ചാനലുകൾക്ക് എന്തുമാകാം. പക്ഷേ എല്ലാവർക്കും അതു പറ്റില്ലല്ലോ. അന്തസ് പാലിക്കണ്ടേ.റേറ്റിംഗ് വർധിപ്പിക്കാനാവുംവിധം അന്തിച്ചർച്ചയ്ക്കുള്ള വിഷയങ്ങൾ കണ്ടുപിടിക്കുകയും സത്യത്തെ വളച്ചൊടിക്കുകയും, മനുഷ്യത്വത്തിന്‍റെ മഹാനദിയിൽ വിഷം കലക്കുകയും ചെയ്യുമ്പോൾ നിങ്ങൾ നശിപ്പിക്കുന്നത് എന്തോ അതാണ് മാധ്യമധർമം. മലയാളി ഈ ദുരന്തത്തെക്കുറിച്ചുള്ള മൗനം വെടിയേണ്ട കാലമായി. അല്ലെങ്കിൽ ഈ അശ്ലീല തിരക്കഥയിൽ നന്മമരങ്ങൾ കടപുഴകി വീഴും. നൂറ്റാണ്ടുകളായി നവോത്ഥാന ദീപങ്ങളായി നിന്ന വിളക്കുമരങ്ങൾ കണ്ണടയ്ക്കും. ചെറിയ പ്രതികരണങ്ങളെങ്കിലും ഉണ്ടാകട്ടെ. അത് ഒരു മതവിഭാഗത്തെയോ സമുദായത്തെയോ രക്ഷിക്കാനല്ല. സാമൂഹിക പ്രതിബദ്ധതയാണ്.
പു​ലി വരുന്നു; വ​ട​ക്ക​ഞ്ചേ​രി​യിൽ കർഷകരുടെ പലായനം
ജീ​വ​നാ​ണ് മ​റ്റെ​ന്തി​നേ​ക്കാ​ളും വ​ലു​ത്. അ​തും കൈ​യി​ൽ പി​ടി​ച്ചു കൃ​ഷി​യി​ട​വും സ്വ​ത്തു വ​ക​ക​ളും എ​ല്ലാം ഉ​പേ​ക്ഷി​ച്ചു​ള്ള പ​ലാ​യ​നം കാ​ണ​ണ​മെ​ങ്കി​ൽ വ​ട​ക്കേ ഇ​ന്ത്യ​യി​ലോ അ​ന്യ​രാ​ജ്യ​ങ്ങ​ളി​ലോ ഒ​ന്നും പോ​കേ​ണ്ട. ന​മ്മു​ടെ കൊ​ച്ചു കേ​ര​ള​ത്തി​ൽ ഈ ​കാ​ഴ്ച കാ​ണാം. ഈ ​ദ​യ​നീ​യ കാ​ഴ്ച ക​ണ്ടി​ട്ടും അ​ധി​കൃ​ത​രു​ടെ മ​ന​മ​ലി​യു​ന്നി​ല്ല എ​ന്ന​താ​ണ് വി​ചി​ത്രം.

ആ​​ന, പു​​ലി ഉ​​ൾ​​പ്പെ​​ടെ​​യു​​ള്ള കാ​​ട്ടു​​മൃ​​ഗ​​ങ്ങ​ളു​ടെ ഭീ​​ഷ​​ണി​​യി​​ൽ വി​റ​ങ്ങ​ലി​ച്ചാ​ണ് മ​​ല​​യോ​​ര​ത്തെ പ​ല ക​ർ​ഷ​ക കു​ടും​ബ​ങ്ങ​ളും മ​ല​യി​റ​ങ്ങു​ന്ന​ത്. ​ജീ​​വി​​തം ഭീ​​തി​​യി​​ലാ​​യ​​തോ​​ടെ മം​​ഗ​​ലം​​ഡാം, കി​​ഴ​​ക്ക​​ഞ്ചേ​​രി മ​​ല​​യോ​​ര​​ങ്ങ​​ളി​​ലെ ക​​ർ​​ഷ​​ക​​രാ​ണ് മ​റ്റി​ട​ങ്ങ​ളി​ലേ​ക്കു പ്രാ​ണ​ര​ക്ഷാ​ർ​ഥം മാ​റു​ന്ന​ത്. കാ​​ല​​വ​​ർ​​ഷ​​ത്തെ പ്ര​​കൃ​​തി​​ക്ഷോ​​ഭ​​വും കാ​​ട്ടു​​മൃ​​ഗ ​ശ​​ല്യ​​വും മൂ​ലം കൃ​​ഷി​​ചെ​​യ്തു​​ള്ള ഉ​​പ​​ജീ​​വ​​നം അ​സാ​ധ്യ​മെ​ന്നാ​യ​പ്പോ​ഴാ​ണ് ഇ​വ​ർ എ​ല്ലാം ഉ​പേ​ക്ഷി​ച്ചു​പോ​കു​ന്ന​ത്. അ​തി​നു ക​ഴി​യാ​ത്ത​വ​ർ ആ​ധി​യി​ലും ഭീ​തി​യി​ലും ജീ​വി​തം ത​ള്ളി നീ​ക്കു​ന്നു.

പു​​ലി​​ക​​ൾ പി​​ടി​​ച്ച​തി​നാ​ൽ മ​​ല​​യോ​​ര​​ത്തെ വീ​​ടു​​ക​​ളി​​ലൊ​​ന്നും ഇ​​പ്പോ​​ൾ വ​​ള​​ർ​​ത്തു​ നാ​​യ്ക്ക​​ളി​​ല്ല. ക​​ഴി​​ഞ്ഞ മൂ​​ന്നു ​വ​​ർ​​ഷ​​ത്തി​​നി​​ടെ മാ​​ത്രം നൂ​​റി​​ലേ​​റെ വ​​ള​​ർ​​ത്തു​ നാ​​യ്ക്ക​​ളെ പു​​ലി​​പി​​ടി​​ച്ചു തി​​ന്നി​​ട്ടു​​ണ്ടെ​​ന്നാ​​ണ് ക​​ണ​​ക്ക്.

പു​​ലി​​യെ പേ​​ടി​​ച്ചു വീ​​ടു​​ക​​ളി​​ൽ ആ​​ട്, പ​​ശു, എ​​രു​​മ തു​​ട​​ങ്ങി​​യ വ​​ള​​ർ​​ത്തു​ മൃ​​ഗ​​ങ്ങ​​ളു​​ടെ പ​​രി​​പാ​​ല​​ന​വും ക​​ർ​​ഷ​​ക​​ർ വേ​​ണ്ടെ​​ന്നു വ​​ച്ചു. ഇ​​തു മ​​ല​​യോ​​ര​​വാ​​സി​​ക​​ളു​​ടെ വ​​രു​​മാ​​ന​ത്തെ​യും ജീ​വി​ത​ത്തെ​യും പ്ര​തി​സ​ന്ധി​യി​ലാ​ക്കി.

റ​​ബ​​റി​​ന്‍റെ​​യും വി​​ള​​ക​​ളു​​ടെ​​യും മ​​റ്റും വി​​ല ഇ​ടി​യു​ക​യും കി​​ഴ​​ങ്ങു​​വ​​ർ​​ഗ കൃ​​ഷി പ​​ന്നി​​യും മാ​​ൻ​​കൂ​​ട്ട​​ങ്ങ​​ളും ന​​ശി​​പ്പി​​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ വ​​ള​​ർ​​ത്തു​ മൃ​​ഗ​​ങ്ങ​​ളാ​​യി​​രു​​ന്നു മ​​ല​​ന്പ്ര​​ദേ​​ശ​​ത്തെ പ​​ല കു​​ടും​​ബ​​ങ്ങ​​ളു​​ടെ​​യും വ​​രു​​മാ​​ന​ മാ​​ർ​​ഗം. എ​ന്നാ​ൽ, പു​ലി ഇ​റ​ങ്ങാ​ൻ തു​ട​ങ്ങി​യ​തോ​ടെ അ​തും പ്ര​തി​സ​ന്ധി​യി​ലാ​യി​രി​ക്കു​ന്നു.

ജീ​വി​ക്കാ​ൻ നി​​വൃ​​ത്തി​​യി​​ല്ലാ​​താ​​യ​​തോ​​ടെ ആ​​യു​​സ് മു​​ഴു​​വ​​ൻ അ​​ധ്വാ​​നി​​ച്ച​​തെ​​ല്ലാം വൃ​​ഥാ​​വി​​ലാ​​യ​​തി​​ന്‍റെ മ​​നോ​​വേ​​ദ​​ന​​യി​​ലാ​​ണ് മ​​ല​​യി​​റ​​ങ്ങു​​ന്ന ക​​ർ​​ഷ​​ക​​രെ​​ല്ലാം.

വീ​​ഴ‌്‌ലി, കാ​​ന്ത​​ളം, പൊ​​ൻ​​ക​​ണ്ടം, ക​​ട​​പ്പാ​​റ, ഓ​​ടം​​തോ​​ട്, ക​​വി​​ളു​​പ്പാ​​റ, മ​​ണ്ണെ​​ണ്ണ​​ക്ക​​യം, വി​​ആ​​ർ​​ടി, നീ​​തി​​പു​​രം, കി​​ഴ​​ക്ക​​ഞ്ചേ​​രി, കോ​​ട്ടേ​​ക്കു​​ളം, പാ​​ല​​ക്കു​​ഴി, പാ​​ത്ര​​ക്ക​​ണ്ടം, ക​​ണി​​ച്ചി​​പ്പ​​രു​​ത തു​​ട​​ങ്ങി പു​​ലി​​ഭീ​​തി​​യി​​ൽ ക​ഴി​യു​ന്ന മ​​ല​​യോ​​ര​ ഗ്രാ​​മ​​ങ്ങ​​ൾ നി​​ര​​വ​​ധി​​യാ​​ണ്. പീ​​ച്ചി വ​​ന്യ​​മൃ​​ഗ​​സം​​ര​​ക്ഷ​​ണ കേ​​ന്ദ്ര​​ത്തി​​ന​​ടു​​ത്ത പ്ര​​ദേ​​ശ​​ങ്ങ​​ൾ, നെ​​ല്ലി​​യാ​​ന്പ​​തി​​യു​​മാ​​യി ബ​​ന്ധ​​പ്പെ​​ട്ട മ​​ല​​ന്പ്ര​​ദേ​​ശ​​ങ്ങ​​ൾ തു​​ട​​ങ്ങി​​യ സ്ഥ​​ല​​ങ്ങ​​ളി​​ലെ​​ല്ലാം കാ​​ട്ടു​​മൃ​​ഗ​​ഭീ​​ഷ​​ണി രൂ​​ക്ഷ​​മാ​​ണ്. നൂ​​റും നൂ​​റ്റി​​യ​​ന്പ​​തും വ​​രു​​ന്ന വാ​​ന​​ര​​പ്പ​​ട തോ​​ട്ട​​ങ്ങ​​ളി​​ലെ​​ത്തി ച​​ക്ക, മാ​​ങ്ങ, ക​​രി​​ക്ക്, പ​​ഴ​​വ​​ർ​​ഗ​​ങ്ങ​​ൾ എ​​ല്ലാം തി​​ന്നു​​തീ​​ർ​​ക്കു​ന്ന​തു ക​ണ്ടു ക​ർ​ഷ​ക​ർ ച​ങ്കു ത​ക​ർ​ന്നു നി​ൽ​ക്കു​ന്നു.

മാ​​ൻ​​കൂ​​ട്ട​​മി​​റ​​ങ്ങി തൈ ​​റ​​ബ​​റി​​ന്‍റെ തൊ​​ലി ക​​ടി​​ച്ചു​​കീ​​റി ന​​ശി​​പ്പി​​ക്കു​​ന്ന​​താ​ണ് മ​​ല​​യോ​​ര ക​​ർ​​ഷ​​ക​​രെ അ​​ല​​ട്ടു​​ന്ന മ​​റ്റൊ​​രു പ്ര​ശ്നം. പു​​ലി​​യി​​റ​​ക്കം റ​​ബ​​ർ ടാ​​പ്പിം​​ഗും പ്ര​​തി​​സ​​ന്ധി​​യി​​ലാ​​ക്കി. അ​​തി​​രാ​​വി​​ലെ ടാ​​പ്പിം​​ഗി​​നു പോ​​കു​​ന്ന ടാ​​പ്പ​​ർ​​മാ​രെ പു​ലി ആ​ക്ര​മി​ക്കാ​ൻ ശ്ര​മി​ക്കു​ന്ന സം​ഭ​വ​ങ്ങ​ൾ പെ​രു​കി​യതോടെ ഇ​വി​ട​ങ്ങ​ളി​ൽ ടാ​പ്പിം​ഗി​ന് ഇ​റ​ങ്ങാ​ൻ പ​ല​ർ​ക്കും ഭ​യ​മാ​ണ്.

കാ​​ട്ടു​​മൃ​​ഗ​​ശ​​ല്യം കൃ​​ഷി​​ക്കു മാ​​ത്ര​​മ​​ല്ല മ​​നു​​ഷ്യ​ ജീ​​വ​​നും ഭീ​​ഷ​​ണി ഉ​​യ​​ർ​​ത്തു​​ന്നു​ണ്ട്. അ​തി​​നാ​​ൽ കു​​ട്ടി​​ക​​ളെ ത​​നി​​ച്ചു​​വി​​ടാ​​ൻ ര​​ക്ഷി​​താ​​ക്ക​​ൾക്കു ഭ​​യ​​മാ​ണ്. വീ​ടി​നു പു​റ​ത്തി​റ​ങ്ങി സ​മാ​ധാ​ന​ത്തോ​ടെ ക​ളി​ക്കാ​നു​ള്ള സ്വാ​ത​ന്ത്ര്യം പോ​ലും ഈ ​കു​ട്ടി​ക​ൾ​ക്കു നി​ഷേ​ധി​ക്ക​പ്പെ​ട്ടി​രി​ക്കു​ന്നു. ഏ​തു സ​മ​യ​ത്തും പു​ലി ചാ​ടി വീ​ഴാ​വു​ന്ന സാ​ഹ​ച​ര്യ​ത്തി​ൽ എ​ങ്ങ​നെ കു​ട്ടി​ക​ളെ പു​റ​ത്തി​റ​ക്കി വി​ടാ​ൻ ക​ഴി​യും? ഇ​ങ്ങ​നെ​യൊ​രു ജീ​വി​ത​ത്തെ​ക്കു​റി​ച്ചു സ​ങ്ക​ല്പി​ക്കു​ക ത​ന്നെ അ​സ​ഹ​നീ​യം.. അ​പ്പോ​ൾ അ​നു​ഭ​വി​ക്കു​ന്ന ക​ർ​ഷ​ക​രു​ടെ സ്ഥി​തി​യോ?

കാടിറങ്ങി വന്യജീവികൾ, ഉറക്കമില്ലാതെ കർഷകർ / സി. അനിൽ കുമാർ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.