സൂ​ചി​കൊ​ണ്ട് എ​ടു​ക്കാ​വു​ന്ന​തു തൂ​ന്പ​കൊ​ണ്ട് കി​ള​ച്ച​തു​പോ​ലെ​യാ​യി മ​ണി​പ്പു​രി​ലെ സ്ഥി​തി. ഏ​റെ വൈ​കി​യാ​ണെ​ങ്കി​ലും ഫെ​ബ്രു​വ​രി ഒ​ന്പ​തി​ന് എ​ൻ. ബി​രേ​ൻ സിം​ഗ് മു​ഖ്യ​മ​ന്ത്രി​സ്ഥാ​നം രാ​ജി​വ​ച്ച​പ്പോ​ൾ മ​ണി​പ്പു​രി​ൽ സ​മാ​ധാ​ന​ത്തി​നു വ​ഴി​തു​റ​ക്കു​മെ​ന്നു ജ​നം ക​രു​തി. നാ​ലു​ദി​വ​സം ക​ഴി​ഞ്ഞാ​ണ് സം​സ്ഥാ​ന​ത്തു രാ​ഷ്‌​ട്ര​പ​തി​ഭ​ര​ണം പ്ര​ഖ്യാ​പി​ച്ച​ത്. ഗ​വ​ർ​ണ​ർ അ​ജ​യ് കു​മാ​ർ ഭ​ല്ല​യു​ടെ റി​പ്പോ​ർ​ട്ടി​ന്മേലാ​ണു രാ​ഷ്‌​ട്ര​പ​തി ദ്രൗ​പ​ദി മു​ർ​മു​വി​ന്‍റെ തീ​രു​മാ​നം. 2023 മേ​യ് മൂ​ന്നി​നു തു​ട​ങ്ങി​യ വം​ശീ​യ​ക​ലാ​പം ക​ത്തി​പ്പ​ട​ർ​ന്നു നാ​ശം​വി​ത​ച്ച ആ​ദ്യ​മാ​സ​ത്തി​ൽ ത​ന്നെ മ​ണി​പ്പു​രി​ൽ ഏ​ർ​പ്പെ​ടു​ത്തേ​ണ്ടി​യി​രു​ന്ന രാ​ഷ്‌​ട്ര​പ​തി ഭ​ര​ണ​മാ​ണു 21 മാ​സ​ത്തി​നു​ശേ​ഷം ന​ട​പ്പാ​ക്കി​യ​ത്.

രാ​ഷ്‌​ട്ര​പ​തി​ഭ​ര​ണ​ത്തി​ൻ​കീ​ഴി​ൽ മ​ണി​പ്പു​രി​ലെ പ​ര​സ്പ​രം പോ​ര​ടി​ക്കു​ന്ന മെ​യ്തെ​യ് - കു​ക്കി വി​ഭാ​ഗ​ങ്ങ​ളെ ഒ​രു മേ​ശ​യ്ക്ക് ചു​റ്റു​മി​രു​ത്തി ച​ർ​ച്ച ന​ട​ത്തു​മെ​ന്നു രാ​ജ്യം പ്ര​തീ​ക്ഷി​ക്കു​ന്നു. എ​ന്നാ​ൽ, പു​തി​യ മു​ഖ്യ​മ​ന്ത്രി​യെ ക​ണ്ടെ​ത്താ​നു​ള്ള സ​മ​യം നീ​ട്ടി​വാ​ങ്ങി​യ താ​ത്കാ​ലി​ക ഇ​ട​വേ​ള​യാ​ണു രാ​ഷ്‌​ട്ര​പ​തി ഭ​ര​ണ​മെ​ന്നാ​ണു ബി​ജെ​പി നേ​താ​ക്ക​ൾ പ​റ​യു​ന്ന​ത്. ഇ​തി​നാ​യി മ​ണി​പ്പു​ർ നി​യ​മ​സ​ഭ പി​രി​ച്ചു​വി​ടാ​തെ മ​ര​വി​പ്പി​ച്ചു നി​ർ​ത്തി​യി​രി​ക്കു​ക​യാ​ണ്. ‘സ​സ്പെ​ൻ​ഡ​ഡ് ആ​നി​മേ​ഷ​ൻ’ എ​ന്നാ​ണു ഔ​ദ്യോ​ഗി​ക പ്ര​യോ​ഗം. ആ​റു​മാ​സ​ത്തി​ന​കം നി​യ​മ​സ​ഭ ചേ​ര​ണ​മെ​ന്ന ഭ​ര​ണ​ഘ​ട​നാ​ച​ട്ടം പാ​ലി​ക്കാ​തെ ക​ഴി​ഞ്ഞ ബു​ധ​നാ​ഴ്ച നി​യ​മ​സ​ഭ​യു​ടെ കാ​ലാ​വ​ധി ക​ഴി​ഞ്ഞ​തി​നാ​ൽ മ​റ്റൊ​രു മാ​ർ​ഗ​വും ശേ​ഷി​ച്ച​തു​മി​ല്ല.

പ്ര​ധാ​ന​മ​ന്ത്രി ഒ​ഴി​ഞ്ഞു​മാ​റ​രു​ത്

ര​ണ്ടു​വ​ർ​ഷം മു​ന്പു​ള്ള മേ​യി​ൽ തു​ട​ങ്ങി​യ മ​ണി​പ്പു​ർ ക​ലാ​പ​ത്തി​ന്‍റെ പു​തി​യൊ​രു അ​ധ്യാ​യ​മാ​ണു രാ​ഷ്‌​ട്ര​പ​തിഭ​ര​ണ​ത്തി​ലൂ​ടെ തു​റ​ന്ന​ത്. അ​ക്ര​മ​ങ്ങ​ളു​ടെ അ​ധ്യാ​യം അ​വ​സാ​നി​ച്ചു​വെ​ന്നു തീ​ർ​ത്തു പ​റ​യാ​നാ​കി​ല്ല. പാ​ർ​ല​മെ​ന്‍റ് ബ​ജ​റ്റ് സ​മ്മേ​ള​ന​ത്തി​ന്‍റെ ആ​ദ്യ​ഘ​ട്ടം തീ​രു​ന്ന​തി​നു വേ​ണ്ടി​യാ​ണു രാ​ഷ്‌​ട്ര​പ​തി ഭ​ര​ണ​ത്തി​ന്‍റെ പ്ര​ഖ്യാ​പ​നം നീ​ട്ടി​യ​ത്. പാ​ർ​ല​മെ​ന്‍റ് സ​മ്മേ​ള​നം ന​ട​ക്കു​ന്പോ​ൾ ആ​യി​രു​ന്നെ​ങ്കി​ൽ പ്ര​ധാ​ന​മ​ന്ത്രി​ക്കോ ആ​ഭ്യ​ന്ത​ര മ​ന്ത്രി​ക്കോ അ​വി​ടെ വി​ശ​ദ​മാ​യ പ്ര​സ്താ​വ​ന ന​ട​ത്തേ​ണ്ടി വ​രു​മാ​യി​രു​ന്നു. ഇ​നി​യി​പ്പോ​ൾ മാ​ർ​ച്ച് 10ന് ​പാ​ർ​ല​മെ​ന്‍റ് വീ​ണ്ടും സ​മ്മേ​ളി​ക്കു​ന്ന​തു​വ​രെ രാ​ഷ്‌​ട്രീ​യ​ക്ക​ളി​ക​ൾ​ക്കു സ​മ​യ​മു​ണ്ട്.

ബി​ജെ​പി ഭ​രി​ക്കു​ന്ന സം​സ്ഥാ​ന​മാ​യ മ​ണി​പ്പു​രി​ലെ പ്ര​തി​സ​ന്ധി പാ​ർ​ല​മെ​ന്‍റി​ലും പു​റ​ത്തും ച​ർ​ച്ച ചെ​യ്യു​ന്ന​തു ഒ​ഴി​വാ​ക്കാ​നാ​ണ് കേ​ന്ദ്രം ആ​ഗ്ര​ഹി​ക്കു​ന്ന​ത്. ലോ​ക​ത്തെ ഞെ​ട്ടി​ച്ച നി​ന്ദ്യ​മാ​യ കൂ​ട്ട​ബ​ലാ​ത്സം​ഗ​ങ്ങ​ളും അ​തി​ക്രൂ​ര കൊ​ല​പാ​ത​ക​ങ്ങ​ളും ഉ​ണ്ടാ​യി​ട്ടും സ്വ​ന്തം ജ​ന​ത​യെ ആ​ശ്വ​സി​പ്പി​ക്കാ​നാ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​നി​യും മ​ണി​പ്പു​രി​ലേ​ക്കു പോ​യി​ട്ടി​ല്ല. ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ മ​ണി​പ്പു​രി​ലെ പ്ര​ചാ​ര​ണം പോ​ലും മോ​ദി ഇ​തി​നാ​യി ഒ​ഴി​വാ​ക്കി.

ജ​ന​രോ​ഷം ക​ണ്ടി​ല്ലെ​ന്നു ന​ടി​ച്ച്

പ്ര​ധാ​ന​മ​ന്ത്രി മോ​ദി​യു​ടെ മൗ​നം ഒ​രു വ​ശ​ത്തു പ്ര​ശ്ന​പ​രി​ഹാ​രം അ​ക​റ്റി​യ​പ്പോ​ൾ മ​റു​വ​ശ​ത്ത് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യു​ടെ ര​ണ്ടു മ​ണി​പ്പു​ർ യാ​ത്ര​ക​ളും പ​രി​ഹാ​ര​ത്തി​ലേ​ക്കു​ള്ള മാ​ർ​ഗ​മാ​യി​ല്ല. ക​ലാ​പം രൂ​ക്ഷ​മാ​യ​പ്പോ​ൾ ദേ​ശീ​യ നേ​താ​ക്ക​ളും കേ​ര​ള എം​പി​മാ​രും ക്രൈ​സ്ത​വ മേ​ല​ധ്യ​ക്ഷ​ന്മാ​രും മ​ണി​പ്പു​രി​ലെ​ത്തി ആ​ശ്വാ​സ​ത്തി​നു ശ്ര​മി​ച്ചി​രു​ന്നു. അ​ധി​കാ​രം പി​ടി​ക്കാ​നാ​യി ഏ​തു നാ​ണം​കെ​ട്ട അ​ധാ​ർ​മി​ക ക​ളി​ക​ൾ​ക്കും നേ​താ​ക്ക​ൾ ത​യാ​റാ​കു​ന്ന​താ​ണു ദു​ര​ന്തം.

എ​ങ്ങി​നെ​യും പു​തി​യ മു​ഖ്യ​മ​ന്ത്രി​യെ ക​ണ്ടെ​ത്താ​നാ​യി വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളു​ടെ ചു​മ​ത​ല​യു​ള്ള ബി​ജെ​പി​യു​ടെ എം​പി സം​ബി​ത് പ​ത്ര ഇം​ഫാ​ലി​ൽ ക്യാ​ന്പ് ചെ​യ്തു ന​ട​ത്തി​യ മാ​ര​ത്ത​ണ്‍ ച​ർ​ച്ച​ക​ൾ ഫ​ലം ക​ണ്ടി​ല്ല. എ​ങ്കി​ലും അ​ധി​കം വൈ​കാ​തെ പു​തി​യ മ​ന്ത്രി​സ​ഭ രൂ​പീ​ക​രി​ക്കാ​നു​ള്ള ശ്ര​മ​ത്തി​ലാ​ണു ബി​ജെ​പി. ഇ​തി​നി​ടെ, അ​ക്ര​മ​ങ്ങ​ൾ ആ​വ​ർ​ത്തി​ക്കാ​തെ നോ​ക്കേ​ണ്ട​തു​ണ്ട്.

വേ​രൂ​ന്നി​യ വം​ശീ​യ സ്വ​ത്വ​ബോ​ധം

ഓ​രോ ഗോ​ത്രത്തിന്‍റെയും ഉ​ത്ഭ​വം മു​ത​ൽ ജീ​വി​ത സം​സ്കാ​ര വൈ​വി​ധ്യ​ങ്ങ​ൾ വ​രെ മ​ന​സി​ലാ​ക്കു​ക മു​ഖ്യ​മാ​ണ്. മ​ത​വി​ശ്വാ​സം ശ​ക്ത​മാ​യ​പ്പോഴും വം​ശീ​യ​മാ​യ സ്വ​ത്വ​ബോ​ധ​മാ​ണു മു​ന്നി​ൽ. മെ​യ്തെ​യ്ക​ളി​ലും കു​ക്കി​ക​ളി​ലും കാ​ല​ങ്ങ​ളാ​യി വേരൂന്നിയ ശ​ക്ത​മാ​യ വം​ശീ​യ സ്വ​ത്വ​ബോ​ധം വേ​ഗ​ത്തി​ൽ ഇ​ല്ലാ​താ​ക്കാ​നാ​കി​ല്ല. അ​തി​ന്‍റെ ആ​വ​ശ്യ​വു​മി​ല്ല. മ​ല​യോ​ര ജ​ന​ത​ക​ളു​ടെ സാ​ഹ​സി​ക​ത, പ്ര​തി​രോ​ധ​ശേ​ഷി, വെ​ല്ലു​വി​ളി​ക​ൾ നേ​രി​ടാ​നു​ള്ള ച​ങ്കൂ​റ്റം, ക​ഠി​നാ​ധ്വാ​നം, ലാ​ളി​ത്യം, നേ​രാ​യ സ​മീ​പ​നം തു​ട​ങ്ങി​യ ഗു​ണ​ങ്ങ​ളെ ക്രി​യാ​ത്മ​ക​മാ​യി പ്ര​യോ​ജ​ന​പ്പെ​ടു​ത്താ​ൻ ക​ഴി​യ​ണം. രാ​ജ്യ​സ്നേ​ഹ​ത്തി​ൽ മാ​ത്ര​മ​ല്ല, ആ​ദ​ർ​ശ​ങ്ങ​ളി​ലും അ​ഭി​ലാ​ഷ​ങ്ങ​ളി​ലും ഏ​ക​മ​ന​സാ​ണ് ഗോ​ത്ര​വി​ഭാ​ഗ​ങ്ങ​ൾ​ക്കു​ള്ള​ത്. കു​ക്കി​ക​ളി​ലും മെ​യ്തെ​യ്ക​ളി​ലും സ​മാ​ന സ​വി​ശേ​ഷ​ത​ക​ളു​ണ്ട്. വൈ​വി​ധ്യ​ങ്ങ​ളെ അം​ഗീ​ക​രി​ക്കു​ക​യാ​ണു സ​ർ​ക്കാ​ർ ചെ​യ്യേ​ണ്ട​ത്.


സ്വ​ഭാ​വം അ​റി​യു​ന്ന​വ​രെ കൂ​ട്ട​ണം

മ​ണി​പ്പു​രി​ന്‍റെ സ​മാ​ധാ​ന​വും പു​രോ​ഗ​തി​യും ഉ​റ​പ്പാ​ക്കാ​നാ​യി ഫ​ല​പ്ര​ദ​വും ശ​ക്ത​വും ദീ​ർ​ഘ​വീ​ക്ഷ​ണ​വു​മു​ള്ള ന​ട​പ​ടി​ക​ൾ ഇ​ത്ര​കാ​ല​വും ഉ​ണ്ടാ​യി​ല്ല. വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളെ​ക്കു​റി​ച്ചു അ​റി​വും താ​ത്പ​ര്യ​വു​മു​ള്ള നി​ഷ്പ​ക്ഷ​മ​തി​ക​ളു​ടെ സേ​വ​ന​വും സ​ഹ​ക​ര​ണ​വും തേ​ടാ​ൻ സ​ർ​ക്കാ​ർ മ​ടി​ക്ക​രു​ത്. ഗോ​ത്ര സ​മൂ​ഹ​ങ്ങ​ളി​ലെ ര​ക്ത​രൂ​ഷി​ത​മാ​യ വൈ​രാ​ഗ്യ​ങ്ങ​ളു​ടെ​യും മു​ൻ​കാ​ല സം​ഘ​ർ​ഷ​ങ്ങ​ളു​ടെ​യും ആ​ഴ​ത്തി​ലു​ള്ള സ്വ​ഭാ​വം അ​റി​യാ​വു​ന്ന​വ​രു​ടെ അ​ഭി​പ്രാ​യ​ങ്ങ​ൾ​ക്ക് വി​ല ക​ൽ​പി​ക്ക​ണം. വി​ദൂ​ര മ​ല​യോ​ര​ങ്ങ​ളി​ല​ട​ക്കം പ​രി​ച​യ​മു​ള്ള, നി​ഷ്പ​ക്ഷ​മ​തി​ക​ളും പ്രാ​പ്ത​രു​മാ​യ നി​ര​വ​ധി സ​ർ​ക്കാ​ർ, സൈ​നി​ക ഉ​ദ്യോ​ഗ​സ്ഥ​രു​ണ്ട്.

വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളു​ടെ ചു​മ​ത​ല​യു​ണ്ടാ​യി​രു​ന്ന ജോ​യി​ന്‍റ് സെ​ക്ര​ട്ട​റി​യും പി​ന്നീ​ട് കേ​ന്ദ്ര ആ​ഭ്യ​ന്ത​ര സെ​ക്ര​ട്ട​റി​യു​മാ​യി​രു​ന്ന ജി.​കെ. പി​ള്ള​യെ പോ​ലെ​യു​ള്ള​വരു​മാ​യി ആ​ലോ​ചി​ച്ച് കേ​ന്ദ്ര​സ​ർ​ക്കാ​ർ ആ​ത്മാ​ർ​ഥ​മാ​യ ശ്ര​മം ന​ട​ത്തു​ക​യാ​ണു പ്ര​ധാ​നം.

നീ​തി​യും നി​രാ​യു​ധീ​ക​ര​ണ​വും

മെ​യ്തെ​യ്, കു​ക്കി വി​ഭാ​ഗ​ങ്ങ​ളി​ലെ തീ​വ്ര സാ​യു​ധ ഗ്രൂ​പ്പു​ക​ളു​ടെ നി​രാ​യു​ധീ​ക​ര​ണം ഉ​റ​പ്പാ​ക്കാ​ൻ പ​ക്ഷ​പാ​തി​ത്വ​മി​ല്ലാ​ത്ത ശ​ക്ത​മാ​യ ന​ട​പ​ടി​ക​ൾ ആ​വ​ശ്യ​മാ​ണ്. ഇ​രു​ഭാ​ഗ​ത്തെ​യും വ​ൻ ആ​യു​ധ ശേ​ഖ​ര​ങ്ങ​ളും വെ​ടി​ക്കോ​പ്പു​ക​ളും വീ​ണ്ടെ​ടു​ത്തേ മ​തി​യാ​കൂ. സ​ന്ന​ദ്ധ സേ​ന, ഗ്രാ​മ പ്ര​തി​രോ​ധ വോ​ള​ണ്ടി​യ​ർ​മാ​ർ തു​ട​ങ്ങി​യ​വ​രെ​ല്ലാം ക​ലാ​പ​ത്തി​ന്‍റെ ഒ​രു വ​ശ​ത്തു ചേ​ർ​ന്ന​വ​രാ​ണ്. അ​ത്ത​രം സം​വി​ധാ​ന​ങ്ങ​ളും പി​രി​ച്ചു​വി​ട​ണം. അ​തി​ർ​ത്തി സം​സ്ഥാ​ന​ത്തെ അ​ന​ധി​കൃ​ത കു​ടി​യേ​റ്റം, മ​യ​ക്കു​മ​രു​ന്നു ക​ച്ച​വ​ടം തു​ട​ങ്ങി​യ പ്ര​ശ്ന​ങ്ങ​ൾ​ക്കും ദീ​ർ​ഘ​കാ​ല പ​രി​ഹാ​രം ആ​വ​ശ്യ​മാ​ണ്.

ആ​ഭ്യ​ന്ത​ര​യു​ദ്ധ സ​മാ​ന​മാ​യ സാ​ഹ​ച​ര്യ​മാ​ണ് അ​വി​ടെ​യു​ള്ള​ത്. രാ​ജ്യ​ത്തി​ന്‍റെ മു​ഖ്യ​ധാ​ര​യി​ൽനി​ന്നു അ​ന്യ​വ്ത​ക​രി​ക്ക​പ്പെ​ട്ട ജ​ന​ത​ക​ളെ ചേ​ർ​ത്തു​നി​ർ​ത്താ​നാ​ക​ണം.

ച​രി​ത്ര​പ​ര​മാ​യ കാ​ര​ണ​ങ്ങ​ളോ​ടൊ​പ്പം സ​മീ​പ​കാ​ല​ത്തെ ചി​ല ത​ത്പ​ര ഗ്രൂ​പ്പു​ക​ളു​ടെ വം​ശീ​യ​വും വ​ർ​ഗീ​യ​വു​മാ​യ തീ​വ്ര നി​ല​പാ​ടു​ക​ളും പ്ര​ശ്നം അ​തീ​വ സ​ങ്കീ​ർ​ണ​മാ​ക്കി​യി​ട്ടു​ണ്ട്. മ​ണി​പ്പു​രി​ലെ വി​വി​ധ സ​മൂ​ഹ​ങ്ങ​ൾ​ക്കി​ട​യി​ലു​ള്ള എ​ല്ലാ തീ​വ്ര, സാ​യു​ധ ഗ്രൂ​പ്പു​ക​ളെ​യും സ​മാ​ധാ​ന​ത്തി​ന്‍റെ​യും പ​ര​സ്പ​ര സ​ഹ​വ​ർ​ത്തി​ത്വ​ത്തി​ന്‍റെ​യും സ​ഹ​ക​ര​ണ​ത്തി​ന്‍റെ​യും പാ​ത​യി​ലെ​ത്തി​ക്കാ​ൻ സ​ർ​ക്കാ​രും പൊ​തു​സ​മൂ​ഹ​വും രാ​ഷ്‌ട്രീ​യ, മ​ത​മേ​ല​ധ്യ​ക്ഷ​ന്മാ​രും യോ​ജി​ച്ചു പ്ര​വ​ർ​ത്തി​ക്ക​ണം.

അ​വ​ഗ​ണ​ന​ തു​ട​ര​രു​ത്

വി​ദ്യാ​ഭ്യാ​സ, തൊ​ഴി​ൽ അ​വ​സ​ര​ങ്ങ​ളു​ടെ നീ​തി​പൂ​ർ​വ​മാ​യ ല​ഭ്യ​ത​യാ​ണു മ​റ്റൊ​രു പ്ര​ശ്നം. ഗോ​ത്ര​ജ​ന​ത​യു​ടെ മ​ത​പ​ര​വും വി​ശ്വാ​സ​പ​ര​വു​മാ​യ സ്വാ​ത​ന്ത്ര്യ​ത്തി​ലേ​ക്കു​ള്ള ക​ട​ന്നു​ക​യ​റ്റ​ങ്ങ​ളും നി​യ​ന്ത്ര​ണ​ത്തി​നു​ള്ള ശ്ര​മ​ങ്ങ​ളും ഉ​ണ്ടാ​ക​രു​ത്. മെ​യ്തെ​യ്ക​ളെ സം​ബ​ന്ധി​ച്ചി​ട​ത്തോ​ളം പ​ട്ടി​ക​വ​ർ​ഗ സം​വ​ര​ണ​ത്തേ​ക്കാ​ളേ​റെ ഭൂ​മി​യു​ടെ അ​വ​കാ​ശ​ത്തി​നു വേ​ണ്ടി​യു​ള്ള മോ​ഹ​മാ​ണു സം​ഘ​ട്ട​ന​ത്തി​നു വ​ഴി​തെ​ളി​ച്ച​തെ​ന്ന വ​സ്തു​ത​യും വി​സ്മ​രി​ക്ക​പ്പെ​ട​രു​ത്. അ​പ്പോ​ഴും ഭ​ര​ണ​ഘ​ട​ന​യു​ടെ അ​നു​ച്ഛേ​ദം 371(സി) ​അ​നു​സ​രി​ച്ചു ഗോ​ത്ര ജ​ന​ത​യ്ക്ക് അ​ർ​ഹ​മാ​യ പ്ര​ത്യേ​ക അ​വ​കാ​ശ​ങ്ങ​ൾ നി​ഷേ​ധി​ക്ക​രു​ത്.

ജ​ന​സം​ഖ്യ​യു​ടെ 53 ശ​ത​മാ​നം വ​രു​ന്ന മെ​യ്തെ​യ് വി​ഭാ​ഗ​മാ​ണു കാ​ല​ങ്ങ​ളാ​യി ഭ​ര​ണം നി​യ​ന്ത്രി​ക്കു​ന്ന​ത്. 60 അം​ഗ നി​യ​മ​സ​ഭ​യി​ൽ 40 പേ​രും ഇം​ഫാ​ൽ താ​ഴ്‌വ​ര​യി​ൽ നി​ന്നു​ള്ള​വ​രാ​ണ്. മെ​യ്തെ​യ് ഭൂ​രി​പ​ക്ഷ താ​ഴ്‌വാ​ര പ്ര​ദേ​ശ​ങ്ങ​ളി​ൽ വി​ക​സ​നം ഒ​തു​ങ്ങി. ബി​ജെ​പി​യി​ലെ ഏ​ഴു പേ​ർ അ​ട​ക്ക​മു​ള്ള 10 കു​ക്കി എം​എ​ൽ​എ​മാ​രും സ്വ​ത​ന്ത്ര ഭ​ര​ണ​പ്ര​ദേ​ശം കൂ​ടി​യേ​തീ​രൂ​വെ​ന്നു പ​ര​സ്യ​മാ​യി ക​ർ​ക്ക​ശ നി​ല​പാ​ടെ​ടു​ക്കാ​ൻ കാ​ര​ണ​വും കാ​ല​ങ്ങ​ളാ​യു​ള്ള ഭ​ര​ണ, വി​ക​സ​ന അ​വ​ഗ​ണ​ന കൂ​ടി​യാ​ണ്.

ഇ​ച്ഛാ​ശ​ക്തി​യു​ണ്ടെ​ങ്കി​ൽ സാ​ധ്യം

ഭ​ര​ണ​പ​ര​വും സൈ​നി​ക​വു​മാ​യ ന​ട​പ​ടി​ക​ളോ​ടൊ​പ്പം മ​നു​ഷ്യ​ത്വ​പ​ര​വും ആ​ത്മാ​ർ​ഥ​വു​മാ​യ അ​നു​ര​ഞ്ജ​ന​ശ്ര​മ​ങ്ങ​ളാ​ണു മ​ണി​പ്പു​രി​ൽ ഉ​ണ്ടാ​കേ​ണ്ട​ത്. ബി​രേ​ൻ സിം​ഗി​നു പ​ക​രം മ​റ്റൊ​രു മു​ഖ്യ​മ​ന്ത്രി​യെ ക​ണ്ടെ​ത്തു​ന്ന​തു​കൊ​ണ്ടു പ്ര​ശ്നം പ​രി​ഹ​രി​ക്ക​പ്പെ​ടാ​നി​ട​യി​ല്ല. ബി​ജെ​പി നേ​തൃ​ത്വ​ത്തി​ലു​ള്ള മ​ന്ത്രി​സ​ഭ​യി​ൽ ഗോ​ത്ര​ജ​ന​ത വി​ശ്വ​സി​ക്കി​ല്ല.

പ​ര​സ്പ​രം വി​ദ്വേ​ഷ​ത്തി​ൽ ക​ഴി​യു​ന്ന മെ​യ്തെ​യ് - കു​ക്കി വി​ഭാ​ഗ​ങ്ങ​ളെ അ​നു​ര​ഞ്ജ​ന​ത്തി​ലേ​ക്കു കൊ​ണ്ടു​വ​രി​ക​യാ​ണു മു​ഖ്യം. ആ​ഴ​ത്തി​ലു​ള്ള മു​റി​വു​ണ​ക്കു​ക​യും ന​ഷ്‌​ട​പ്പെ​ട്ട വി​ശ്വാ​സം വീ​ണ്ടെ​ടു​ക്കു​ക​യു​മാ​ണു വേ​ണ്ട​ത്. ജ​മ്മു കാ​ഷ്മീ​രി​ൽ അ​ട​ക്കം സ​മാ​ധാ​നം കൊ​ണ്ടു​വ​ന്നു​വെ​ന്ന് അ​വ​കാ​ശ​പ്പെ​ടു​ന്ന സ​ർ​ക്കാ​രി​ന് ഇ​ച്ഛാ​ശ​ക്തി​യു​ണ്ടെ​ങ്കി​ൽ മ​ണി​പ്പു​രി​ൽ സ​മാ​ധാ​നം കൊ​ണ്ടു​വ​രാ​നാ​കും.