു​ക​ളും ല​ഭ്യ​മാ​ക്കാ​ൻ ജ​ഡ്ജി​മാ​ർ സ​ഹാ​യം ന​ൽ​കും. ഇ​തി​നാ​യി ദു​രി​താ​ശ്വാ​സ ക്യാ​ന്പു​ക​ളി​ൽ 273 നി​യ​മ​സ​ഹാ​യ ക്ലി​നി​ക്കു​ക​ൾ ന​ട​ത്തു​ന്നുണ്ട്. ചെ​ന്നൈ​യി​ൽനി​ന്നെ​ത്തി​യ 25 വി​ദ​ഗ്ധ ഡോ​ക്ട​ർ​മാ​രു​ടെ സം​ഘ​ത്തി​ന്‍റെ സേ​വ​ന​വും ഇ​ന്നു​മു​ത​ൽ ആ​റു ദി​വ​സം ല​ഭ്യ​മാ​ക്കി​യി​ട്ടു​ണ്ട്.

പ​രി​ഹാ​രം ഇ​നി നീ​ള​രു​ത്

മു​ന്നൂ​റോ​ളം പേ​ർ കൊ​ല്ല​പ്പെ​ട്ട​തും 60,000ത്തിലേ​റെ പേ​ർ ഭ​വ​ന​ര​ഹി​ത​രു​മാ​യ ക​ലാ​പം ര​ണ്ടു വ​ർ​ഷ​മാ​യി​ട്ടും നി​യ​ന്ത്രി​ക്കാ​നാ​കാ​ത്ത​തു കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ വ​ലി​യ വീ​ഴ്ച​യാ​ണ്. കൊ​ല്ല​പ്പെ​ട്ട​വ​രു​ടെ കൃ​ത്യം എ​ണ്ണം ഒ​രി​ക്ക​ലും പു​റ​ത്ത​റി​യാ​നി​ട​യി​ല്ല. സം​ഘ​ർ​ഷം പ​രി​ഹ​രി​ക്കാ​ൻ നീ​ളു​ന്ന​തു കൂ​ടു​ത​ൽ ര​ക്ത​ച്ചൊ​രി​ച്ചി​ലി​നും കു​ടി​യി​റ​ക്ക​ത്തി​നും കാ​ര​ണ​മാ​കു​മെ​ന്നു ക​ഴി​ഞ്ഞ​യാ​ഴ്ച​യി​ലെ സം​ഭ​വ​ങ്ങ​ൾ തെ​ളി​യി​ക്കു​ന്നു.

പ​ക്ഷ​പാ​ത​പ​ര​മാ​യി പ്ര​വ​ർ​ത്തി​ച്ച മു​ൻ​മു​ഖ്യ​മ​ന്ത്രി എ​ൻ. ബി​രേ​ൻ സിം​ഗ് രാ​ജി​വ​ച്ച​തും സം​സ്ഥാ​നം രാ​ഷ്‌​ട്ര​പ​തിഭ​ര​ണ​ത്തി​ലാ​യ​തു​മാ​യ സാ​ഹ​ച​ര്യം സ​മാ​ധാ​നം പു​നഃ​സ്ഥാ​പി​ക്കാ​നാ​യി ഉ​പ​യോ​ഗ​പ്പെ​ടു​ത്ത​ണം. ഭ​രി​ക്കു​ന്ന​വ​രു​ടെ വ​ർ​ഗീ​യ, പ്രാ​ദേ​ശി​ക, രാ​ഷ്‌​ട്രീ​യ താ​ത്പ​ര്യ​ങ്ങ​ൾ വി​ഘാ​ത​മാ​ക​രു​ത്. വീ​ടു​ക​ളും പ​ള്ളി​ക​ളും പു​ന​ർ​നി​ർ​മി​ക്കാ​ൻ ആ​വ​ശ്യ​മാ​യ ഫ​ണ്ടും ക​ർ​മ​പ​ദ്ധ​തി​യും ഉ​ണ്ടാ​ക​ണം. മ​ണി​പ്പു​രി​ൽ സ​മാ​ധാ​നവും നീ​തി​യും ഇ​നി​യും ന​ട​പ്പാ​ക്കാ​നാ​കു​ന്നി​ല്ലെ​ങ്കി​ൽ ഭ​രി​ക്കു​ന്ന​വ​ർ സ്വ​യം രാ​ജി​വ​ച്ചു രാ​ജ്യ​ത്തോ​ടു മാ​പ്പു പ​റ​യണം.

സ​മാ​ധാ​നം പു​ല​ര​ട്ടെ

വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ലും മ​ണി​പ്പു​രി​ലും വം​ശീ​യ സം​ഘ​ർ​ഷ​ങ്ങ​ൾ മു​ന്പും ഉ​ണ്ടാ​യി​ട്ടു​ണ്ടെ​ന്ന വാ​ദം സ​ർ​ക്കാ​രി​ന്‍റെ ക​പ​ട​ത​യാ​ണ്. മ​ണി​പ്പുരി​ലെ പ​ഴ​യ ക​ലാ​പ​ങ്ങ​ളൊ​ക്കെ ഗോത്രവ​ർ​ഗ​ങ്ങ​ൾ ത​മ്മി​ലാ​യി​രു​ന്നു. പ്ര​ത്യേ​കി​ച്ചു കു​ക്കി​ക​ളും നാ​ഗ​ക​ളും ത​മ്മി​ൽ. എ​ന്നാ​ൽ ഇ​പ്പോ​ഴ​ത്തേ​ത് അ​ങ്ങ​നെ​യ​ല്ല. മെ​യ്തെ​യ്-കു​ക്കി ക​ലാ​പ​മാ​ണ്.

ഇ​രു​വി​ഭാ​ഗ​ങ്ങ​ളെ​യും നി​രാ​യു​ധീ​ക​രി​ച്ചു ച​ർ​ച്ച​ക​ളി​ലൂ​ടെ പ്ര​ശ്ന​പ​രി​ഹാ​ര​ത്തി​നു കേ​ന്ദ്രം നേ​രി​ട്ടു രം​ഗ​ത്തി​റ​ങ്ങി​യേ മ​തി​യാ​കൂ. ഇ​തി​നു പ്രേ​ര​ക​മാ​യ ശ​ക്തി​ക​ളെ തി​രി​ച്ച​റി​യാം. സു​പ്രീം​കോ​ട​തി​യി​ലെ ആ​റ് ജ​ഡ്ജി​മാ​രു​ടെ മ​ണി​പ്പു​ർ സ​ന്ദ​ർ​ശ​നം ന​ല്ല തു​ട​ക്ക​വും അ​വ​സ​ര​വു​മാ​ക​ട്ടെ. സ​മാ​ധാ​ന​ത്തി​നു​ള്ള ഏ​തു ശ്ര​മ​വും ശ്ലാ​ഘ​നീ​യ​മാ​ണ്.