സ്വാ​ത​ന്ത്ര്യ​ത്തി​ന്‍റെ 100 വ​ർ​ഷം തി​ക​യു​ന്ന 2047-ഓ​ടെ ഒ​രു വി​ക​സി​തരാ​ജ്യ​മാ​കാ​നു​ള്ള ഇ​ന്ത്യ​യു​ടെ കാ​ഴ്ച​പ്പാ​ടാ​ണ് ‘വി​ക​സി​ത് ഭാ​ര​ത്’. ലോ​കോ​ത്ത​ര അ​ടി​സ്ഥാ​ന സൗ​ക​ര്യ​ങ്ങ​ൾ നി​ർ​മി​ക്കു​ക, ദ​ശ​ല​ക്ഷ​ക്ക​ണ​ക്കി​ന് തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ക, നൈ​പു​ണ്യ​മു​ള്ള, വി​ദ്യാ​സ​മ്പ​ന്ന​രാ​യ തൊ​ഴി​ലാ​ളി​ക​ളെ ന​ൽ​കു​ക തു​ട​ങ്ങി​യ​വ​യാ​ണ് ഇ​തി​ന്‍റെ ല​ക്ഷ്യം. 2022ൽ ​പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ത് അ​വ​ത​രി​പ്പി​ച്ച​തി​നു ശേ​ഷം ഇ​ന്ത്യ​യു​ടെ എ​ല്ലാ വാ​ർ​ഷി​ക ബ​ജ​റ്റു​ക​ളി​ലും ‘വി​ക​സി​ത് ഭാ​ര​ത്’ എ​ന്ന ആ​ശ​യം പ്ര​ധാ​ന​പ്പെ​ട്ട ച​ർ​ച്ചാ​വി​ഷ​യ​മാ​ണ്.

2024-25, 2025-26 വ​ർ​ഷ​ങ്ങ​ളി​ലെ കേ​ന്ദ്രബ​ജ​റ്റി​ൽ വ​ള​രെ പ്രാ​ധാ​ന്യ​ത്തോ​ടെ ഇ​തി​നെ​പ്പ​റ്റി പ​റ​ഞ്ഞി​ട്ടു​ണ്ട്. ദീ​ർ​ഘ​കാ​ല പ​ദ്ധ​തി​ക​ൾ രൂ​പ​പ്പെ​ടു​ത്തു​ന്ന​തി​നാ​ൽ, ഭാ​വി ബ​ജ​റ്റു​ക​ളി​ലും ഇ​ക്കാ​ര്യ​ത്തി​ലു​ള്ള ശ്ര​ദ്ധ തു​ട​രാ​നാ​ണ് സാ​ധ്യ​ത. എ​ന്നാ​ൽ, നേ​ടി​യെ​ടു​ക്കാ​നു​ള്ള ദീ​ർ​ഘ​കാ​ല​പാ​ത വ്യ​ക്ത​മാ​ണെ​ങ്കി​ലും, ഈ ​സ്വ​പ്നം സാ​ക്ഷാ​ത്ക​രി​ക്കു​ന്ന​തി​നു സ​ർ​ക്കാ​രി​ന് നി​ര​വ​ധി വെ​ല്ലു​വി​ളി​ക​ൾ മ​റി​ക​ട​ക്കേ​ണ്ട​തു​ണ്ട്.

മ​ന്ദ​ഗ​തി​യി​ലുള്ള സാ​മ്പ​ത്തി​ക വ​ള​ർ​ച്ച

ഇ​ന്ത്യ​യു​ടെ സാ​മ്പ​ത്തി​കവ​ള​ർ​ച്ച ഇ​പ്പോ​ൾ മ​ന്ദ​ഗ​തി​യി​ലാ​ണ്. പൊ​തുനി​ക്ഷേ​പ​ത്തി​ന്‍റെ അ​പ​ര്യാ​പ്ത​ത​യും, ഉ​പ​ഭോ​ക്തൃ ആ​വ​ശ്യ​ക​ത കു​റ​യു​ന്ന​തും, പ്ര​ധാ​ന മേ​ഖ​ല​ക​ളി​ലെ സ്വ​കാ​ര്യ പ​ങ്കാ​ളി​ത്ത​ത്തി​ന്‍റെ അ​ഭാ​വ​വും ഇ​തി​നു കാ​ര​ണ​മാ​ണ്. രാ​ജ്യ​ത്തി​ന്‍റെ പ​രി​വ​ർ​ത്ത​ന​ത്തി​ന് ആ​വ​ശ്യ​മാ​യ വേ​ഗ​ത്തെ ഈ ​വെ​ല്ലു​വി​ളി​ക​ൾ ത​ട​സ​പ്പെ​ടു​ത്തു​ന്നു.

നാ​ഷ​ണ​ൽ സ്റ്റാ​റ്റി​സ്റ്റി​ക്ക​ൽ ഓ​ഫീ​സി​ന്‍റെ (NSO) ആ​ദ്യ മു​ൻ​കൂ​ർ ക​ണ​ക്ക് (അ​ഡ്വാ​ൻ​സ് എ​സ്റ്റി​മേ​റ്റ്) പ്ര​കാ​രം ഇ​ന്ത്യ​യു​ടെ ജി​ഡി​പി വ​ള​ർ​ച്ചാ നി​ര​ക്ക് 2023-24ലെ 8.2 ​ശ​ത​മാ​ന​ത്തി​ൽ​നി​ന്ന് 2024-25ൽ 6.4 ​ശ​ത​മാ​ന​മാ​യി കു​റ​ഞ്ഞു. ല​ഭ്യ​മാ​യ ഡാ​റ്റ​യെ അ​ടി​സ്ഥാ​ന​മാ​ക്കി​യു​ള്ള സാ​മ്പ​ത്തി​കവ​ള​ർ​ച്ച​യു​ടെ ആ​ദ്യ​കാ​ല പ്ര​വ​ച​ന​മാ​ണ് അ​ഡ്വാ​ൻ​സ് എ​സ്റ്റി​മേ​റ്റ്. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​കു​ന്ന മു​റ​യ്ക്ക് ഇ​തു പി​ന്നീ​ട് പ​രി​ഷ്ക​രി​ക്ക​പ്പെ​ടും.

സാ​മ്പ​ത്തി​ക സ​ർ​വേ പ്ര​വ​ചി​ച്ച 6.5-7% പ​രി​ധി​യേ​ക്കാ​ൾ ഇ​തു കു​റ​വാ​ണ്. നോ​മി​ന​ൽ ജി​ഡി​പി​യു​ടെ വ​ള​ർ​ച്ചാനി​ര​ക്ക്, 9.7 ശ​ത​മാ​ന​മാ​യി ക​ണ​ക്കാ​ക്ക​പ്പെ​ടു​ന്നു. ഇ​ത് ക​ഴി​ഞ്ഞ യൂ​ണി​യ​ൻ ബ​ജ​റ്റി​ൽ പ്ര​വ​ചി​ച്ച 10.5 ശ​ത​മാ​ന​ത്തേ​ക്കാ​ൾ വ​ള​രെ കു​റ​വാ​ണ്. അ​ടി​സ്ഥാ​നസൗ​ക​ര്യ​ങ്ങ​ൾ മെ​ച്ച​പ്പെ​ടു​ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്നു​ണ്ടെ​ങ്കി​ലും റോ​ഡു​ക​ൾ, ഊ​ർ​ജം, സാ​ങ്കേ​തി​ക പു​രോ​ഗ​തി തു​ട​ങ്ങി​യ അ​വ​ശ്യ അ​ടി​സ്ഥാ​ന സൗ​ക​ര്യ​ങ്ങ​ളു​ടെ നി​ർ​മാ​ണം പ്ര​തീ​ക്ഷി​ച്ച​തി​ലും മ​ന്ദ​ഗ​തി​യി​ലാ​ണ്. കൂ​ടാ​തെ, പ്രാ​ദേ​ശി​ക അ​സ​മ​ത്വ​ങ്ങ​ൾ സ്ഥി​തി കൂ​ടു​ത​ൽ സ​ങ്കീ​ർ​ണ​മാ​ക്കി. സ​ന്തു​ലി​ത​വും സു​സ്ഥി​ര​വു​മാ​യ വ​ള​ർ​ച്ച ബു​ദ്ധി​മു​ട്ടു​ള്ള കാ​ര്യ​മാ​ണ്.

തൊ​ഴി​ലി​ല്ലാ​യ്മ

ന​മ്മു​ടെ രാ​ജ്യം നേ​രി​ടു​ന്ന പ്ര​ധാ​ന​പ്പെ​ട്ട വെ​ല്ലു​വി​ളി​ക​ളി​ൽ ഒ​ന്നാ​ണ് തൊ​ഴി​ലി​ല്ലാ​യ്മ. വ​ർ​ധി​ച്ചു​വ​രു​ന്ന തൊ​ഴി​ല​വ​സ​ര​ങ്ങ​ൾ​ക്കൊ​പ്പം തൊ​ഴി​ൽ വി​പ​ണി മു​ന്നേ​റു​ന്നി​ല്ല. 2024ൽ ​ഇ​ന്ത്യ​യി​ലെ തൊ​ഴി​ലി​ല്ലാ​യ്മാ നി​ര​ക്ക് 7.7 ശ​ത​മാ​ന​മാ​യി​രു​ന്നു. ഇ​ത് മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് കു​റ​വാ​ണെ​ങ്കി​ലും തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ന്ന​തി​ലെ ഗ​ണ്യ​മാ​യ അ​ന്ത​രം ഇ​തി​ൽ പ്ര​തി​ഫ​ലി​ക്കു​ന്നു. ഇ​ന്ത്യ​യു​ടെ തൊ​ഴി​ൽ ബാ​സ്ക​റ്റ് വ​ർ​ധി​ച്ചി​ട്ടു​ണ്ടെ​ങ്കി​ലും വ​രു​മാ​നം വ​ർ​ധി​പ്പി​ക്കാ​ൻ ക​ഴി​ഞ്ഞി​ട്ടി​ല്ല.
തൊ​ഴി​ൽ​മേ​ഖ​ല​യി​ൽ സ്വ​യം​തൊ​ഴി​ൽ ചെ​യ്യു​ന്ന​വ​രു​ടെ എ​ണ്ണം വ​ർ​ധി​ക്കു​ന്ന​താ​ണു കാ​ര​ണം. ഇ​ന്ത്യ​യി​ൽ ജോ​ലി ചെ​യ്യു​ന്ന ഓ​രോ ര​ണ്ടാ​മ​ത്തെ വ്യ​ക്തി​യും സ്വ​യം​തൊ​ഴി​ൽ ചെ​യ്യു​ന്ന​വ​രാ​ണ്. നൈ​പു​ണ്യ പ​രി​ശീ​ല​നം നേ​ടി​യ തൊ​ഴി​ലാ​ളി​ക​ളു​ടെ കു​റ​വും പ്ര​ധാ​ന പ​രി​മി​തി​യാ​ണ്. നാ​ഷ​ണ​ൽ സ്‌​കി​ൽ ഡെ​വ​ല​പ്‌​മെ​ന്‍റ് കോ​ർ​പ​റേ​ഷ​ൻ (എ​ൻ​എ​സ്‌​ഡി​സി) ന​ട​ത്തി​യ പ​ഠ​നം വ്യ​ക്ത​മാ​ക്കു​ന്ന​ത്, തൊ​ഴി​ൽ​ര​ഹി​ത​രാ​യ ജ​ന​സം​ഖ്യ​യു​ടെ വ​ലി​യൊ​രു വി​ഭാ​ഗം ഗ്രാ​മ​പ്ര​ദേ​ശ​ങ്ങ​ളി​ൽ​നി​ന്നു​ള്ള ബി​രു​ദ​ധാ​രി​ക​ളും യു​വാ​ക്ക​ളു​മാ​ണെ​ന്നാ​ണ്.


മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പു പ​ദ്ധ​തി​ക്ക് ബ​ജ​റ്റ് വി​ഹി​ത​ത്തി​ൽ മു​ൻ​വ​ർ​ഷ​ത്തെ അ​പേ​ക്ഷി​ച്ചു മാ​റ്റ​മൊ​ന്നും ഉ​ണ്ടാ​യി​ട്ടി​ല്ല. കോ​വി​ഡ് കാ​ല​ത്തെ ലോ​ക്ക്ഡൗ​ൺ സ​മ​യ​ത്ത് ഗ്രാ​മീ​ണ സ​മ്പ​ദ്‌വ്യ​വ​സ്ഥ​യെ പി​ന്തു​ണ​ച്ച​ത് തൊ​ഴി​ലു​റ​പ്പു പ​ദ്ധ​തി​യാ​യി​രു​ന്നു. മു​ൻ​വ​ർ​ഷം ഗ്രാ​മീ​ണ തൊ​ഴി​ലു​റ​പ്പു പ​ദ്ധ​തി​ക്കാ​യി ന​ൽ​കി​യ ബ​ജ​റ്റ് വി​ഹി​തം 86,000 കോ​ടി രൂ​പ​യാ​യി​രു​ന്നു. ന​ട​പ്പു​വ​ർ​ഷ​ത്തി​ലും ഇ​തേ തു​ക മാ​ത്ര​മാ​ണു ന​ൽ​കി​യി​ട്ടു​ള്ള​ത്.

ഇ​ന്ത്യ​യി​ലെ നൈ​പു​ണ്യ പ​രി​ശീ​ല​നം നേ​ടി​യ തൊ​ഴി​ലാ​ളി​ക​ളു​ടെ ആ​വ​ശ്യ​വും വി​ത​ര​ണ​വും ത​മ്മി​ലു​ള്ള അ​ന്ത​രം നി​ല​നി​ൽ​ക്കു​ന്നു. നൈ​പു​ണ്യ​മു​ള്ള തൊ​ഴി​ലാ​ളി​ക​ളു​ടെ ആ​വ​ശ്യം 103 ദ​ശ​ല​ക്ഷ​മാ​ണെ​ന്ന് പ​ഠ​നം വി​ല​യി​രു​ത്തു​ന്നു; അ​തേ​സ​മ​യം നി​ല​വി​ലെ വി​ത​ര​ണം വെ​റും 74 ദ​ശ​ല​ക്ഷം മാ​ത്ര​മാ​ണ്.

വ്യ​വ​സാ​യ​ങ്ങ​ൾ വി​ക​സി​ക്കു​ക​യും ഓ​ട്ടോ​മേ​ഷ​ൻ വ​ർ​ധി​ക്കു​കയും ചെ​യ്യു​ന്ന​തി​ന​നു​സ​രി​ച്ച് തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്ക​പ്പെടണം. കൂ​ടാ​തെ, ഈ ​ത​സ്തി​ക​ക​ൾ ഏ​റ്റ​വും ആ​വ​ശ്യ​മു​ള്ള​വ​ർക്ക് എ​ത്തി​പ്പി​ടി​ക്കാ​വു​ന്ന​താ​ണെ​ന്ന് ഉ​റ​പ്പാ​ക്കു​ക​യും വേ​ണം. നൈപുണ്യവി​ക​സ​ന പ​രി​പാ​ടി​ക​ൾ വ​ർ​ധി​പ്പി​ക്കു​ന്ന​തി​നൊ​പ്പം പൊതു-​സ്വ​കാ​ര്യ മേ​ഖ​ല​യി​ലെ തൊ​ഴി​ല​വ​സ​ര​ങ്ങ​ൾ കൂ​ട്ടു​ന്ന​തിനും സം​രം​ഭ​ക​ത്വ​ം പ്രോ​ത്സാ​ഹി​പ്പി​ക്കു​ന്ന​തി​നും യോ​ജി​ച്ച ശ്ര​മ​ങ്ങ​ൾ ആ​വ​ശ്യ​മാ​ണ്.

നി​കു​തിനി​ര​ക്ക് പ​രി​ഷ്ക​രണം

2025-26 ബ​ജ​റ്റ്, ഉ​പ​ഭോ​ഗം വ​ർ​ധി​പ്പി​ക്കു​ന്ന​തി​ൽ, പ്ര​ത്യേ​കി​ച്ച് ദ​രി​ദ്രവി​ഭാ​ഗ​ത്തി​നും മ​ധ്യ​വ​ർ​ഗ​ത്തി​നും ഇ​ട​യി​ൽ, ശ്ര​ദ്ധ കേ​ന്ദ്രീ​ക​രി​ക്കു​ന്നു​വെ​ന്നാ​ണ് ധ​ന​മ​ന്ത്രി ബ​ജ​റ്റ് പ്ര​സം​ഗ​ത്തി​ൽ പ​റ​ഞ്ഞ​ത്. നി​കു​തിനി​ര​ക്ക് പ​രി​ഷ്ക​രി​ക്കു​ന്ന​തി​ലൂ​ടെ സ​ർ​ക്കാ​രി​ന് ഒ​രു ല​ക്ഷം കോ​ടി രൂ​പ​യു​ടെ ന​ഷ്ട​മാ​ണു പ്ര​തീ​ക്ഷി​ക്കു​ന്ന​ത്. ഇ​ത് ഇ​ട​ത്ത​ര​ക്കാ​രു​ടെ നി​കു​തി കു​റ​യ്ക്കു​മെ​ന്നും അ​വ​രു​ടെ കൈ​ക​ളി​ൽ കൂ​ടു​ത​ൽ പ​ണ​മു​ണ്ടാ​കു​മെ​ന്നും ഗാ​ർ​ഹി​ക ഉ​പ​ഭോ​ഗം, സ​മ്പാ​ദ്യം, നി​ക്ഷേ​പം എ​ന്നി​വ വ​ർ​ധി​പ്പി​ക്കു​മെ​ന്നും സ​ർ​ക്കാ​ർ വി​ശ്വ​സി​ക്കു​ന്നു.

ഭൂ​രി​ഭാ​ഗം ആ​ളു​ക​ളു​ടെ​യും യ​ഥാ​ർ​ഥ വ​രു​മാ​നം (റി​യ​ൽ ഇ​ൻ​കം) കു​റ​യു​ന്ന​ത്, ആ​ദാ​യ​നി​കു​തി വെ​ട്ടി​ക്കു​റ​ച്ചു​കൊ​ണ്ട് നി​ക​ത്താ​ൻ ക​ഴി​യി​ല്ല. കാ​ര​ണം, ഭൂ​രി​പ​ക്ഷവും നി​കു​തി അ​ട​യ്ക്കാ​ൻ പ​ര്യാ​പ്ത​ര​ല്ല. ഉ​യ​ർ​ന്ന വ​രു​മാ​ന​മു​ള്ള ന​ഗ​ര നി​കു​തി​ദാ​യ​ക​ർ​ക്ക് നി​കു​തി​യി​ള​വു​ക​ൾ ആ​ശ്വാ​സം ന​ൽ​കു​മെ​ങ്കി​ലും വി​ശാ​ല​മാ​യ മ​ധ്യ​വ​ർ​ഗ​ത്തെ കാ​ര്യ​മാ​യി ബാ​ധി​ക്കി​ല്ല. ഈ ​തീ​രു​മാ​നം മോ​ദി​ക്ക് രാ​ഷ്‌​ട്രീ​യ​നേ​ട്ട​ങ്ങ​ൾ ഉ​ണ്ടാ​ക്കി​യേ​ക്കാം, പ​ക്ഷേ വി​ക​സി​ത ഭാ​ര​തം കൈ​വ​രി​ക്കു​ക എ​ന്ന ല​ക്ഷ്യം പൂ​ർ​ത്തീ​ക​രി​ക്കാ​ൻ സ​ർ​ക്കാ​രി​ന് ഇ​നി ബ​ഹു​ദൂ​രം സ​ഞ്ച​രി​ക്കേ​ണ്ടി​വ​രും. അ​തി​നു​ള്ള മൂ​ല​ധ​ന​വും സ​ർ​ക്കാ​ർ ക​ണ്ടെ​ത്തേ​ണ്ട​തു​ണ്ട്.

(ലേ​ഖി​ക തി​രു​വ​ന​ന്ത​പു​രം മാ​ർ ഈ​വാ​നി​യോ​സ് കോ​ള​ജി​ലെ ഇ​ക്ക​ണോ​മി​ക്സ് വി​ഭാ​ഗം
അ​സി​സ്റ്റ​ന്‍റ് പ്ര​ഫ​സ​റാ​ണ്.)