2022 ഡി​സം​ബ​ർ 11. അ​തൊ​രു ഞാ​യ​റാ​ഴ്ച​യാ​യി​രു​ന്നു. സ്കൂ​ളി​ൽ ന​ട​ക്കു​ന്ന സ്കോ​ള​ർ​ഷി​പ് പ​രീ​ക്ഷ​യു​മാ​യി ബ​ന്ധ​പ്പെ​ട്ടാ​ണ് ഞാ​യ​റാ​ഴ്ച​യാ​യി​രു​ന്നി​ട്ടും ബാ​ബുമാ​ഷ് കാസർഗോഡ് തൃ​ക്ക​രി​പ്പൂ​ർ വ​ലി​യ​പ​റ​ന്പ് പ​ട​ന്ന​ക​ട​പ്പു​റം ഗ​വ. ഫി​ഷ​റീ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലേ​ക്കു ചെ​ന്ന​ത്. അ​ന്നാ​ണ് എം. ​ബാ​ബു എ​ന്ന ബാ​ബുമാ​ഷി​നെ ആ​ളു​ക​ൾ അ​വ​സാ​ന​മാ​യി ക​ണ്ട​ത്. അ​ല്ലെ​ങ്കി​ലും ബാ​ബുമാ​ഷ് അ​ങ്ങ​നെ​യാ​ണ്. സ്കൂ​ളി​ന്‍റെ​യും കു​ട്ടി​ക​ളു​ടെ​യും കാ​ര്യ​ത്തി​നുവേ​ണ്ടി അ​വ​ധി​യും സ​മ​യ​വു​മൊ​ന്നും നോ​ക്കാ​തെ ഇ​റ​ങ്ങി​ത്തി​രി​ക്കു​ന്ന​താ​ണ് ശീ​ലം. പ​ന്ത്ര​ണ്ട് വ​ർ​ഷ​മാ​യി പ​ട​ന്ന​ക​ട​പ്പു​റം ജി​എ​ഫ്എ​ച്ച്എ​സ്എ​സി​ന്‍റെ എ​ല്ലാ​മാ​യി​രു​ന്നു നാ​ട്ടു​കാ​രു​ടെ പ്രി​യ​പ്പെ​ട്ട ഈ ​അ​ധ്യാ​പ​ക​ൻ. അ​ദ്ദേ​ഹം സ്കൂ​ളി​ൽ ജോ​ലി​യി​ൽ പ്ര​വേ​ശി​ച്ച​പ്പോ​ൾ മു​ത​ൽ നേ​ട്ട​ങ്ങ​ളു​ടെ ക​ഥ​ക​ളാ​യി​രു​ന്നു സ്കൂ​ളി​നു പ​റ​യാ​നു​ണ്ടാ​യി​രു​ന്ന​ത്.

അ​ക്കാ​ദ​മി​ക രം​ഗ​ത്തും മ​റ്റു പ്ര​വ​ർ​ത്ത​ന​ങ്ങ​ളി​ലു​മെ​ല്ലാം സ​മ​യ​വും സൗ​ക​ര്യ​വും നോ​ക്കാ​തെ അ​ദ്ദേ​ഹം പാ​ഞ്ഞു​ന​ട​ന്ന​തി​ന്‍റെ ഗു​ണം നേ​ട്ട​ങ്ങ​ളാ​യി സ്കൂ​ളി​ലേ​ക്ക് ഒ​ഴു​കി​യെ​ത്തി​യ​തി​ന് അ​ധ്യാ​പ​ക​രും വി​ദ്യാ​ർ​ഥി​ക​ളും സാ​ക്ഷി. പ്ര​വൃ​ത്തി​പ​രി​ച​യ​മേ​ള, സ്കൗ​ട്ട് ആ​ൻ​ഡ് ഗൈ​ഡ്, മീ​ൻ​സ് കം ​മെ​റി​റ്റ് സ്കോ​ള​ർ​ഷി​പ് തു​ട​ങ്ങി​യ പ്ര​വ​ർ​ത്ത​ന​ങ്ങ​ളി​ലെ​ല്ലാം അ​ദ്ദേ​ഹ​ത്തി​ന്‍റെ നേ​തൃ​ത്വ​മു​ണ്ടാ​യി​രു​ന്നു.

തി​രു​ത്താ​ൻ മ​ടി​ച്ചി​ല്ല

സ്കൂ​ളി​ലെ ഇം​ഗ്ലീ​ഷ് അ​ധ്യാ​പ​ക​നാ​യ ഈ 43​കാ​ര​ൻ, കു​ട്ടി​ക​ൾ പ​ഠ​ന​ത്തി​ൽ മാ​ത്ര​മ​ല്ല പെ​രു​മാ​റ്റ​ത്തി​ലും സ്വ​ഭാ​വ​ത്തി​ലും മൂ​ല്യ​ബോ​ധ​ത്തി​ലു​മെ​ല്ലാം മി​ക​ച്ച​വ​രാ​ക​ണ​മെ​ന്ന ആ​ഗ്ര​ഹ​വും കാ​ഴ്ച​പ്പാ​ടും ഉ​ള്ള​യാ​ളാ​യി​രു​ന്നു. അ​തു​കൊ​ണ്ടു​ത​ന്നെ കു​ട്ടി​ക​ൾ തെ​റ്റു ചെ​യ്യു​ന്ന​തു ക​ണ്ടാ​ൽ അ​വ​രെ തി​രു​ത്താ​നും വേ​ണ​മെ​ങ്കി​ൽ ശാ​സി​ക്കാ​നും അ​ദ്ദേ​ഹം മ​ടി​ച്ചി​രു​ന്നി​ല്ല. അ​ത് അ​വ​രോ​ടു​ള്ള ദേ​ഷ്യംകൊ​ണ്ടാ​യി​രു​ന്നി​ല്ല, മ​ക്ക​ളോ​ടെ​ന്ന​പോ​ലു​ള്ള സ്നേ​ഹം​കൊ​ണ്ടാ​യി​രു​ന്നു. സ്കൂ​ളി​ൽ ഈ ​തെ​റ്റുതി​രു​ത്ത​ൽ ന​ട​ക്കു​ന്നി​ല്ലെ​ങ്കി​ൽ കു​ട്ടി​ക​ൾ കൂ​ടു​ത​ൽ തെ​റ്റി​ലേ​ക്കു പോ​കു​മെ​ന്നും അ​ത​വ​രു​ടെ ഭാ​വി​ക്കു വി​ന​യാ​യി മാ​റു​മെ​ന്നും അ​ദ്ദേ​ഹം വി​ശ്വ​സി​ച്ചി​രു​ന്നതായി കുടുംബാംഗങ്ങൾ പറയുന്നു. പ​ക്ഷേ, അ​ദ്ദേ​ഹ​ത്തി​ന്‍റെ ആ​ത്മാ​ർ​ഥ​ത​യും സ്നേ​ഹ​വും കു​ട്ടി​ക​ളി​ൽ ചി​ല​രെ​ങ്കി​ലും തി​രി​ച്ച​റി​യാ​തെപോ​യോ എ​ന്നു സം​ശ​യം.

കു​ട്ടി​ക​ൾ ചി​ല്ല​റ പ്ര​ശ്ന​ങ്ങ​ൾ ഉ​ണ്ടാ​ക്കു​ന്ന​തു ക​ണ്ടാ​ലും എ​ന്തെ​ങ്കി​ലു​മാ​യി​പ്പോ​ട്ടെ ന​മ്മ​ൾ ന​മ്മു​ടെ കാ​ര്യം നോ​ക്കി​യാ​ൽ പോ​രേ എ​ന്ന മ​നോ​ഭാ​വം പ​ല കാ​ര​ണ​ങ്ങ​ൾ​ക്കൊ​ണ്ടും അ​ധ്യാ​പ​ക​ർ​ക്കി​ട​യി​ൽ പോ​ലും വ​ള​ർ​ന്നു​വ​ന്നു​കൊ​ണ്ടി​രു​ന്ന കാ​ല​ത്ത് അ​വ​രി​ൽ​നി​ന്നു വ്യ​ത്യ​സ്ത​നാ​യി​രു​ന്നു ബാ​ബുസാ​ർ എ​ന്നു ര​ക്ഷി​താ​ക്ക​ളും പ​റ​യു​ന്നു. ആ ​ആ​ത്മാ​ർ​ഥ​ത​ത​ന്നെ പൊ​റോ​പ്പാ​ട് ക​ണ്ണ​ങ്കൈ സ്വ​ദേ​ശി​യാ​യ അ​ദ്ദേ​ഹ​ത്തി​നു വി​ന​യാ​യി മാ​റി​യെ​ന്ന​താ​ണ് വി​രോ​ധാ​ഭാ​സം.

പോ​ലീ​സ് വ​ന്ന​പ്പോ​ൾ

2022 ഡി​സം​ബ​ർ 11 ഞാ​യ​റാ​ഴ്ച​യും എ​ന്നും വ​രു​ന്ന​തു​പോ​ലെ പു​ഞ്ചി​രി​യോ​ടെ ത​ന്നെ​യാ​ണ് അ​ദ്ദേ​ഹം ബൈ​ക്കി​ൽ സ്കൂ​ളി​ലേ​ക്കു വ​ന്ന​ത്. അ​തി​ന് ഒ​രു ദി​വ​സം മു​ന്പ് സ്കൂ​ളി​ൽ ചെ​റി​യൊ​രു സം​ഭ​വം ന​ട​ന്നി​രു​ന്നു. ഒ​രു വി​ദ്യാ​ർ​ഥി​യെ അ​ദ്ദേ​ഹം ക​ർ​ശ​ന​മാ​യി ശാ​സി​ക്കു​ക​യും തിരുത്താൻ ശ്രമിക്കുകയും ചെയ്തിരുന്നതായി പറയുന്നു. എന്നാൽ, മാഷ് തന്നോട് അപമര്യാദയായി പെരുമാറിയെന്നായിരുന്നു വിദ്യാർഥിയുടെ നിലപാട്. തിരക്കുള്ള സ്കൂൾ പരിസരത്ത് ഇങ്ങനെയൊരു സംഭവം ഉണ്ടായതായി ആരും കണ്ടിട്ടില്ല. അ​തു​കൊ​ണ്ടു​ത​ന്നെ ആ​രും അതിനു വ​ലി​യ പ്രാ​ധാ​ന്യം കൊ​ടു​ത്തില്ല. സ്കൂളിലോ അധ്യാപകർക്കിടയിലോ ഇതൊരു പരാതിയായോ ചർച്ചയായോ പോലും എത്തിയിരുന്നുമില്ല.

ആ ​ഞാ​യ​റാ​ഴ്ച സ്കൂ​ളി​ലേ​ക്കു വ​ന്ന് അ​ല്പം ക​ഴി​ഞ്ഞ​പ്പോ​ൾ ബാ​ബു​മാ​ഷി​നെ തേ​ടി ഒ​രു ഒ​രു ഫോൺ കോൾ എത്തി. അ​ദ്ദേ​ഹ​ത്തെ അ​ന്വേ​ഷി​ച്ചു പോ​ലീ​സ് വ​ന്നി​രി​ക്കു​ന്നു. ഉ​ട​ൻ സ്റ്റേ​ഷ​നി​ലേ​ക്കു ചെ​ല്ല​ണ​മെ​ന്ന് അ​റി​യി​ച്ചി​ട്ട് പോ​ലീ​സ് മ​ട​ങ്ങി​യ​ത്രേ. വിദ്യാർഥിയുടെ കുടുംബത്തിന്‍റെ പരാതി കിട്ടിയപാടേ പോലീസ് പോക്സോ കേസ് രജിസ്റ്റർ ചെയ്തിരുന്നു. ഈ ​വാ​ർ​ത്ത കേ​ട്ട ബാ​ബുമാ​ഷ് ഞെ​ട്ടി​ത്ത​രി​ച്ചു​പോ​യി. പോ​ലീ​സ് അ​ന്വേ​ഷി​ച്ചു വ​ന്നു എ​ന്ന​തിനേക്കാൾ ത​ന്‍റെ വി​ദ്യാ​ർ​ഥി​യു​ടെ ഭാ​ഗ​ത്തു​നി​ന്നു​ത​ന്നെ ത​നി​ക്കെ​തി​രേ പോ​ലീ​സി​ൽ ഇത്ര ഗുരുതരമായ പ​രാ​തി വ​ന്നി​രി​ക്കു​ന്നു എ​ന്ന​താ​ണ് അ​ദ്ദേ​ഹ​ത്തെ ന​ടു​ക്കി​യ​ത്. പ​രാ​തി​യെ​ക്കു​റി​ച്ചു കേ​ട്ട​തോ​ടെ അ​ദ്ദേ​ഹം ആ​കെ അ​സ്വ​സ്ഥ​നാ​യി. കു​ട്ടി​ക​ളു​ടെ​യും നാ​ട്ടു​കാ​രു​ടെ​യും പ്രി​യ​പ്പെ​ട്ട അ​ധ്യാ​പ​ക​ൻ ഒ​റ്റ ദി​വ​സം​കൊ​ണ്ട് കു​റ്റ​വാ​ളി​യാ​യി മാ​റു​ക​യോ? അ​തും വി​ദ്യാ​ർ​ഥി​ക​ളെ സ്വന്തം മക്കളെപ്പോലെ കണ്ടൊരാൾ... പോലീസ് വേണ്ടത്ര അന്വേഷണം നടത്താതെ പരാതി കിട്ടിയപാടേ വ്യാജ പോക്സോ കേസ് രജിസ്റ്റർ ചെയ്തെന്നാണ് കുടുംബാംഗങ്ങളുടെ ആരോപണം. സിസിടിവി ഉൾപ്പെടെയുള്ള സ്ഥലത്ത് ഇങ്ങനെയൊരു സംഭവം നടന്നെന്നു പറയുന്നതു അവിശ്വസനീയമാണെന്നും ഇവർ കുറ്റപ്പെടുത്തുന്നു.


ആ​ശ്വ​സി​പ്പി​ച്ചി​ട്ടും

കൂ​ടെ​യു​ണ്ടാ​യി​രു​ന്ന​വ​രി​ൽ ചി​ല​ർ ഇ​തു ഗൗ​ര​വ​മാ​യി എ​ടു​ക്കേ​ണ്ടെ​ന്നും പോ​ലീ​സു​കാ​രോ​ടു കാ​ര്യം പ​റ​ഞ്ഞാ​ൽ മ​തി​യാ​കു​മ​ല്ലോ​യെ​ന്നും പ​റ​ഞ്ഞ് അ​ദ്ദേ​ഹ​ത്തെ ആ​ശ്വ​സി​പ്പി​ക്കാ​ൻ ശ്ര​മി​ച്ചു. മാ​ത്ര​മ​ല്ല, സ്റ്റാഫ് റൂമും ഒാ​ഫീ​സ് പ​രി​സ​ര​വു​മെ​ല്ലാം സി​സി​ടി​വി കാ​മ​റ വ​ല​യ​ത്തി​ലാ​ണ്. അ​തു​കൊ​ണ്ട് ആ​ശ​ങ്ക​പ്പെ​ടാ​ൻ ഒ​ന്നു​മി​ല്ലെ​ന്നും അ​വ​ർ ചൂ​ണ്ടി​ക്കാ​ട്ടി. എ​ന്നാ​ൽ, ഇ​തു​കൊ​ണ്ടൊ​ന്നും ബാ​ബു​മാ​ഷി​ന്‍റെ മു​ഖം തെ​ളി​ഞ്ഞി​ല്ല. ശി​ഷ്യ​ഗണത്തിന്‍റെ ഭാ​ഗ​ത്തു​നി​ന്നു ത​നി​ക്കെ​തി​രേ പ​രാ​തി വ​ന്നു എ​ന്ന​തി​നെ ഒ​ട്ടും ഉ​ൾ​ക്കൊ​ള്ളാ​ൻ അ​ദ്ദേ​ഹ​ത്തി​ന്‍റെ അ​ധ്യാ​പ​ക​മ​ന​സി​നു ക​ഴി​യു​മാ​യി​രു​ന്നി​ല്ല.

യാ​ന്ത്രി​ക​മാ​യി​ട്ടാ​ണ് അ​തി​നു ശേ​ഷം പ​ല കാ​ര്യ​ങ്ങ​ളും അ​ദ്ദേ​ഹം ചെ​യ്ത​ത്. ഇ​തി​നി​ടെ, സ്കൂ​ളി​നു വി​ളി​പ്പാ​ട് അ​ക​ലെ​യു​ള്ള ക​ട​പ്പു​റ​ത്തേ​ക്ക് അ​ദ്ദേ​ഹം ന​ട​ക്കു​ന്ന​തു ചി​ല​ർ ക​ണ്ടു. ക​ട​ലി​ലേ​ക്കു ക​ണ്ണും ന​ട്ടി​രു​ന്നാ​ൽ എ​ത്ര സം​ഘ​ർ​ഷ​ഭ​രി​ത​മാ​യ മ​ന​സു​ക​ളും പ​തി​യെ ശാ​ന്ത​മാ​കു​മെ​ന്നു ക​രു​തി​യ​വ​ർ സാ​ർ ക​ട​പ്പു​റ​ത്തേ​ക്കു പോ​കു​ന്ന​തി​ൽ അ​സ്വാ​ഭാ​വി​ക​മാ​യി ഒ​ന്നും ക​ണ്ടി​ല്ല. എ​ന്നാ​ൽ, അ​സ്വ​സ്ഥ​മാ​യ മ​ന​സു​മാ​യി ക​ട​പ്പു​റ​ത്തേ​ക്കു ന​ട​ന്ന ബാ​ബുമാ​ഷി​നെ പി​ന്നെ ആ​രും ക​ണ്ടി​ട്ടി​ല്ല. അ​ദ്ദേ​ഹം എ​വി​ടെ പോ​യി മ​റ​ഞ്ഞു എ​ന്ന​ത് ഇ​നി​യും ആ​ർ​ക്കും ഉ​ത്ത​രം പ​റ​യാ​നാ​വാ​ത്ത ദു​രൂ​ഹ​ത​യാ​യി അ​വ​ശേ​ഷി​ക്കു​ന്നു.

അ​വ​ർ കാ​ത്തി​രി​ക്കു​ന്നു

കു​ട്ടി​ക​ൾ​ക്കു ന​ല്ല വ​ഴി പ​റ​ഞ്ഞുകൊ​ടു​ക്കാ​ൻ ശ്രമിച്ചു ജീവിച്ചതിനിടയിൽ പ്രതിക്കൂ​ട്ടി​ലാ​ക്ക​പ്പെ​ട്ട ഈ ​മ​നു​ഷ്യ​നി​ലേ​ക്കു​ള്ള വ​ഴി ക​ണ്ടെ​ത്താ​ൻ ര​ണ്ടു വ​ർ​ഷ​ത്തി​ലേ​റെ​യാ​യി അ​ന്വേ​ഷ​ണ​ത്തി​ലാ​ണ് കു​ടും​ബാം​ഗ​ങ്ങ​ളും പ്രി​യ​പ്പെ​ട്ട​വ​രും. അ​ദ്ദേ​ഹ​ത്തി​ന്‍റെ ബൈ​ക്ക് ഉ​പേ​ക്ഷി​ക്ക​പ്പെ​ട്ട നി​ല​യി​ൽ സ്കൂ​ളി​നു സമീപം ഉ​ണ്ടാ​യി​രു​ന്നു. മൊ​ബൈ​ൽ ഫോ​ണി​ൽ വി​ളി​ക്കു​ന്പോ​ൾ സ്വി​ച്ച് ഒാ​ഫ് ചെ​യ്ത നി​ല​യി​ലും. ച​ന്തേ​ര പോ​ലീ​സ് പ്രാ​ഥ​മി​കാ​ന്വേ​ഷ​ണം പൂ​ർ​ത്തി​യാ​ക്കി തു​ട​ര​ന്വേ​ഷ​ണ​ത്തി​ന് അ​ഞ്ചം​ഗ ടീ​മി​നെ നി​യോ​ഗി​ച്ചി​രു​ന്നു. എ​ന്നാ​ൽ, പു​രോ​ഗ​തി​യു​ണ്ടാ​യി​ല്ല. ഇ​തി​നെ​ത്തു​ട​ർ​ന്ന് ബാ​ബുസാ​റി​ന്‍റെ ഭാ​ര്യ ടി. ​ര​മ്യ ക്രൈം​ബ്രാ​ഞ്ച് അ​ന്വേ​ഷ​ണം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കു നി​വേ​ദ​നം ന​ൽ​കി. ആ​ക്‌​ഷ​ൻ കൗ​ണ്‍​സി​ലും ഇ​തേ ആ​വ​ശ്യ​വു​മാ​യി രം​ഗ​ത്തു​വന്നു. അ​പ്പോ​ഴ​ത്തെ മാ​ന​സി​ക​വി​ഷ​മ​ത്തി​ന്‍റെ പേ​രി​ൽ നാ​ട്ടി​ൽ​നി​ന്നു മാ​റിനി​ന്ന​താ​കാ​മെ​ന്നും അ​ദ്ദേ​ഹം തി​രി​കെ വ​രു​മെ​ന്നു​മു​ള്ള പ്ര​തീ​ക്ഷ​യി​ൽ കാ​ത്തി​രി​ക്കു​ക​യാ​ണ് അ​ദ്ദേ​ഹ​ത്തി​ന്‍റെ കു​ടും​ബ​വും ഉ​റ്റ​വ​രും.

ബാ​ബു​സാ​റി​ന്‍റേ​ത് ഒ​റ്റ​പ്പെ​ട്ട ക​ഥ​യ​ല്ല, വി​ദ്യാ​ർ​ഥി​ക​ളെ മ​ക്ക​ളെ​പ്പോ​ലെ ക​രു​തി തി​രു​ത്താ​നും നേ​ർ​വ​ഴി​ക്കു ന​യി​ക്കാ​നും ശ്ര​മി​ച്ച​തി​ന്‍റെ പേ​രി​ൽ ജീ​വി​തം​ത​ന്നെ ന​ര​ക​മാ​യി മാ​റി​യ നി​ര​വ​ധി അ​ധ്യാ​പ​ക​ർ ര​ക്ത​സാ​ക്ഷി​ക​ളെ​പ്പോ​ലെ ഈ ​നാ​ട്ടി​ൽ ജീ​വി​ക്കു​ന്നു​ണ്ട്. പ​ല​പ്പോ​ഴും അ​ധ്യാ​പ​ക​രെ കു​രു​ക്കി​ലാ​ക്കു​ന്ന​തു വി​ദ്യാ​ർ​ഥി​ക​ള​ല്ല, കു​ട്ടി​ക​ളു​ടെ കു​ഞ്ഞു​പ​രാ​തി​ക​ളെ ഊ​തി​വീ​ർ​പ്പി​ച്ച് വ​ലി​യ വി​വാ​ദ​മാ​ക്കു​ന്ന ഉ​ദ്യോ​ഗ​സ്ഥ​ർ, രാ​ഷ്‌​ട്രീ​യ​ക്കാ​ർ, ര​ക്ഷാ​ക​ർ​ത്താ​ക്ക​ൾ അ​ങ്ങ​നെ പ​ല​രുമാണ്... പ​ഠ​ന​ത്തി​ൽ മ​ന​പ്പൂ​ർ​വ​മാ​യ ഉ​ഴ​പ്പ് കാ​ണി​ക്കു​ന്നു എ​ന്നു തോ​ന്നി​യ​തി​നാ​ൽ വി​ദ്യാ​ർ​ഥി​നി​യെ ഒ​ന്നു ത​ല്ലി​യ​തി​ന്‍റെ പേ​രി​ൽ അ​ധ്യാ​പ​നം​ത​ന്നെ അ​വ​സാ​നി​പ്പി​ക്കേ​ണ്ടി വ​ന്ന ഒ​രു അ​ധ്യാ​പി​ക എ​റ​ണാ​കു​ളം ജി​ല്ല​യി​ലു​ണ്ട്. അ​ക്ക​ഥ നാ​ളെ.