ക​ഴി​ഞ്ഞ ചൊ​വ്വാ​ഴ്ച റോ​മി​ലെ സി​യാം​പി​നോ വി​മാ​ന​ത്താ​വ​ള​ത്തി​ൽ ഇ​ത്തി​ഹാ​ദ് എ​യ​ർ​വേ​യ്സി​ന്‍റെ ബോ​യിം​ഗ് 787 ഡ്രീം​ലൈ​ന​ർ വി​മാ​നം സു​ര​ക്ഷി​ത​മാ​യി ഇ​റ​ക്കി​യ​പ്പോ​ൾ അ​ബ്ദു​ള്ള ഒ​ബൈ​ദ എ​ന്ന പൈ​ല​റ്റി​ന്‍റെ മു​ഖ​ത്ത് ത​ന്‍റെ ജീ​വി​തത്തി​ലെ ഏ​റ്റ​വും ഉ​ത്ത​ര​വാ​ദി​ത്വ​പ്പെ​ട്ട ക​ർ​മം നി​ർ​വ​ഹി​ച്ച​തി​ന്‍റെ പു​ഞ്ചി​രി കാ​ണാ​മാ​യി​രു​ന്നു. ത​ന്‍റെ 20 വ​ർ​ഷ​ത്തെ പൈ​ല​റ്റ് ജീ​വി​ത​ത്തി​നി​ട​യി​ൽ നി​ര​വ​ധി പ്ര​ശ​സ്ത​രാ​യ വ്യ​ക്തി​ക​ളെ​യും വ​ഹി​ച്ചു​കൊ​ണ്ട് വി​മാ​നം പ​റ​ത്താ​ൻ ഇ​ദ്ദേ​ഹ​ത്തി​ന് അ​വ​സ​രം ല​ഭി​ച്ചി​ട്ടു​ണ്ട്.

എ​ന്നാ​ൽ ത​ന്‍റെ നാ​ട് സ​ന്ദ​ർ​ശി​ക്കാ​നെ​ത്തി​യ ഫ്രാ​ൻ​സി​സ് മാ​ർ​പാ​പ്പ​യെ തി​രി​ച്ച് വ​ത്തി​ക്കാ​നി​ൽ എ​ത്തി​ക്കാ​ൻ ല​ഭി​ച്ച അ​വ​സ​രം ജീ​വി​ത​ത്തി​ലെ ഏ​റ്റ​വും വ​ലി​യ ഭാ​ഗ്യ​മാ​യി ഈ ​നാ​ൽ​പ്പ​ത്ത​ഞ്ചു​കാ​ര​ൻ കാ​ണു​ന്നു.ആ​റു​മ​ണി​ർ നേരത്തേക്കാ​ണെ​ങ്കി​ലും ഒ​രു മാ​ർ​പാ​പ്പ​യു​ടെ പൈ​ല​റ്റാ​കാ​ൻ ക​ഴി​ഞ്ഞ ആ​ദ്യ യു​എ​ഇക്കാ​ര​നാ​കാ​ൻ ക​ഴി​ഞ്ഞ​തി​ൽ ത​നി​ക്ക് ഏ​റെ അ​ഭി​മാ​ന​മു​ണ്ടെ​ന്ന് അ​ബ്ദു​ള്ള പ​റ​യു​ന്നു.


മാ​ർ​പാ​പ്പ​യ്ക്കു​ള്ള വാ​ഹ​ന​മാ​യ​തി​നാ​ൽ വി​മാ​ന​ത്തി​ന്‍റെ വാ​തി​ലി​ൽ വ​ത്തി​ക്കാ​ന്‍റെ ഒൗ​ദ്യോ​ഗി​ക ചി​ഹ്നം പ​തി​പ്പി​ച്ചി​രു​ന്നു. വി​മാ​ന​ത്തി​ന്‍റെ മു​ൻ​ഭാ​ഗ​ത്തു​ത​ന്നെ​യാ​യി​രു​ന്നു ഫ്രാ​ൻ​സി​സ് പാ​പ്പ​ായു​ടെ ഇ​രി​പ്പി​ടം. യാ​ത്ര​യി​ൽ പാ​പ്പ​ായെ​യോ കൂ​ടെ​യു​ള്ള​വ​രെ​യോ യാ​തൊ​രു വി​ധ​ത്തി​ലും ശ​ല്യ​പ്പെ​ടു​ത്താ​തി​രി​ക്കാ​ൻ പൊ​തു​വാ​യ അ​നൗ​ണ്‍​സ്മെ​ന്‍റു​ക​ളൊ​ന്നും ന​ട​ത്തി​യി​രു​ന്നി​ല്ല. യാ​ത്ര​ക്കാ​രെ എ​ന്തെ​ങ്കി​ലും അ​റി​യി​ക്ക​ണ​മെ​ങ്കി​ൽ അ​ത് വി​മാ​ന​ത്തി​ലെ ജീ​വ​ന​ക്കാ​ർ​ത​ന്നെ നേ​രി​ട്ട് എ​ത്തി അ​റി​യി​ച്ചു. ഫ്രാ​ൻ​സി​സ് പാ​പ്പ​യെ​യും വ​ഹി​ച്ചു​കൊ​ണ്ടു​ള്ള വി​മാ​ന യാ​ത്ര​യ്ക്ക് ഒ​രാ​ഴ്ച നീ​ണ്ട ഒ​രു​ക്ക​ങ്ങ​ളാ​ണ് ഇ​ത്തി​ഹാ​ദ് ജീ​വ​ന​ക്കാ​ർ ന​ട​ത്തി​യ​ത്.