ച​ങ്ങ​നാ​ശേ​രി: ആ​ര്‍ച്ച്ബി​ഷ​പ് മാ​ര്‍ ജോ​സ​ഫ് പെ​രു​ന്തോ​ട്ട​ത്തി​ന്‍റെ ആ​ത്മ​ക​ഥാം​ശം നി​റ​ഞ്ഞു​നി​ല്‍ക്കു​ന്ന "ഓ​ര്‍മ്മ​ച്ചെ​പ്പ്' അ​ദ്ദേ​ഹ​ത്തി​ന്‍റെ ജീ​വി​താ​നു​ഭ​വ​ങ്ങ​ളു​ടെ നേ​ര്‍ക്കാ​ഴ്ച​യാ​കു​ന്നു. പു​ന്ന​ത്തു​റ​യു​ടെ ഗ്രാ​മീ​ണ​വിശുദ്ധിയും മാ​താ​പി​താ​ക്ക​ളാ​യ പെ​രു​ന്തോ​ട്ടം ജോ​സ​ഫ്-​അ​ന്ന​മ്മ ദ​മ്പ​തി​ക​ളു​ടെ സ്‌​നേ​ഹ​പ​രി​ലാ​ള​ന​യും വി​ശ്വാ​സ തീ​ക്ഷ്ണ​ത​യു​മാ​ണ് ത​ന്നെ ദൈ​വ​വി​ളി​യി​ലേ​ക്കും പൗ​രോ​ഹി​ത്യ​ത്തി​ലേ​ക്കും ന​യി​ച്ച​തെ​ന്ന് "ഓ​ര്‍മ്മ​ച്ചെ​പ്പി​'ല്‍ പിതാവ് കു​റി​ക്കു​ന്നു. ല​ളി​ത​വും സ​ര​ള​വു​മാ​യ ഭാ​ഷ​യാ​ണ് ഓ​ര്‍മ്മ​ച്ചെ​പ്പി​ന്‍റെ മു​ഖ്യ​സ​വി​ശേ​ഷ​ത​. ചി​ന്താ​മൃ​ത​ങ്ങ​ളാ​യ ഒ​ട്ട​ന​വ​ധി ആ​ശ​ങ്ങ​ളാ​ണ് ഈ ​ഗ്ര​ന്ഥ​ത്തി​ന്‍റെ ഉള്ളടക്കം.

വ​ള​രെ ചെ​റു​പ്പം​ മു​ത​ലേ അ​ല്‍ത്താ​ര ബാ​ല​നാ​കാ​ന്‍ സാ​ധി​ച്ച​ത് വി​ശു​ദ്ധ​ കു​ര്‍ബാ​ന​യെ ആ​ഴ​ത്തി​ല്‍ സ്‌​നേ​ഹി​ക്കാ​നും വി​ശ്വാ​സ വ​ഴി​ക​ളി​ല്‍ സ​ഞ്ച​രി​ക്കാ​നും കാരണമായി. സ​ന്ദേ​ശ​നി​ല​യം ഡ​യ​റ​ക്ട​ര്‍, തൊ​ഴി​ലാ​ളി പ്ര​സ്ഥാ​ന​ത്തി​ന്‍റെ ഡ​യ​റ​ക്ട​ര്‍, മാ​ര്‍ത്തോ​മ്മാ വി​ദ്യാ​നി​കേ​ത​ന്‍ ഡ​യ​റ​ക്ട​ര്‍ തു​ട​ങ്ങി​യ നി​ല​ക​ളി​ല്‍ പ്ര​വ​ര്‍ത്തി​ക്കാ​ന്‍ ക​ഴി​ഞ്ഞ​ത് ത​ന്‍റെ കാ​ഴ്ച​പ്പാ​ടു​ക​ൾക്കു ദിശാബോധം കൈവരിക്കുന്നതിന് ഉ​പ​ക​രി​ച്ച​താ​യി അ​ദ്ദേ​ഹം സ്മ​രി​ക്കു​ന്നു.


പ​ന്ന​ഗം ​തോ​ട്ടി​ലെ പു​തു​വെ​ള്ള​വും ഊ​ത്ത​പി​ടി​ത്ത​വും സ​മീ​പ​വാ​സി​യു​ടെ പു​ര​യി​ട​ത്തി​ല്‍നി​ന്ന് ആ​ഞ്ഞി​ലി​പ്പ​ഴം പെ​റു​ക്കി​യ​തും ഓ​ണ​സ്മ​ര​ണ​ക​ളും തു​ട​ങ്ങി ജീ​വി​തത്തി​ലെ ഓ​രോ അ​നു​ഭ​വ​വും എ​ങ്ങ​നെ​യാ​ണ് മ​റ്റ് മ​നു​ഷ്യ​രു​ടെ ന​ന്മ​യ്ക്കാ​യി വി​നി​യോ​ഗി​ക്കേ​ണ്ട​തെ​ന്ന നി​ര​വ​ധി പാ​ഠ​ങ്ങ​ളും ആ​ശ​യ​ങ്ങ​ളും മാ​ര്‍ പെ​രു​ന്തോ​ട്ടം പു​തു​ത​ല​മു​റ​യ്ക്കാ​യി ഈ ​ഗ്രന്ഥത്തിൽ പ്ര​തി​പാ​ദി​ക്കു​ന്നു​ണ്ട്.

റോ​മി​ലെ ഗ്രി​ഗോ​റി​യ​ന്‍ സ​ര്‍വ​ക​ലാ​ശാ​ല​യി​ല്‍നി​ന്നു​ള്ള സ​ഭാ​ച​രി​ത്ര പ​ഠ​നം ത​ന്‍റെ അ​തി​രൂ​പ​ത​യു​ടെ​യും സീ​റോ​മ​ല​ബാ​ര്‍ സ​ഭ​യു​ടെ​യും ശൂ​ശ്രൂ​ഷാരം​ഗ​ത്ത് ക​രു​ത്താ​യ​താ​യും അ​ദ്ദേ​ഹം വിശ്വസിക്കുന്നു. ഓ​ര്‍മ്മ​ച്ചെ​പ്പി​ലെ കുറി​പ്പു​ക​ള്‍ ഭാ​വ​ന​ക​ള​ല്ലെ​ന്നും ജീ​വി​താ​നു​ഭ​വ​ങ്ങ​ളുടെ നേർക്കാഴ്ചയാണെന്നും സാക്ഷ്യപ്പെടുത്തിയാണ് പു​സ്ത​ക​ര​ച​ന സ​മാ​പി​പ്പി​ക്കു​ന്ന​ത്.