“ആ​കാ​ശ​ത്തി​ൽ പ​ക്ഷി​ക​ളെ​പ്പോ​ലെ പ​റ​ക്കാ​നും വെ​ള്ള​ത്തി​ൽ മ​ത്സ്യ​ങ്ങ​ളെ​പ്പോ​ലെ സ്വൈ​ര്യ​മാ​യി സ​ഞ്ച​രി​ക്കാ​നും മ​നു​ഷ്യ​ൻ പ​ഠി​ച്ചു​ക​ഴി​ഞ്ഞു. പ​ക്ഷേ, ഭൂ​മി​യി​ൽ മ​നു​ഷ്യ​നെ​പ്പോ​ലെ ന​ട​ക്കാ​ൻ ഇ​പ്പോ​ഴും അ​വ​ന​റി​ഞ്ഞു​കൂ​ടാ!” വി​ങ്ങു​ന്ന ഹൃ​ദ​യ​ത്തി​നു​ള്ളി​ലെ നെ​രി​പ്പോ​ടി​ൽ​നി​ന്ന് ചി​ത​റി​വീ​ണ ക​ന​ൽ​ക്ക​ട്ട​ക​ൾ! എ​വി​ടെ​യോ ന​ഷ്‌​ട​പ്പെ​ട്ട സ​മാ​ധാ​ന​ത്തി​ന്‍റെ തു​രു​ത്തു​ക​ള​ല്ല, സ്വ​ന്തം ഹൃ​ദ​യ​ത്തി​ലും കു​ടും​ബ​ത്തി​ലും അ​യ​ൽ​വീ​ടു​ക​ളി​ലും ഉ​യ​രു​ന്ന വി​ലാ​പ​ത്തി​ന്‍റെ മൗ​ന​നൊ​ന്പ​രം ഇ​ന്നു മ​ല​യാ​ളി​ക്ക് സ്വ​ന്തം. ഓ​രോ പ്ര​ഭാ​ത​വും പി​റ​ന്നു​വീ​ഴു​ന്ന​ത് ദീ​ന​രോ​ദ​ന​ത്തി​ന്‍റെ പ്ര​ക​ന്പ​ന​ത്തി​ലേ​ക്ക്. ‘ദൈ​വ​ത്തി​ന്‍റെ സ്വ​ന്തം നാ​ട് ’ഇ​ന്നു മ​റ്റാ​രു​ടേ​തോ ഒ​ക്കെ ആ​യി​ക്ക​ഴി​ഞ്ഞി​രി​ക്കു​ന്നു.

വി​ദ്യാ​ഭ്യാ​സ​ത്തി​ന്‍റെ കാ​ര്യ​ത്തി​ൽ ആ​ർ​ക്കും കൊ​ടു​ക്കാ​ത്ത ഒ​ന്നാം​സ്ഥാ​നം സ്വ​ന്ത​മാ​ക്കി​യ കേ​ര​ളം കൈ​വ​രി​ച്ചി​ട്ടു​ള്ള മ​റ്റ് ഒ​ന്നാം​സ്ഥാ​ന​ങ്ങ​ൾ ഞെ​ട്ട​ലു​ണ്ടാ​ക്കും. ഇ​ന്ത്യ​യി​ൽ കു​റ്റ​കൃ​ത്യ​നി​ര​ക്ക് ഏ​റ്റ​വും ഉ​യ​ർ​ന്ന സം​സ്ഥാ​നം; അ​തും ദേ​ശീ​യ ശ​രാ​ശ​രി​യു​ടെ അ​നേ​കം ഇ​ര​ട്ടി; സ്ത്രീ​ക​ൾ​ക്കെ​തി​രേയു​ള്ള അ​തി​ക്ര​മ​ങ്ങ​ൾ​ക്കും, അ​ക്ര​മ​സ്വ​ഭാ​വ​മു​ള്ള കു​റ്റ​കൃ​ത്യ​ങ്ങ​ൾ​ക്കും ഒ​ന്നാം​സ്ഥാ​നം. 60നു​മേ​ൽ പ്രാ​യ​മു​ള്ള ഏ​റ്റ​വും കൂ​ടു​ത​ൽ ​പേ​ർ ആ​ത്മ​ഹ​ത്യ ചെ​യ്യു​ന്ന സം​സ്ഥാ​നം. കു​ടും​ബ​മൊ​ന്നി​ച്ച് ആ​ത്മ​ഹ​ത്യ ചെ​യ്യു​ന്ന​തി​ൽ, ഇ​ന്‍റ​ർ​നെ​റ്റി​ൽ അ​ശ്ലീ​ലം പോ​സ്റ്റ് ചെ​യ്യു​ന്ന​തി​ൽ, സൈ​ബ​ർ കു​റ്റ​കൃ​ത്യ​ങ്ങ​ളി​ൽ... എ​ല്ലാ​മെ​ല്ലാം ഒ​ന്നാം​സ്ഥാ​നം കൈ​വി​ടാ​ത്ത സം​സ്ഥാ​നം.

മ​ദ്യ​പാ​ന​ത്തി​ന്‍റെ കാ​ര്യ​ത്തി​ലും ല​ഹ​രി-​രാ​സ​ല​ഹ​രി ഉ​പ​യോ​ഗ​ത്തി​ലും സ്ഥാ​നം ഒ​ന്നാ​മ​തു ത​ന്നെ. അ​തി​നാ​ൽ കു​ടും​ബ​ത്ത​ക​ർ​ച്ച, വി​വാ​ഹ​മോ​ച​നം, സ്ത്രീ​പീ​ഡ​നം എ​ല്ലാം തു​ട​ർ​ക്ക​ഥ​ക​ൾ.

വി​ദ്യാ​ഭ്യാ​സം വി​ദ്യ​യു​ടെ ആ​ഭാ​സ​മാ​കു​ന്നോ?

ഒ​രു ദു​ർ​ഭൂ​തം ആ​വേ​ശി​ച്ചാ​ലെ​ന്ന​പോ​ലെ താ​റു​മാ​റാ​യി​രി​ക്കു​ക​യാ​ണ് കേ​ര​ളീ​യ​രു​ടെ വി​ദ്യാ​ഭ്യാ​സ​രം​ഗം. അ​തി​ന്‍റെ​യും ഒ​ന്നാം​സ്ഥാ​നം മ​റ്റാ​ർ​ക്കും കൊ​ടു​ക്കി​ല്ലെ​ന്ന വാ​ശി​യി​ലാ​ണ് നാം. ​വി​ദ്യാ​ല​യ​ങ്ങ​ളി​ൽ കൊ​ല​പാ​ത​ക​ത്തി​നും റാ​ഗിം​ഗി​നും ആ​ത്മ​ഹ​ത്യ​ക്കു​മൊ​ക്കെ പ്ര​ത്യേ​ക പ​രി​ശീ​ല​നം ത​ന്നെ​യു​ണ്ടോയെന്ന് സം​ശ​യം തോ​ന്നി​ക്കും​വി​ധ​മു​ള്ള അ​ര​ങ്ങേ​റ്റ​ങ്ങ​ൾ! എ​ങ്ങ​നെ, മ​ക്ക​ളെ​യും കൊ​ച്ചു​മ​ക്ക​ളെ​യു​മൊ​ക്കെ വി​ദ്യാ​ല​യ​ങ്ങ​ളി​ലേ​ക്ക​യ​യ്ക്കും എ​ന്നു ച​ങ്കു​ത​ക​ർ​ന്ന് ചോ​ദി​ക്കു​ന്ന ര​ക്ഷാക​ർ​ത്താ​ക്ക​ൾ! വി​ദ്യാ​ഭ്യാ​സ​മെ​ന്ന​ത് കു​ത്ത​ഴി​ഞ്ഞ പാ​ഠ​പു​സ്ത​ക​മാ​യി​ക്ക​ഴി​ഞ്ഞി​രി​ക്കു​ന്നു.

പ​ഠ​നം എ​ന്നാ​ൽ...

ഗാ​ർ​ഹി​ക​വി​ദ്യാ​ല​യ​ത്തി​ൽ​നി​ന്ന് ഔ​പ​ചാ​രി​ക വി​ദ്യാ​ഭ്യാ​സ​ത്തി​ന്‍റെ ഉ​ദ്ഘാ​ട​ന​ക​ർ​മം നി​ർ​വ​ഹി​ക്കു​ന്ന പ്രാ​ഥ​മി​ക വി​ദ്യാ​ല​യ​ത്തി​ന്‍റെ പ​ടി​ക​ൾ ച​വി​ട്ടി​ക്ക​യ​റു​ന്ന വി​ദ്യാ​ർ​ഥി​ക്കും ര​ക്ഷി​താ​വി​നും ഒ​രു വ​ലി​യ സ്വ​പ്നം ത​ന്നെ​യു​ണ്ട്. സ്വ​പ്ന​സാ​ക്ഷാ​ത്കാ​ര​ത്തി​ന് മേ​ല്പ​റ​ഞ്ഞ ഘ​ട​ക​ങ്ങ​ളെ​ല്ലാം കൈ​കോ​ർ​ക്ക​ണം. അ​റി​വി​ന്‍റെ നി​ർ​മാ​ണ​മാ​ണ​ല്ലോ പ​ഠ​നം. അ​തു നേ​ടു​ന്ന​ത് പു​സ്ത​ക​ത്തി​ലൂ​ടെ മാ​ത്ര​മ​ല്ല; മ​നു​ഷ്യ​ന്‍റെ ജൈ​വി​ക​വും സാ​മൂ​ഹ്യ​വു​മാ​യ ചു​റ്റു​പാ​ട്, അ​വ​ന്‍റെ അ​റി​വു​ഘ​ട​ന, മു​ന്ന​റി​വു​ക​ൾ, അ​നു​ഭ​വ​ങ്ങ​ൾ ഇ​വ​യു​ടെ അ​ടി​ത്ത​റ​യി​ൽ വ്യ​ക്തി നി​ർ​മി​ച്ചെ​ടു​ക്കു​ന്ന അ​റി​വി​ന്‍റെ അ​ന്തഃ​സ​ത്ത​യാ​ണു പ​ഠ​നം. ഇ​തി​ന് അ​നു​യോ​ജ്യ​മാ​യ അ​ന്ത​രീ​ക്ഷം, പ​ശ്ചാ​ത്ത​ലം എ​ന്നി​വ​യു​ടെ പ്രാ​ധാ​ന്യം ഒ​രി​ക്ക​ലും അ​വ​ഗ​ണി​ക്കാ​നാ​വി​ല്ല.

വി​ദ്യാ​ഭ്യാ​സ വി​ച​ക്ഷ​ണ​രു​ടെ കാ​ഴ്ച​പ്പാ​ടി​ൽ

“വി​ദ്യാ​ഭ്യാ​സ​ത്തി​ന്‍റെ ല​ക്ഷ്യം സ്വ​ഭാ​വ​ഗു​ണ​മാ​ണ്. സ്വ​ഭാ​വ​ഗു​ണം പ്ര​ദാ​നം ചെ​യ്യാ​ത്ത വി​ദ്യാ​ഭ്യാ​സ​പ​ദ്ധ​തി ഉ​പ​യോ​ഗ​ശൂ​ന്യ​വും ആ​പ​ത്ക​ര​വു​മാ​ണ്”-ഭാ​ര​ത​ത്തി​ന്‍റെ രാ​ഷ്‌​ട്ര​പ​തി​യാ​യി​രു​ന്ന ഡോ.​എ​സ്.​ രാ​ധാ​കൃ​ഷ്ണ​ന്‍റെ ഈ ​വാ​ക്കു​ക​ൾ ന​മ്മു​ടെ സ​മ​കാ​ലി​ക വി​ദ്യാ​ഭ്യാ​സ​ത്തെ​ക്കു​റി​ച്ചും വി​ദ്യാ​ഭ്യാ​സ​പ്ര​വ​ർ​ത്ത​ക​രെ​ക്കു​റി​ച്ചും ഒ​രു താ​ര​ത​മ്യ​പ​ഠ​നം ന​ട​ത്തു​ന്ന​തി​ന് സ​ഹാ​യ​ക​മാ​ണ്.

“വി​ദ്യാ​ഭ്യാ​സം സ്വ​ഭാ​വ​രൂ​പ​വ​ത്ക​ര​ണ​ത്തി​നും സ​ന്മാ​ർ​ഗ​ജീ​വി​തം ന​യി​ക്കാ​നു​മു​ള്ള ഒ​രു മാ​ർ​ഗ​മാ​ണ്” എ​ന്നു പ​റ​ഞ്ഞു​വ​ച്ച സ്വാ​മി ദ​യാ​ന​ന്ദ​ സ​ര​സ്വ​തി​യും “ആ​ത്മാ​വി​ന്‍റെ പൂ​ർ​ണ വി​ക​സ​ന​ത്തി​നു​ള്ള മാ​ർ​ഗ​മാ​ണ് വി​ദ്യാ​ഭ്യാ​സം” എ​ന്നു നി​ർ​വ​ചി​ച്ച ശ്രീ ​അ​ര​വി​ന്ദ​നും “മ​നു​ഷ്യ​നി​ൽ കു​ടി​കൊ​ള്ളു​ന്ന ദൈ​വി​ക​മാ​യ പൂ​ർ​ണ​ത​യു​ടെ പ്ര​ക​ട​ന​മാ​ണ് വി​ദ്യാ​ഭ്യാ​സം” എ​ന്നു നി​ർ​വ​ചി​ച്ച സ്വാ​മി വി​വേ​കാ​ന​ന്ദ​നു​മെ​ല്ലാം മ​നു​ഷ്യ​നി​ലെ സ​മ​ഗ്ര​ വ്യ​ക്തി​ത്വ​ത്തി​ന്‍റെ വ​ള​ർ​ച്ച​യാ​ണു ല​ക്ഷ്യം​വ​ച്ച​ത്. അ​ജ്ഞ​ത​യെ ജ്ഞാ​ന​കു​രു​ട​ത്വ​മാ​യി ക​ണ്ട്, മ​നു​ഷ്യ​മ​ന​സി​നെ പ്ര​ഭാ​പൂ​രി​ത​മാ​ക്കി ദൈ​വ​ത്തി​ന്‍റെ​യും മ​നു​ഷ്യ​രു​ടെ​യും മു​ന്നി​ൽ ന​ന്മ​യു​ടെ ഫ​ല​ങ്ങ​ൾ പു​റ​പ്പെ​ടു​വി​ക്കു​ക​യാ​ണ് വി​ദ്യാ​ഭ്യാ​സ​ത്തി​ന്‍റെ ല​ക്ഷ്യ​മെ​ന്ന്, കേ​ര​ളം ക​ണ്ട ന​വോ​ത്ഥാ​ന നാ​യ​ക​രി​ൽ അ​ഗ്ര​ഗ​ണ്യ​നാ​യ വി​ശു​ദ്ധ ചാ​വ​റ​യ​ച്ച​ൻ പ​റ​ഞ്ഞു​വ​ച്ച​തും മ​റ്റൊ​ന്നു​കൊ​ണ്ട​ല്ല.

മൂ​ല്യ​ങ്ങ​ൾ അ​ടി​ത്ത​റ​യാ​ക​ണം

“ശ​രീ​ര​ത്തി​ലെ അ​വ​യ​വ​ങ്ങ​ൾ കൃ​ത്യ​മാ​യി പ്ര​വ​ർ​ത്തി​ച്ചാ​ൽ​ മാ​ത്ര​മേ ശ​രീ​ര​ച​ല​നം സാ​ധ്യ​മാ​കൂ. അ​തു​പോ​ലെ മൂ​ല്യ​ങ്ങ​ൾ ഇ​ല്ലാ​താ​യാ​ൽ ക്ര​മം ​തെ​റ്റും; സ​മൂ​ഹ​ത്തി​ന്‍റെ താ​ളം തെ​റ്റും”​ എ​ന്ന് നി​ത്യ​ചൈ​ത​ന്യ​യ​തി പ​റ​ഞ്ഞു. ക്ര​മം തെ​റ്റി​യാ​ൽ അ​ക്ര​മ​മാ​ണ​ല്ലോ. ഇ​താ​ണ് ഇ​ന്നു കാ​ണു​ന്ന​തെ​ന്ന് ആ​ർ​ക്കാ​ണ് മ​ന​സി​ലാ​കാ​ത്ത​ത്.


കേ​ട്ടാ​ൽ ഞെ​ട്ടു​ന്ന റാ​ഗിം​ഗ് സ​ന്പ്ര​ദാ​യ​വും ക്രൂ​ര​ത​യു​ടെ ക​ഠാ​ര​ത്തു​ന്പി​ൽ അ​റ്റു​വീ​ഴു​ന്ന സൗ​ഹൃ​ദ​ങ്ങ​ളും ക​ണ്ണി​ൽ​ചോ​ര​യി​ല്ലാ​ത്ത മ​ത​മൗ​ലി​ക​വാ​ദ​വും ജീ​വ​ന് പു​ല്ലു​വി​ല​പോ​ലും ന​ല്കാ​ത്ത തീ​വ്ര​വാ​ദ​ങ്ങ​ളും ഇ​ന്ന് മു​തി​ർ​ന്ന​വ​രു​ടെ മാ​ത്ര​മ​ല്ല, വ​ള​രു​ന്ന ത​ല​മു​റ​യു​ടെ​യും ര​ക്ത​ധ​മ​നി​ക​ളെ ത്ര​സി​പ്പി​ക്കു​ക​യാ​ണ്. ഇ​വി​ടെ സ​ത്യ​സ​നാ​ത​ന ​മൂ​ല്യ​ങ്ങ​ളെ​ല്ലാം പ​ടി​ക്കു​ പു​റ​ത്താ​ണ്. ശാ​സ​ന പാ​ടി​ല്ല, ശി​ക്ഷ​ പാ​ടി​ല്ല, എ​ന്തി​ന് തി​രു​ത്ത​ൽ​പോ​ലും പാ​ടി​ല്ല എ​ന്ന​തി​നാ​ൽ എ​ന്തും ആ​കാ​മെ​ന്ന് വി​ചാ​രി​ക്കു​ന്ന കൗ​മാ​ര​ക്കാ​ർ​ക്കു​ മു​ന്നി​ൽ നി​സ​ഹാ​യ​രാ​യി നി​ല്ക്കു​ന്ന മു​തി​ർ​ന്ന​വ​ർ.

സ​മ​ഗ്ര​വി​കാ​സ​ത്തെ ല​ക്ഷ്യ​മാ​ക്കി ഒ​രു മൂ​ല്യ​ബോ​ധ​ന​ ക്ലാ​സ് - മോ​റ​ൽ​ സ​യ​ൻ​സ് പാ​ഠ​ങ്ങ​ൾ - പ​ഠി​ക്കു​ന്ന​തും പ​ഠി​പ്പി​ക്കു​ന്ന​തും പോ​ലും അ​നു​വ​ദ​നീ​യ​മ​ല്ലാ​ത്ത​തി​നാ​ൽ വ​ള​രെ ക്ലേ​ശി​ച്ച് വി​ശ്ര​മ​സ​മ​യം വെ​ട്ടി​ച്ചു​രു​ക്കി​യി​ട്ട് അ​ത് ന​ട​ത്തു​ന്ന​വ​രെ ക​ണ്ടി​ട്ടു​ണ്ട്. ബു​ദ്ധി​യും മ​ന​സും ശ​രീ​ര​വും ആ​ത്മാ​വും ചേ​ർ​ന്ന മ​നു​ഷ്യ​ന്‍റെ സ​മ​ഗ്ര​വി​കാ​സം എ​ന്ന​തു ല​ക്ഷ്യ​മാ​ക്കു​ന്പോ​ൾ ഈ ​മൂ​ല്യ​ബോ​ധ​ന​വും അ​ത്യാ​വ​ശ്യ​മാ​ണ​ല്ലോ. ക​ണ​ക്കും സ​യ​ൻ​സും ഭാ​ഷാ​വി​ഷ​യ​ങ്ങ​ളും മാ​ത്രം പ​ഠി​ച്ചാ​ൽ സ​മ​ഗ്ര വ്യ​ക്തി​വി​കാ​സം സാ​ധ്യ​മ​ല്ലെ​ന്ന​റി​ഞ്ഞ വി​ദ്യാ​ഭ്യാ​സ വി​ച​ക്ഷ​ണ​രു​ടെ പാ​ത പി​ന്തു​ട​ർ​ന്ന് ഭാ​വി​ത​ല​മു​റ​യെ ന​ന്മ​മ​ര​ങ്ങ​ളാ​ക്കാ​ൻ വേ​ണ്ടി പ​രി​ശ്ര​മി​ക്കു​ന്ന അ​ധ്യാ​പ​ക​രെ​യും മാ​നേ​ജ്മെ​ന്‍റി​നെ​യും പ്ര​തി​ക്കൂ​ട്ടി​ലാ​ക്കു​ന്ന വി​ദ്യാ​ഭ്യാ​സ​വ​കു​പ്പും ല​ക്ഷ്യ​ബോ​ധ​മി​ല്ലാ​ത്ത വി​ദ്യാ​ർ​ഥി​ക​ളും അ​വ​രു​ടെ ഇ​ഷ്‌​ട​ത്തി​നു വ​ഴ​ങ്ങു​ന്ന ര​ക്ഷി​താ​ക്ക​ളും വ​രു​ത്തു​ന്ന വി​ന​ക​ൾ കു​റ​ച്ചൊ​ന്നു​മ​ല്ല. കു​ട്ടി​ക​ൾ​ക്ക് ആ​വ​ശ്യ​മാ​യ​ത് കൊ​ടു​ക്കു​ന്ന​തി​നു പ​ക​രം ഇ​ഷ്‌​ട​മു​ള്ള​ത് കൊ​ടു​ത്തു​കൊ​ണ്ട് ഇ​വ​ർ വ​ള​ർ​ച്ച​യ്ക്കു പ​ക​രം വി​ള​ർ​ച്ച​യ്ക്ക് വ​ഴി​തെ​ളി​ക്കു​ന്നു. തി​ന്മ​യു​ടെ പു​ഴു​ക്കു​ത്തേ​റ്റ് അ​കാ​ല​ത്തി​ൽ ഇ​ല്ലാ​താ​കു​ന്നു. കു​റ്റ​വാ​ളി​ക​ൾ​ക്കു ത​ക്ക ശി​ക്ഷ ന​ൽ​കാ​തെ ക്രി​മി​ന​ലു​ക​ളെ വ​ള​ർ​ത്തി​വി​ട്ട് അ​തി​നും ഒ​ന്നാം​സ്ഥാ​നം വി​ടാ​തെ പി​ടി​ച്ചെ​ടു​ക്കു​ന്ന കേ​ര​ളം.

ക​ള്ള​ത്ത​ര​വും വെ​ട്ടി​പ്പും മൂ​ല്യ​നി​രാ​സം​ത​ന്നെ

പ്ല​സ്ടു പ​രീ​ക്ഷാ ഡ്യൂ​ട്ടി നി​ർ​ണ​യം ക​ഴി​ഞ്ഞ സ​മ​യം. ഒ​രു ടീ​ച്ച​റു​ടെ മു​ഖം വ​ല്ലാ​തെ വാ​ടി​യി​രി​ക്കു​ന്ന​തു ശ്ര​ദ്ധ​യി​ൽ​പ്പെ​ട്ടു. കാ​ര​ണം തി​ര​ക്കി​യ​പ്പോ​ഴാ​ണ​റി​ഞ്ഞ​ത്; അ​ധി​കം അ​ക​ല​ത്തി​ല​ല്ലാ​ത്ത യാ​ത്രാ​സൗ​ക​ര്യ​മു​ള്ള ന​ഗ​ര​പ്രാ​ന്ത​ത്തി​ലു​ള്ള സ്കൂ​ൾ ത​ന്നെ ടീ​ച്ച​റി​നു കി​ട്ടി​യി​രി​ക്കു​ന്നു. എ​ന്നാ​ൽ, പ​ര​സ്യ​മാ​യും ര​ഹ​സ്യ​മാ​യും കോ​പ്പി​യ​ടി​ക്ക് ലൈ​സ​ൻ​സു​ള്ള സ്കൂ​ൾ. പി​ടി​ച്ചാ​ൽ ത​ല പോ​യ​തു​ത​ന്നെ. അ​തി​നാ​ൽ കാ​ണാ​ത്ത​പോ​ലെ ക​ട​ന്നു​പോ​യേ തീ​രൂ. കോ​പ്പി​യ​ടി​ക്കു വ​ശം കു​റ​വാ​ണെ​ങ്കി​ൽ എ​ഴു​തി​ക്കൊ​ടു​ക്കു​ക എ​ന്ന ഡ്യൂ​ട്ടി​യും ടീ​ച്ച​റി​ന് വ​രും. പോ​രാ​ൻ​നേ​രം ഇ​ൻ​സെ​ന്‍റീ​വുമു​ണ്ട്.

മ​നഃ​സാ​ക്ഷി​യു​ള്ള​വ​ർ​ക്ക് പ​റ്റു​മോ?

തെ​റ്റു ക​ണ്ടു​പി​ടി​ച്ച​തി​നും തി​രു​ത്താ​ൻ ശ്ര​മി​ച്ച​തി​നും “നീ ​പു​റ​ത്തേ​ക്കു വാ​ടാ, ഇ​തി​നു​ള്ളത് ത​ന്നു​കൊ​ള്ളാം” എ​ന്നു പ​റ​ഞ്ഞ് പ്രി​ൻ​സി​പ്പ​ലി​നെ വെ​ല്ലു​വി​ളി​ച്ച വി​ദ്യാ​ർ​ഥി​യെ തി​രു​ത്താ​ൻ സ്വ​ന്തം മാ​താ​വു​പോ​ലും തയാ​റാ​യി​ല്ല എ​ന്ന ഭീ​ക​ര​സ​ത്യം മ​റ​നീ​ക്കി പു​റ​ത്തു​വ​ന്നി​ട്ട് അ​ധി​കം നാ​ളാ​യി​ല്ല. ഇ​ത്ത​രം തി​ന്മ​ക​ൾ​ക്കാ​യി കാ​ലം ക​രു​തി​വ​ച്ച ശി​ക്ഷാ​വി​ധി​ക​ൾ ദൈ​വ​ത്തി​ന്‍റെ സ്വ​ന്തം നാ​ടി​നെ പി​ശാ​ചി​ന്‍റെ നാ​ടാ​ക്കി മാ​റ്റു​ക​യാ​ണ്.

ജാ​ഗ​രൂ​ക​രാ​കാം

അ​ക്ഷ​രം പ​ഠി​ച്ചു​തീ​ർ​ന്നെ​ങ്കി​ലും ജീ​വി​ത​പാ​ഠ​മ​റി​യാ​ത്ത, മൂ​ല്യ​ങ്ങ​ളു​ടെ ലാ​ഭ​ന​ഷ്‌​ട​ങ്ങ​ൾ കൂ​ട്ടി​ക്കി​ഴി​ക്കാ​ന​റി​യാ​ത്ത ഇ​ന്ന​ത്തെ വി​ദ്യാ​ർ​ഥി​സ​മൂ​ഹ​ത്തെ തി​രി​ച്ച​റി​വി​ന്‍റെ പാ​ഠ​ങ്ങ​ൾ പ​ഠി​പ്പി​ക്കേ​ണ്ട​ത് അ​ധ്യാ​പ​ക​രു​ടെ ക​ട​മ​യാ​ണ്. അ​വ​രോ​ടൊ​പ്പം കൈ​കോ​ർ​ക്കേ​ണ്ട​ത് മാ​താ​പി​താ​ക്ക​ളു​ടെ​യും ക​ട​മ​യാ​ണ്. സു​ഖ​ദുഃ​ഖ​ങ്ങ​ളും വി​ജ​യ​പ​രാ​ജ​യ​ങ്ങ​ളും ഇ​ട​ക​ല​ർ​ന്നേ ജീ​വി​ത​ത്തി​ന്‍റെ നൈ​ര​ന്ത​ര്യം സാ​ധ്യ​മാ​കൂ എ​ന്ന് വി​ദ്യാ​ർ​ഥി പ​ഠി​ക്ക​ണം.

“നീ ​വാ​യി​ക്കു​ന്ന പു​സ്ത​ക​വും നി​ന്‍റെ കൂ​ട്ടു​കാ​രും ആ​രെ​ന്നു പ​റ​യു​ക, നീ ​ആ​രെ​ന്നു ഞാ​ൻ പ​റ​യാം” എ​ന്ന ചാ​വ​റസൂ​ക്തം ര​ണ്ടു നൂ​റ്റാ​ണ്ട് മു​ൻ​പു​ള്ള​താ​ണെ​ങ്കി​ലും കാ​ലി​ക​പ്ര​സ​ക്തി ന​ഷ്ട​പ്പെ​ടാ​ത്ത​ത​ല്ലേ? മൂ​ല്യ​ങ്ങ​ളു​ടെ അ​ടി​ത്ത​റ​യി​ൽ ജീ​വി​ത​സൗ​ധം പ​ടു​ത്തു​യ​ർ​ത്തേ​ണ്ട​തി​ന് വി​ദ്യാ​ഭ്യാ​സ​ത്തെ ധാ​ർ​മി​ക​ത​യു​ടെ ക​ണ്ണു​ക​ൾ​കൊ​ണ്ട് നോ​ക്കി​ക്കാ​ണേ​ണ്ടി​യി​രി​ക്കു​ന്നു. ഉ​ത്ത​ര​വാ​ദി​ത്വ​മു​ള്ള​വ​രു​ടെ ക​ണ്ണു തു​റ​ക്ക​ട്ടെ.

ല​ക്ഷ്യ​ത്തി​ലേ​ക്കു​ള്ള പാ​ത മ​റ​ക്കു​ന്പോ​ൾ, അ​ഥ​വാ അ​പ​ഥ​സ​ഞ്ചാ​രം ചെ​യ്യു​ന്പോ​ൾ ജീ​വി​തം നാ​ശ​ത്തി​ലേ​ക്ക് കൂ​പ്പു​കു​ത്തു​ന്നു. മ​റ്റു​ള്ള​വ​ർ​ക്കും അ​തു നാ​ശം വ​രു​ത്തു​ന്നു. അ​തി​നാ​ൽ വ​ള​രു​ന്ന ത​ല​മു​റ​യെ നേ​രാ​യ പാ​ത​യി​ലേ​ക്ക് തി​രി​ച്ചു​വി​ടാം. മാ​നു​ഷി​ക​മൂ​ല്യ​ങ്ങ​ളെ മു​റു​കെ പി​ടി​ക്കാം. മൂ​ല്യ​ങ്ങ​ളു​ടെ മൂ​ല​ധ​ന​ത്തി​ൽ ജീ​വി​ത​സൗ​ധം കെ​ട്ടി​പ്പ​ടു​ക്കാം.