അ​ടു​ക്കും ​ചി​ട്ട​യു​മി​ല്ലാ​തെ തു​ന്നി​ച്ചേ​ർ​ത്ത അ​ധ്യാ​യ​ങ്ങ​ൾ. അ​തി​ൽ നി​റ​യെ തോ​ന്ന്യാ​ക്ഷ​ര​ങ്ങ​ളും വി​ചി​ത്ര​ഭാ​വ​ന​ക​ളും. പൂ​വി​ന്‍റെ മ​ണ​മാ​യി​ത്തീ​ര​ണ​മെ​ന്ന് ഇ​ച്ഛി​ക്കു​ന്ന സ​ങ്ക​ല്പ​ങ്ങ​ൾ. മ​നു​ഷ്യ​ന്‍റെ ഏ​റ്റ​വും വ​ലി​യ ശ​ത്രു ശ​രീ​ര​മാ​ണെ​ന്ന തി​രി​ച്ച​റി​വു​ക​ൾ. ഇ​തെ​ല്ലാം ഒ​ന്നാ​യി​ച്ചേ​രു​മ്പോ​ൾ ചി​ല​ർ​ക്ക് ജീ​വി​ത​മാ​യി. അ​വ​രെ നാം ​ജീ​നി​യ​സ് എ​ന്ന് അ​വ​ർ കേ​ൾ​ക്കാ​തെ വി​ളി​ക്കു​ന്നു. അ​വ​ർ​ക്ക് ജീ​വി​തം ശ​രീ​രം മാ​ത്ര​മ​ല്ല പ​ര​മ​മാ​യ​ അ​റി​വാ​ണ്; ആ​ന​ന്ദ​മാ​ണ്. അ​വ​ർ​ക്ക് അ​ധി​കാ​ര​ത്തി​ന്‍റെ​യോ കു​ല​മ​ഹി​മ​യു​ടെ​യോ വം​ശ​ത്ത​നി​മ​യു​ടെ​യോ ചി​ഹ്ന​ങ്ങ​ളൊ​ന്നു​മി​ല്ല. ഉ​ല​കി​ന്‍റെ ഉ​യി​രാ​യ ഒ​രൊ​റ്റ​ മ​ത​ത്തി​ന്‍റെ പ്രേ​മ​ക്കൊ​ടി​യും പി​ടി​ച്ചാ​ണ് മ​ഹാ​ക​വി ഉ​ള്ളൂ​ർ ശി​വ​ഗി​രി​ക്കു​ന്ന് ക​യ​റി​യ​ത്. അ​ധി​കാ​ര​ത്തി​ന്‍റെ, മ​ത​ത്തി​ന്‍റെ ഭാ​രം മു​ഴു​വ​ൻ അ​ഴി​ച്ചു​വ​ച്ചു​കൊ​ണ്ടു​ള്ള ക​യ​റ്റം. അ​ഗ്നി​ശോ​ഭ​യാ​ർ​ന്ന അ​രു​ണാ​ച​ലം ക​യ​റി വി​രൂ​പാ​ക്ഷ​ഗു​ഹ​യി​ലെ​ത്തി​യ നാ​രാ​യ​ണ​ഗു​രു ര​മ​ണ മ​ഹ​ർ​ഷി​യെ ക​ണ്ട​പ്പോ​ൾ പ​റ​യാ​തെ പ​റ​ഞ്ഞ​തും അ​താ​ണ്. ജീ​വ​ന്‍റെ സ്വ​ഭാ​വം ആ​ന​ന്ദ​മാ​ണെന്ന തി​രി​ച്ച​റി​വാ​ണ് ഇ​തെ​ല്ലാം. അ​തി​ന് ശി​ല്പ​ഭ​ദ്ര​മാ​യൊ​രു ജീ​വി​ത​പു​സ്ത​ക​ത്തി​ന്‍റെ സ്ഫ​ടി​ക​സു​ന്ദ​ര​മാ​യ അ​ക​വി​താ​ന​ങ്ങ​ൾ ആ​വ​ശ്യ​മി​ല്ല.

ശി​ല​യി​ൽ തീ​ർ​ത്ത മ​ര​ണ​കാ​വ്യ​ങ്ങ​ളാ​യ പി​ര​മി​ഡു​ക​ൾ കാ​ണു​മ്പോ​ഴും വേ​ദ​പു​സ്ത​ക​ത്തി​ലെ ഗി​രി​പ്ര​ഭാ​ഷ​ണം വാ​യി​ക്കു​മ്പോ​ഴും ഞാ​നി​തെ​ല്ലാം ഓ​ർ​ക്കാ​റു​ണ്ട്. വി​റ​കി​ൽ ഒ​ളി​ഞ്ഞി​രി​ക്കു​ന്ന അ​ഗ്നി​യെ​പ്പോ​ലെ, എ​ല്ലാ ജീ​വ​ജാ​ല​ങ്ങ​ളെ​യും ഒ​ന്നാ​യി കാ​ണാ​ൻ പ്രേ​രി​പ്പി​ക്കു​ന്ന എ​ന്തോ ഒ​ന്ന്. അ​തി​നെ ആ​ന​ന്ദ​മെ​ന്നു വി​ളി​ക്കാം. ഇ​തെ​ല്ലാം തി​രി​ച്ച​റി​യാ​ൻ ക​ഴി​യു​ന്ന മ​ന​സി​നെ ന​ല്ല സു​ഹൃ​ത്താ​യി കി​ട്ടു​ക എ​ന്ന​താ​ണ് പ്ര​ധാ​നം. അ​തു ല​ഭി​ച്ചു​ക​ഴി​ഞ്ഞാ​ൽ ജീ​വി​തവി​കാ​ര​മാ​യ ഭാ​ഷ​യെ ന​മു​ക്ക് തി​ട​മ്പാ​യി എ​ഴു​ന്നെ​ള്ളി​ക്കാം. അ​ത​നു​ഭ​വി​ച്ചു ക​ഴി​ഞ്ഞാ​ൽ ന​മ്മു​ടെ അ​നു​രാ​ഗ​ങ്ങ​ൾ ഒ​രി​ക്ക​ലും രോ​ഗ​ങ്ങ​ളാ​യി മാ​റി​ല്ല. ഇ​തു​വ​രെ കേ​ട്ടി​ട്ടി​ല്ലാ​ത്ത ഒ​രു പാ​ട്ടി​നു പി​ന്നാ​ലെ ചി​റ​കു​ക​ൾ വി​ട​ർ​ത്തി ന​മു​ക്കു പ​റ​ന്നു​പോ​കാ​നാ​കും.

ഇ​തെ​ല്ലാം പ​ര​മ​മാ​യ ആ​ന​ന്ദ​ത്തി​ന്‍റെ ര​സ​മു​കു​ള​ങ്ങ​ളാ​ണ്. ജ്ഞാ​നി​യാ​യ സോ​ക്ര​ട്ടീ​സ് എ​ന്നു പ​റ​യേ​ണ്ട​തി​ല്ല എ​ന്ന് കെ.​പി. അ​പ്പ​ൻ സാ​ർ ക്ലാ​സ് മു​റി​യി​ൽ പ​റ​യു​ന്ന​ത് ഞാ​നി​പ്പോ​ൾ ഓ​ർ​മി​ക്കു​ന്നു. സോ​ക്ര​ട്ടീ​സ് എ​ന്ന നാ​മ​ത്തി​ൽ​ത​ന്നെ ജ്ഞാ​നം അ​ന്ത​ർ​ലീ​ന​മാ​യി​രി​ക്കു​ന്നു​വെ​ന്ന് അ​പ്പ​ൻ​സാ​ർ വി​ശ​ദീ​ക​രി​ക്കും. ആ ​അ​ർ​ഥ​ത്തി​ൽ സോ​ക്ര​ട്ടീ​സ് എ​ന്ന നാ​മം ജ്ഞാ​ന​ത്തി​ന്‍റെ​യും ജ്ഞാ​നം പ്ര​കാ​ശി​പ്പി​ക്കു​ന്ന ആ​ന​ന്ദ​ത്തി​ന്‍റെ​യും മ​റു​പേ​രാ​ണെ​ന്നു വ​രു​ന്നു. ‘ദൈ​വ​ദ​ശ​ക’ത്തി​ൽ ജ്ഞാ​ന​മാ​ന​ന്ദം എ​ന്ന് നാ​രാ​യ​ണ​ഗു​രു​ദേ​വ​ൻ പ​റ​ഞ്ഞ​തും ഓ​ർ​ക്കാ​വു​ന്ന​താ​ണ്.


ആ​ന​ന്ദ​ത്തി​ൽ​നി​ന്ന് പു​റ​ത്താ​കു​ന്ന അ​വ​സ്ഥ​യെ​ക്കു​റി​ച്ച് ഒ​രു പ്ര​ഭാ​ഷ​ണ​ത്തി​നി​ട​യി​ൽ ഓ​ഷോ പ​റ​യു​ന്നു​ണ്ട്. To Blissed Out എ​ന്നാ​ണ് ഓ​ഷോ അ​തി​നെ വി​ശേ​ഷി​പ്പി​ക്കു​ന്ന​ത്. ആ​ന​ന്ദ​ത്തി​ൽ​നി​ന്ന് പു​റ​ത്താ​വു​ക എ​ന്ന​തി​ന​ർ​ഥം മൃ​ത​പ്പെ​ട്ടു എ​ന്ന​ല്ല. അ​ന​ന്ത​ത​യെ അ​റി​യു​ന്നു എ​ന്നാ​ണ​ർ​ഥം. അ​ന​ന്താ​ന​ന്ദം എ​ന്നൊ​രു ക​വി​മൊ​ഴി ത​ന്നെ​യു​ണ്ട്. ആ​ന​ന്ദ​ത്തി​ൽ​നി​ന്ന് പു​റ​ത്താ​യ​വ​ർ​ക്കാ​ണ് ഇ​ടി​മി​ന്ന​ലാ​കാ​നും കാ​റ്റി​നെ​തി​രേ ഒ​ഴു​കാ​നും നെ​ടു​വീ​ർ​പ്പു​ക​ൾ​കൊ​ണ്ട് നാം ​മ​ലി​ന​പ്പെ​ടു​ത്തി​യ അ​ന്ത​രീ​ക്ഷ​ത്തെ ശു​ദ്ധീ​ക​രി​ക്കാ​നും ക​ഴി​യു​ന്ന​ത്. ഒ​രി​ക്ക​ൽ ഒ​രു ശി​ഷ്യ​ൻ ബു​ദ്ധ​നോ​ട് ചോ​ദി​ച്ചു:
“അ​ങ്ങ് ക​ണ്ട​തി​ൽ വ​ച്ച് ഏ​റ്റ​വും വ​ലി​യ അ​ത്ഭു​ത​മെ​ന്താ​ണ്?”

ബു​ദ്ധ​ൻ പ​റ​ഞ്ഞു: “പ​രാ​വൃ​ത്തി.”

“മ​ന​സി​ലാ​യി​ല്ല” -ശി​ഷ്യ​ൻ പ​റ​ഞ്ഞു.

“ഉ​ള്ളി​ലേ​ക്കു നോ​ക്കു​ക. അ​പ്പോ​ൾ നി​ങ്ങ​ൾ പു​റ​ത്തു ക​ണ്ട സ​മു​ദ്ര​ങ്ങ​ളെ​ക്കാ​ൾ അ​ഗാ​ധ​സ​മു​ദ്ര​ങ്ങ​ളെ കാ​ണാ​നാ​കും. ആ​യി​രം കാ​ത​ങ്ങ​ൾ​ക്ക​ക​ലെ​യു​ള്ള മേ​ഘ​ങ്ങ​ളെ കാ​ണാ​നാ​കും. ഇ​താ​ണ് ആ​ന​ന്ദം.” -ബു​ദ്ധ​ൻ പ​റ​ഞ്ഞു.

ഇ​തേ അ​നു​ഭ​വ​ത്തി​ന്‍റെ മ​റു​പാ​തി​യി​ൽനി​ന്നൊ​രോ​ർ​മ വ​ന്ന് വാ​തി​ൽ മു​ട്ടു​ന്നു. ചോ​ദ്യം മ​ഹാ​ക​വി പി. ​കു​ഞ്ഞി​രാ​മ​ൻ നാ​യ​രോ​ടാ​യി​രു​ന്നു.

“അ​ങ്ങ് ക​ണ്ട ഏ​റ്റ​വും വ​ലി​യ സ​മു​ദ്ര​മേ​താ​ണ്? എ​ന്നാ​യി​രു​ന്നു ആ ​ചോ​ദ്യം. ഒ​ട്ടും ആ​ലോ​ചി​ക്കാ​തെ പി. ​മ​റു​പ​ടി ന​ൽ​കി.

“ശ​ങ്ക​രാ​ചാ​ര്യ​ർ.”

“അ​ങ്ങ് ക​ണ്ട ഏ​റ്റ​വും വ​ലി​യ സി​നി​മ ഏ​താ​ണ്?”

“​പ്രപ​ഞ്ചം” പി. ​പ​റ​ഞ്ഞു. ഉ​ത്ത​ര​ങ്ങ​ൾ ത​രു​ന്ന ഒ​രാ​ന​ന്ദം. എ​ത്ര ആ​ഴ​ത്തി​ൽ നി​ന്നാ​ണ് ഈ ​ആ​ന​ന്ദ​ങ്ങ​ളെ മ​ഹാ​ക​വി മു​ങ്ങി​ത്ത​പ്പി കൊ​ണ്ടു​വ​രു​ന്ന​ത്. സ്വ​ന്തം കാ​ല്പാ​ടു​ക​ൾ മ​ല​യാ​ള​ക്ക​ര​യാ​കെ തി​ര​ഞ്ഞു ന​ട​ന്ന അ​വ​ധൂ​ത​ക​വി​യെ വാ​യി​ക്കു​മ്പോ​ഴെ​ല്ലാം നാം ​ആ​ന​ന്ദാ​തി​രേ​ക​ത്തോ​ള​മെ​ത്തും. അ​താ​ണ് ആ​ന​ന്ദ​ചി​ന്മ​യ​നാ​യ ഒ​രു ക​വി​യു​ടെ ജീ​വി​തപു​സ്ത​കം.