“ഏ​റ്റ​വും കൂ​ടു​ത​ൽ മ​ര​ണം ന​ട​ക്കു​ന്ന​തു വ​ന​ത്തി​ന​ക​ത്താ​ണ്” എ​ന്നു വ​നം​മ​ന്ത്രി പ​റ​യു​ന്പോ​ൾ സ്വാ​ഭാ​വി​ക​മാ​യ ഒ​രു ചോ​ദ്യം ഉ​യ​രു​ന്നു​ണ്ട്. വ​ന​ത്തി​ന​ക​ത്തു താ​മ​സി​ക്കു​ന്ന ആ​ദി​വാ​സി​ക​ളെ വ​ന്യ​മൃ​ഗ​ങ്ങ​ൾ കൊ​ല​പ്പെ​ടു​ത്തി​യാ​ൽ അ​വ​ർ സ്വാ​ഭാ​വി​ക​മാ​യും അ​ങ്ങ​നെ കൊ​ല്ല​പ്പെ​ടാ​ൻ വി​ധി​ക്ക​പ്പെ​ട്ട​വ​രെ​ന്നാ​ണോ അ​ധി​കാ​ര​കേ​ന്ദ്ര​ങ്ങ​ൾ ക​രു​തു​ന്ന​ത് ‍? അ​ല്ലെ​ങ്കി​ൽ അ​വ​രു​ടെ മ​ര​ണ​ത്തെ വ​ന്യ​മൃ​ഗ ആ​ക്ര​മ​ണ​ങ്ങ​ളു​ടെ പ​ട്ടി​ക​യി​ൽ ഉ​ൾ​പ്പെ​ടു​ത്തേ​ണ്ട​തി​ല്ല എ​ന്നാ​ണോ?

വ​ന​ത്തി​ന​ക​ത്തെ മ​ര​ണ​ങ്ങ​ൾ

വ​ന​ത്തി​നു​ള്ളി​ൽ അ​തി​ക്ര​മി​ച്ചു ക​യ​റി സം​ഭ​വി​ക്കു​ന്ന മ​ര​ണ​ങ്ങ​ൾ​ക്കു സ​ർ​ക്കാ​ർ ഉ​ത്ത​ര​വാ​ദി​യ​ല്ലെ​ന്നു വ​നം​ മ​ന്ത്രി പ​റ​യു​ന്പോ​ൾ വീ​ണ്ടു​മൊ​രു സം​ശ​യം. നേ​ര്യ​മം​ഗ​ലം-ക​ട്ട​പ്പ​ന സം​സ്ഥാ​ന ഹൈ​വേ​യി​ൽ ആ​ന പ​ന ത​ള്ളി​യി​ട്ട​തി​നെ​ത്തു​ട​ർ​ന്നു മ​രി​ച്ച എം.എ. കോ​ള​ജ് വി​ദ്യാ​ർ​ഥി​നി ആ​ൻ മേ​രി​യു​ടെ മ​ര​ണം മ​ന്ത്രി ഏ​തു വി​ഭാ​ഗ​ത്തി​ലാ​ണ് പെ​ടു​ത്തി​യി​രി​ക്കു​ന്ന​ത്? കേ​ര​ള​ത്തി​ന്‍റെ വ​ന​വി​സ്തൃ​തി ആ​കെ​യു​ള്ള ഭൂ​പ്ര​കൃ​തി​യു​ടെ 30% ആ​ണ​ന്നു​ള്ള​തു മ​ന്ത്രി മ​റ​ന്നു​പോ​യോ? ദേ​ശീ​യ, സം​സ്ഥാ​ന, ജി​ല്ലാ റോ​ഡു​ക​ളി​ൽ ന​ല്ലൊ​രു​ ഭാ​ഗം വ​ന​ത്തി​ന​ക​ത്തു​കൂ​ടി​യാ​ണു ക​ട​ന്നു​പോ​കു​ന്ന​ത്. ഈ ​റോ​ഡു​ക​ൾ വ​ന​മാ​ണോ? അ​ങ്ങ​നെ​യെ​ങ്കി​ൽ അ​തു​കൂ​ടി വി​ശ​ദീ​ക​രി​ക്കേ​ണ്ടി​വ​രും.

ആ​ന കൊ​ന്ന​തും ആ​ന​യെ കൊ​ന്ന​തും

മൂ​ന്നു​വ​ർ​ഷ​ത്തി​നി​ടെ രാ​ജ്യ​ത്ത് ആ​ന​ക​ൾ കൊ​ന്ന​തും ആ​ന​ക​ളെ കൊ​ന്ന​തു​മാ​യ ക​ണ​ക്കു​ക​ൾ ആ​വ‍​ശ്യ​പ്പെ​ട്ട പ്ര​മോ​ദ് തി​വാ​രി എം​പി​ക്ക് ഈ ​മാ​സം 13ന് ​കേ​ന്ദ്ര​ വ​നം​മ​ന്ത്രി പാ​ർ​ല​മെ​ന്‍റി​ൽ ന​ല്കി​യ മ​റു​പ​ടി സം​സ്ഥാ​ന വ​നം​മ​ന്ത്രി അ​റി​യ​ണം. 2021-22ൽ 549, 2022-23​ൽ 605, 2023-24ൽ 629. ​ആ​കെ 1783. എ​ന്നാ​ൽ രാ​ജ്യ​ത്തെ മു​പ്പ​തി​നാ​യി​ര​ത്തോ​ളം വ​രു​ന്ന കാ​ട്ടാ​ന​ക​ളി​ൽ ച​രിഞ്ഞത് 341. അ​തി​ൽ വേ​ട്ട​യാ​ട​ലി​ൽ കൊ​ല്ല​പ്പെ​ട്ട​ത് വെ​റും 27. ട്രെ​യി​ൻ ഇ​ടി​ച്ച് 47, ഷോ​ക്ക​ടി​ച്ച് 256, വി​ഷം ഉ​ള്ളി​ൽ​ചെ​ന്ന് 11 എ​ന്നി​ങ്ങ​നെ​യാ​ണു മ​റ്റു ക​ണ​ക്ക്. ഇ​തെ​ല്ലാം ക​ർ​ഷ​ക​ന്‍റെ ത​ല​യി​ൽ കെ​ട്ടി​വ​യ്ക്കാ​നാ​ണോ ന​മ്മു​ടെ മ​ന്ത്രി​യു​ടെ ഉ​ദ്ദേ​ശ്യം? വ​സ്തു​ത ഇ​താ​യി​രി​ക്കെ പ​ഠി​ച്ചി​ട്ടു​ വേ​ണം അ​ധി​കാ​രി​ക​ൾ പ്ര​സ്താ​വ​ന ന​ട​ത്താ​ൻ. മ​രി​ച്ച​തി​ൽ ബ​ഹു​ഭൂ​രി​പ​ക്ഷ​വും ആ​ദി​വാ​സി, ഗോ​ത്ര വി​ഭാ​ഗ​ത്തി​ൽ​പ്പെ​ട്ട​വ​രാ​ണ​ന്നു​ള്ള​ത് വി​ഷ​യ​ത്തി​ന്‍റെ ഗൗ​ര​വം വ​ർ​ധി​പ്പി​ക്കു​ന്നു.

പു​ന​ര​ധി​വാ​സം, അ​വ​കാ​ശ​ലം​ഘ​നം

ര​ക്ഷ​പ്പെ​ടു​ത്താ​നെ​ന്ന​ പേ​രി​ൽ സ​ർ​ക്കാ​ർ കൊ​ണ്ടു​വ​ന്ന ‘സ്വ​യം​സ​ന്ന​ദ്ധ പു​നരധി​വാ​സ​ പ​ദ്ധ​തി’ പ്ര​കാ​രം നൂ​റു​ക​ണ​ക്കി​ന് കു​ടും​ബ​ങ്ങ​ളാ​ണു വ​ന​ത്തി​നു​ള്ളി​ലെ അ​ധി​വാ​സ​പ്ര​ദേ​ശ​ത്തു​നി​ന്ന് അ​വ​രു​ടെ സ​ക​ല പൈ​തൃ​ക​ങ്ങ​ളും അ​വ​കാ​ശ​ങ്ങ​ളും ഉ​പേ​ക്ഷി​ച്ച് ഇ​റ​ങ്ങി​യ​ത്.

വ​യ​നാ​ട് ജി​ല്ല​യി​ൽ​ മാ​ത്രം 14 സെ​റ്റി​ൽ​മെ​ന്‍റു​ക​ളി​ലെ 645 കു​ടും​ബ​ങ്ങ​ളി​ൽ 320 കു​ടും​ബ​ങ്ങ​ളെ വ​ന​ത്തി​ൽ​നി​ന്നു മാ​റ്റി​പ്പാ​ർ​പ്പി​ച്ചി​ട്ടു​ണ്ടെ​ന്ന് 2024 ജൂ​ൺ 12ന് ​വ​നം​ മ​ന്ത്രി നി​യ​മ​സ​ഭ​യി​ൽ കൊ​ടു​ത്ത രേ​ഖ​യി​ൽ പ​റ​യു​ന്നു. ബാ​ക്കി​യു​ള്ള കു​ടും​ബ​ങ്ങ​ളു​ടെ ഒ​ഴി​പ്പി​ക്ക​ൽ ന​ട​പ​ടി ന​ട​ന്നു​വ​രു​ന്നു. ഇ​തു​ത​ന്നെ​യാ​ണു മ​റ്റ് ജി​ല്ല​ക​ളി​ലെ​യും സ്ഥി​തി. ആ​ദി​വാ​സി​സ​മൂ​ഹ​ത്തി​ന്‍റെ സ​ക​ല അ​വ​കാ​ശ​ങ്ങ​ളും പാ​ര​മ്പ​ര്യ​വും സം​സ്കാ​ര​വും സം​ര​ക്ഷി​ക്കാ​ൻ പാ​ർ​ല​മെ​ന്‍റ് പാ​സാ​ക്കി​യ നി​യ​മ​മാ​ണ് 2006ലെ ​വ​നാ​വ​കാ​ശ ​നി​യ​മ​മെ​ന്ന് എ​ന്തേ അ​ധി​കാ​രി​ക​ൾ മ​ന​സി​ലാ​ക്കാ​തെ പോ​കു​ന്നു. സം​ര​ക്ഷി​ക്കാ​ൻ ക​ഴി​വി​ല്ലാ​ത്ത​വ​ർ ക​ണ്ടു​പി​ടി​ച്ച കു​റു​ക്കു​വ​ഴി​യാ​ണോ ‘ഒ​ഴി​പ്പി​ക്ക​ൽ’ എ​ന്നു സം​ശ​യി​ക്കേ​ണ്ടി​യി​രി​ക്കു​ന്നു.

വ​നാ​വ​കാ​ശ ​നി​യ​മ​ത്തി​ന്‍റെ ല​ക്ഷ്യ​ങ്ങ​ൾ

കൊ​ളോ​ണി​യ​ൽ, പോ​സ്റ്റ് കൊ​ളോ​ണി​യ​ൽ ഇ​ന്ത്യ​യി​ലെ പ​ങ്കാ​ളി​ത്ത വ​ന​പ​രി​പാ​ല​ന ന​യ​ങ്ങ​ൾ, നി​യ​മ​ങ്ങ​ൾ, വ​ന​ന​യ​ങ്ങ​ൾ എ​ന്നി​വ ഉ​ൾ​പ്പെ​ടെ​യു​ള്ള ഫോ​റ​സ്റ്റ് മാ​നേ​ജ്മെ​ന്‍റ് ന​യ​ങ്ങ​ൾ വ​നാ​വ​കാ​ശ നി​യ​മം 2006 പ്രാ​ബ​ല്യ​ത്തി​ൽ വ​രു​ന്ന​തു​വ​രെ വ​ന​ങ്ങ​ളു​മാ​യു​ള്ള ആ​ദി​വാ​സി​ക​ളു​ടെ സ​ഹ​വ​ർ​ത്തി​ത്വ​ബ​ന്ധ​ത്തെ അം​ഗീ​ക​രി​ച്ചി​രു​ന്നി​ല്ല. 2006ലെ ​നി​യ​മ​ത്തി​ന്‍റെ ഉ​ദ്ദേ​ശ​്യല​ക്ഷ്യ​ങ്ങ​ൾ​ത​ന്നെ വ​ന​വാ​സി​സ​മൂ​ഹ​ത്തി​നു സം​ഭ​വി​ച്ച ച​രി​ത്ര​പ​ര​മാ​യ അ​നീ​തി ഇ​ല്ലാ​താ​ക്ക​ൽ, വ​ന​വാ​സി​ക​ളാ​യ പ​ട്ടി​ക​വ​ർ​ഗ​ക്കാ​രു​ടെ​യും മ​റ്റു പ​ര​മ്പ​രാ​ഗ​ത വ​ന​വാ​സി​ക​ളു​ടെ​യും ഭൂ​വു​ട​മ​സ്ഥ​ത​യും ഉ​പ​ജീ​വ​ന​വും ഭ​ക്ഷ്യ​സു​ര​ക്ഷ​യും ഉ​റ​പ്പാ​ക്കു​ക, സു​സ്ഥി​ര​മാ​യ ഉ​പ​യോ​ഗ​ത്തി​നും ജൈ​വ​വൈ​വി​ധ്യ സം​ര​ക്ഷ​ണ​ത്തി​നും പാ​രി​സ്ഥി​തി​ക സ​ന്തു​ലി​താ​വ​സ്ഥ നി​ല​നി​ർ​ത്തു​ന്ന​തി​നു​മാ​യി വ​നാ​വ​കാ​ശ ഉ​ട​മ​ക​ളു​ടെ ഉ​ത്ത​ര​വാ​ദി​ത്ത​ങ്ങ​ളും അ​ധി​കാ​ര​ങ്ങ​ളും ഉ​ൾ​പ്പെ​ടു​ത്തി വ​ന​ങ്ങ​ളു​ടെ സം​ര​ക്ഷ​ണ​വ്യ​വ​സ്ഥ ശ​ക്തി​പ്പെ​ടു​ത്തു​ക എ​ന്നി​വ​യൊ​ക്കെയാ​യി​രു​ന്നു.

വ​ന​ങ്ങ​ളി​ലെ മേ​ച്ചി​ൽ, മീ​ൻ​പി​ടി​ത്തം, ജ​ലാ​ശ​യ​ങ്ങ​ളി​ലേ​ക്കു​ള്ള പ്ര​വേ​ശ​നം, ജൈ​വ​വൈ​വി​ധ്യ​ത്തി​ലേ​ക്കു​ള്ള പ്ര​വേ​ശ​നം, ബൗ​ദ്ധി​ക​സ്വ​ത്ത​വ​കാ​ശം, പ​ര​മ്പ​രാ​ഗ​ത അ​റി​വു​ക​ൾ എ​ന്നി​വ​യ്ക്കു​ള്ള അ​വ​കാ​ശം, പ​ര​മ്പ​രാ​ഗ​ത ആ​ചാ​ര​പ​ര​മാ​യ അ​വ​കാ​ശ​ങ്ങ​ൾ അം​ഗീ​ക​രി​ക്ക​ൽ, വ​നം സം​ര​ക്ഷി​ക്കു​ന്ന​തി​നും പു​ന​രു​ജ്ജീ​വി​പ്പി​ക്കു​ന്ന​തി​നു​മു​ള്ള അ​വ​കാ​ശ​ങ്ങ​ൾ. ആ ​സ​മൂ​ഹ​ത്തി​ന്‍റെ അ​ടി​സ്ഥാ​ന ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യും വി​ക​സ​ന ആ​വ​ശ്യ​ങ്ങ​ൾ​ക്കാ​യും വ​ന​ഭൂ​മി അ​നു​വ​ദി​ക്കു​ന്ന​തി​നു​ള്ള അ​വ​കാ​ശം എ​ന്നി​വ​യും നി​യ​മം ഉ​റ​പ്പു​ന​ൽ​കി​യി​രു​ന്നു. ഭൂ​മി ഏ​റ്റെ​ടു​ക്ക​ൽ, പു​ന​ര​ധി​വാ​സം, സെ​റ്റി​ൽ​മെ​ന്‍റ് എ​ന്നി​വ​യി​ലെ ന്യാ​യ​മാ​യ ന​ഷ്ട​പ​രി​ഹാ​ര​ത്തി​നു​ള്ള അ​വ​കാ​ശ​വും സു​താ​ര്യ​ത​യും സം​ബ​ന്ധി​ച്ച 2013ലെ ​നി​യ​മം (Right to Fair Compensation and Transparency in Land Acquisition, Rehabilitation and Settlement Act, 2013) കു​ടി​യൊ​ഴി​പ്പി​ക്ക​ലി​ൽ​നി​ന്ന് ആ​ദി​വാ​സി​ക​ൾ​ക്ക് സം​ര​ക്ഷ​ണം ഉ​റ​പ്പു​വ​രു​ത്തി​യി​ട്ടു​മു​ണ്ട്. എ​ന്നി​ട്ടും ഇ​വി​ടെ ഒ​ഴി​പ്പി​ക്കാ​നാ​ണ് തി​ര​ക്ക്.


പ​ന്ത​പ്ര ന​ൽ​കു​ന്ന പാ​ഠം

എ​റ​ണാ​കു​ളം ജി​ല്ല​യി​ൽ, കു​ട്ട​മ്പു​ഴ വി​ല്ലേ​ജി​ലെ പ​ന്ത​പ്ര ആ​ദി​വാ​സി സെ​റ്റി​ൽ​മെ​ന്‍റ് പ​ദ്ധ​തി സ​ർ​ക്കാ​ർ ന​ട​പ്പാ​ക്കി​ത്തു​ട​ങ്ങി​യ​ത് 2010ലാ​ണ്. അ​ന്ന് 100 കു​ടും​ബ​ങ്ങ​ളെ​യാ​ണു വാ​രി​യം സെ​റ്റി​ൽ​മെ​ന്‍റി​ൽനി​ന്നു സ​ർ​ക്കാ​ർ പു​ന​ര​ധി​വാ​സ​ത്തി​നാ​യി ഇ​റ​ക്കി​ക്കൊ​ണ്ടു​വ​ന്ന​ത്. ഓ​രോ കു​ടും​ബ​ത്തി​നും ര​ണ്ട് ഏ​ക്ക​ർ ഭൂ​മി​യും വീ​ടും വീ​ട്ടു​പ​ക​ര​ണ​ങ്ങ​ളു​ണ്ടാ​ക്കാ​ൻ ര​ണ്ടു തേ​ക്കു​മ​ര​ങ്ങ​ളും പൊ​തു​വാ​യി​ട്ടു​ള്ള മ​റ്റ് അ​ടി​സ്ഥാ​ന​സൗ​ക​ര്യ​ങ്ങ​ളു​മാ​യി​രു​ന്നു വാ​ഗ്ദാ​നം. 15 വ​ർ​ഷം ക​ഴി​ഞ്ഞി​ട്ടും പു​ന​ര​ധി​വാ​സം പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടി​ല്ല. അ​ന്ന​ത്തെ നൂ​റി​ൽ 62 കു​ടു​ബ​ങ്ങ​ൾ മാ​ത്ര​മേ സ​ർ​ക്കാ​രി​ന്‍റെ ക​നി​വി​നാ​യി കാ​ത്തു​നി​ന്നു​ള്ളൂ. ബാ​ക്കി​യു​ള്ള​വ​ർ തി​രി​ച്ചു​പോ​യി.

170 ഏ​ക്ക​ർ ഭൂ​മി കു​ടും​ബ​ങ്ങ​ൾ​ക്ക് വി​ത​ര​ണം ചെ​യ്യു​ന്ന​തി​നും 26 ഏ​ക്ക​ർ അ​ടി​സ്ഥാ​ന വി​ക​സ​ന​ത്തി​നു​മാ​യി ക​ണ്ടെ​ത്തി​യെ​ങ്കി​ലും ഇ​തു​വ​രെ ആ ​ഭൂ​മി​യി​ലെ മ​ര​ങ്ങ​ൾ വെ​ട്ടി​മാ​റ്റാ​നാ​യി​ട്ടി​ല്ല. ഇ​പ്പോ​ഴും സ​ർ​ക്കാ​ർ ഉ​ത്ത​ര​വി​നു കാ​ക്കു​ക​യാ​ണ്. ഇ​ക്കാ​ല​മ​ത്ര​യും പ്ലാ​സ്റ്റി​ക് പ​ടു​ത വ​ലി​ച്ചു​കെ​ട്ടി​യും മ​റ​തീ​ർ​ത്തും മ​രം വീ​ഴു​മെ​ന്ന ഭീ​തി​യി​ലും അ​വി​ടെ ക​ഴി​ഞ്ഞു​കൂ​ടി​യ കൈ​ക്കു​ഞ്ഞു​ങ്ങ​ൾ അ​ട​ക്ക​മു​ള്ള ആ​ദി​വാ​സി​ക​ളു​ടെ പൗ​രാ​വ​കാ​ശ​ങ്ങ​ളെ​ക്കു​റി​ച്ചു സം​സാ​രി​ക്കാ​ൻ ഇ​വി​ടെ അ​ധി​കാ​രി​ക​ളോ പൗ​ര​പ്ര​മു​ഖ​രോ ഇ​ല്ലാ​തെ​പോ​യി. ഒ​രു ത​ല​മു​റ​യ്ക്കു ല​ക്ഷ്യം കാ​ണാ​നാ​യി​ല്ലെങ്കി​ലും ഇ​പ്പോ​ൾ വീ​ടു​ക​ളു​ടെ നി​ർ​മാ​ണം പൂ​ർ​ത്തി​യാ​യി​വ​രു​ന്നു എ​ന്നു​ള്ള​താ​ണ് ആ​ശ്വാ​സം.

അം​ഗീ​ക​രി​ക്കാ​ത്ത കേ​ന്ദ്ര​നി​യ​മ​ങ്ങ​ൾ

വ​ന്യ​ജീ​വി​സം​ര​ക്ഷ​ണ നി​യ​മം ഭേ​ദ​ഗ​തി ചെ​യ്യ​ണ​മെ​ന്നു പ​റ​ഞ്ഞ് അ​ല​മു​റ​യി​ടു​ന്ന സ​ർ​ക്കാ​ർ, മ​നു​ഷ്യ​ന്‍റെ ജീ​വ​നും സ്വ​ത്തും സം​ര​ക്ഷി​ക്കാ​ൻ നി​ല​വി​ലു​ള്ള കേ​ന്ദ്ര​നി​യ​മ​ങ്ങ​ൾ എ​ത്ര​യെ​ണ്ണം ന​ട​പ്പാ​ക്കു​ന്നു​ണ്ട് എ​ന്നു​കൂ​ടി പ​റ​യേ​ണ്ട​തു​ണ്ട്. ര​ത്‌​ലം മു​നി​സി​പ്പ​ൽ കോ​ർ​പ​റേ​ഷ​ൻ കേ​സി​ൽ സു​പ്രീം​കോ​ട​തി എ​ടു​ത്തു​പ​റ​ഞ്ഞു, “ഓ​രോ പൗ​ര​ന്‍റെ​യും വി​ല​പ്പെ​ട്ട ജീ​വ​ൻ പൊ​തി​ഞ്ഞ് സം​ര​ക്ഷി​ക്കാ​ൻ ജി​ല്ലാ ക​ള​ക്‌​ട​ർ​മാ​ർ​ക്ക് എ​ക്സി​ക്യൂ​ട്ടീ​വ് മ​ജി​സ്ട്രേ​റ്റ് എ​ന്ന പ​ദ​വി​യി​ൽ കൊ​ടു​ത്തി​രി​ക്കു​ന്ന സ​വി​ശേ​ഷ അ​ധി​കാ​ര​മാ​ണ് CrPC 133 (ബിഎ​ൻഎ​സ് എ​സ് 152) എ​ന്ന്”. അ​തി​നെ വ​ന്യ​ജീ​വി​സം​ര​ക്ഷ​ണ നി​യ​മം പോ​ലെ​യു​ള്ള സ്പെ​ഷ​ൽ റൂ​ൾ​സ് കൊ​ണ്ട് പ്ര​തി​രോ​ധി​ക്കാ​ൻ ശ്ര​മി​ക്ക​രു​തെ​ന്നു കോ​ട​തി പ്ര​ത്യേ​കം പ​രാ​മ​ർ​ശി​ക്കു​ക​യും ചെ​യ്തു.

IPC 96 മു​ത​ൽ 106 വ​രെ (ബിഎ​ൻഎ​സ് 34-44) സ്വ​യം പ്ര​തി​രോ​ധ​ത്തി​നു​ള്ള വ​കു​പ്പു​ക​ളാ​ണ്. ഇ​വി​ടെ ആ​ത്മ​ര​ക്ഷ​യ്ക്കാ​യി ഒ​രു​വ​ൻ മ​റ്റൊ​രാ​ളെ കൊ​ന്നാ​ൽ ​പോ​ലും നി​യ​മം ആ ​വ്യ​ക്തി​ക്ക് ശി​ക്ഷ​യി​ൽ ഇ​ള​വു​ക​ൾ അ​നു​വ​ദി​ക്കു​ന്നു. എ​ന്നാ​ൽ, മ​നു​ഷ്യ​നു​ പ​ക​രം ഒ​രു വ​ന്യ​മൃ​ഗ​ത്തെ കൊ​ന്നാ​ൽ ആ ​ആ​നു​കൂ​ല്യം ഇ​ല്ല​താ​നും. 1972ലെ ​വ​ന്യ​ജീ​വി സം​ര​ക്ഷ​ണ​നി​യ​മം ഭേ​ദ​ഗ​തി ചെ​യ്യ​ണമെ​ന്ന് ആ​വ​ശ്യ​പ്പെ​ടു​ന്ന​വ​ർ എ​ന്തേ അ​ക്കാ​ര്യ​ത്തി​ൽ മ​റ്റ് നി​യ​മ​ങ്ങ​ൾ ന​ട​പ്പാ​ക്കു​ന്നി​ല്ല.

വ​നം​വ​കു​പ്പി​ന് ഈ ​കൊ​ല​പാ​ത​ക​ങ്ങ​ളു​ടെ​യൊ​ക്കെ ഉ​ത്ത​ര​വാ​ദി​ത്വ​ത്തി​ൽനി​ന്ന് ഒ​രു കാ​ര​ണ​വ​ശാ​ലും ഒ​ഴി​ഞ്ഞു​മാ​റാ​നാ​വി​ല്ലെ​ന്നും ഈ ​മ​ര​ണ​ങ്ങ​ളി​ലൊ​ക്കെ സ​ർ​ക്കാ​രി​ൽ Strict Lability Rule ബാ​ധ​ക​മാ​ണെ​ന്നും കോ​ട​തി​ക​ൾ പ​ല​ത​വ​ണ ആ​വ​ർ​ത്തി​ച്ചി​ട്ടും സ​ർ​ക്കാ​ർ മൗ​നം പാ​ലി​ക്കു​ക​യ​ല്ലേ? ഇ​ത്ത​രം മ​ര​ണ​ങ്ങ​ളി​ൽ ഡിഎ​ഫ്ഒയെ ഒ​ന്നാം ​പ്ര​തി​യാ​ക്കി കേ​സ് ര​ജി​സ്റ്റ​ർ ചെ​യ്യ​ണ​മെ​ന്ന് ഹൈ​ക്കോ​ട​തി​ക​ൾ പ​റ​ഞ്ഞി​ട്ടും വ​ർ​ഷം നൂ​റി​നു​ മു​ക​ളി​ൽ മ​ര​ണം ന​ട​ക്കു​ന്ന കേ​ര​ള​ത്തി​ൽ ഏ​തെ​ങ്കി​ലും ഒ​രു ഉ​ദ്യോ​ഗ​സ്ഥ​നെ​തി​രേ കേ​സെ​ടു​ത്തി​ട്ടു​ണ്ടോ?