പ്ര​ചാ​ര​ണ​ത്തി​നു പോ​കു​ന്ന വ​ഴി​ക്ക് ഒ​ന്നു മൂ​ത്ര​മൊ​ഴി​ക്ക​ണ​മെ​ന്നു തോ​ന്നി​യാ​ൽ പെ​ട്ട​തു​ത​ന്നെ. അ​തി​നാ​യി വ​ണ്ടി​യി​ൽ​നി​ന്ന് ഇ​റ​ങ്ങു​ന്ന​തു കാ​ണു​ന്പോ​ഴേ അ​ണി​ക​ൾ എ​വി​ടു​ന്നോ സം​ഘ​ടി​പ്പി​ച്ച മാ​ല​യു​മാ​യി ഒാ​ടി​യെ​ത്തും. മൂ​ത്ര​പ്പു​ര​യി​ലേ​ക്കു പോ​കു​ന്പോ​ഴും മാ​ല​യി​ട്ടു സ്വീ​ക​ര​ണം കി​ട്ടു​ന്ന​ത് ഒ​രു​പ​ക്ഷേ, സ്ഥാ​നാ​ർ​ഥി​ക​ൾ​ക്കു മാ​ത്ര​മാ​യി​രി​ക്കും. പ​ണ്ടൊ​ക്കെ മാ​ല​യ്ക്കാ​യി മാ​ത്രം ത​ല താ​ഴ്ത്തി​ക്കൊ​ടു​ത്താ​ൽ മ​തി​യാ​യി​രു​ന്നു, എ​ന്നാ​ൽ, ഇ​പ്പോ​ൾ സെ​ൽ​ഫി​ക്കു ക​ഴു​ത്തുകൂ​ടി വ​ള​ച്ചു കൊ​ടു​ത്തി​ല്ലെ​ങ്കി​ൽ അ​ർ​ബാ​ബു​മാ​ർ പ​രാ​തി പ​റ​യും. പ്ര​ചാ​ര​ണം ക​ഴി​യു​ന്പോ​ൾ ക​ഴു​ത്ത് ഒ​രു വ​ട​ക്ക​ൻ സെ​ൽ​ഫിപോ​ലാ​കു​മോ​യെ​ന്നൊ​രു പേ​ടി ഇ​ല്ലാ​തി​ല്ല.

ഫോ​ട്ടോ​ഷൂ​ട്ട് ആ​യി​രു​ന്നു യ​ഥാ​ർ​ഥ മ​രു​ഭൂ​മി അ​നു​ഭ​വം. ഈ ​ക​ന​ത്ത ചൂ​ടി​ൽ ആ​ർ​ക്ക് ലൈ​റ്റു​ക​ൾ​ക്കു മു​ന്നി​ൽ ചാ​ഞ്ഞും ച​രി​ഞ്ഞും​ നി​ന്നു ചി​രി​ച്ച​തി​നു കൈ​യും ക​ണ​ക്കു​മി​ല്ല. ഇ​രു​ന്നും നി​ന്നും ന​ട​ന്നു​മെ​ടു​ത്തു. രാ​ഷ്‌​ട്രീ​യ​ത്തി​ൽ ഇ​റ​ങ്ങു​ന്ന​തി​നു മു​ന്പ് പൂ​ന ഫി​ലിം ഇ​ൻ​സ്റ്റി​റ്റ്യൂ​ട്ടി​ൽ ചേ​രേ​ണ്ട​താ​യി​രു​ന്നു​വെ​ന്നു തോ​ന്നി​പ്പോ​യി. ഭാ​വം വേ​ണ്ട​ത്ര വ​രു​ന്നി​ല്ല​ത്രേ. എ​ത്ര ചി​രി​ച്ചി​ട്ടും ഫോ​ട്ടോ​ഗ്രാ​ഫ​ർ​ക്കും പാ​ർ​ട്ടി​ക്കാ​ർ​ക്കും തൃ​പ്തി വ​രാ​ത്ത​തു​പോ​ലെ.

എ​തി​ർ​സ്ഥാ​നാ​ർ​ഥി​യു​ടെ ചി​രി​യേ​ക്കാ​ൾ ര​ണ്ടു സെ​ന്‍റി​മീ​റ്റ​റെ​ങ്കി​ലും കൂ​ടി​യ ചി​രി ന​മു​ക്കു വേ​ണ​മെ​ന്നാ​ണ് അ​വ​രു​ടെ പ​ക്ഷം. വെ​റു​തെ ചി​രി​ക്കു​ന്ന​തി​ല​ല്ല, ചി​രി​ച്ചു​മ​യ​ക്കു​ന്ന​തി​ലാ​ണ് കാ​ര്യം. വ​ണ്ടി​യി​ല്‍ നി​ല്‍​ക്കു​മ്പോ​ള്‍ ചി​രിനി​ര്‍​ത്താ​നേ പ​റ്റി​ല്ല. ഏ​തെ​ങ്കി​ലും അ​ര്‍​ബാ​ബി​നെ ക​ണ്ടി​ട്ടു ചി​രി​ക്കാ​തെ പോ​യാ​ല്‍ ആ ​വോ​ട്ട് ആ​ടു തി​ന്നെ​ന്നു ക​രു​തി​യാ​ല്‍ മ​തി. അ​തു​കൊ​ണ്ടെ​ന്താ ഇ​പ്പോ​ൾ മ​യ​ക്ക​ത്തി​ൽ​പ്പോ​ലും ചി​രി നി​ർ​ത്താ​ൻ പ​റ്റു​ന്നി​ല്ല. ഇ​ങ്ങ​നെ പോ​യാ​ൽ എ​ന്തു ചെ​യ്യും? വോ​ട്ടെ​ണ്ണ​ൽ ക​ഴി​യു​ന്പോ​ൾ ഈ ​ചി​രി താ​നേ മാ​യു​മാ​യി​രി​ക്കും!

മി​സ്ഡ് കോ​ൾ

വ്യാ​ജ​പ​ര​സ്യം: ബാ​ബാ രാം ​ദേ​വി​ന്‍റെ മാ​പ്പ​പേ​ക്ഷ സു​പ്രീം കോ​ട​തി ത​ള്ളി.

- വാ​ർ​ത്ത

ശേഷം ശ​വാ​സ​നം!