വനിതാ ഡബിൾസിൽ ഇന്ത്യയുടെ അശ്വിനി പൊന്നപ്പ-താനിഷ ക്രാസ്റ്റോ സഖ്യം ഗ്രൂപ്പ് സിയിൽ രണ്ടാം മത്സരവും തോറ്റു.
സാത്വിക്-ചിരാഗ്
പുരുഷ ഡബിൾസിൽ ചിരാഗ് ഷെട്ടി-സാത്വിക്സായിരാജ് രങ്കറെഡ്ഢി സഖ്യം ക്വാർട്ടറിൽ. ഒളിമ്പിക്സിൽ ആദ്യമായാണ് ഇന്ത്യൻ പുരുഷ ഡബിൾസ് ടീം ക്വാർട്ടറിലെത്തുന്നത്. നാലു ടീമുകളുള്ള ഗ്രൂപ്പ് സിയിൽ ഇന്ത്യൻ സഖ്യം ആദ്യ മത്സരം ജയിച്ചിരുന്നു. കൂടാതെ ഗ്രൂപ്പിലെ ജർമൻ ടീം മാർക്ക് ലാംസ്ഫുസ്-മാർവിൻ സീഡൽ സഖ്യം പിന്മാറി. ഇതോടെ ഇന്ത്യൻ സഖ്യം ക്വാർട്ടറിലെത്തി.
ലാംസ്ഫുസിന്റെ പരിക്കാണ് പിന്മാറ്റത്തിനിടയാക്കിയത്. ഗ്രൂപ്പിലെ ഫ്രഞ്ച് ടീം രണ്ടു മത്സരവും തോൽക്കുകയും ചെയ്തു. ഇന്ത്യൻ ടീം ഇന്ന് ഗ്രൂപ്പിലെ അവസാന മത്സരത്തിൽ ഇന്തോനേഷ്യൻ ടീമിനെ നേരിടും.