5.61 സെക്കൻഡിൽ 50 മീറ്റർ ലൈൽസ് പൂർത്തിയാക്കി. 5.56 സെക്കൻഡ് മാത്രമായിരുന്നു ആദ്യ 50 മീറ്റർ പിന്തള്ളാൻ തോംസണ് എടുത്തത്. എന്നാൽ, ഗിയർ മാറിയ ലൈൽസ് 1.65 സെക്കൻഡിൽ അടുത്ത 20 മീറ്റർ പിന്നിട്ടു. ഈ ദൂരം പിന്നിടാൻ തോംസണിന് 1.68 സെക്കൻഡ് വേണ്ടിവന്നു.
അവസാന 30 മീറ്ററിലും ആ കുതിപ്പു തുടർന്ന ലൈൽസ് 9.784 സെക്കൻഡിൽ സ്വർണത്തിലേക്ക് ഓടിക്കയറി. 9.789 സെക്കൻഡുമായി തോംസണ് വെള്ളിയിലുമായി. പതിഞ്ഞ തുടക്കത്തിനുശേഷമായിരുന്നു ലൈൽസിന്‍റെ സ്വർണത്തിലേക്കുള്ള കുതിപ്പെന്നു ചുരുക്കം.
20 വർഷത്തിനുശേഷം യുഎസ് സ്വർണംഒളിന്പിക്സ് പുരുഷ 100 മീറ്ററിൽ ഒരു അമേരിക്കൻ താരം സ്വർണം നേടുന്നത് നീണ്ട 20 വർഷത്തെ കാത്തിരിപ്പിനുശേഷമാണ്.
2004 ഏഥൻസ് ഒളിന്പിക്സിൽ ജസ്റ്റിൻ ഗാറ്റ്‌ലിനായിരുന്നു പുരുഷ 100 മീറ്ററിൽ സ്വർണം നേടിയ അവസാന അമേരിക്കൻ താരം. അന്ന് ഫൈനലിൽ മത്സരിച്ച ഏഴു പേർ 10 സെക്കൻഡിൽ താഴെ ഫിനിഷ് ചെയ്തിരുന്നു.
ലൈൽസിന്‍റെ കരിയറിലെ ഏറ്റവും മികച്ച സമയമാണ് പാരീസിൽ കുറിക്കപ്പെട്ടതെന്നതും ശ്രദ്ധേയം. 2020 ടോക്കിയോ ഒളിന്പിക്സിൽ 200 മീറ്ററിൽ ലൈൽസ് വെങ്കലം സ്വന്തമാക്കിയിരുന്നു. പാരീസിൽ സ്പ്രിന്‍റ് ഡബിളിനായാണ് ലൈൽസിന്‍റെ ശ്രമം.