രക്തസമ്മർദം നിയന്ത്രിക്കാൻ1. ജീവിതശൈലി - മതിയായ ഉറക്കം നേടുക, മാനസിക പിരിമുറുക്കം കുറയ്ക്കുക.
2. ഭക്ഷണരീതി - ഭക്ഷണത്തിൽ ഉപ്പിന്‍റെ അളവ് നിയന്ത്രിക്കുക. ഭക്ഷണത്തിലൂടെ അളവിൽ കൂടുതൽ ശരീരത്തിൽ എത്തുന്ന ഉപ്പ് രക്തത്തിലെ വെള്ളം വലിച്ചെടുക്കുന്നതു മൂലം രക്തവ്യാപ്തി വർധിക്കുകയും തന്മൂലം ഹൃദയത്തിലേക്ക് കൂടുതൽ എത്തുകയും ചെയ്യുന്നു. ഇത് ഹൃദയത്തിന്‍റെ ജോലിഭാരം കൂട്ടി രക്തസമ്മർദം ഉയർത്തുന്നു. രക്താതിസമ്മർദമുള്ളവർ പ്രതിദിനം അഞ്ചു ഗ്രാം ഉപ്പ് മാത്രമേ ആഹാരത്തിൽ ഉൾപ്പെടുത്താവൂ. പപ്പടം, അച്ചാർ, ഉണക്കമീൻ, മിക്സ്ചർ തുടങ്ങിയവ പൂർണമായി ഒഴിവാക്കുക. ഉപ്പിട്ട നാരങ്ങാ വെള്ളം, മോര് വെള്ളം, ജങ്ക്ഫുഡ്, സോസ്, മയോണൈസ് ഇവയിലെല്ലാം ഉപ്പിന്‍റെ അളവ് കൂടുതലാണ്. കൊഴുപ്പ് കൂടിയ ആഹാരവസ്തുക്കൾ ഒഴിവാക്കുക. ഫൈബർ അടങ്ങിയ പച്ചക്കറികളും ഇലക്കറികളും കൂടുതലായി ആഹാരത്തിലുൾപ്പെടുത്തുക.
3. വ്യായാമം- അമിതവണ്ണം കുറയ്ക്കുന്നതിലൂടെ രക്തസമ്മർദ നിലയിൽ വലിയ കുറവ് വരുത്താനാകും. നന്നായി വിയർക്കുന്ന ശാരീരിക പ്രവർത്തനങ്ങളിൽ ഏർപ്പെടുന്നതിലൂടെ രക്തത്തിലെ ഉപ്പിന്‍റെ അളവ് കുറയ്ക്കാനാകും.
4. മോശം ശീലങ്ങൾ - പുകവലി, മദ്യപാനം തുടങ്ങിയ ശീലങ്ങൾ ഉപേക്ഷിക്കേണ്ടതാണ്. നിക്കോട്ടിൻ ഹൃദയമിടിപ്പും രക്തസമ്മർദവും വർധിപ്പിക്കും. രക്തക്കുഴലുകൾ ചുരുങ്ങുന്നതിനും സ്ട്രോക്ക്, ഹൃദ്രോഗം എന്നിവയ്ക്കും പുകവലി കാരണമാകാറുണ്ട്.
(കൊച്ചി ആസ്റ്റർ മെഡ്സിറ്റിയിൽ ഇന്‍റർവെൻഷണൽ കാർഡിയോളജി കൺസൾട്ടന്‍റാണ് ലേഖകൻ)