അ​ധ്യാ​പ​ക​ര്‍​ക്കെ​തി​രേ​യു​ള്ള പ​രാ​തി​ക​ളി​ല്‍ കേ​സെ​ടു​ക്കും​ മു​മ്പ് പ്രാ​ഥ​മി​കാ​ന്വേ​ഷ​ണം ന​ട​ത്ത​ണ​മെ​ന്നു ഹൈ​ക്കോ​ട​തി. വി​ദ്യാ​ല​യ​ങ്ങ​ളി​ല്‍ അ​ച്ച​ട​ക്കം ഉ​റ​പ്പു​വ​രു​ത്താ​ന്‍ അ​ധ്യാ​പ​ക​ര്‍ ചെ​റി​യ ചൂ​ര​ല്‍ കൈ​യി​ല്‍ ക​രു​ത​ട്ടെ​യെ​ന്നും ജ​സ്റ്റീ​സ് പി.​വി. കു​ഞ്ഞി​ക്കൃ​ഷ്ണ​ന്‍ നി​ർ​ദേ​ശി​ച്ചു.

ഭാ​വി​ത​ല​മു​റ​യെ വാ​ര്‍​ത്തെ​ടു​ക്കു​ന്ന​വ​രാ​ണ് അ​ധ്യാ​പ​ക​ര്‍. കു​ട്ടി​ക​ളു​ടെ മ​ന​സും ഹൃ​ദ​യ​വു​മൊ​ക്കെ രൂ​പ​പ്പെ​ടു​ത്തു​ന്ന അ​വ​ര്‍ യഥാ​ര്‍​ഥ​ത്തി​ല്‍ പു​തു​ത​ല​മു​റ​യു​ടെ ശി​ല്പി​ക​ളാ​ണ്.

കു​ട്ടി​ക​ളു​ടെ ന​ല്ല ഭാ​വി​ക്കാ​യി ചെ​റു​ശി​ക്ഷ ന​ല്‍​കി​യാ​ല്‍ ക്രി​മി​ന​ല്‍ കേ​സ് ര​ജി​സ്റ്റ​ര്‍ ചെ​യ്യു​മെ​ന്ന ഭ​യ​ത്തോ​ടെ​യ​ല്ല അ​ധ്യാ​പ​ക​ര്‍ ജോ​ലി ചെ​യ്യേ​ണ്ട​ത്. ഇ​ക്കാ​ര്യ​ത്തി​ല്‍ അ​ധ്യാ​പ​ക​ര്‍​ക്കു സ്വാത​ന്ത്ര്യം വേ​ണം. അ​തി​നു സ​ഹാ​യ​മാ​യ അ​ന്ത​രീ​ക്ഷം സ്‌​കൂ​ളി​ലും സൃ​ഷ്‌​ടി​ക്ക​ണം. അ​ധ്യാ​പ​ക​ര്‍ ചൂ​ര​ല്‍ പ്ര​യോ​ഗി​ക്കാ​തെ വെ​റു​തെ കൈ​യി​ല്‍ ക​രു​തു​ന്ന​തു പോ​ലും കു​ട്ടി​ക​ളി​ല്‍ വ​ലി​യ മാ​റ്റ​ങ്ങ​ള്‍ കൊ​ണ്ടു​വ​രും.

ല​ഹ​രി​യും അ​ക്ര​മ​വാ​സ​ന​യും കീ​ഴ​ട​ക്കു​ന്ന കേ​ര​ള​ത്തി​ലെ വി​ദ്യാ​ല​യാ​ന്ത​രീ​ക്ഷ​ത്തി​ൽ കാ​ത​ലാ​യ മാ​റ്റം വേ​ണ്ട​ത​ല്ലേ? ഹൈ​ക്കോ​ട​തി​യു​ടെ മേ​ൽ​പ്പ​റ​ഞ്ഞ പ​രാ​മ​ർ​ശം ഗൗ​ര​വ​മാ​യെ​ടു​ത്ത് ന​ട​പ്പാ​ക്കേ​ണ്ട​തു​ണ്ടോ?

പ്ര​തി​ക​ര​ണ​ങ്ങ​ളി​ലേ​ക്ക്:

വ​ടി​ഭ​യം തെ​ല്ലെ​ങ്കി​ലും ന​ല്ല​താ​ണ്

ചെ​റു​പ്പ​ത്തി​ൽ അ​ധ്യാ​പ​ക​രു​ടെ വ​ടി​യു​പ​യോ​ഗി​ച്ചു​ള്ള ത​ല്ല് പ​ല​വ​ട്ടം കി​ട്ടി​യ​ത് അ​ന്നു ക​യ്പ​നു​ഭ​വ​മാ​യി​രു​ന്നു. എ​ങ്കി​ലും അ​ധ്യാ​പ​ക​ർ വ​ടി പൂ​ർ​ണ​മാ​യി ഒ​ഴി​വാ​ക്ക​ണ​മെ​ന്നു തോ​ന്നി​യി​ട്ടി​ല്ല. “ര​ണ്ട​ടി കൊ​ടു​ത്താ​ൽ ശ​രി​യാ​കു​ം” എന്ന് ര​ക്ഷി​താ​ക്ക​ൾ എ​ത്ര​യോ ​ത​വ​ണ ത​ങ്ങ​ളു​ടെ കു​ട്ടി​ക​ളെ​ക്കു​റി​ച്ച് അ​ധ്യാ​പ​ക​രോ​ടു പ​റ​യു​ന്ന​ത് കേ​ട്ടി​ട്ടു​ണ്ട്!

ക്ലാ​സ് മു​റി​യി​ലും പു​റ​ത്തും അ​ധ്യാ​പ​ക​രോ​ട് ആ​ദ​ര​വോ​ടെ​യു​ള്ള ഭ​യം വി​ദ്യാ​ർ​ഥി​ക​ൾ​ക്ക് അ​ല്പം ന​ല്ല​താ​ണ്. വി​ദ്യാ​ർ​ഥി​ക​ളാ​യ എ​ല്ലാ​വ​രെ​യും ചൂ​ര​ൽ​വ​ടി ഉ​പ‍​യോ​ഗി​ച്ചു നേ​ർ​വ​ഴി​യി​ലാ​ക്ക​ണ​മെ​ന്ന​ല്ല; ചി​ല​രു​ടെ കാ​ര്യ​ത്തി​ൽ, പ്ര​യോ​ഗി​ക്കാ​ന​ല്ലെ​ങ്കി​ൽ​പ്പോ​ലും വ​ടി ആ​വ​ശ്യ​മാ​ണ്.

കു​ട്ടി​ക​ളു​ടെ സ്വ​ഭാ​വ​ സ​വി​ശേ​ഷ​ത​ക​ളെ കൂ​ടു​ത​ൽ അ​ടു​ത്ത​റി​യാ​ൻ ര​ക്ഷി​താ​ക്ക​ളു​മാ​യി അ​ധ്യാ​പ​ക​ർ ന​ല്ല ബ​ന്ധം സ്ഥാ​പി​ക്ക​ണം. നി​യ​മ​പ​ര​മാ​യ രീ​തി​ക​ൾ​ക്ക​പ്പു​റ​ത്ത് വി​ദ്യാ​ർ​ഥി​ക​ളോ​ടു​ള്ള ഊ​ഷ്മ​ള​മാ​യ ഇ​ട​പെ​ട​ലു​ക​ളും പ്ര​ധാ​ന​മാ​ണ്.

-പ്ര​ഫ. എം.​കെ. സാ​നു

ശാ​സി​ക്കാം, മൃ​ദു​വാ​യി ശി​ക്ഷി​ക്കാം

വി​ദ്യാ​ഭ്യാ​സ​ത്തി​ന്‍റെ ഏ​റ്റ​വും പ്ര​ധാ​ന​പ്പെ​ട്ട ഉ​ദ്ദേ​ശ്യം കു​ട്ടി​ക​ളു​ടെ സ്വ​ഭാ​വ​രൂ​പീ​ക​ര​ണ​മാ​ണ്. സ്വ​ഭാ​വ​രൂ​പീ​ക​ര​ണം എ​ന്നു​ള്ള​ത് അ​ച്ഛ​ന​മ്മ​മാ​ർ​ക്കു ക​ഴി​യു​ന്ന​തി​ല​ധി​കം അ​ധ്യാ​പ​ക​ർ​ക്കു ക​ഴി​യു​ന്ന​താ​ണ്. കാ​ര​ണം, അ​ത്ത​രം കാ​ര്യ​ങ്ങ​ൾ ശ്ര​ദ്ധി​ക്കാ​നും പ​ഠി​പ്പി​ക്കാ​നും പ​രി​ശീ​ലി​പ്പി​ക്കാ​നുമാ​ണ് കു​ട്ടി​ക​ളെ സ്കൂ​ളി​ല​യ​യ്ക്കു​ന്ന​ത്. കു​ട്ടി​ക​ൾ ത​മ്മി​ൽ പെ​രു​മാ​റു​ന്പോ​ഴോ അ​ധ്യാ​പ​ക​രോ​ട് പെ​രു​മാ​റു​ന്പോഴോ ബ​സി​ലോ ചാ​യ​ക്ക​ട​യി​ലോ പെ​രു​മാ​റു​ന്പോഴോ ഒ​ക്കെ​യു​ള്ള അ​വ​രു​ടെ ഗു​ണ​ദോ​ഷ​ങ്ങ​ൾ ശ്ര​ദ്ധി​ച്ച് അ​തി​നെ​പ്പ​റ്റി അ​ഭി​പ്രാ​യം പ​റ​യാ​നും അ​വ​രെ അ​ഭി​ന​ന്ദി​ക്കാ​നും വി​മ​ർ​ശി​ക്കാ​നും ഒ​ക്കെ ഉ​ത്ത​ര​വാ​ദ​പ്പെ​ട്ട ആ​ളു​ക​ളാ​ണ് അ​ധ്യാ​പ​ക​ർ. കു​ട്ടി​ക​ളെ ശാ​സി​ക്കാ​നും അ​ധ്യാ​പ​ക​ർ​ക്ക് ചു​മ​ത​ല​യു​ണ്ട്.

ഇ​ന്ന് രാ​ഷ്‌​ട്രീ​യ​ പാ​ർ​ട്ടി​ക​ളു​ടെ​യോ മ​ത​സം​ഘ​ട​ന​ക​ളു​ടെ​യോ ജാ​തി​സം​ഘ​ട​ന​ക​ളു​ടെ​യോ വേ​റെ വ​ല്ല​തി​ന്‍റെ​യു​മൊ​ക്കെ​യോ പേ​രി​ൽ പൊ​തു​വെ അ​ധ്യാ​പ​ക​ർ​ക്ക് വി​ദ്യാ​ർ​ഥി​ക​ളെ ശാ​സി​ക്കാ​ൻ​ത​ന്നെ പേ​ടി​യാ​ണ്. ശി​ക്ഷി​ക്കാം എ​ന്നു പ​റ​യു​ന്ന​ത് അ​തി​ന്‍റെ ഭാ​ഗ​മാ​യി​ട്ട് ചി​ല​പ്പോ​ൾ വേ​ണ്ടി​വ​രും.

കൈ​യി​ൽ ഒ​രു ചൂ​ര​ലു​മാ​യി അ​ധ്യാ​പ​ക​ൻ വ​രു​ന്പോ​ൾ, ചി​ല കു​ട്ടി​ക​ൾ​ക്കെ​ങ്കി​ലും ത​ല്ലു​കൊ​ള്ളാ​ൻ പാ​ടി​ല്ല എ​ന്ന​തി​നെ​ക്കു​റി​ച്ച് ഒ​രു ക​രു​ത​ലു​ണ്ടാ​കും. നി​ല​വി​ട്ട് വൈ​രാ​ഗ്യം​വ​ച്ച് പെ​രു​മാ​റു​ന്ന അ​ധ്യാ​പ​ക​രു​ണ്ടാ​കാം. അ​ത്ത​രം സാ​ഹ​ച​ര്യ​ങ്ങ​ളെ​പ്പ​റ്റി ക​രു​തേ​ണ്ട​ത് അ​ധ്യാ​പ​ക​രോ അ​ധ്യാ​പ​ക​സം​ഘ​ട​ന​ക​ളോ ആ​ണ്. ശാ​സി​ക്കാ​നും മൃ​ദു​വാ​യി ശി​ക്ഷി​ക്കാ​നു​മു​ള്ള അ​ധ്യാ​പ​ക​ന്‍റെ അ​വ​കാ​ശം, ചു​മ​ത​ല കേ​ര​ള ഹൈ​ക്കോ​ട​തി ഉ​യ​ർ​ത്തി​പ്പി​ടി​ച്ച​തു ന​ന്നാ​യി എ​ന്നാ​ണ് എ​ന്‍റെ അ​ഭി​പ്രാ​യം.

അ​തൊ​രി​ക്ക​ലും വി​രോ​ധം ഉ​ണ്ടാ​കു​ന്ന ത​ര​ത്തി​ലാ​ക​രു​ത്. കു​ട്ടി​ക​ൾ​ക്കു പ​രി​ക്കു​പ​റ്റു​ന്ന ത​ര​ത്തി​ൽ അ​തു വ​ഴി​വി​ട്ടു​പോ​ക​രു​ത് എ​ന്ന ക​രു​ത​ൽ വേ​ണ്ട​ത് അ​ധ്യാ​പ​ക​രു​ടെ ഭാ​ഗ​ത്തു​നി​ന്നാ​ണ്. അ​തി​ൽ ര​ക്ഷ​ാക​ർ​ത്താ​ക്ക​ൾ ഇ​ട​പെ​ടാ​നു​ള്ള അ​വ​സ​രം അ​ധ്യാ​പ​ക​ർ ഉ​ണ്ടാ​ക്കാ​ൻ പാ​ടി​ല്ല. അ​ധ്യാ​പ​ക​ർ ഓ​ർ​ക്കേ​ണ്ട​ത് അ​വ​രു​ടെ കു​ട്ടി​ക​ളും ഏ​തെ​ങ്കി​ലും സ്കൂ​ളി​ൽ പ​ഠി​ക്കു​ന്നു​ണ്ട് എ​ന്ന വ​സ്തു​ത​യാ​ണ്.

-ഡോ. ​എം.​എ​ൻ.​കാ​ര​ശ്ശേ​രി


വി​ദ്യാ​ര്‍​ഥി​ക​ള്‍​ക്ക് അ​ധ്യാ​പ​ക​രോ​ട് ആ​ദ​ര​വു​ണ്ടാ​ക​ണം

സ്‌​കൂ​ളി​ല്‍ വി​ദ്യാ​ര്‍​ഥി​ക​ളു​ടെ അ​ച്ച​ട​ക്ക​മു​റ​പ്പാ​ക്കാ​ന്‍ അ​ധ്യാ​പ​ക​ര്‍ കൈ​യി​ല്‍ ചൂ​ര​ല്‍ ക​രു​ത​ട്ടെ എ​ന്ന ഹൈ​ക്കാ​ട​തി​യു​ടെ നിരീ​ക്ഷ​ണം സ​മൂ​ഹ​ത്തി​ലെ നി​ല​വി​ലെ അ​വ​സ്ഥ​യു​ടെ ഒ​രു പ്ര​തീ​ക​മാ​ണ്. അ​ധ്യാ​പ​ക​രോ​ടു​ള്ള ആ​ദ​ര​വ് കു​റ​ഞ്ഞു​കൊ​ണ്ടി​രി​ക്കു​ന്ന​ത് വി​ദ്യാ​ര്‍​ഥി​ക​ളു​മാ​യു​ള്ള ബ​ന്ധ​ത്തി​ല്‍ വി​ള്ള​ലു​ണ്ടാ​ക്കു​ന്ന സ്ഥി​തി​വി​ശേ​ഷ​മാ​ണു​ള്ള​ത്.​


അ​ധ്യാ​പ​ക​രോ​ടു​ള്ള ആ​ദ​ര​വും ഭീ​തി​യും വി​ദ്യാ​ര്‍​ഥി​ക​ളി​ല്‍ ഉ​ണ്ടാ​ക്കി​യെ​ടു​ക്കു​ക എ​ന്ന​താ​യി​രി​ക്കാം കോ​ട​തി ഉ​ദ്ദേ​ശി​ച്ച​ത്. ഇ​ത്ത​ര​ത്തി​ലു​ള്ള ഒ​രു പ​ഠ​നസ​മ്പ്ര​ദാ​യം ന​മു​ക്ക് ഉ​ണ്ടാ​കേ​ണ്ടി​യി​രി​ക്കു​ന്നു. അ​തു വ​ള​രെ അ​നി​വാ​ര്യ​വു​മാ​ണ്. അ​തേ​സ​മ​യം അ​ച്ച​ട​ക്ക​ത്തി​ന്‍റെ പേ​രി​ല്‍​ മാ​ത്രം വി​ദ്യാ​ര്‍​ഥി​ക​ളെ ദ്രോ​ഹി​ക്ക​രു​ത്. വി​ദ്യാ​ര്‍​ഥി​ക​ളെ സ്‌​നേ​ഹി​ച്ചു​കൊ​ണ്ടു​ത​ന്നെ അ​വ​രെ പ​ഠി​പ്പി​ക്കാ​നും ആ​ദ​ര​വ് പി​ടി​ച്ചു​പ​റ്റാ​നും അ​ധ്യാ​പ​ക​ര്‍​ക്കു ക​ഴി​യ​ണം. ഇ​ന്ന​ത്തെ അ​ച്ച​ട​ക്ക​രാ​ഹി​ത്യ​ത്തി​ന് ഒ​രു പ​രി​ധി​വ​രെ പ​രി​ഹാ​ര​മു​ണ്ടാ​ക​ണ​മെ​ങ്കി​ല്‍ അ​ധ്യാ​പ​ക​ര്‍ കൈ​യി​ല്‍ ചൂ​ര​ല്‍ ക​രു​തി​യേ തീ​രൂ എ​ന്ന​തി​നോ​ട് യോ​ജി​ക്കു​ന്നു.

-യു.​കെ. കു​മാ​ര​ന്‍

ഉ​ചി​ത​മാ​യ ശി​ക്ഷ​ക​ൾ ആ​ത്മ​സം​യ​മ​നം വ​ള​ർ​ത്തും

അ​ധ്യാ​പ​ന​രം​ഗ​ത്ത് അ​ധ്യാ​പ​ക​ര്‍ പാ​ലി​ക്കേ​ണ്ട സു​വ​ര്‍​ണ​ത​ത്വം മൂ​ല്യാ​ധി​ഷ്ഠി​ത വി​ദ്യാ​ഭ്യാ​സ​ത്തി​ന്‍റേ​താ​ണ്. സി​ല​ബ​സ് പാ​ഠ​ങ്ങ​ള്‍ പ​ഠി​പ്പി​ക്കു​ന്ന​തി​നൊ​പ്പം കാ​രു​ണ്യ​വും സ​ഹ​താ​പ​വും പ​ര​ക്ലേ​ശ വി​വേ​ക​വും വി​ദ്യാ​ര്‍​ഥി​ക​ളി​ല്‍ അ​ങ്കു​രി​പ്പി​ക്കാ​ന്‍ ക​ഴി​യാ​വു​ന്ന​തെ​ല്ലാം ചെ​യ്യ​ണം.

ന​ന്മ നി​റ​ഞ്ഞ വ്യ​ക്തി​ത്വ​ത്തി​ന്‍റെ മാ​തൃ​ക​ക​ളാ​കാ​ന്‍ അ​ധ്യാ​പ​ക​ര്‍ പ​ര​മാ​വ​ധി പ​രി​ശ്ര​മി​ക്കു​ക​യും വേ​ണം. അ​തി​നാ​യി ര​ക്ഷി​താ​ക്ക​ളും സ​മൂ​ഹ​വും ചെ​യ്യേ​ണ്ട​ത് വി​ദ്യാ​ര്‍​ഥി​ക​ള്‍​ക്ക് മു​ന്നി​ല്‍ അ​ധ്യാ​പ​ക​രെ ഒ​രി​ക്ക​ലും ത​ള്ളി​പ്പ​റ​യാ​തി​രി​ക്ക​ലാ​ണ്, അ​വ​ഹേ​ളി​ക്കാ​തി​രി​ക്ക​ലാ​ണ്. മ​തി​പ്പും ആ​ദ​ര​വും ഉ​ത്പാ​ദി​പ്പി​ക്കാ​ത്ത അ​ധ്യാ​പ​ക​ര്‍ പ​ക​രു​ന്ന വി​ദ്യ വി​ദ്യാ​ര്‍​ഥി​ക​ള്‍​ക്ക് ഒ​രി​ക്ക​ലും ഉ​പ​ക​രി​ക്കി​ല്ലെ​ന്ന് അ​റി​യു​ക.

ക​ടു​ത്ത തെ​റ്റു​ക​ള്‍​ക്ക് കൊ​ച്ചു​ശി​ക്ഷ​ക​ളെ​ല്ലാം ന​മ്മു​ടെ മ​ക്ക​ള്‍​ക്ക് ന​ല്‍​കാ​മെ​ന്നാ​ണ് അ​ഭി​പ്രാ​യം.ആ ​ശി​ക്ഷ ന​ല്‍​കു​മ്പോ​ള്‍ അ​തി​ന്‍റെ പൊ​ള്ള​ല്‍ അ​വ​രേ​ക്കാ​ള്‍ ന​മു​ക്ക് അ​നു​ഭ​വ​പ്പെ​ടു​ന്ന ത​ര​ത്തി​ല്‍ അ​ന്ത​രാ​ത്മാ​വി​ല്‍ സ്‌​നേ​ഹം തി​ള​യ്ക്ക​ണം. അ​ത് അ​വ​ര്‍ മ​ന​സി​ലാ​ക്കു​ക​യും ചെ​യ്യും. ഉ​ചി​ത​മാ​യ ശി​ക്ഷ​ക​ള്‍ ത​ന്നി​ല്‍ വ​ള​ര്‍​ത്തി​യ ആ​ത്മ​സം​യ​മ​ന​ത്തെ​യും അ​ച്ച​ട​ക്ക​ബോ​ധ​ത്തെ​യുംകു​റി​ച്ച് മ​ഹാ​ത്മാ​ഗാ​ന്ധി ന​ന്ദി​യോ​ടെ സ്മ​രി​ച്ച​തും ഓ​ര്‍​മി​പ്പി​ക്കു​ന്നു.

-കെ.​പി. രാ​മ​നു​ണ്ണി


അ​ധ്യാ​പ​ക​ർ വ​ടി ക​രു​തു​ന്ന​തി​ൽ തെ​റ്റി​ല്ല

സ്കൂ​ളി​ൽ അ​ധ്യാ​പ​ക​രു​ടെ കൈ​യി​ലൊ​രു വ​ടി​യി​രു​ന്ന​തു​കൊ​ണ്ട് തെ​റ്റൊ​ന്നു​മി​ല്ല. പ​ണ്ടു​കാ​ല​ത്ത് കു​ട്ടി​ക​ള്‍ സ്‌​കൂ​ളി​ൽ പോ​കാ​ന്‍ ഭ​യ​ക്കു​ന്ന രീ​തി​യി​ല്‍ അ​ടി​ക്കു​ന്ന അ​ധ്യാ​പ​ക​ര്‍ ഉ​ണ്ടാ​യി​രു​ന്നു. അ​ത്ത​രം ക​ഠി​ന​മാ​യ ശി​ക്ഷ​ക​ളി​ലേ​ക്കു പോ​കാ​ൻ പാ​ടി​ല്ല.

എ​ഡി​ജി​പി​യാ​യി​രി​ക്കു​ന്ന സ​മ​യ​ത്ത് തി​രു​വ​ന​ന്ത​പു​ര​ത്തെ പ്ര​മു​ഖ സ്കൂ​ളി​ലെ അ​ധ്യാ​പ​ക​ര്‍ കാ​ണാ​ൻ വ​ന്ന​ത് ഓ​ർ​ക്കു​ന്നു. സ്‌​കൂ​ളി​ലെ ക്യാ​ന്പി​ൽ ഒ​രു പെ​ണ്‍​കു​ട്ടി​യു​ടെ കൈ​യി​ല്‍​നി​ന്ന് അ​രു​താ​ത്ത​ത് എ​ന്തോ പി​ടി​ച്ചെ​ടു​ത്ത​താ​യി​രു​ന്നു പ്ര​ശ്നം. ഇ​ത്ത​രം ഘ​ട്ട​ങ്ങ​ളി​ൽ അ​ധ്യാ​പ​ക​രു​ടെ ഇ​ട​പെ​ട​ൽ സൂ​ക്ഷ്മ​ത​യോ​ടെ​യാ​ക​ണം. അ​ധ്യാ​പ​ക​ർ ശി​ക്ഷി​ച്ച​തി​ന്‍റെ പേ​രി​ൽ കേ​സെ​ടു​ത്ത സം​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്.

കു​ട്ടി​ക​ള്‍ എ​ന്തെ​ങ്കി​ലും പ്ര​ശ്‌​ന​മു​ണ്ടാ​ക്കി​യാ​ല്‍, ത​ന്‍റെ കു​ട്ടി അ​തു ചെ​യ്യി​ല്ലെ​ന്നു പ​റ​ഞ്ഞ് ര​ക്ഷി​താ​ക്ക​ള്‍ സ്‌​കൂ​ളി​ലേ​ക്കെ​ത്തു​ന്ന അ​വ​സ്ഥ​യു​ണ്ട്. അ​തു മാ​റ​ണം. കു​ട്ടി​ക​ളെ മാ​ന​സി​ക​മാ​യി പ്ര​യാ​സ​പ്പെ​ടു​ത്താ​ന്‍ പാ​ടി​ല്ലെ​ന്ന​തി​ന് അ​ധ്യാ​പ​ക​ര്‍​ക്കും പ​രി​ശീ​ല​നം ആ​വ​ശ്യ​മാ​ണ്. കു​ട്ടി​ക​ളോ​ടു സം​സാ​രി​ക്കു​ന്ന​തി​ല്‍ അ​ധ്യാ​പ​ക​ര്‍​ക്കു ജാ​ഗ്ര​ത വേ​ണം.

പ​ല സ്‌​കൂ​ള്‍ പ​രി​സ​ര​ങ്ങ​ളും ഇ​ന്ന് ല​ഹ​രി​യു​ടെ പി​ടി​യി​ലാ​ണെ​ന്ന​ത് ആ​ശ​ങ്ക​പ്പെ​ടു​ത്തു​ന്നു. അ​തി​നെ​തി​രേ എ​ല്ലാ​വ​രും ഒ​റ്റ​ക്കെ​ട്ടാ​യി നി​ല്‍​ക്ക​ണം.

-ബി. ​സ​ന്ധ്യ, മു​ന്‍ ഡി​ജി​പി


ചൂ​ര​ൽ​ക​ഷാ​യം കൂ​ടി​യേ ​തീ​രൂ

ചൂ​ര​ൽ​ക​ഷാ​യം എ​ന്നൊ​രു ചൊ​ല്ലു​ത​ന്നെ പ​ണ്ട് നാ​ട്ടി​ൻ​പു​റ​ത്തു​ണ്ടാ​യി​രു​ന്നു. എ​ല്ലാ അ​ധ്യാ​പ​ക​രു​ടെ​യും ചൂ​ര​ൽ​ക​ഷാ​യം നി​ത്യേ​ന കി​ട്ടു​മ്പോ​ൾ അ​തും “ക​രി​ക്കു​ല”​ത്തി​ൽ ഉ​ൾ​പ്പെ​ട്ട ഒ​ന്ന​ല്ലേ എ​ന്നു പ​ണ്ട് തോ​ന്നി​യി​രു​ന്നു. ഇ​ന്നും പ​ഴ​യ അ​ധ്യാ​പ​ക​രെ കാ​ണു​മ്പോ​ൾ അ​വ​ർ പ​ഠി​പ്പി​ച്ച പാ​ഠ​ഭാ​ഗ​ങ്ങ​ളെ​ക്കാ​ളേ​റെ ഓ​ർ​മ വ​രു​ന്ന​ത് ഇ​ത്ത​രം ക​ഷാ​യ​സ്മ​ര​ണ​ക​ളാ​ണ്. അ​തൊ​ക്കെ ന​ല്ല​താ​യി​രു​ന്നു.

അ​ടി​ച്ചു പ​ഠി​പ്പി​ക്കു​ക എ​ന്ന​ല്ല, അ​തൊ​രു ഓ​ർ​മ​പ്പെ​ടു​ത്ത​ലാ​ണ്. നോ​വു​ള്ള ശാ​സ​ന​യാ​ണ്. അ​തു ന​ല്ല ജീ​വി​ത​ത്തി​ലേ​ക്കു​ള്ള വ​ഴി​യൊ​രു​ക്ക​ൽ കൂ​ടി​യാ​ണ്. അ​ധ്യാ​പ​ക​ർ​ക്ക് പാ​തി വ​ടി​യെ​ടു​ക്കാ​മെ​ന്നു ക​ഴി​ഞ്ഞ​ദി​വ​സം കോ​ട​തി പ​റ​ഞ്ഞു. ന​ല്ല തീ​രു​മാ​ന​മാ​ണ്. പ​ക്ഷേ, പാ​തി​യ​ല്ല, വ​ടി മൊ​ത്ത​മാ​യി​ത്ത​ന്നെ അ​ധ്യാ​പ​ക​ർ​ക്ക് മ​ട​ക്കി​ക്കൊ​ടു​ക്ക​ണം. പ​ഴ​യ​കാ​ല​ത്തെ മ​ട​ക്കി​ക്കൊ​ണ്ടു​വ​രാ​ന​ല്ല; അ​ച്ച​ട​ക്ക​വും ഗു​രു​ത്വ​വു​മു​ള്ള, സം​സ്കാ​ര​സ​മ്പ​ന്ന​രാ​യ പു​ത്ത​ൻ ത​ല​മു​റ​യെ സൃ​ഷ്‌​ടി​ക്കാ​ൻ. അ​തി​ന് ചൂ​ര​ൽ​ക​ഷാ​യം കൂ​ടി​യേ ​തീ​രൂ.

-ഡോ. ​മു​ഞ്ഞി​നാ​ട് പ​ത്മ​കു​മാ​ർ