പെ​ട്രോ​ൾ, ഡീ​സ​ൽ, പാ​ച​ക​വാ​ത​ക വി​ല​ക​ളി​ലെ നി​യ​മാ​നു​സൃ​ത കൊ​ള്ള​യ​ടി പ​ല​പ്പോ​ഴും വേ​ണ്ട​ത്ര ച​ർ​ച്ച​യാ​കാ​റി​ല്ല. പെ​ട്രോ​ളി​യം വി​പ​ണ​ന ക​ന്പ​നി​ക​ൾ ചി​ല്ല​റ വില്പ​ന വി​ല​ക​ൾ ദി​വ​സേ​ന നി​ശ്ച​യി​ക്കു​ന്നു എ​ന്നാ​യി​രു​ന്നു കേ​ന്ദ്രസ​ർ​ക്കാ​രി​ന്‍റെ അ​വ​കാ​ശ​വാ​ദം. എ​ന്നാ​ൽ, ഭ​രി​ക്കു​ന്ന സ​ർ​ക്കാ​രി​ന്‍റെ നി​ർ​ദേ​ശ​പ്ര​കാ​രം രാ​ഷ്‌​ട്രീ​യലാ​ഭം നോ​ക്കി​യാ​ണു വി​ല കൂ​ട്ടു​ക​യും കു​റ​യ്ക്കു​കയും ചെ​യ്യു​ന്ന​തെ​ന്നു മ​ന​സി​ലാ​ക്കാ​ൻ പ്ര​യാ​സ​മു​ണ്ടാ​യി​ല്ല.

ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി മാ​ർ​ച്ച് 15ന് ​പെ​ട്രോ​ളി​നും ഡീ​സ​ലി​നും ലി​റ്റ​റി​നു ര​ണ്ടു രൂ​പ കു​റ​ച്ച​തി​നു പി​ന്നി​ലും വോ​ട്ടു​ബാ​ങ്കു രാ​ഷ്‌​ട്രീ​യം മാ​ത്ര​മെ​ന്ന​തു വ്യ​ക്തം. പ​ല​ത​വ​ണ വി​ല​യും നി​കു​തി​ക​ളും സെ​സും കൂ​ട്ടി​യ​ശേ​ഷ​മാ​ണ് നേ​രി​യ കു​റ​വു വ​രു​ത്തി​യ​ത്. ആ​റു മാ​സ​ത്തോ​ള​മാ​യി പെ​ട്രോ​ൾ, ഡീ​സ​ൽ വി​ല രാ​ജ്യ​ത്താ​കെ മ​ര​വി​പ്പി​ച്ചു നി​ർ​ത്തി​യി​രി​ക്കു​ക​യാ​ണ്. സ​ർ​ക്കാ​രി​ന്‍റെ താ​ത്പ​ര്യം വ്യ​ക്തം.

പൗ​ര​ന്മാ​രെ കൊ​ള്ള​യടി​ക്കു​ന്നു

ആ​ഗോ​ള വി​പ​ണി​യി​ൽ മാ​സ​ങ്ങ​ളോ​ളം എ​ണ്ണ​വി​ല കു​റ​ഞ്ഞി​ട്ടും ഇ​ന്ത്യ​യി​ലെ ഉ​പ​യോ​ക്താ​വി​നു മാ​ത്രം വി​ല കു​റ​യു​ന്നി​ല്ല. അ​സം​സ്കൃ​ത എ​ണ്ണ​വി​ല​യി​ൽ ക​ഴി​ഞ്ഞ ജ​നു​വ​രി​ക്കു ശേ​ഷ​മു​ള്ള ഏ​റ്റ​വും വ​ലി​യ ഇ​ടി​വാ​ണു​ണ്ടാ​യ​ത്. എ​ന്നി​ട്ടും ഇ​ന്ത്യ​യി​ൽ ഇ​ന്ധ​ന​വി​ല കു​റ​ച്ചി​ല്ല. പ​ക​രം തു​ട​ർ​ച്ച​യാ​യി ഉ​യ​ർ​ന്ന വി​ല ഈ​ടാ​ക്കി സാ​ധാ​ര​ണ പൗ​ര​ന്മാ​രെ കൊ​ള്ള​യ​ടി​ക്കു​ന്നു. വാ​ണി​ജ്യാ​വ​ശ്യ​ത്തി​നു​ള്ള 19 കി​ലോ​യു​ടെ എ​ൽ​പി​ജി സി​ലി​ണ്ട​റി​നു ക​ഴി​ഞ്ഞ ഒ​ന്നാം തീ​യ​തി മു​ത​ൽ 39 രൂ​പ വീ​തം വി​ല കൂ​ട്ടു​ക​യും ചെ​യ്തു.

ഇ​ന്ത്യ​ൻ ഓ​യി​ൽ, ഭാ​ര​ത് പെ​ട്രോ​ളി​യം, ഹി​ന്ദു​സ്ഥാ​ൻ പെ​ട്രോ​ളി​യം എ​ന്നീ പൊ​തു​മേ​ഖ​ലാ എ​ണ്ണ​ക്ക​ന്പ​നി​ക​ളു​ടെ​യും റി​ല​യ​ൻ​സ് ജി​യോ, അ​ദാ​നി, എ​സാ​ർ, ഷെ​ൽ തു​ട​ങ്ങി​യ സ്വ​കാ​ര്യ ക​ന്പ​നി​ക​ളു​ടെ​യും ലാ​ഭം കു​തി​ച്ചു​യ​ർ​ന്നി​ട്ടും സാ​ധാ​ര​ണ​ക്കാ​രെ കൊ​ള്ള​യ​ടി​ക്കു​ന്ന​തു തു​ട​രു​ന്നു. അ​സം​സ്കൃ​ത എ​ണ്ണ​വി​ല ഇ​ടി​ഞ്ഞ​തി​ന്‍റെ പ്ര​യോ​ജ​നം സാ​ധാ​ര​ണ ഉ​പ​യോ​ക്താ​വി​നു കൈ​മാ​റാ​തെ​യാ​ണ് എ​ണ്ണ​ക്ക​ന്പ​നി​ക​ളും സ​ർ​ക്കാ​രും പോ​ക്ക​റ്റ് വീ​ർ​പ്പി​ക്കു​ന്ന​ത്.

14 മാ​സ​ത്തി​ലെ ഏ​റ്റ​വും താ​ഴെ

അ​ന്താ​രാ​ഷ്‌​ട്ര ക്രൂ​ഡ് ഓ​യി​ൽ വി​ല ക​ഴി​ഞ്ഞ വ്യാ​ഴാ​ഴ്ച 14 മാ​സ​ത്തെ ഏ​റ്റ​വും താ​ഴ്ന്ന നി​ല​യി​ലെ​ത്തി. 2023 ജൂ​ണി​നു ശേ​ഷ​മു​ള്ള ഏ​റ്റ​വും കു​റ​ഞ്ഞ നി​ര​ക്കി​ലാ​ണ് ആ​ഗോ​ള എ​ണ്ണ​വി​ല. ഇ​ന്ന​ലെ ഒ​രു ശ​ത​മാ​നം വി​ല ഉ​യ​ർ​ന്നു. എ​ങ്കി​ലും കു​റ​ഞ്ഞ വി​ല തു​ട​രു​മെ​ന്നാ​ണു റി​പ്പോ​ർ​ട്ട്. അ​റ​ബ് രാ​ജ്യ​ങ്ങ​ളു​ടെ നേ​തൃ​ത്വ​ത്തി​ലു​ള്ള ഓ​ർ​ഗ​നൈ​സേ​ഷ​ൻ ഓ​ഫ് പെ​ട്രോ​ളി​യം എ​ക്സ്പോ​ർ​ട്ടിം​ഗും (ഒ​പെ​ക്) സ​ഖ്യ​രാ​ജ്യ​ങ്ങ​ളും വി​ത​ര​ണം വ​ർ​ധി​പ്പി​ക്കാ​ൻ വൈ​കു​ന്ന​തും അ​മേ​രി​ക്ക​ൻ ഇ​ൻ​വെ​ന്‍റ​റി​ക​ളി​ൽ​നി​ന്നു പ്ര​തീ​ക്ഷി​ച്ച​തി​ലും വ​ലി​യ പി​ൻ​വ​ലി​ക്ക​ലും ഉ​ണ്ടാ​യി​ട്ടും ഗ​ണ്യ​മാ​യി വി​ല കൂ​ടി​യി​ല്ല.

ബ്രെ​ന്‍റ് ക്രൂ​ഡ് ബാ​ര​ലി​ന് 73.59 ഡോ​ള​റും അ​മേ​രി​ക്ക​യു​ടെ ഡ​ബ‍്ല‍്യു​ടി​ഐ (വെ​സ്റ്റ് ടെ​ക്സാ​സ് ഇ​ന്‍റ​ർ​മീ​ഡി​യേ​റ്റ്) ക്രൂ​ഡി​ന് 70.14 ഡോ​ള​റു​മാ​ണ് ഇ​ന്ന​ല​ത്തെ വി​ല. ഇ​ന്ത്യ വാ​ങ്ങു​ന്ന അ​സം​സ്കൃ​ത എ​ണ്ണ​വി​ല ശ​രാ​ശ​രി 73.6 ഡോ​ള​റാ​യി കു​റ​ഞ്ഞു. മ​ൾ​ട്ടി ക​മ്മോ​ഡി​റ്റി എ​ക്സ്ചേ​ഞ്ചി​ൽ (എം​സി​എ​ക്സ്) ക്രൂ​ഡ് ഓ​യി​ൽ ഫ്യൂ​ച്ച​റു​ക​ൾ ബാ​ര​ലി​ന് 512 രൂ​പ നി​ര​ക്കി​ലാ​ണ് ഇ​ന്ത്യ വാ​ങ്ങി​യ​ത്. ബാ​ര​ലി​ന് 85 ഡോ​ള​ർ ശ​രാ​ശ​രി വി​ല ആ​യാ​ലും ഭ​യ​പ്പെ​ടാ​നി​ല്ല. ലി​ബി​യ​യി​ൽ​നി​ന്നു​ള്ള എ​ണ്ണവി​ത​ര​ണം കൂ​ടാ​ൻ സാ​ധ്യ​ത​യു​ള്ള​തി​നാ​ൽ ആ​ഗോ​ള വി​പ​ണി​യി​ൽ വീ​ണ്ടും വി​ല കു​റ​ഞ്ഞേ​ക്കാം.

ഇ​ന്ത്യ​ക്കി​ത് അ​നു​കൂ​ല കാ​ലം

അ​സം​സ്കൃ​ത എ​ണ്ണവി​ല താ​ഴാ​ൻ ഘ​ട​ക​ങ്ങ​ൾ പ​ല​താ​ണ്. ഓ​ഗ​സ്റ്റ് 30ന് ​അ​വ​സാ​നി​ച്ച ആ​ഴ്ച​യി​ൽ 69 ല​ക്ഷം ബാ​ര​ൽ ക്രൂ​ഡ് ആ​ണു വി​പ​ണി​യി​ലെ​ത്തി​യ​ത്. 2019 മു​ത​ലു​ള്ള അ​ഞ്ചു വ​ർ​ഷ​ത്തി​നി​ടെ ശ​രാ​ശ​രി 38 ല​ക്ഷം ബാ​ര​ലു​ക​ളു​ടെ കു​റ​വു​ണ്ടാ​യി​രു​ന്നു. ക​ഴി​ഞ്ഞ വ​ർ​ഷം ഇ​തേ ആ​ഴ്ച​യി​ൽ 63 ല​ക്ഷം ബാ​ര​ലു​ക​ളെ​ത്തി​യി​രു​ന്നു. ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ലെ ആ​സൂ​ത്രി​ത എ​ണ്ണ ഉ​ത്പാ​ദ​ന വ​ർ​ധ​ന​ വൈ​കി​ക്കാ​ൻ ഒ​പെ​ക് രാ​ജ്യ​ങ്ങ​ൾ തീ​രു​മാ​നി​ച്ചി​ട്ടു​ണ്ടെ​ങ്കി​ലും അ​തും വി​ല കൂ​ട്ടി​ല്ല.

ലോ​ക​ത്തി​ലെ ഏ​റ്റ​വും വ​ലി​യ ക്രൂ​ഡ് ഓ​യി​ൽ ഇ​റ​ക്കു​മ​തി രാ​ജ്യ​മാ​യ ചൈ​ന, ഫോ​സി​ൽ ഇ​ന്ധ​ന​ത്തെ ആ​ശ്ര​യി​ക്കു​ന്ന​തു കു​റ​യ്ക്കു​ന്ന ന​യം തു​ട​രു​ന്ന​തു വീ​ണ്ടും വി​ല​യി​ടി​ക്കും. ചൈ​ന​യി​ലെ ആ​വ​ശ്യം കൂ​ടാ​ത്ത​തും ലി​ബി​യ​ൻ എ​ണ്ണ ക​യ​റ്റു​മ​തി നി​ർ​ത്ത​ലാ​ക്കു​ന്ന ത​ർ​ക്കം അ​വ​സാ​നി​ച്ച​തു​മെ​ല്ലാം ആ​ഗോ​ള എ​ണ്ണവി​പ​ണി​യി​ലെ വി​ല​യി​ടി​വി​നു പ്രേ​ര​ക​മാ​കും. യു​ക്രെ​യ്ൻ യു​ദ്ധ​ത്തെ തു​ട​ർ​ന്നു കു​റ​ഞ്ഞ വി​ല​യ്ക്ക് ഇ​ന്ത്യ​ക്ക് എ​ണ്ണ വി​ൽ​ക്കാ​തെ റ​ഷ്യ​ക്കു ത​ര​മി​ല്ലാ​തെ വ​ന്ന​തി​ന്‍റെ നേ​ട്ട​വും ഇ​ന്ത്യ​ക്കു​ണ്ട്. ഏ​ഷ്യ​ൻ രാ​ജ്യ​ങ്ങ​ൾ​ക്ക് ഒ​ക്ടോ​ബ​റി​ൽ വി​ൽ​ക്കു​ന്ന അ​സം​സ്കൃ​ത എ​ണ്ണ​വി​ല​യി​ൽ ബാ​ര​ലി​ന് 70 സെ​ന്‍റ് വ​രെ കു​റ​യ്ക്കാ​ൻ സൗ​ദി അ​റേ​ബ്യ തീ​രു​മാ​നി​ച്ച​തും ഗു​ണ​ക​ര​മാ​കും

എ​ണ്ണ​ക്ക​ന്പ​നി ലാ​ഭം 71 മ​ട​ങ്ങ്

ആ​ഗോ​ളവി​പ​ണി​യി​ൽ എ​ണ്ണ​വി​ല കു​റ​ഞ്ഞി​ട്ടും ഇ​ന്ത്യ​യി​ൽ പെ​ട്രോ​ൾ, ഡീ​സ​ൽ വി​ല കു​റ​യ്ക്കാ​തെ, പൊ​തു​മേ​ഖ​ലാ എ​ണ്ണക്ക​ന്പ​നി​ക​ൾ റി​ക്കാ​ർ​ഡ് ലാ​ഭം നേ​ടി. സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള ഇ​ന്ത്യ​ൻ ഓ​യി​ൽ, ഭാ​ര​ത് പെ​ട്രോ​ളി​യം, ഹി​ന്ദു​സ്ഥാ​ൻ പെ​ട്രോ​ളി​യം (ഐ​ഒ​സി​എ​ൽ, ബി​പി​സി​എ​ൽ, എ​ച്ച്പി​സി​എ​ൽ) എ​ന്നീ ക​ന്പ​നി​ക​ൾ ഒ​രു​മി​ച്ച് 2023-24ൽ 82,500 ​കോ​ടി രൂ​പ​യാ​ണു ലാ​ഭം ഉ​ണ്ടാ​ക്കി​യ​ത്. മു​ൻ വ​ർ​ഷ​ത്തെ ലാ​ഭ​ത്തി​ന്‍റെ 71 മ​ട​ങ്ങാ​ണി​ത്. ക​ന്പ​നി​ക​ൾ സ്ഥാ​പി​ച്ച​തി​നു ശേ​ഷ​മു​ള്ള ഏ​റ്റ​വും വ​ലി​യ അ​റ്റാ​ദാ​യം! 2022-23ൽ ​ഈ ക​ന്പ​നി​ക​ൾ 6,810.40 കോ​ടി രൂ​പ​യാ​ണ് അ​റ്റാ​ദാ​യം നേ​ടി​യ​ത്. 2022 സാ​ന്പ​ത്തി​കവ​ർ​ഷ​ത്തേ​ക്കാ​ൾ 75.2 ശ​ത​മാ​നം വ​ർ​ധ​ന​യാ​യി​രു​ന്നു അ​ത്.


രാ​ജ്യ​ത്തെ ഏ​റ്റ​വും വ​ലി​യ എ​ണ്ണവി​പ​ണ​ന ക​ന്പ​നി​യാ​യ ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ 2023-24ൽ ​എ​ക്കാ​ല​ത്തെ​യും ഉ​യ​ർ​ന്ന അ​റ്റാ​ദാ​യ​മാ​യ 39,618.84 കോ​ടി രൂ​പ​യാ​ണു സ്വ​രു​ക്കൂ​ട്ടി​യ​ത്. തൊ​ട്ടു​മു​ൻ​വ​ർ​ഷം 10,058.69 കോ​ടി രൂ​പ​യാ​യി​രു​ന്നു അ​റ്റാ​ദാ​യം. ക​ന്പ​നി​യു​ടെ ഗ്രോ​സ് റി​ഫൈ​നിം​ഗ് മാ​ർ​ജി​ൻ ഒ​രു വ​ർ​ഷം മു​ന്പ​ത്തെ 19.52ൽ ​നി​ന്ന് 2023-24ൽ ​ബാ​ര​ലി​ന് 12.05 ഡോ​ള​റാ​യി കു​റ​ഞ്ഞി​രു​ന്നു. ഹി​ന്ദു​സ്ഥാ​ൻ പെ​ട്രോ​ളി​യം 2024 സാ​ന്പ​ത്തി​കവ​ർ​ഷ​ത്തി​ൽ 14,600 കോ​ടി രൂ​പ​യു​ടെ റി​ക്കാ​ർ​ഡ് അ​റ്റാ​ദാ​യം നേ​ടി. മു​ൻ വ​ർ​ഷം 8,974 കോ​ടി രൂ​പ​യു​ടെ ന​ഷ്ട​മാ​ണു രേ​ഖ​പ്പെ​ടു​ത്തി​യ​ത്.

കോ​ര​ന്‍റെ ക​ണ്ണീ​രി​ൽ ധൂ​ർ​ത്ത്

മ​ര്യാ​ദ​യി​ല്ലാ​ത്ത ധൂ​ർ​ത്തും ന്യാ​യ​മാ​യ​തി​ലും കൂ​ടു​ത​ൽ ശ​ന്പ​ള​വും ആ​നു​കൂ​ല്യ​ങ്ങ​ളും ന​ൽ​കി​യ ശേ​ഷ​മാ​ണു സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള എ​ണ്ണ​ക്ക​ന്പ​നി​ക​ൾ കൊ​ള്ള​ലാ​ഭം ഉ​ണ്ടാ​ക്കി​യ​ത്. ഹൈ ​സ്പീ​ഡ് ഡീ​സ​ലി​നും പെ​ട്രോ​ളി​നും ഇ​ര​ട്ട അ​ക്ക മൊ​ത്ത റി​ഫൈ​നിം​ഗ് മാ​ർ​ജി​നു​ക​ളും ന​ല്ല മാ​ർ​ക്ക​റ്റിം​ഗ് മാ​ർ​ജി​നു​ക​ളും ന​ൽ​കി​യ ശേ​ഷ​മു​ള്ള ലാ​ഭ​മാ​ണി​ത്. ക്രൂ​ഡ് ഓ​യി​ൽ വി​ല​ക്കു​റ​വി​ന്‍റെ ഗു​ണം ജ​ന​ങ്ങ​ൾ​ക്കു കൈ​മാ​റാ​തെ​യാ​ണു ന​ട്ടു​ച്ച​യ്ക്ക് പ​ക​ൽ​ക്കൊ​ള്ള തു​ട​രു​ന്ന​ത്. സാ​ധാ​ര​ണ​ക്കാ​രി​ൽ​നി​ന്ന് ഓ​രോ ലി​റ്റ​റി​നും മാ​സ​ങ്ങ​ളാ​യി അ​മി​തവി​ല ഈ​ടാ​ക്കു​ന്നു.

സ​ർ​ക്കാ​ർ, പൊ​തു​മേ​ഖ​ലാ സ്ഥാ​പ​ന​ങ്ങ​ളി​ലെ മേ​ലു​ദ്യോ​ഗ​സ്ഥ​ർ​ക്കും ജീ​വ​ന​ക്കാ​ർ​ക്കും എ​ത്ര കി​ട്ടി​യാ​ലും മ​തി​യാ​കി​ല്ല. മ​ന്ത്രി​മാ​ർ എം​പി​മാ​ർ, എം​എ​ൽ​എ​മാ​ർ, ഐ​എ​എ​സ്, ഐ​പി​എ​സ് തു​ട​ങ്ങി​യ സി​വി​ൽ സ​ർ​വീ​സ് ഉ​ദ്യോ​ഗ​സ്ഥ​ർ എ​ന്നി​വ​രും ശ​ന്പ​ള​വും കി​ന്പ​ള​വും ആ​നു​കൂ​ല്യ​ങ്ങ​ളു​മാ​യി ല​ക്ഷ​ങ്ങ​ളും കോ​ടി​ക​ളും സ​ന്പാ​ദി​ക്കു​ന്ന​തും ജ​നം കാ​ണു​ന്നു​ണ്ട്.

ഇ​പ്പോ​ഴും 25 കോ​ടി​യി​ലേ​റെ പേ​ർ ദാ​രി​ദ്ര‍്യ​ത്തി​ലും കൊ​ടി​യ ദു​രി​ത​ത്തി​ലും ക​ഴി​യു​ന്ന രാ​ജ്യ​ത്താ​ണു സ​ർ​ക്കാ​ർ ഉ​ദ്യോ​ഗ​സ്ഥ​ർ ശ​ന്പ​ള​വും ആ​നു​കൂ​ല്യ​ങ്ങ​ളും പ​തി​വാ​യി വ​ർ​ധി​പ്പി​ച്ചെ​ടു​ത്ത് അ​ർ​മാ​ദി​ക്കു​ന്ന​ത്. ഒ​രു നേ​ര​ത്തെ ക​ഞ്ഞി​ക്കു നി​വൃ​ത്തി​യി​ല്ലാ​ത്ത കോ​ര​ന്മാ​രെ​യും പ്ര​തി​സ​ന്ധി​യി​ലാ​യ ക​ർ​ഷ​ക​രെ​യും സാ​ധാ​ര​ണ തൊ​ഴി​ലാ​ളി​ക​ളെ​യും സ​ഹാ​യി​ക്കാ​ൻ ഭ​ര​ണ, രാ​ഷ്‌​ട്രീ​യ നേ​തൃ​ത്വ​ത്തി​നു താ​ത്പ​ര്യ​മി​ല്ല.

തീ​വി​ല​യി​ൽ പൊ​റു​തി​മു​ട്ടി ജ​നം

അ​രി, പ​യ​ർ​വ​ർ​ഗ​ങ്ങ​ൾ, ഭ​ക്ഷ്യ​യെ​ണ്ണ എ​ന്നി​വ മു​ത​ൽ മ​ത്സ‍്യം, മാം​സം, മു​ട്ട, പാ​ൽ, പ​ച്ച​ക്ക​റി​ക​ൾ തു​ട​ങ്ങി​യ അ​വ​ശ്യ​സാ​ധ​ന​ങ്ങ​ളു​ടെ അ​ട​ക്കം ജ​ന​ങ്ങ​ൾ വാ​ങ്ങു​ന്ന​തി​നെ​ല്ലാം റോ​ക്ക​റ്റ് പോ​ലെ വി​ല കു​തി​ച്ചു​യ​രു​ന്നു. ഉ​യ​ർ​ന്ന ഡീ​സ​ൽ, പെ​ട്രോ​ൾ വി​ല​യാ​ണ് ഇ​തി​നു പ്ര​ധാ​ന കാ​ര​ണം. ഓ​ണ​ക്കാ​ല​മാ​യി​ട്ടും ഉ​പ്പു മു​ത​ൽ ക​ർ​പ്പൂ​രം വരെ തീ​വി​ല​യാ​യി. താ​ങ്ങാ​നാ​കാ​ത്ത പ​ണ​പ്പെ​രു​പ്പ നി​ര​ക്കി​ൽ നേ​രി​യ കു​റ​വു​ണ്ടെ​ന്നു സ​ർ​ക്കാ​ർ ക​ണ​ക്കു നി​ര​ത്തു​ന്പോ​ഴും സാ​ധാ​ര​ണ​ക്കാ​ര​ന്‍റെ അ​ടു​ക്ക​ള​യി​ൽ വേ​ണ്ട​തി​നെ​ല്ലാം പ​ല​മ​ട​ങ്ങു വി​ല കൂ​ടി​യെ​ന്ന​താ​ണു പൊ​ള്ളു​ന്ന യാ​ഥാ​ർ​ഥ്യം.

കൃ​ഷി, വി​ദ്യാ​ഭ്യാ​സം, ചി​കി​ത്സ, ഭ​വ​ന​നി​ർ​മാ​ണം എ​ന്നി​വ മു​ത​ൽ ബ​സ്, ടാ​ക്സി, ട്രെ​യി​ൻ, വി​മാ​ന യാ​ത്ര​ക​ൾ വ​രെ​യു​ള്ള ജ​ന​ങ്ങ​ളു​ടെ ജീ​വി​ത​ച്ചെ​ല​വു​ക​ൾ പ​ല​മ​ട​ങ്ങു വ​ർ​ധി​ച്ചു. കോ​ർ​പ​റേ​റ്റ് കു​ത്ത​ക​ക​ൾ​ക്കു വ​ലി​യ നി​കു​തി​യി​ള​വു​ക​ൾ ന​ൽ​കു​ന്പോ​ഴും കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ ജ​ന​ങ്ങ​ളു​ടെ നി​കു​തി ഭാ​രം കൂ​ട്ടു​ക​യാ​ണ്. ഭൂ​മി​യു​ടെ ആ​ധാ​ര​ച്ചെ​ല​വു മു​ത​ൽ ഏ​താ​ണ്ടെ​ല്ലാ​റ്റിനും നി​ര​ക്കു​ കൂ​ട്ടി. സാ​ധാ​ര​ണ​ക്കാ​ർ, ക​ർ​ഷ​ക​ർ, തൊ​ഴി​ലാ​ളി​ക​ൾ, ചെ​റു​കി​ട ക​ച്ച​വ​ട​ക്കാ​ർ തു​ട​ങ്ങി​യ​വ​രു​ടെ​യെ​ല്ലാം വ​രു​മാ​നം കു​റ​യു​ക​യും ചെ​യ്തു. കോ​വി​ഡ് കാ​ല ദു​രി​ത​ങ്ങ​ളി​ൽ​നി​ന്നു ക​ര​ക​യ​റു​ന്ന​തി​നു മു​ന്പാ​ണു വി​ല​ക്ക​യ​റ്റ​ത്തി​ന്‍റെ ഭാ​ര​വും പേ​റു​ന്ന​ത്. ജ​ന​ക്ഷേ​മം ഉ​റ​പ്പാ​ക്കേ​ണ്ട ജ​ന​കീ​യ സ​ർ​ക്കാ​രു​ക​ൾ, ജ​ന​ങ്ങ​ളെ ദ്രോ​ഹി​ച്ചും ഞെ​ക്കി​പ്പി​ഴി​ഞ്ഞും കൊ​ള്ള​യ​ടി തു​ട​രു​ന്ന​തി​നെ​തി​രേ ജ​ന​രോ​ഷം ഉ​യ​രാ​തെ മാ​ർ​ഗ​മി​ല്ല.

ജ​ന​ങ്ങ​ളെ മ​റ​ന്ന് എ​ണ്ണ​ തേ​യ്ക്ക​രു​ത്

ആ​ഗോ​ള എ​ണ്ണ വി​പ​ണി​യി​ലെ വി​ല​ക്കു​റ​വി​ന്‍റെ അ​ർ​ഹ​മാ​യ ആ​നു​കൂ​ല്യം സാ​ധാ​ര​ണ ഉ​പ​യോ​ക്താ​വി​നു നി​ഷേ​ധി​ച്ചു​കൊ​ണ്ടു​ള്ള ഈ ​കൊ​ള്ള ഇ​നി​യും തു​ട​രാ​ൻ അ​നു​വ​ദി​ച്ചു കൂ​ടാ. ഇ​ന്ധ​ന​വി​ല ഉ​ട​ൻ കു​റ​ച്ചേ മ​തി​യാ​കൂ. അ​ന്താ​രാ​ഷ്‌​ട്ര വി​പ​ണി​യി​ൽ വി​ല ക​യ​റി​യ​പ്പോ​ഴൊ​ക്കെ ജ​ന​ങ്ങ​ളു​ടെ മേ​ൽ അ​മി​ത​ഭാ​രം ചു​മ​ത്താ​ൻ മ​ടി​ച്ചി​ട്ടു​മി​ല്ല. അം​ബാ​നി​യു​ടെ​യും അ​ദാ​നി​യു​ടെ​യും അ​ട​ക്ക​മു​ള്ള എ​ണ്ണ​ക്ക​ന്പ​നി​ക​ളും സ​ർ​ക്കാ​രു​ക​ളും ചേ​ർ​ന്നു​ള്ള പോ​ക്ക​റ്റ​ടി​ക്കെ​തി​രേ കോ​ണ്‍ഗ്ര​സും സി​പി​എ​മ്മും ആം ​ആ​ദ്മി പാ​ർ​ട്ടി​യും അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ മൗ​നം തു​ട​രു​ന്ന​തു പ​രി​ഹാ​സ്യ​വും തെ​റ്റു​മാ​ണ്. രാ​ഷ്‌​ട്രീ​യ​ക്ക​ളി​ക​ൾ​ക്കി​ട​യി​ൽ സാ​ധാ​ര​ണ​ക്കാ​രു​ടെ വേ​ദ​ന​യും ദു​രി​ത​വും ക​ണ്ടി​ല്ലെ​ന്നു സ​ർ​ക്കാ​രു​ക​ളും രാ​ഷ്‌​ട്രീ​യ​നേ​താ​ക്ക​ളും ന​ടി​ക്ക​രു​ത്.