ഡൽഹിഡയറി / ജോ​ർ​ജ് ക​ള്ളി​വ​യ​ലി​ൽ

മ​ണി​പ്പു​ർ ക​ലാ​പം അ​ഞ്ചാം മാ​സ​ത്തി​ലേ​ക്കു ക​ട​ക്കു​ന്പോ​ഴും അ​ക്ര​മ​ങ്ങ​ൾ​ക്ക് അ​റു​തി​യി​ല്ല. ക​ലാ​പം അ​ഞ്ചാം മാ​സ​ത്തി​ലേ​ക്കു ക​ട​ക്കു​ന്പോ​ഴു​ണ്ടാ​യ പു​തി​യ വെ​ടി​വ​യ്പി​ലും ബോം​ബേ​റി​ലും എ​ട്ടുപേ​ർകൂ​ടി കൊ​ല്ല​പ്പെ​ട്ടു. “ഇ​തു ഞ​ങ്ങ​ളു​ടെ ഭൂ​മി​യ​ല്ലേ’’​എ​ന്ന പ്ര​ശ​സ്ത​മാ​യ ദേ​ശ​ഭ​ക്തി ഗാ​നം ര​ചി​ച്ച ആ​ദി​വാ​സി ക​വി എ​ൽ.​എ​സ്. മാം​ഗ്ബോ​യ് അ​ട​ക്ക​മു​ള്ള​വ​രു​ടെ ജീ​വ​നു​ക​ളാ​ണു പൊ​ലി​ഞ്ഞ​ത്.

ബി​ഷ്ണു​പു​ർ- ചു​രാ​ച​ന്ദ്പു​ർ ജി​ല്ലാ​തി​ർ​ത്തി​യി​ൽ മെ​യ്തെ​യ്ക​ളും കു​ക്കി​ക​ളും മ​ണി​ക്കൂ​റു​ക​ൾ ഏ​റ്റു​മു​ട്ടി. വ​ൻ സൈ​നി​ക, പോ​ലീ​സ് സാ​ന്നി​ധ്യ​മു​ള്ള പ്ര​ദേ​ശ​ത്ത് മാ​സ​ങ്ങ​ളാ​യി അ​ക്ര​മം തു​ട​രു​ന്പോ​ഴും കേ​ന്ദ്ര​ത്തി​ലെ​യും മ​ണി​പ്പു​രി​ലെ​യും ബി​ജെ​പി സ​ർ​ക്കാ​ർ ഉ​റ​ക്കം ന​ടി​ക്കു​ക​യാ​ണ്.
ഇ​ന്ത്യ​യു​ടെ ആ​ദ്യ സോ​ളാ​ർ ദൗ​ത്യ​മാ​യ ആ​ദി​ത്യ എ​ൽ 1 ശ്രീ​ഹ​രി​ക്കോ​ട്ട​യി​ൽ​നി​ന്ന് ഇ​ന്നു കു​തി​ച്ചു​യ​രു​ന്ന​താ​ണ് പ്ര​തീ​ക്ഷ​യു​ടെ കു​തി​പ്പ്. ച​ന്ദ്ര​യാ​ൻ 3 വി​ജ​യ​മാ​യ​തി​ന്‍റെ സ​ന്തോ​ഷം മാ​റും​മു​ന്പാ​ണു ബ​ഹി​രാ​കാ​ശ​ത്തേ​ക്ക് അ​ടു​ത്ത വ​ൻ കു​തി​പ്പി​നു തു​ട​ക്ക​മാ​കു​ന്ന​ത്.

ഒ​ളി​ച്ചു​ക​ളി തു​ട​രു​ന്ന ചൈ​ന

അ​രു​ണാ​ച​ൽ പ്ര​ദേ​ശും ത​ർ​ക്ക​പ്ര​ദേ​ശ​മാ​യ അ​ക്സാ​യി ചി​ൻ മേ​ഖ​ല​യും ഉ​ൾ​പ്പെ​ടു​ത്തി ചൈ​ന 2023ലെ ​ഭൂ​പ​ടം പു​റ​ത്തി​റ​ക്കി​യ​തും വി​വാ​ദ​മാ​യി. ല​ഡാ​ക്കി​ൽ ചൈ​ന ക​ട​ന്നു​ക​യ​റി​യെ​ന്നും നാ​ട്ടു​കാ​ർ​ക്കെ​ല്ലാം ഇ​ക്കാ​ര്യം അ​റി​യാ​മെ​ന്നും ല​ഡാ​ക്കി​ലെ​ത്തി രാ​ഹു​ൽ പ​റ​ഞ്ഞു. ഇ​ന്ത്യ​യു​ടെ ഒ​രി​ഞ്ചു ഭൂ​മി പോ​ലും വി​ദേ​ശ​ശ​ക്തി​ക​ൾ കൈ​യേ​റി​യി​ട്ടി​ല്ലെ​ന്ന പ്ര​ധാ​ന​മ​ന്ത്രി​യു​ടെ പ്ര​സ്താ​വ​ന ക​ള്ള​മാ​ണെ​ന്ന രാ​ഹു​ലി​ന്‍റെ പ്ര​സ്താ​വ​ന​യെ അ​പ്പാ​ടെ നി​ഷേ​ധി​ക്കാ​ൻ കേ​ന്ദ്ര​സ​ർ​ക്കാ​രി​നാ​യി​ട്ടി​ല്ല.
അ​ടു​ത്ത​യാ​ഴ്ച അ​വ​സാ​നം ഡ​ൽ​ഹി​യി​ൽ ന​ട​ക്കു​ന്ന ജി 20 ​ഉ​ച്ച​കോ​ടി ഇ​ന്ത്യ​ക്കാ​കെ ആ​വേ​ശ​മാ​കും. അ​മേ​രി​ക്ക​ൻ പ്ര​സി​ഡ​ന്‍റ് ജോ ​ബൈ​ഡ​നും ബ്രി​ട്ടീ​ഷ് പ്ര​ധാ​ന​മ​ന്ത്രി ഋ​ഷി സു​ന​ക്കും അ​ട​ക്കം എ​ത്തു​ന്ന സ​മ്മേ​ള​ന​ത്തി​ൽ ചൈ​നീ​സ് പ്ര​സി​ഡ​ന്‍റ് ഷി ​ജിം​ഗ്പിം​ഗ് എ​ത്തി​യേ​ക്കി​ല്ലെ​ന്ന സൂ​ച​ന​യും ഇ​ന്ത്യ​ക്കു തി​രി​ച്ച​ടി​യാ​ണ്. ഒ​രാ​ഴ്ച മു​ന്പ് ദ​ക്ഷി​ണാ​ഫ്രി​ക്ക​യി​ൽ ന​ട​ന്ന ബ്രി​ക്സ് രാ​ജ്യ​ങ്ങ​ളു​ടെ ഉ​ച്ച​കോ​ടി​യി​ൽ ഷി ​ജിം​ഗ്പിം​ഗ് പ​ങ്കെ​ടു​ത്തി​രു​ന്നു. അ​തി​ർ​ത്തി ത​ർ​ക്കം വേ​ഗം പ​രി​ഹ​രി​ക്കാ​നു​ള്ള സാ​ധ്യ​ത​ക​ൾ​ക്കു കൂ​ടി​യാ​കും മ​ങ്ങ​ലേ​ൽ​ക്കു​ക.

വ​ള​ഞ്ഞ​ വ​ഴി​യി​ൽ അ​ദാ​നി

ഇ​ന്ത്യ​യാ​കെ ച​ർ​ച്ച​യാ​കു​ന്ന വ​ൻ സം​ഭ​വ​പ​ര​ന്പ​ര​ക​ളു​ടെ കു​ത്തി​യൊ​ഴു​ക്കി​നി​ടെ​യാ​ണ് അ​ദാ​നി ക​ന്പ​നി​ക​ളു​ടെ ത​ട്ടി​പ്പി​ന്‍റെ പു​തി​യ വെ​ളി​പ്പെ​ടു​ത്ത​ലു​ക​ളെ​ത്തി​യ​ത്. ഇ​ന്ത്യ​യി​ലെ ഏ​റ്റ​വും വ​ലി​യ അ​ഴി​മ​തി​യും ക്ര​മ​ക്കേ​ടു​മാ​ണ് അ​ദാ​നി ക​ന്പ​നി​ക​ൾ ന​ട​ത്തി​യ​തെ​ന്നാ​ണ് ആ​രോ​പ​ണം. വ​ൻ വി​വാ​ദ​മാ​യ ഹി​ൻ​ഡ​ൻ​ബ​ർ​ഗ് റി​പ്പോ​ർ​ട്ടി​നു പി​ന്നാ​ലെ, പ്ര​ധാ​ന​മ​ന്ത്രി മോ​ദി​യു​ടെ ഉ​റ്റ ച​ങ്ങാ​തി​യാ​യ ഗൗ​തം അ​ദാ​നി​ക്കെ​തി​രേ എ​ത്തി​യ പു​തി​യ ആ​രോ​പ​ണം വേ​ഗം ഒ​തു​ക്കാ​നാ​യേ​ക്കി​ല്ല. അ​ദാ​നി ക​ന്പ​നി​ക​ളു​ടെ ഓ​ഹ​രി​വി​ല പൊ​ടു​ന്ന​നെ ഇ​ടി​ഞ്ഞ​തു സൂ​ച​ന​യാ​കും. ഓ​ഹ​രി, വി​പ​ണി മൂ​ല്യം കൃ​ത്രി​മ​മാ​യി പെ​രു​പ്പി​ച്ചു കാ​ട്ടി​യ ത​ട്ടി​പ്പി​നാ​യി മൗ​റീ​ഷ്യ​സി​ലെ സ്വ​ന്തം ക​ന്പ​നി​ക​ൾ വ​ഴി കോ​ടി​ക്ക​ണ​ക്കി​നു രൂ​പ​യു​ടെ അ​ന​ധി​കൃ​ത നി​ക്ഷേ​പം ന​ട​ത്തി​യെ​ന്നാ​ണു റി​പ്പോ​ർ​ട്ട്.

ആ​ഗോ​ള പ​ത്ര​പ്ര​വ​ർ​ത്ത​ക കൂ​ട്ടാ​യ്മ​യാ​യ ദ ​ഓ​ർ​ഗ​നെെസ്ഡ് ക്രൈം ​ആ​ൻ​ഡ് റി​പ്പോ​ർ​ട്ടിം​ഗ് പ്രോ​ജ​ക്‌​ടി​ന്‍റെ (ഒ​സി​സി​ആ​ർ​പി) അ​ദാ​നി ക​ന്പ​നി​ക​ളു​ടെ ക്ര​മ​ക്കേ​ടി​നെ​ക്കു​റി​ച്ചു​ള്ള റി​പ്പോ​ർ​ട്ട് രാ​ഷ്‌​ട്രീ​യ, സാ​ന്പ​ത്തി​ക മേ​ഖ​ല​ക​ളി​ൽ കോ​ളി​ള​ക്ക​മാ​യ​തു സ്വാ​ഭാ​വി​കം. വ​ൻ അ​ഴി​മ​തി​ക​ളും ത​ട്ടി​പ്പു​ക​ളും കു​റ്റ​കൃ​ത്യ​ങ്ങ​ളും പു​റ​ത്തു​കൊ​ണ്ടു​വ​രാ​നാ​യി തു​ട​ങ്ങി​യ അ​മേ​രി​ക്ക​ൻ സ്ഥാ​പ​ന​ത്തി​ന്‍റെ റി​പ്പോ​ർ​ട്ടി​ലെ വെ​ളി​പ്പെ​ടു​ത്ത​ലു​ക​ൾ ഗൗ​ര​വ​മേ​റി​യ​താ​ണ്. അ​ദാ​നി ക്ര​മ​ക്കേ​ടു​ക​ളെ​ക്കു​റി​ച്ച് സം​യു​ക്ത പാ​ർ​ല​മെ​ന്‍റ​റി സ​മി​തി (ജെ​പി​സി) അ​ന്വേ​ഷ​ണ​മാ​ണ് രാ​ഹു​ൽ ഗാ​ന്ധി ആ​വ​ശ്യ​പ്പെ​ട്ട​ത്. അ​ദാ​നി​യും മോ​ദി​യും ചേ​ർ​ന്ന മൊ​ദാ​നി ത​ട്ടി​പ്പെ​ന്ന ആ​ക്ഷേ​പ​വു​മാ​യി മ​റ്റു പ്ര​തി​പ​ക്ഷ നേ​താ​ക്ക​ളും രം​ഗ​ത്തു​ണ്ട്.

പ​തി​വു​പോ​ലെ അ​ദാ​നി ഗ്രൂ​പ്പ് ആ​രോ​പ​ണ​ങ്ങ​ൾ നി​ഷേ​ധി​ച്ചു. അ​മേ​രി​ക്ക​ൻ കോ​ടീ​ശ്വ​ര​നാ​യ ജോ​ർ​ജ് സോ​റ​സ് ആ​ണ് പു​തി​യ വെ​ളി​പ്പെ​ടു​ത്ത​ലു​ക​ൾ​ക്കു പി​ന്നി​ലെ​ന്നും അ​ദാ​നി ഗ്രൂ​പ്പ് പ​റ​യു​ന്നു. ജോ​ർ​ജി​ന്‍റെ സ​ഹാ​യ​ത്തി​ലാ​ണ് ഒ​സി​സി​ആ​ർ​പി​യു​ടെ പ്ര​വ​ർ​ത്ത​ന​മെ​ന്നാ​ണ് ആ​രോ​പ​ണം. എ​ന്നാ​ൽ, ഒ​സി​സി​ആ​ർ​പി പു​റ​ത്തു​വി​ട്ട രേ​ഖ​ക​ൾ അ​പ്പാ​ടെ തെ​റ്റാ​ണെ​ന്നോ വ്യാ​ജ​മാ​ണെ​ന്നോ അ​ദാ​നി പ​റ​ഞ്ഞി​ല്ല.

അ​ദാ​നി​യെ അ​റി​യാ​തെ ഇ​ഡി

പ്ര​തി​പ​ക്ഷ​ത്തെ ചെ​റി​യ നേ​താ​ക്ക​ളു​ടെ വീ​ടു​ക​ളി​ലേ​ക്ക് ഇ​ഡി​യെ (എ​ൻ​ഫോ​ഴ്സ്മെ​ന്‍റ് ഡ​യ​റ​ക്‌​ട​റേ​റ്റ്) പ​റ​ഞ്ഞു​വി​ടു​ന്ന​വ​ർ അ​ദാ​നി​ക്കെ​തി​രേ​യു​ള്ള ആ​രോ​പ​ണ​ങ്ങ​ൾ അ​ന്വേ​ഷി​ക്കാ​ൻ ഇ​ഡി, സി​ബി​ഐ, ആ​ദാ​യ​നി​കു​തി അ​ട​ക്കം ആ​രെ​യും മെ​ന​ക്കെ​ടു​ത്തു​ന്നി​ല്ല. ബി​ജെ​പി നേ​താ​ക്ക​ൾ​ക്കും വ​ൻ​കി​ട കോ​ർ​പ​റേ​റ്റു​ക​ൾ അ​ട​ക്കം അ​വ​രു​ടെ ഇ​ഷ്‌​ട​ക്കാ​ർ​ക്കു​മെ​തി​രേ​യു​ള്ള ആ​രോ​പ​ണ​ങ്ങ​ളി​ൽ അ​ന്വേ​ഷ​ണ​ത്തി​നു​പോ​ലും ത​യാ​റ​ല്ലാ​ത്ത​തി​ൽ പ​ല​തും മ​റ​യ്ക്കാ​നു​ണ്ടെ​ന്ന സം​ശ​യം കൂ​ടു​ക​യേ​യു​ള്ളൂ.

അ​ദാ​നി ഗ്രൂ​പ്പ് ക​ന്പ​നി​ക​ളി​ലെ മു​ൻ ഡ​യ​റ​ക്‌​ട​ർ​മാ​രാ​യ ര​ണ്ടു പേ​രാ​ണു പു​തി​യ വി​വാ​ദ​ത്തി​ലെ കേ​ന്ദ്ര​സ്ഥാ​ന​ത്തു​ള്ള​ത്. താ​യ്‌​വാ​ൻ സ്വ​ദേ​ശി ചാം​ഗ് ചും​ഗ് ലിം​ഗും യു​എ​ഇ​ക്കാ​ര​നാ​യ നാ​സ​ർ അ​ലി ഷ​ബാ​ൻ അ​ഹ്‌​ലി​യും. ഗൗ​തം അ​ദാ​നി​യു​ടെ സ​ഹോ​ദ​ര​ൻ വി​നോ​ദ് അ​ദാ​നി​യു​ടെ അ​ടു​പ്പ​ക്കാ​രാ​ണി​വ​ർ. മൗ​റീ​ഷ്യ​സ്, ബ്രി​ട്ടീ​ഷ് വെ​ർ​ജി​ൻ ഐ​ല​ൻ​ഡ്സ്, യു​എ​ഇ എ​ന്നീ രാ​ജ്യ​ങ്ങ​ളി​ൽ ഇ​വ​ർ ര​ജി​സ്റ്റ​ർ ചെ​യ്ത നാ​ലു ക​ന്പ​നി​ക​ളി​ലൂ​ടെ​യാ​ണ് അ​ദാ​നി ഗ്രൂ​പ്പ് ക​ന്പ​നി​ക​ളി​ലേ​ക്കു കോ​ടി​ക​ളു​ടെ വി​ദേ​ശ​നി​ക്ഷേ​പം എ​ത്തി​യ​ത്. അ​ദാ​നി ക​ന്പ​നി​ക​ളു​ടെ ഓ​ഹ​രി​ക​ൾ 2013 മു​ത​ൽ അ​ഞ്ചു വ​ർ​ഷ​ക്കാ​ലം ഓ​ഹ​രി​വി​പ​ണി നി​യ​ന്ത്ര​ണ സം​വി​ധാ​ന​മാ​യ സെ​ബി ച​ട്ട​ങ്ങ​ൾ മ​റി​ക​ട​ന്ന് വി​ദേ​ശ ഉ​ട​മ​ക​ൾ വാ​ങ്ങി​ക്കൂ​ട്ടി​യെ​ന്നാ​ണു ക​ണ്ടെ​ത്ത​ൽ.


അ​ദാ​നി ഗ്രൂ​പ്പി​ന്‍റെ പ്ര​ധാ​ന പൊ​തു​നി​ക്ഷേ​പ​ക​രി​ൽ ചി​ല​ർ യ​ഥാ​ർ​ഥ​ത്തി​ൽ അ​ദാ​നി​യു​ടെ അ​ടു​പ്പ​ക്കാ​രാ​യി​രു​ന്നു. ഇ​ന്ത്യ​ൻ സെ​ക്യൂ​രി​റ്റീ​സ് നി​യ​മ​ത്തി​ന്‍റെ ലം​ഘ​ന​മാ​ണി​തെ​ന്ന​താ​ണ് ആ​രോ​പ​ണം. ഹി​ൻ​ഡ​ൻ​ബെ​ർ​ഗ് റി​പ്പോ​ർ​ട്ടി​ലെ ആ​രോ​പ​ണ​ങ്ങ​ൾ പ​ഠി​ക്കാ​ൻ സു​പ്രീം​കോ​ട​തി നി​യോ​ഗി​ച്ച വി​ദ​ഗ്ധ​സ​മി​തി​ക്ക് ആ ​നി​ക്ഷേ​പ​ക​രെ തി​രി​ച്ച​റി​യാ​ൻ ക​ഴി​ഞ്ഞി​ല്ല! വി​ദേ​ശ​ത്തു​ള്ള ര​ഹ​സ്യ ഓ​ഫ്ഷോ​ർ ഘ​ട​ന​ക​ൾ​ക്കു പി​ന്നി​ൽ മ​റ​ഞ്ഞി​രു​ന്ന നി​ക്ഷേ​പ​ക​രെ ക​ണ്ടെ​ത്താ​ൻ സെ​ബി​യും വി​ദ​ഗ്ധ സ​മി​തി​യും ശ്ര​മി​ക്കാ​തി​രു​ന്ന​തി​ന്‍റെ കാ​ര​ണം വ്യ​ക്തം.

ക​ള്ളി​ വെ​ളി​ച്ച​ത്താ​കും തെ​ളി​വു​ക​ൾ

ഹി​ൻ​ഡ​ൻ​ബ​ർ​ഗ് റി​പ്പോ​ർ​ട്ടി​ലെ വി​ദേ​ശനി​ക്ഷേ​പ​ക​ർ ആ​രാ​ണെ​ന്നു ക​ണ്ടെ​ത്താ​നാ​യി​രു​ന്നി​ല്ലെ​ങ്കി​ൽ, ഒ​സി​സി​ആ​ർ​പി റി​പ്പോ​ർ​ട്ടി​ൽ നാ​സ​ർ അ​ലി ഷ​ബാ​ൻ അ​ഹ്‌​ലി​യും ചാം​ഗ് ചും​ഗ് ലിം​ഗു​മാ​ണ് നി​ക്ഷേ​പ​ക​രെ​ന്നു കൃ​ത്യ​മാ​യി ക​ണ്ടെ​ത്തി​യെ​ന്ന​താ​ണു പ്ര​ധാ​നം. ഇ​രു​വ​രും അ​ദാ​നി​മാ​രു​ടെ വ​ള​രെ​യ​ടു​ത്ത് ആ​ളു​ക​ളും മു​ൻ ഡ​യ​റ​ക്‌​ട​ർ​മാ​രു​മാ​ണ്. ദി ​ഗാ​ർ​ഡി​യ​ൻ, ഫി​നാ​ൻ​ഷ്യ​ൽ ടൈം​സ് എ​ന്നീ അ​ന്താ​രാ​ഷ്‌​ട്ര പ​ത്ര​ങ്ങ​ൾ പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​നോ​ടൊ​പ്പം നി​കു​തി​വെ​ട്ടി​പ്പി​ന് സ​ഹാ​യി​ക്കു​ന്ന മൗ​റീ​ഷ്യ​സ് അ​ട​ക്ക​മു​ള്ള രാ​ജ്യ​ങ്ങ​ളി​ൽ​നി​ന്നു​ള്ള ഫ​യ​ലു​ക​ൾ, ബാ​ങ്ക് ഇ​ട​പാ​ടു​ക​ളു​ടെ രേ​ഖ​ക​ൾ, അ​ദാ​നി ഗ്രൂ​പ്പി​ന്‍റെ ആ​ഭ്യ​ന്ത​ര ഇ-​മെ​യി​ലു​ക​ൾ എ​ന്നി​വ ഉ​ൾ​പ്പെ​ടെ തെ​ളി​വു​ക​ളു​ണ്ട്.

മൗ​റീ​ഷ്യ​സി​ലും യു​എ​ഇ​യി​ലും തു​ട​ങ്ങി​യ നാ​ലു ക​ന്പ​നി​ക​ളി​ൽ​നി​ന്ന് അ​റ്റ്‌ലാന്‍റി​ക് സ​മു​ദ്ര​ത്തി​ലെ ദ്വീ​പാ​യ ബ​ർ​മു​ഡ​യി​ലെ ഗ്ലോ​ബ​ൽ ഓ​പ്പ​ർ​ച്യൂ​ണി​റ്റീ​സ് ഫ​ണ്ടി​ലേ​ക്കാ​ണ് ആ​ദ്യം നി​ക്ഷേ​പം ന​ട​ത്തി​യ​ത്. അ​വി​ടെ​നി​ന്ന് വീ​ണ്ടും മൗ​റീ​ഷ്യ​സി​ലെ എ​മ​ർ​ജിം​ഗ് ഇ​ന്ത്യ ഫോ​ക്ക​സ് ഫ​ണ്ട്സി​ലേ​ക്കും ഇ​എം റി​സ​ർ​ജ​ന്‍റ് ഫ​ണ്ടി​ലേ​ക്കും പ​ണ​മെ​ത്തി​യെ​ന്നാ​ണു മ​ല​യാ​ളി പ​ത്ര​പ്ര​വ​ർ​ത്ത​ക​നാ​യ ര​വി നാ​യ​ർ അ​ട​ക്ക​മു​ള്ള ഒ​സി​സി​ആ​ർ​പി സം​ഘം ക​ണ്ടെ​ത്തി​യ​ത്. സ്വ​ന്തം പ​ങ്കാ​ളി​ത്തം മ​റ​ച്ചു​വ​ച്ചാ​ണ് മൗ​റീ​ഷ്യ​സ് ഫ​ണ്ടു​ക​ൾ വ​ഴി അ​ദാ​നി കോ​ടി​ക​ളു​ടെ ഓ​ഹ​രി​ക​ൾ വാ​ങ്ങു​ക​യും വി​ൽ​ക്കു​ക​യും ചെ​യ്ത​ത്.

വി​മാ​ന​ത്താ​വ​ള​ങ്ങ​ളും തു​റ​മു​ഖ​ങ്ങ​ളും മു​ത​ൽ സി​മ​ന്‍റും ഭ​ക്ഷ്യ​യെ​ണ്ണ​ക​ളും വ​രെ​യു​ള്ള മേ​ഖ​ല​ക​ളി​ൽ വ​ന്പ​ൻ സാ​ന്നി​ധ്യ​മു​ള്ള അ​ദാ​നി ഗ്രൂ​പ്പ് എ​ൻ​ഡി​ടി​വി അ​ട​ക്കം ടെ​ലി​വി​ഷ​ൻ വാ​ർ​ത്താ​ചാ​ന​ലു​ക​ളും പി​ടി​ച്ച​ട​ക്കി. ഗ​താ​ഗ​തം, ലൊ​ജി​സ്റ്റി​ക്സ്, പ്ര​കൃ​തിവാ​ത​ക വി​ത​ര​ണം, റോ​ഡ് നി​ർ​മാ​ണം, ഡാ​റ്റാ സെ​ന്‍റ​റു​ക​ൾ, റി​യ​ൽ എ​സ്റ്റേ​റ്റ്, വൈ​ദ്യു​തി ഉ​ത്പാ​ദ​നം, ക​ൽ​ക്ക​രി വ്യാ​പാ​ര​വും ഉ​ത്പാ​ദ​ന​വും എ​ന്നി​വ​യു​ൾ​പ്പെ​ടെ ഇ​ന്ത്യ​യി​ലും വി​ദേ​ശ​ത്തും അ​ദാ​നി കൈ​വ​യ്ക്കാ​ത്ത മേ​ഖ​ലക​ളി​ല്ല. ന​രേ​ന്ദ്ര മോ​ദി അ​ധി​കാ​ര​ത്തി​ലെ​ത്തി​തി​നു മു​ന്പ് 2013 സെ​പ്റ്റം​ബ​റി​ൽ വെ​റും 800 കോ​ടി ഡോ​ള​റി​ൽ താ​ഴെ​യാ​യി​രു​ന്നു അ​ദാ​നി ഗ്രൂ​പ്പി​ന്‍റെ വി​പ​ണി​മൂ​ല്യം. ഒ​ന്പ​തു വ​ർ​ഷംകൊ​ണ്ട് ഇ​തു 15,400 കോ​ടി ഡോ​ള​റാ​യി വ​ള​ർ​ന്ന​താ​ണു മോ​ദി- അ​ദാ​നി മാ​ജി​ക്.

അ​ഴി​മ​തി​ക്കു കു​ട​പി​ടി​ക്ക​രു​ത്

അ​ദാ​നി ക​ന്പ​നി​ക​ൾ ന​ട​ത്തി​യ ശ​ത​കോ​ടി​ക​ളു​ടെ ത​ട്ടി​പ്പും വെ​ട്ടി​പ്പും ക്ര​മ​ക്കേ​ടും അ​ന്വേ​ഷി​ക്ക​പ്പെ​ടാ​തെ പോ​ക​രു​ത്. അ​ഴി​മ​തി​ക്കെ​തി​രേ​യു​ള്ള ജ​ന​വി​കാ​രം മു​ത​ലെ​ടു​ത്താ​ണ് അ​ധി​കാ​ര​ത്തി​ലെ​ത്തി​യ​തെ​ന്ന് മോ​ദി മ​റ​ന്നാ​ലും രാ​ജ്യ​ത്തെ ജ​നം മ​റ​ക്കി​ല്ല. ആ​വ​ശ്യ​മാ​യ ഇ​ട​പെ​ട​ലു​ക​ൾ​ക്ക് കോ​ട​തി​ക​ൾ വൈ​മ​ന​സ്യം കാ​ട്ടി​ല്ലെ​ന്നു വി​ശ്വ​സി​ക്കാം.

“ജ​നാ​ധി​പ​ത്യം ന​ല്ല​താ​ണ്. മ​റ്റു സം​വി​ധാ​ന​ങ്ങ​ൾ മോ​ശ​മാ​യ​തി​നാ​ലാ​ണ് ഇ​തു പ​റ​യു​ന്ന​ത്’’ ജ​വ​ഹ​ർ​ലാ​ൽ നെ​ഹ്റു​വി​ന്‍റെ ഈ ​വാ​ക്കു​ക​ളി​ൽ ഇ​ന്ത്യ​ൻ ജ​ന​ത​യു​ടെ ദു​ര്യോ​ഗം വ്യ​ക്ത​മാ​ണ്.

പാ​ർ​ല​മെ​ന്‍റും ഇ​ന്ത്യ സ​ഖ്യ​വും

ഈ​ മാ​സം 18 മു​ത​ൽ മു​ത​ൽ അ​ഞ്ചു ദി​വ​സം മാ​ത്രം നീ​ളു​ന്ന പ്ര​ത്യേ​ക പാ​ർ​ല​മെ​ന്‍റ് സ​മ്മേ​ള​നം ചേ​രാ​നു​ള്ള കേ​ന്ദ്ര​സ​ർ​ക്കാ​രി​ന്‍റെ അ​പ്ര​തീ​ക്ഷി​ത പ്ര​ഖ്യാ​പ​ന​മാ​ണ് ദേ​ശീ​യ രാ​ഷ്‌​ട്രീ​യ​ത്തി​ൽ ച​ല​ന​മു​ണ്ടാ​ക്കു​ന്ന മ​റ്റൊ​രു സം​ഭ​വം. രാ​ജ്യം പൊ​തു​തെ​ര​ഞ്ഞെ​ടു​പ്പി​ലേ​ക്കു നീ​ങ്ങു​ക​യാ​ണോ​യെ​ന്ന ശ​ങ്ക എ​ല്ലാ​വ​രി​ലും സൃ​ഷ്‌​ടി​ക്കാ​ൻ ഇ​തി​നു ക​ഴി​ഞ്ഞു.

‘ഒ​രു രാ​ജ്യം ഒ​രു തെ​ര​ഞ്ഞെ​ടു​പ്പ്’ എന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ മോ​ഹ​ത്തി​നാ​യി മു​ൻ രാ​ഷ്‌​ട്ര​പ​തി രാം​നാ​ഥ് കോ​വി​ന്ദ് അ​ധ്യ​ക്ഷ​നാ​യി സ​മി​തി രൂ​പീ​ക​രി​ച്ച​തോ​ടെ വി​ഷ​യം ച​ർ​ച്ച​യാ​ക്കി​യാ​ലും ഉ​ട​ൻ പ്രാ​വ​ർ​ത്തി​ക​മാ​കി​ല്ലെ​ന്ന സൂ​ച​ന​യാ​യി. ഈ ​വ​ർ​ഷാ​വ​സാ​നം ന​ട​ക്കേ​ണ്ട മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ്, തെ​ലു​ങ്കാ​ന, മി​സോ​റാം നി​യ​മ​സ​ഭാ തെ​ര​ഞ്ഞെ​ടു​പ്പി​നോ​ടൊ​പ്പം ലോ​ക്സ​ഭാ തെ​ര​ഞ്ഞെ​ടു​പ്പു​കൂ​ടി ന​ട​ത്താ​ൻ മോ​ദി ആ​ലോ​ചി​ക്കു​ന്ന​തി​ന്‍റെ സൂ​ച​ന​യാ​ണ് 200 രൂ​പ പാ​ച​ക​വാ​ത​ക​ത്തി​നു കു​റ​ച്ച​തെ​ന്നാ​ണ് അ​ഭ്യൂ​ഹം.

മും​ബൈ​യി​ൽ ന​ട​ന്ന പ്ര​തി​പ​ക്ഷ പാ​ർ​ട്ടി​ക​ളു​ടെ ഇ​ന്ത്യ സ​ഖ്യം യോ​ഗം ക​ഴി​യു​ന്ന​ത്ര യോ​ജി​ച്ചു തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ പ്ര​മേ​യം പാ​സാ​ക്കി​യ​ത് രാ​ഷ്‌​ട്രീ​യം ഉ​ഷാ​റാ​ക്കി. സീ​റ്റു​വി​ഭ​ജ​നം വേ​ഗം പൂ​ർ​ത്തി​യാ​ക്കാ​നാ​ണു ധാ​ര​ണ. ഇ​ന്ത്യ സ​ഖ്യ​ത്തി​ന്‍റെ ഏ​കോ​പ​ന​ത്തി​നാ​യി 14 അം​ഗ സ​മി​തി​യി​ൽ​നി​ന്നു ഗാ​ന്ധി കു​ടും​ബാം​ഗ​ങ്ങ​ൾ വി​ട്ടു​നി​ന്ന​തും പ്ര​ധാ​ന​മ​ന്ത്രി​പ​ദ​വി അ​ട​ക്കം പി​ടി​വാ​ശി​ക്കി​ല്ലെ​ന്ന സൂ​ച​ന​യാ​കും. ഭാ​ര​ത് ജോ​ഡോ യാ​ത്ര രാ​ഹു​ലി​നെ ആ​കെ മാ​റ്റി​യി​ട്ടു​ണ്ട്. ഒ​രി​ക്ക​ലും യോ​ജി​ക്കി​ല്ലെ​ന്നു പ​ല​രും ക​രു​തി​യി​രു​ന്ന കോ​ണ്‍ഗ്ര​സും ക​മ്യൂ​ണി​സ്റ്റു​ക​ളും തൃ​ണ​മൂ​ലും ആം ​ആ​ദ്മി​യും അ​ട​ക്ക​മു​ള്ള പാ​ർ​ട്ടി​ക​ൾ ബി​ജെ​പി​ക്കെ​തി​രേ ഒ​ന്നി​ച്ച​തു നി​സാ​ര​മ​ല്ല.