അ​ന്നു ക്ലാ​സി​ലേ​ക്കു പോ​കു​ന്ന​തി​നി​ടെ ആ ​ചെ​റി​യ വടികൂ​ടി കൈ​യി​ലെ​ടു​ക്കു​ന്പോ​ൾ ആ ​അ​ധ്യാ​പി​ക തീ​രെ പ്ര​തീ​ക്ഷി​ച്ചി​രു​ന്നി​ല്ല അ​തു​മൂ​ലം അ​ധ്യാ​പ​നം​ത​ന്നെ താ​ൻ ഉ​പേ​ക്ഷി​ക്കേ​ണ്ടിവ​രു​മെ​ന്ന്. വെ​റു​തെ ഒ​ന്നു സം​സാ​രി​ച്ചാ​ൽ തീ​രേ​ണ്ട ഒ​രു ചെറിയ പ്ര​ശ്നം ക്രി​മി​ന​ൽ കേ​സായി വ​ള​രു​ക​യും കോ​ട​തി ക​യ​റു​ക​യും ചെയ്യുന്നതു കണ്ട് അവർ സ്തംഭിച്ചു നിന്നു.

2018ൽ ​എ​റ​ണാ​കു​ളം ജി​ല്ല​യി​ലായിരുന്നു സംഭവം. ഒടുവിൽ അ​ധ്യാ​പ​ന​മോ​ഹം പാ​തി​യി​ൽ ഉ​പേ​ക്ഷി​ച്ചു ജോ​ലി​ത​ന്നെ രാ​ജി​വ​ച്ച് ആ അ​ധ്യാ​പി​ക​യ്ക്കു സ്കൂ​ളി​ന്‍റെ പ​ടി​യി​റ​ങ്ങേ​ണ്ടിവ​ന്നു. ത​ന്‍റെ വി​ദ്യാ​ർ​ഥി​യു​ടെ ന​ല്ല ഭാ​വി​ക്കു​വേ​ണ്ടി ചെ​യ്ത കാ​ര്യ​ത്തി​ന്‍റെ പേ​രി​ൽ, സ​മൂ​ഹ​ത്തി​നു മു​ന്നി​ൽ ക്രി​മി​ന​ൽ കേ​സി​ലെ പ്ര​തി​യായി നി​ൽ​ക്കാ​നു​ള്ള യാ​തൊ​രു തെ​റ്റും താ​ൻ ചെ​യ്തി​ട്ടി​ല്ലെ​ന്നു തെ​ളി​യി​ക്കാ​ൻ, ഒ​രു അ​ധ്യാ​പിക വ​ർ​ഷ​ങ്ങ​ളോ​ളം കോ​ട​തി ക​യ​റി​യി​റ​ങ്ങി ന​ട​ത്തി​യ പോ​രാ​ട്ട​ത്തി​ന്‍റെ ക​ഥ​കൂ​ടി​യാ​ണി​ത്.

പ്രിയപ്പെട്ട ടീച്ചർ

2018ലാ​യി​രു​ന്നു സി​സ്റ്റ​ർ ജോ​മി സി​എ​സ്‌​സി എ​ന്ന അ​ധ്യാ​പി​ക​ കോ​ട​തി കയറേണ്ടിവന്ന സം​ഭ​വം. അ​ധ്യാ​പ​നം എ​ക്കാ​ല​വും സി​സ്റ്റ​റു​ടെ സ്വ​പ്ന​മാ​യി​രു​ന്നു. അ​ങ്ങ​നെ​യാ​ണ് കോ​ണ്‍​ഗ്രി​ഗേ​ഷ​ൻ ഒാ​ഫ് ദ സി​സ്റ്റേ​ഴ്സ് ഒാഫ് ചാ​രി​റ്റി സ​ന്യാ​സിനീ​സ​ഭ​യി​ലെ അം​ഗ​മാ​യ സി​സ്റ്റ​ർ ജോ​മി കോ​ണ്‍​ഗ്രി​ഗേ​ഷ​ന്‍റെ ഉ​ട​മ​സ്ഥ​ത​യി​ലു​ള്ള തോ​ട്ടു​വ സെ​ന്‍റ് ജോ​സ​ഫ് പ​ബ്ലി​ക് സ്കൂ​ളി​ൽ പ്രി​ൻ​സി​പ്പ​ലാ​യി ചാ​ർ​ജ് എ​ടു​ക്കു​ന്ന​ത്.

ത​ന്‍റെ കു​ട്ടി​ക​ളെ​ല്ലാ​വ​രും ന​ന്നാ​യി പ​ഠി​ക്ക​ണ​മെ​ന്ന കാ​ര്യ​ത്തി​ൽ നി​ർ​ബ​ന്ധ​മു​ള്ള​യാ​ളാ​യി​രു​ന്നു ഈ ​അ​ധ്യാ​പി​ക. അ​തി​നു വേ​ണ്ടി എ​ത്ര ക​ഷ്ട​പ്പെ​ടാ​നും സ​മ​യം ചെ​ല​വ​ഴി​ക്കാ​നും മ​ടി​യി​ല്ലാ​ത്ത​യാ​ൾ. ഒാരോ കു​ട്ടി​യുടെ​യും പ​ഠ​ന​കാ​ര്യം പ്ര​ത്യേ​കം ശ്ര​ദ്ധി​ക്കു​ന്ന അധ്യാപിക. അ​തു​ത​ന്നെ​യാ​ണ് സി​സ്റ്റ​റി​നു പി​ന്നീ​ട് വി​ന​യാ​യി മാ​റി​യ​തും. ന​ന്നാ​യി പ​ഠി​ക്കാ​ൻ ക​ഴി​വു​ള്ള​വ​ർ ഏ​തെ​ങ്കി​ലും രീ​തി​യി​ൽ പി​ന്നാ​ക്കം പോ​വു​ക​യോ ഉ​ഴ​പ്പു​ക​യോ ചെ​യ്താ​ൽ സി​സ്റ്റ​ർ അ​വ​രെ പ്ര​ത്യേ​കം ശ്ര​ദ്ധി​ക്കു​മാ​യി​രു​ന്നു. അ​ല​സ​ത​കൊ​ണ്ടോ ഉ​ദാ​സീ​ന​ത​കൊ​ണ്ടോ പ​ഠ​ന​ത്തി​ൽ പി​ന്നാ​ക്കം പോ​കു​ന്ന​വ​രെ അ​ല്പം ശാ​സി​ച്ചും ക​ർ​ശ​ന നി​ർ​ദേ​ശം ന​ൽ​കി​യും വീ​ണ്ടും പ​ഠ​ന​ത്തി​ന്‍റെ പാ​ത​യി​ലേ​ക്കു കൊ​ണ്ടു​വ​രു​ന്ന​തും ഈ ​അ​ധ്യാ​പി​ക​യു​ടെ രീ​തി​യാ​യി​രു​ന്നു. കു​ട്ടി​ക​ളി​ൽ ചി​ല​ർ​ക്ക് അ​ല്പം അ​സ്വ​സ്ഥ​യൊ​ക്കെ തോ​ന്നി​യി​രു​ന്നെ​ങ്കി​ലും ര​ക്ഷി​താ​ക്ക​ൾ പൂ​ർ​ണ​പി​ന്തു​ണ​യു​മാ​യി ഒപ്പമുണ്ടായിരുന്നു. ഇ​താ​യി​രു​ന്നു ജോ​മി സി​സ്റ്റ​റു​ടെ ആ​ത്മ​ബ​ല​വും.

പരീക്ഷയും ശിക്ഷയും

സ്കൂളിൽ നടത്തിയ പരീക്ഷയുടെ ഉത്തരക്കടലാസ് കൊടുക്കുന്ന ദിവസമായിരുന്നു അന്ന്. ന​ല്ല ക​ഴി​വു​ണ്ടാ​യി​ട്ടും പരീക്ഷയിൽ ഒരു കുട്ടി പിന്നാക്കം പോയത് സിസ്റ്റർ ശ്രദ്ധിച്ചു. സംസാരിച്ചപ്പോൾ പ​ഠ​ന​ത്തി​ൽ വീ​ഴ്ച​ വരാൻ മാത്രം ഗൗ​ര​വ​ത​ര​മാ​യ കാ​ര​ണ​ങ്ങ​ളൊ​ന്നും ഇല്ല. കുട്ടിയുടെ അ​ല​സ​ത​കൊ​ണ്ടാ​വാം പ​ഠ​ന​ത്തി​ൽ പോ​രാ​യ്മ​യു​ണ്ടാ​കു​ന്ന​തെ​ന്നു തോ​ന്നി​യ​പ്പോ​ൾ അ​ല്പം ജാ​ഗ്ര​ത​പ്പെ​ടു​ത്താ​നും പഠനത്തിൽ ശ്രദ്ധിക്കാനും വേ​ണ്ടി​യാ​ണ് കൈ​യി​ലു​ണ്ടാ​യി​രു​ന്ന ചെ​റി​യ വ​ടി ഉ​പ​യോ​ഗി​ച്ച് ഒ​ന്നു​ ത​ല്ലി​യ​ത്. സ്കൂ​ളി​ലെ പ​ഠ​ന​പ്ര​വ​ർ​ത്ത​ന​ത്തി​ന്‍റെ ഭാ​ഗ​മാ​യ ചെ​റി​യൊ​രു സം​ഭ​വം എ​ന്ന​തി​ൽ ക​വി​ഞ്ഞ് ആ​രും അ​തി​നു വ​ലി​യ പ്രാ​ധാ​ന്യ​ം കൊ​ടു​ത്തി​ല്ല. എ​ന്നാ​ൽ, പി​റ്റേ​ന്നു കു​ട്ടി​യു​ടെ ര​ക്ഷി​താ​ക്ക​ൾ സ്കൂ​ളി​ലെ​ത്തി. ആ ​സ​മ​യം ക്ലാ​സി​ലാ​യി​രു​ന്ന​തി​നാ​ൽ സി​സ്റ്റ​ർ​ക്ക് അ​വ​രു​മാ​യി സം​സാ​രി​ക്കാ​ൻ ക​ഴി​ഞ്ഞി​ല്ല. അവർ തിരികെ പോവുകയും ചെയ്തു. ഒ​രു​പ​ക്ഷേ, അ​ന്നു സം​സാ​രി​ച്ചി​രു​ന്നെ​ങ്കി​ൽ വ​ള​രെ നി​സാ​ര​മാ​യി പ​രി​ഹ​രി​ക്ക​പ്പെ​ടേ​ണ്ട​താ​യി​രു​ന്നു ഈ ​വി​ഷ​യം. പി​ന്നീ​ട് സി​സ്റ്റ​റും സ്കൂ​ൾ അ​ധി​കൃ​ത​രും അ​റി​യു​ന്ന​ത് സം​ഭ​വം വ​ലി​യ വി​വാ​ദ​മാ​യി വ​ള​ർ​ന്നു എന്നാ​ണ്.


രാഷ്‌ട്രീയ ഇടപെടൽ

ഇതിനകം വി​ഷ​യം ര​ക്ഷി​താ​ക്ക​ളു​ടെ​യും കൈ​വി​ട്ട് ചി​ല രാഷ്‌ട്രീ​യ​ക്കാ​ർ ഏ​റ്റെ​ടു​ത്തി​രു​ന്നു. അ​ധ്യാ​പി​ക​യെ ഒ​രു പാ​ഠം പ​ഠി​പ്പി​ച്ചി​ട്ടേ ബാ​ക്കി കാ​ര്യ​മു​ള്ളൂ എ​ന്ന മ​ട്ടി​ലാ​ണ് പി​ന്നീ​ടു കാ​ര്യ​ങ്ങ​ൾ നീ​ങ്ങി​യ​ത്. പോ​ലീ​സി​ലേ​ക്കു പ​രാ​തി​യെ​ത്തി. ശി​ശു​ക്ഷേ​മ സ​മി​തി​യും ചൈ​ൽ​ഡ് ലൈ​നും വി​ഷ​യ​ത്തി​ൽ ഇ​ട​പെ​ട്ടു. വി​ദ്യാ​ർ​ഥി​നി​യെ അ​ധ്യാ​പിക ക്രൂ​ര​മാ​യി മ​ർ​ദി​ച്ചു എ​ന്ന മ​ട്ടി​ലാ​യി പ്ര​ചാ​ര​ണ​ങ്ങ​ൾ.

രാഷ്‌‌ട്രീ​യ​ക്കാ​ർ പ്ര​ക്ഷോ​ഭ​ത്തി​നു കോ​പ്പു​കൂ​ട്ടി. ത​ന്‍റെ ശി​ഷ്യ​യെ പ​ഠ​ന​ത്തി​ന്‍റെ പേ​രി​ൽ ചെ​റു​താ​യൊ​ന്നു ത​ല്ലി​യ​തി​നു സി​സ്റ്റ​ർ ക്രി​മി​ന​ൽ കേ​സി​ൽ പ്ര​തി​യാ​യി മാ​റി. ഇ​ന്ത്യ​ൻ ശി​ക്ഷാ​നി​യ​മം, ബാ​ല​നീ​തി നി​യ​മം എ​ന്നി​വ​യു​ടെ വ​കു​പ്പു​ക​ൾ പ്ര​കാ​രം കു​റ്റം ചു​മ​ത്തി. ഇ​ത്ത​രം സാ​ഹ​ച​ര്യ​ങ്ങ​ളി​ൽ ഒ​രു അ​ധ്യാ​പി​ക നേ​രി​ടേ​ണ്ടിവ​രു​ന്ന മാ​ന​സി​ക​വ്യ​ഥ ഉൗ​ഹി​ക്കാ​വു​ന്ന​തേ​യു​ള്ളൂ.

സ​ന്യാ​സി​നികൂ​ടി​യാ​യ ആ ​അ​ധ്യാ​പി​ക​യ്ക്ക് പോ​ലീ​സും കോ​ട​തി​യും എ​ന്ന​തൊ​ക്കെ അ​തു​വ​രെ കേ​ട്ടു​പ​രി​ച​യം മാ​ത്ര​മു​ള്ള കാ​ര്യ​ങ്ങളായിരുന്നു. ക്രി​മി​ന​ൽ കേ​സ് ചു​മ​ത്തി​യ​തോ​ടെ ഏ​താ​നും മാ​സം മാ​ത്രം ജോ​ലി ചെ​യ്ത സ്കൂ​ളി​ൽ​നി​ന്ന് നി​റ​മി​ഴി​ക​ളോ​ടെ ഈ ​അ​ധ്യാ​പി​ക രാ​ജി​വ​ച്ചു. കേ​സി​ൽ പ്ര​തി​യാ​യ അ​ധ്യാ​പി​ക എ​ങ്ങ​നെ പ​ഠി​പ്പി​ക്കും? വ​ലി​യ മാ​ന​സി​ക സം​ഘ​ർ​ഷ​ത്തി​ന്‍റെ ദി​ന​ങ്ങ​ളെ അ​തി​ജീ​വി​ച്ച് നി​യ​മ​പ​ര​മാ​യി പോ​രാ​ടാ​ൻ അ​വ​ർ തീ​രു​മാ​നി​ച്ചു.

കോടതി പറഞ്ഞത്

വ​ർ​ഷ​ങ്ങ​ൾ നീ​ണ്ട കേ​സി​നും വാ​ദ​ങ്ങ​ൾ​ക്കും ശേ​ഷം 2024 ജൂ​ണി​ൽ ഹൈ​ക്കോ​ട​തി സി​സ്റ്റ​ർ​ക്കെ​തി​രാ​യ എ​ല്ലാ കേ​സു​ക​ളും റ​ദ്ദാ​ക്കി. അ​ധ്യാ​പ​ന​മോ​ഹം പൊ​ലി​ഞ്ഞ സി​സ്റ്റ​ർ ഇതിനകം മഹാരാഷ്‌ട്രയിലേക്കു പോയിരുന്നു. കേ​സ് റ​ദ്ദാ​ക്കി​ ഹൈ​ക്കോ​ട​തി ജ​ഡ്ജി ജ​സ്റ്റീ​സ് എ.​ ബ​ദ​റു​ദീ​ൻ പറഞ്ഞത് സമൂഹം ചെ​വി​തു​റ​ന്നു കേ​ൾ​ക്കേ​ണ്ട​താ​ണ്: “തെ​റ്റു​തി​രു​ത്തു​ന്ന​തി​ന്‍റെ​യും അ​ച്ച​ട​ക്ക​ത്തി​ന്‍റെ​യും ഭാ​ഗ​മാ​യി സ​ദു​ദ്ദേ​ശ്യ​ത്തോ​ടെ അ​ധ്യാ​പ​ക​ർ കു​ട്ടി​ക​ളെ ശി​ക്ഷി​ക്കു​ന്ന​തു കു​റ്റ​മാ​യി കാ​ണാ​നാ​വി​ല്ല. ല​ളി​ത​വും ചെ​റു​തു​മാ​യ തി​രു​ത്ത​ൽ ന​ട​പ​ടി​ക​ൾ അ​ധ്യാ​പ​ക​ർ സ്വീ​ക​രി​ക്കു​ന്പോ​ൾ അ​തി​നെ ബാ​ല​നീ​തി നി​യ​മ​ത്തി​ന്‍റെ പ​രി​ധി​യി​ൽ കൊ​ണ്ടു​വ​ന്നാ​ൽ സ്കൂ​ളു​ക​ളും സ്ഥാ​പ​ന​ങ്ങ​ളും ക​ഷ്ട​ത്തി​ലാ​കും.”

വി​ദ്യാ​ർ​ഥി​യും അ​ധ്യാ​പ​ക​രും ര​ക്ഷി​താ​ക്ക​ളു​ം വ​ള​രെ നി​സാ​ര​മാ​യി സം​സാ​രി​ച്ചു തീ​ർക്കേ​ണ്ട ഒ​രു വി​ഷ​യം പു​റ​ത്തു​നി​ന്നു​ള്ള​വ​രു​ടെ ഇ​ട​പെ​ട​ൽ​കൂ​ടി വ​രു​ന്ന​തോ​ടെ എ​ങ്ങ​നെ ഒ​രു വി​വാ​ദ​മാ​യി വ​ള​രു​ന്നു എ​ന്ന​തി​ന്‍റെ ഉ​ദാ​ഹ​ര​ണംകൂ​ടി​യാ​യി​രു​ന്നു സി​സ്റ്റ​ർ നേ​രി​ട്ട ദു​രി​ത​പ​ർ​വം.

ഇ​തി​നു സ​മാ​ന​മാ​യി, പു​റ​ത്തു​നി​ന്നു​ള്ള​വ​ർ ഇ​ട​പെ​ട്ടു കു​രു​ക്കി​ലാ​ക്കി​യ​തോ​ടെ അ​ഞ്ചു വ​ർ​ഷം ശേ​ഷി​ക്കെ അ​ധ്യാ​പ​ക ജോ​ലി​ത​ന്നെ ഉ​പേ​ക്ഷി​ച്ചു കൃ​ഷി​പ്പ​ണി​യിലേക്കു തിരിഞ്ഞ മറ്റൊ​രു അ​ധ്യാ​പ​ക​ന്‍റെ ക​ഥ ഇ​തി​നേ​ക്കാ​ൾ ഹൃ​ദ​യ​ഭേ​ദ​ക​മാണ്.
(തുടരും)