വി​ശു​ദ്ധ പോ​ൾ ആ​റാ​മ​ൻ മാ​ർ​പാ​പ്പ​യു​ടെ സു​പ്ര​സി​ദ്ധ വാ​ക്യ​മാ​ണ് ശീ​ർ​ഷ​കം. നീ​തി പു​ല​ർ​ത്ത​പ്പെ​ടു​ന്നി​ട​ത്താ​ണു സ​മാ​ധാ​നം നി​ല​നി​ൽ​ക്കു​ന്ന​ത്. അ​നീ​തി​ക​ൾ​ക്കെ​തി​രേ എ​ല്ലാ​യി​ട​ത്തും വി​പ്ല​വ​ങ്ങ​ൾ പൊ​ട്ടി​പ്പു​റ​പ്പെ​ട്ടു എ​ന്നു​വ​രി​ല്ല, സ​മാ​ധാ​ന​പ്രി​യ​രാ​യ ജ​ന​ങ്ങ​ൾ വ​ലി​യൊ​ര​ള​വു​വ​രെ സം​യ​മ​നം പാ​ലി​ക്കും. അ​തേ​സ​മ​യം, സ​മൂ​ഹ​ത്തി​ൽ അ​സ്വ​സ്ഥ​ത​ക​ൾ പു​ക​ഞ്ഞു​കൊ​ണ്ടി​രി​ക്കും. ഇ​വ ക​ണ്ടി​ല്ലെ​ന്നു ന​ടി​ച്ചു​കൊ​ണ്ട് അ​നീ​തി​യു​ടെ ച​ട്ടു​ക​ങ്ങ​ളാ​യി തു​ട​രു​ന്ന​ത് ജ​നാ​ധി​പ​ത്യ സ​ർ​ക്കാ​രു​ക​ൾ​ക്കു ഭൂ​ഷ​ണ​മ​ല്ല. ദേ​ശീ​യ, സം​സ്ഥാ​ന ത​ല​ങ്ങ​ളി​ൽ ക്രൈ​സ്ത​വ സ​മു​ദാ​യ​വും ക​ർ​ഷ​കസ​മൂ​ഹ​വും അ​ഭി​മു​ഖീ​ക​രി​ക്കു​ന്ന അ​നീ​തി​ക​ളും വി​വേ​ച​ന​ങ്ങ​ളും നി​ര​വ​ധി​യാ​ണ്.

ദേ​ശീ​യ​ത​ല​ത്തി​ലു​ള്ള അ​നീ​തി​ക​ൾ

മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ ക്രൈ​സ്ത​വ​വേ​ട്ട​യ്ക്കാ​യി ദു​രു​പ​യോ​ഗി​ക്ക​പ്പെ​ടു​ന്നു. പു​തുതാ​യി രാ​ജ​സ്ഥാ​ൻ ഈ ​നി​യ​മ​ത്തി​ന്‍റെ നി​ർ​മാ​ണ പ്ര​ക്രി​യ​യി​ലാ​ണ്. ന്യൂ​ന​പ​ക്ഷാ​വ​കാ​ശ​ങ്ങ​ൾ വ്യാ​പ​ക​മാ​യി ധ്വം​സി​ക്ക​പ്പെ​ടു​ന്നു. ന്യൂ​ന​പ​ക്ഷ​ങ്ങ​ൾ ന​ട​ത്തു​ന്ന സ്വ​കാ​ര്യ വി​ദ്യാ​ഭ്യാ​സ​ സ്ഥാ​പ​ന​ങ്ങ​ളി​ൽ​പോ​ലും അ​ധ്യാ​പ​ക-അ​ന​ധ്യാ​പ​ക നി​യ​മ​ന​ങ്ങ​ൾ​ക്കു ച​ട്ട​ങ്ങ​ളും നി​യ​ന്ത്ര​ണ​ങ്ങ​ളും ഏ​ർ​പ്പെ​ടു​ത്താ​ൻ സ​ർ​ക്കാ​രി​ന് അ​വ​കാ​ശ​മു​ണ്ടാ​യി​രി​ക്കുമെ​ന്ന ഗു​ജ​റാ​ത്ത് സ​ർ​ക്കാ​രി​ന്‍റെ നി​യ​മം ശ​രി​വ​ച്ചു​കൊ​ണ്ടു​ള്ള ഹൈ​ക്കോ​ട​തി വി​ധി ഞെ​ട്ട​ലു​ള​വാ​ക്കു​ന്ന​താ​ണ്.

കേ​ന്ദ്രസ​ർ​ക്കാ​രി​ന്‍റെ പു​തി​യ വി​ദ്യാ​ഭ്യാ​സ​ന​യ​ത്തി​ലും (എ​ൻ​ഇ​പി) യു​ജി​സി​യു​ടെ പു​തി​യ ഉ​ന്ന​ത​വി​ദ്യാ​ഭ്യാ​സ ക​ര​ടു​ച​ട്ട​ത്തി​ലും ന്യൂന​പ​ക്ഷാ​വ​കാ​ശ​ങ്ങ​ളെ​ക്കു​റി​ച്ചു ചെ​റി​യ പ​രാ​മ​ർ​ശം പോ​ലു​മി​ല്ല. ന്യൂ​ന​പ​ക്ഷ സ്കോ​ള​ർ​ഷി​പ്പു​ക​ളും മ​റ്റും കേ​ന്ദ്രം ക​ഴി​ഞ്ഞ വ​ർ​ഷ​ങ്ങ​ളി​ൽ വ​ലി​യ​തോ​തി​ൽ വെ​ട്ടി​ക്കു​റ​ച്ചി​രു​ന്നു. ന്യൂ​ന​പ​ക്ഷ​ങ്ങ​ൾ​ക്കാ​യി കേ​ന്ദ്രബ​ജ​റ്റി​ൽ ഈ ​വ​ർ​ഷം 3,350 കോ​ടി രൂ​പ മാ​ത്ര​മാ​ണു വ​ക​യി​രു​ത്തി​രി​യി​രി​ക്കു​ന്ന​ത്. 2020-21 ബ​ജ​റ്റി​ലെ 5,029 കോ​ടി രൂ​പ​യു​ടെ സ്ഥാ​ന​ത്താ​ണ് ഈ ​ശോ​ഷ​ണം. സം​വ​ര​ണ​ത്തി​നാ​യു​ള്ള ദ​ളി​ത് ക്രൈ​സ്ത​വ​രു​ടെ നി​ല​വി​ളി 75 വ​ർ​ഷ​മാ​യി മ​തേ​ത​ര ഇ​ന്ത്യ​യു​ടെ ബ​ധി​ര​ക​ർ​ണ​ങ്ങ​ളി​ലാ​ണു പ​തി​ച്ചു​കൊ​ണ്ടി​രി​ക്കു​ന്ന​ത്. കേ​ന്ദ്ര റ​ബ​ർ ബോ​ർ​ഡി​ന്‍റെ പ്ര​ചാ​ര​ണം വി​ശ്വ​സി​ച്ച്, ക​ർ​ഷ​ക​ർ ഏ​റെ പ്ര​തീ​ക്ഷ​യോ​ടെ വ​ച്ചു​പി​ടി​പ്പി​ച്ച റ​ബ​ർ​മ​ര​ങ്ങ​ൾ ഇ​ന്നു നോ​ക്കു​കു​ത്തി​ക​ളാ​യി നി​ല​കൊ​ള്ളു​ന്നു. അ​ത​തു കാ​ല​ങ്ങ​ളി​ലു​ള്ള കേ​ന്ദ്ര​സ​ർ​ക്കാ​രു​ക​ളു​ടെ ന​യ​ങ്ങ​ളാ​ൽ വ​ഞ്ചി​ക്ക​പ്പെ​ട്ട് ജീ​വി​തം ദു​രി​ത​ത്തി​ലാ​യ റ​ബ​ർ ​ക​ർ​ഷ​ക​ർ​ക്ക് ഒ​രു ചെ​റി​യ സ​ഹാ​യം പോ​ലും ഇ​ത്ത​വ​ണ​ത്തെ ബ​ജ​റ്റി​ൽ ഉ​ൾ​പ്പെ​ടു​ത്തി​യി​ട്ടി​ല്ല. റ​ബ​റി​നു താ​ങ്ങു​വി​ല പ്ര​ഖ്യാ​പ​ന​വു​മി​ല്ല.

ദേ​ശീ​യ ക​ടു​വാ സം​ര​ക്ഷ​ണ അ​ഥോ​റി​റ്റി, കേ​ന്ദ്ര വ​നം-വ​ന്യ​ജീ​വി നി​യ​മ​ത്തി​ന്‍റെ അ​ടി​സ്ഥാ​ന​ത്തി​ൽ പു​റ​പ്പെ​ടു​വി​ച്ചി​ട്ടു​ള്ള മാ​തൃ​കാ പ്ര​വ​ർ​ത്ത​ന ന​ട​പ​ടി​ക്ര​മം (എ​സ്ഒ​പി) യു​ദ്ധ​കാ​ലാ​ടി​സ്ഥാ​ന​ത്തി​ൽ പ​രി​ഷ്ക​രി​ച്ചി​ല്ലെ​ങ്കി​ൽ ഇ​നി​യും നി​ര​വ​ധി ജീ​വ​നു​ക​ൾ ന​ഷ്‌​ട​മാ​കും. എ​സ്ഒ​പി​യു​ടെ പേ​രി​ൽ വ​നം​വ​കു​പ്പ് ഉ​ദ്യോ​ഗ​സ്ഥ​ർ പു​ല​ർ​ത്തു​ന്ന അലം​ഭാ​വ​ത്തി​നു മ​നു​ഷ്യ​ജീ​വ​ന്‍റെ വി​ല​യാ​ണു നൽ​കേ​ണ്ടി​വ​രു​ന്ന​ത്. ഷെ​ഡ്യൂ​ൾ ഒ​ന്ന് എ​യി​ൽ​പ്പെ​ട്ട സം​ര​ക്ഷി​ത വ​ന്യ​മൃ​ഗ​ങ്ങ​ൾ വ​ന​ത്തി​ൽ​നി​ന്നു പു​റ​ത്തു​വ​ന്നു മ​നു​ഷ്യ​ജീ​വ​നും സ്വ​ത്തി​നും ഭീ​ഷ​ണി​യാ​കു​ന്ന സാ​ഹ​ച​ര്യം മ​ന​സി​ലാ​ക്കി കേന്ദ്ര വ​നം-വ​ന്യ​ജീ​വി നി​യ​മ​ത്തി​ൽ അ​വ​ശ്യം​വേ​ണ്ട ഭേ​ദ​ഗ​തി​ക​ൾ വ​രു​ത്താ​ൻ കേ​ന്ദ്ര സ​ർ​ക്കാ​ർ ത​യാ​റാ​യി​ട്ടി​ല്ല.

സം​സ്ഥാ​ന​ ത​ല​ത്തി​ലു​ള്ള അ​നീ​തി​ക​ൾ

• ന്യൂ​ന​പ​ക്ഷ​ ക്ഷേ​മ പ​ദ്ധ​തി​ക​ൾ

സം​സ്ഥാ​ന​ത്ത് ക്രൈ​സ്ത​വ​ർ ഏ​റ്റ​വും വ​ലി​യ അ​നീ​തി നേ​രി​ടു​ന്ന​ത് ന്യൂ​ന​പ​ക്ഷ​ ക്ഷേ​മ​വു​മാ​യി ബ​ന്ധ​പ്പെ​ട്ടാ​ണ്. കേ​ര​ള​ത്തി​ലെ ര​ണ്ടു ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കി​ട​യി​ൽ ഗു​രു​തര​മാ​യ വി​വേ​ച​ന​മാ​ണ് സം​സ്ഥാ​ന​ സ​ർ​ക്കാ​ർ പു​ല​ർ​ത്തു​ന്ന​ത്. ഈ ​വ​ർ​ഷ​ത്തെ സം​സ്ഥാ​ന ബ​ജ​റ്റി​ൽ ഒ​രു വി​ഭാ​ഗ​ത്തി​നു​ മാ​ത്രം പ്ര​യോ​ജ​ന​പ്പെ​ടു​ന്ന പ​ദ്ധ​തി​ക​ൾ ധാ​രാ​ള​മാ​യി പ്ര​ഖ്യാ​പി​ച്ചി​രി​ക്കു​ന്നു. ന്യൂ​ന​പ​ക്ഷ സ്കോ​ള​ർ​ഷി​പ്പു​ക​ളി​ലെ പ്ര​മാ​ദ​മാ​യ 80:20 അ​നു​പാ​ത​ത്തി​നെ​തി​രേ ക്രൈ​സ്ത​വ​ർ നേ​ടി​യെ​ടു​ത്ത ഹൈ​ക്കോ​ട​തി​വി​ധി അ​ട്ടി​മ​റി​ക്കാ​നെ​ന്നു സം​ശ​യി​ക്ക​ത്ത​ക്ക​വി​ധം പൊ​തു​വാ​യ ന്യൂ​ന​പ​ക്ഷ സ്കോ​ള​ർ​ഷി​പ്പു​ക​ൾ വെ​ട്ടി​ക്കു​റ​യ്ക്കു​ന്നു. കെ​ടു​കാ​ര്യ​സ്ഥ​ത​യ്ക്ക് പേ​രു​കേ​ട്ട സം​സ്ഥാ​ന ന്യൂ​ന​പ​ക്ഷ ധ​ന​കാ​ര്യ വി​ക​സ​ന കോ​ർ​പ​റേ​ഷ​ൻ, അ​പേ​ക്ഷ​ക​ർ​ക്കു യ​ഥാ​വി​ധം വാ​യ്പ​ക​ൾ അ​നു​വ​ദി​ക്കു​ന്നി​ല്ല എ​ന്നു​ മാ​ത്ര​മ​ല്ല, അ​നു​വ​ദി​ക്ക​പ്പെ​ട്ട വാ​യ്പ​ക​ളു​ടെ തു​ട​ർ​ഗ​ഡു​ക്ക​ൾ പോ​ലും ക്ര​മ​മാ​യി ന​ൽ​കു​ന്നി​ല്ല. എ​ന്നാ​ൽ, ഇ​തേ കോ​ർ​പ​റേ​ഷ​നി​ലൂ​ടെ ചി​ല​ർ​ക്കു​ള്ള പ​ലി​ശ​ര​ഹി​ത ഭ​വ​ന​വാ​യ്പ അ​ഞ്ചു​ല​ക്ഷം രൂ​പ​യാ​യി വ​ർ​ധി​പ്പി​ച്ചു​കൊ​ണ്ട് സം​സ്ഥാ​ന ന്യൂ​ന​പ​ക്ഷ വ​കു​പ്പ് ഫെ​ബ്രു​വ​രി ഒ​ന്നി​ന് ഉ​ത്ത​ര​വി​റ​ക്കു​ക​യും അ​തി​നാ​യി പ​തി​നൊ​ന്നു കോ​ടി​ രൂ​പ വ​ക​യി​രു​ത്തു​ക​യും ചെ​യ്തി​ട്ടു​ണ്ട്. അ​തേ​സ​മ​യം, ദ​ളി​ത് ക്രൈ​സ്ത​വ​രു​ടെ കൂ​ടി ഉ​ന്ന​മ​നം ല​ക്ഷ്യം​വ​ച്ചു​ള്ള പ​രി​വ​ർ​ത്തി​ത ക്രൈ​സ്ത​വ, ശി​പാ​ർ​ശി​ത വി​ഭാ​ഗ വി​ക​സ​ന കോ​ർ​പ​റേ​ഷ​ന് ഈ ​ബ​ജ​റ്റി​ൽ പ​ദ്ധ​തി​വി​ഹി​ത​ത്തി​ൽ​ കൂ​ടു​ത​ലാ​യി കാ​ര്യ​മാ​യ തു​ക അ​നു​വ​ദി​ച്ചി​ട്ടി​ല്ല. ഫ​ണ്ടി​ല്ലാ​ത്ത​തി​നാ​ൽ ഇ​വ​രു​ടെ വാ​യ്പ​ക​ളും സ്കോ​ള​ർ​ഷി​പ്പു​ക​ളും മു​ട​ങ്ങു​ന്നു.

• ജെ.ബി. കോ​ശി ക​മ്മീ​ഷ​ൻ

ജെ.​ബി. കോ​ശി ക​മ്മീ​ഷ​ൻ റി​പ്പോ​ർ​ട്ട് പ്ര​സി​ദ്ധീ​ക​രി​ക്ക​ൽ ഇ​ന്നും ഒ​രു മ​രീ​ചി​ക​യാ​യി തു​ട​രു​ന്നു. സം​സ്ഥാ​ന ന്യൂ​ന​പ​ക്ഷ ക്ഷേ​മ​വ​കു​പ്പ് ക്രൈ​സ്ത​വ​രോ​ടു കാ​ണി​ക്കു​ന്ന അ​വ​ഹേ​ള​ന​മാ​ണി​ത്. ഈ ​ക​മ്മീ​ഷ​ന്‍റെ പ്ര​ഖ്യാ​പ​നം ക്രൈ​സ്ത​വ​ർ വ​ള​രെ ആ​വ​ശ​ത്തോ​ടെ​യാ​ണ് സ്വീ​ക​രി​ച്ച​ത്. ആ​റു ല​ക്ഷ​ത്തോ​ളം നി​വേ​ദ​ന​ങ്ങ​ളാ​ണ് ക്രൈ​സ്ത​വ​ർ ക​മ്മീ​ഷ​നു സ​മ​ർ​പ്പി​ച്ച​ത് എ​ന്നു പ​റ​യു​മ്പോ​ൾ ഈ ​സ​മു​ദാ​യ​ത്തി​ന്‍റെ പ്ര​തീ​ക്ഷ ആ​ർ​ക്കും മ​ന​സി​ലാ​കും. ക​മ്മീ​ഷ​ൻ റി​പ്പോ​ർ​ട്ട് സ​മ​ർ​പ്പി​ച്ച് ര​ണ്ടു​ വ​ർ​ഷ​മാ​യി​ട്ടും അ​തു പു​റ​ത്തു​വി​ടാ​നോ അ​തി​ലെ 284 ശി​പാ​ർ​ശ​ക​ളി​ൽ ഒ​ന്നെ​ങ്കി​ലും ന​ട​പ്പാ​ക്കാ​നോ സ​ർ​ക്കാ​ർ തു​നി​ഞ്ഞി​ട്ടി​ല്ല. എ​ന്നാ​ൽ, പാ​ലൊ​ളി ക​മ്മീ​ഷ​ൻ റി​പ്പോ​ർ​ട്ടി​നോ​ട് ഈ ​സ​മീ​പ​ന​മാ​യി​രു​ന്നി​ല്ല എ​ന്ന​റി​യു​മ്പോ​ഴാ​ണ് വി​വേ​ച​ന​ത്തി​ന്‍റെ ആ​ഴം മ​ന​സി​ലാ​കു​ന്ന​ത്.


• ഇഡ​ബ്ല്യുഎ​സ്

സം​വ​ര​ണ​ര​ഹി​ത വി​ഭാ​ഗ​ങ്ങ​ളി​ലെ സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്കാ​യി 10% സം​വ​ര​ണം അ​നു​വ​ദി​ക്കു​ന്ന ഇഡ​ബ്ല്യുഎ​സ് റി​സ​ർ​വേ​ഷ​ൻ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ ന​ട​പ്പി​ലാ​ക്കി എ​ന്ന​ത് തി​ക​ച്ചും സ്വീ​കാ​ര്യ​മാ​യ കാ​ര്യ​മാ​ണ്. എ​ന്നാ​ൽ, അ​തി​ന്‍റെ മു​ന്നോ​ട്ടു​ള്ള ന​ട​പ​ടി​ക​ളി​ൽ സം​സ്ഥാ​ന സ​ർ​ക്കാ​ർ തി​ക​ഞ്ഞ അ​നാ​സ്ഥ​യാ​ണു കാ​ണി​ക്കു​ന്ന​ത്. കേ​ന്ദ്ര മാ​ന​ദ​ണ്ഡ​ങ്ങ​ളി​ലെ നാ​ല് സെ​ന്‍റ് ഹൗ​സ് പ്ലോ​ട്ട് എ​ന്ന​തി​ലെ അ​വ്യ​ക്ത​ത പ​രി​ഹ​രി​ച്ച് കേ​ന്ദ്രം 2022 സെ​പ്റ്റം​ബ​ർ 12ന് ​പു​റ​ത്തി​റ​ക്കി​യ ഉ​ത്ത​ര​വു ന​ട​പ്പാ​ക്കാ​ൻ സം​സ്ഥാ​ന സ​ർ​ക്കാ​ർ ത​യാ​റാ​യി​ല്ല. ഇ​തു​മൂ​ലം സം​സ്ഥാ​ന​ത്തെ ആ​യി​ര​ക്ക​ണ​ക്കി​നു യു​വാ​ക്ക​ൾ​ക്ക് കേ​ന്ദ്രസ​ർ​ക്കാ​ർ സ്ഥാ​പ​ന​ങ്ങ​ളി​ൽ ജോ​ലി​ക്കും വി​ദ്യാ​ഭ്യാ​സ​ത്തി​നു​മു​ള്ള അ​വ​സ​രം ന​ഷ്‌​ട​പ്പെ​ട്ടു. ഒ​ടു​വി​ൽ, ഹൈ​ക്കോ​ട​തി വി​ധി​യെ​ത്തു​ട​ർ​ന്ന് 2024 ന​വം​ബ​ർ 27ന് ​ഇ​തു ന​ട​പ്പി​ൽ വ​രു​ത്തി പൊ​തുഭ​ര​ണ​വ​കു​പ്പ് ഉ​ത്ത​ര​വി​റ​ക്കി. എ​ന്നാ​ൽ, ലാ​ൻ​ഡ് റ​വ​ന്യു ക​മ്മീ​ഷ​ണ​റു​ടെ എ​ക്സി​ക്യൂട്ടീ​വ് ഉ​ത്ത​ര​വ് ഇ​റ​ങ്ങാ​ത്ത​തി​നാ​ൽ പ​ല താ​ലൂ​ക്ക് ഓ​ഫീ​സു​ക​ളി​ലും സ​ർ​ട്ടി​ഫി​ക്ക​റ്റി​നാ​യി സ​മീ​പി​ക്കു​ന്ന സാ​ധാ​ര​ണ​ക്കാ​രെ ഇ​പ്പോ​ഴും ഉ​ദ്യോ​ഗ​സ്ഥ​ർ ബു​ദ്ധി​മു​ട്ടി​ക്കു​ക​യാ​ണ്. ഇ​തു സം​ബ​ന്ധി​ച്ച എ​ക്സി​ക്യു​ട്ടീ​വ് ഉ​ത്ത​ര​വു ന​ട​പ്പാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് സീ​റോ​മ​ല​ബാ​ർ പ​ബ്ലി​ക് അ​ഫ​യേ​ഴ്സ് ക​മ്മീ​ഷ​ൻ, ലാ​ൻ​ഡ് റ​വ​ന്യു ക​മ്മീ​ഷ​ണ​ർ​ക്കും റ​വ​ന്യു മ​ന്ത്രി​ക്കും നി​വേ​ദ​ന​ങ്ങ​ൾ ന​ൽ​കി​യി​ട്ടും ന​ട​പ​ടി​ക​ളൊ​ന്നും ഉ​ണ്ടാ​കു​ന്നി​ല്ല. റ​വ​ന്യു ഓ​ഫീ​സു​ക​ളി​ൽ ക​യ​റി​യി​റ​ങ്ങു​ന്ന പാ​വ​ങ്ങ​ളെ ചി​ല ഉ​ദ്യോ​ഗ​സ്ഥ​ർ പ​ച്ച​ക്ക​ള്ളങ്ങ​ൾ പ​റ​ഞ്ഞ് ഇ​ഡ​ബ്ല്യുഎ​സ് സ​ർ​ട്ടി​ഫി​ക്ക​റ്റ് ന​ൽ​കാ​തെ മ​ട​ക്കി​വി​ട്ട​തി​ന്‍റെ നി​ര​വ​ധി ഉ​ദാ​ഹ​ര​ണ​ങ്ങ​ൾ ചൂ​ണ്ടി​ക്കാ​ണി​ക്കാ​ൻ ക​ഴി​യും.

• വി​ദ്യാ​ഭ്യാ​സ​മേ​ഖ​ല

ഭി​ന്ന​ശേ​ഷി സം​വ​ര​ണ​ത്തി​ന്‍റെ പേ​രി​ൽ സം​സ്ഥാ​ന​ത്തെ എ​യ്ഡ​ഡ് വി​ദ്യാ​ഭ്യാ​സ മേ​ഖ​ല​യി​ലെ അ​ധ്യാ​പ​ക, അ​ന​ധ്യാ​പ​ക നി​യ​മ​ന​ങ്ങ​ൾ ഏ​താ​ണ്ട് സ്തം​ഭി​ച്ച അ​വ​സ്ഥ​യി​ലാ​ണ്. ക​ത്തോ​ലി​ക്ക മാ​നേ​ജ്മെ​ന്‍റു​ക​ൾ ഭി​ന്ന​ശേ​ഷി ഉ​ദ്യോ​ഗാ​ർ​ഥി​ക​ൾ​ക്കു​വേ​ണ്ടി ത​സ്തി​ക​ക​ൾ നീ​ക്കി​വ​ച്ചു സ​ർ​ക്കാ​രി​നെ അ​റി​യി​ച്ചി​ട്ടു വ​ർ​ഷ​ങ്ങ​ളാ​യെ​ങ്കി​ലും അ​ർ​ഹ​ത​യു​ള്ള ഭി​ന്ന​ശേ​ഷി​ക്കാ​രാ​യ ഉ​ദ്യോ​ഗാ​ർ​ഥി​ക​ളെ യ​ഥാ​വി​ധം ന​ൽ​കാ​ൻ സ​ർ​ക്കാ​ർ എം​പ്ലോ​യ്മെന്‍റ് എ​ക്സ്ചേ​ഞ്ചു​ക​ൾ​ക്കു സാ​ധി​ക്കു​ന്നി​ല്ല. ഈ ​പ്ര​ശ്നം കാ​ര​ണം 07/11/2021നു ​ശേ​ഷ​മു​ള്ള ഒ​ഴി​വു​ക​ളി​ൽ നി​യ​മി​ത​രാ​യ അ​ധ്യാ​പ​ക​ർ​ക്ക് ദി​വ​സ​വേ​ത​നം മാ​ത്ര​മേ ല​ഭി​ക്കൂ എ​ന്ന അ​വ​സ്ഥ​യാ​ണു​ള്ള​ത്. അ​ധ്യ​യ​ന മേ​ഖ​ല​യി​ൽ ഇ​തു​മൂ​ലം ഉ​ണ്ടാ​കു​ന്ന പ്ര​തി​സ​ന്ധി​ സ​ർ​ക്കാ​ർ ഗൗ​ര​വ​ത്തി​ലെ​ടു​ക്കു​ന്നി​ല്ല.

• മ​ല​യോ​ര​ജ​ന​ത

ഇ​എ​സ്എ, ബ​ഫ​ർ​സോ​ൺ വി​ഷ​യ​ങ്ങ​ൾ, ക​ഠി​ന​മാ​യ വ​ന​നി​യ​മ​ങ്ങ​ൾ, വ​ന്യ​ജീ​വി ആ​ക്ര​മ​ണ​ങ്ങ​ൾ, പ​ട്ട​യപ്ര​ശ്ന​ങ്ങ​ൾ തു​ട​ങ്ങി നി​ര​വ​ധി ദു​രി​ത​ങ്ങ​ൾ മ​ല​യോ​ര ജ​ന​ത അ​നു​ഭ​വി​ക്കു​ന്നു. ക​ടു​വ​യും പു​ലി​യും കാ​ട്ടാ​ന​യും ദി​നം​പ്ര​തി മ​നു​ഷ്യ​രെ കൊ​ല്ലു​ന്നു. കേ​ന്ദ്ര-സം​സ്ഥാ​ന സ​ർ​ക്കാ​രു​ക​ൾ പ​ര​സ്പ​രം പ​ഴി​ചാ​രി ജ​ന​ങ്ങ​ളെ ക​ബ​ളി​പ്പി​ക്കു​ന്നു. കേ​ന്ദ്ര വ​ന​നി​യ​മ​ത്തി​നു​ള്ളി​ൽ നി​ന്നു​കൊ​ണ്ടു​ത​ന്നെ പ​രി​ഹാ​രം കാ​ണാ​വു​ന്ന നി​ര​വ​ധി സാ​ധ്യ​ത​ക​ൾ സ്വീ​ക​രി​ക്കാ​ൻ സം​സ്ഥാ​ന വ​നംവ​കു​പ്പ് ത​യാ​റാ​കു​ന്നി​ല്ല. സം​ര​ക്ഷി​ത വ​ന്യ​മൃ​ഗ​ങ്ങ​ൾ എ​ണ്ണ​ത്തി​ൽ പെ​രു​കി ആ​വാ​സ​വ്യ​വ​സ്ഥ​യു​ടെ ശേ​ഷി​ക്ക​പ്പു​റം വ​ർ​ധി​ച്ചു എ​ന്ന​താ​ണു വ​ന്യ​ജീ​വി പ്ര​ശ്ന​ത്തി​ന്‍റെ മൂ​ല​കാ​ര​ണം. ഇ​ക്കാ​ര്യം അം​ഗീ​ക​രി​ക്കാ​നും നി​യ​മം അ​നു​ശാ​സി​ക്കു​ന്ന രീ​തി​യി​ൽ വ​ന്യ​ജീ​വി​ക​ളു​ടെ പു​ന​ർ​വി​ന്യാ​സം ന​ട​പ്പാ​ക്കാ​നും വ​നം​വ​കു​പ്പു ത​യാ​റ​ല്ല. ഉ​ദ്യോ​ഗ​സ്ഥ ദു​ഷ്പ്ര​ഭു​ത്വ​ത്തി​നു വ​ഴ​ങ്ങു​ന്ന സം​സ്ഥാ​ന വ​നം​വ​കു​പ്പ് തി​ക​ഞ്ഞ പ​രാ​ജ​യ​മാ​ണ്. ഇ​വ​യ്ക്കുപു​റ​മേ ഭൂ​നി​കു​തി വ​ർ​ധ​ന​കൂ​ടി​യാ​കു​മ്പോ​ൾ ക​ർ​ഷ​കദു​രി​ത​ങ്ങ​ൾ അ​ത്യ​ന്തം ക​ഠി​ന​മാ​കു​ന്നു.

• കു​ട്ട​നാ​ട്

നെ​ല്ല്, തെ​ങ്ങ്, മ​ത്സ്യം, താ​റാ​വ്, ടൂ​റി​സം തു​ട​ങ്ങി നി​ര​വ​ധി സാ​ധ്യ​ത​ക​ളു​ള്ള കു​ട്ട​നാ​ട് ഇ​ന്നൊ​രു ദു​രി​ത​ക്ക​യ​മാ​യി മാ​റു​ന്നെ​ങ്കി​ൽ അ​ത് ഇ​വി​ടു​ത്തെ ഭ​ര​ണ​പ​രാ​ജ​യ​ത്തി​ന്‍റെ പ്ര​ധാ​ന ഉ​ദാ​ഹ​ര​ണ​മാ​ണ്. സ​ർ​ക്കാ​രി​ന് നെ​ൽ​കൃ​ഷി വി​ക​സ​ന​ത്തി​നു പ​ദ്ധ​തി​ക​ളി​ല്ലെ​ന്നു മാ​ത്ര​മ​ല്ല, ക​ർ​ഷ​ക​രി​ൽനി​ന്നു വാ​ങ്ങു​ന്ന നെ​ല്ലി​നു പ​ണം ല​ഭി​ക്കാ​ൻപോ​ലും വ​ലി​യ കാ​ല​താ​മ​സം നേ​രി​ടു​ന്നു. വി​ത്തി​നും വ​ള​ത്തി​നും വി​ല ഉ​യ​രു​ക​യും പ​ണി​ക്കൂ​ലി വ​ർ​ധി​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ നെ​ല്ലി​ന് 40 രൂ​പ​യെ​ങ്കി​ലും താ​ങ്ങു​വി​ല പ്ര​ഖ്യാ​പി​ക്കേ​ണ്ട​ത് അ​നി​വാ​ര്യ​മാ​ണ്.

വെ​ള്ള​പ്പൊ​ക്ക​ത്തി​നും കൃ​ഷി​നാ​ശ​ത്തി​നുമെ​തി​രാ​യ ന​ട​പ​ടി​ക​ളൊ​ന്നു​മി​ല്ല. കു​ട്ട​നാ​ട​ൻ പാ​ക്കേ​ജു​ക​ൾ പെ​ട്ടി​യി​ലു​റ​ങ്ങു​ന്നു. കു​ട്ട​നാ​ടി​ന് ഏ​റ്റ​വും പ്ര​യോ​ജ​പ്പെ​ടു​ന്ന ടൂ​റി​സം, മ​ത്സ്യ​ബ​ന്ധ​നം, ന്യൂ​ന​പ​ക്ഷ​ ക്ഷേ​മം എ​ന്നീ വ​കു​പ്പു​ക​ൾ​ക്ക് കേ​ര​ള​ത്തി​ൽ​നി​ന്ന് കേ​ന്ദ്ര​മ​ന്ത്രി​മാ​രു​ണ്ടെ​ങ്കി​ലും കു​ട്ട​നാ​ടി​നു പ​ദ്ധ​തി​ക​ളൊ​ന്നു​മി​ല്ല. കു​ട്ട​നാ​ടി​നു​വേ​ണ്ടി കു​ട്ട​നാ​ട​ൻ ക​ർ​ഷ​ക​രി​ൽ​നി​ന്നു നേ​താ​ക്ക​ളെ വ​ള​ർ​ത്തി​യെ​ടു​ക്കാ​ൻ രാ​ഷ്‌​ട്രീ​യ​ക​ക്ഷി​ക​ൾ പ​രി​ശ്ര​മി​ക്കു​ന്നി​ല്ല എ​ന്ന​താ​ണ് ഈ ​പ്ര​ശ്ന​ങ്ങ​ളു​ടെ അ​ടി​സ്ഥാ​ന​കാ​ര​ണം.

പ്ര​തി​ഷേ​ധം ശ​ക്ത​മാ​കു​ന്നു

ക്രൈ​സ്ത​വ സ​മു​ദാ​യ​വും ക​ർ​ഷ​ക​സ​മൂ​ഹ​വും ഇ​ത്ര​യ​ധി​കം അ​വ​ഗ​ണ​ന​ക​ൾ നേ​രി​ടു​ന്ന സാ​ഹ​ച​ര്യ​ത്തി​ലാ​ണ് ച​ങ്ങ​നാ​ശേ​രി അ​തി​രൂ​പ​ത, സ​മു​ദാ​യ സം​ഘ​ട​ന​യാ​യ ക​ത്തോ​ലി​ക്ക കോ​ൺ​ഗ്ര​സി​ന്‍റെ നേ​തൃ​ത്വ​ത്തി​ൽ ക​ർ​ഷ​ക​ര​ക്ഷാ ന​സ്രാ​ണി മു​ന്നേ​റ്റം എ​ന്ന പ്ര​തി​ഷേ​ധ പ​രി​പാ​ടി സം​ഘ​ടി​പ്പി​ക്കു​ന്ന​ത്.

വോ​ട്ടു​ബാ​ങ്കി​ന്‍റെ വ​ലി​പ്പം മാ​ത്രം നോ​ക്കി നീ​തി​യും നി​യ​മ​വും ന​ട​പ്പാ​ക്കു​ന്ന രാ​ഷ്‌​ട്രീ​യ നേ​തൃ​ത്വ​ങ്ങ​ളു​ടെ ക​ൺ​മു​മ്പി​ൽ പൗ​രാ​വ​കാ​ശ ബോ​ധ​ത്തി​ന്‍റെ​യും സ​മു​ദാ​യ​ശ​ക്തി​യു​ടെ​യും ചെ​റു​ത്തു​നി​ൽ​പ്പ് എ​ന്ന നി​ല​യി​ൽ ഈ ​മു​ന്നേ​റ്റം ഒ​രു മു​ന്ന​ണി പോരാ​ട്ട​മാ​യി പ​ട​ർ​ന്നു പ​ന്ത​ലി​ക്കു​ക​ത​ന്നെ ചെ​യ്യും.