യു​എ​ഇ സ​ന്ദ​ർ​ശ​ന​ത്തി​നി​ടെ ഫ്രാ​ൻ​സി​സ് മാ​ർ​പാ​പ്പ പ്ര​ത്യേ​ക​മാ​യി സ​ന്ദ​ർ​ശി​ച്ച ഒ​രി​ട​മാ​ണ് അ​ബു​ദാ​ബി​യി​ലെ സെ​ന്‍റ് ജോ​സ​ഫ് ക​ത്തീ​ഡ്ര​ൽ. പ​തി​ന​ഞ്ചു മി​നി​റ്റോ​ളം അ​വി​ടെ ചെ​ല​വ​ഴി​ച്ച മാ​ർ​പാ​പ്പ ജീ​വി​ത​ത്തി​ന്‍റെ നാ​നാ​തു​റ​ക​ളി​ൽ​നി​ന്നു​ള്ള മു​ന്നൂ​റോ​ളം വി​ശ്വാ​സി​ക​ളെ ആ​ശീ​ർ​വ​ദി​ക്കു​ക​യും ചെ​യ്തു.

ഈ ​ക​ത്തീ​ഡ്ര​ൽ പ്ര​ത്യേ​കം സ​ന്ദ​ർ​ശ​ന​ത്തി​ന് തെ​ര​ഞ്ഞെ​ടു​ക്കാ​ൻ ഒ​രു കാ​ര​ണ​മു​ണ്ട്. 1965ൽ ​സ്ഥാ​പി​ത​മാ​യ ഈ ​ക​ത്തീ​ഡ്ര​ൽ യു​എ​ഇ​യി​ലെ ആ​ദ്യ ക​ത്തോ​ലി​ക്ക ദേ​വാ​ല​യ​മാ​ണ്. അ​ബു​ദാ​ബി​യു​ടെ ഭ​ര​ണാ​ധി​കാ​രി​യാ​യി​രു​ന്ന ഷെയ്ക് ഷ​ഖ്ഭ​ട്ടാ​ണ് ഈ ​ദേ​വാ​ല​യം നി​ർ​മി​ക്കു​ന്ന​തി​നു​ള്ള സ്ഥ​ലം ന​ൽ​കി​യ​ത്. പി​ന്നീ​ട് 1983ൽ ​അ​ൽ മു​ഷ്റി​ഫ് എ​ന്ന സ്ഥ​ല​ത്തേ​ക്ക് ഈ ​ദേ​വാ​ല​യം മാ​റ്റി സ്ഥാ​പി​ക്ക​പ്പെ​ട്ടു. യു​എ​ഇ, യെ​മ​ൻ, ഒ​മാ​ൻ എ​ന്നീ രാ​ജ്യ​ങ്ങ​ള​ട​ങ്ങു​ന്ന ദ​ക്ഷി​ണ അ​റേ​ബ്യ​ൻ അ​പ്പ​സ്തോ​ലി​ക് വി​കാ​റി​ന്‍റെ ആ​സ്ഥാ​ന​മാ​ണി​വി​ടം.


നി​ല​വി​ൽ 90,000ത്തി​ന് അ​ടു​ത്ത് ഇ​ട​വ​ക​ക്കാ​ർ ഈ ​ദേ​വാ​ല​യ​ത്തി​ലു​ണ്ട്. മ​ല​യാ​ളം, ത​ഗ​ലോ​ഗ്, ഉ​റു​ദു, ഫ്ര​ഞ്ച്, ജ​ർ​മ​ൻ, കൊ​റി​യ​ൻ തു​ട​ങ്ങി​യ ഭാ​ഷ​ക​ളി​ൽ ഇ​വി​ടെ വി​ശു​ദ്ധ ബ​ലി അ​ർ​പ്പി​ക്ക​പ്പെ​ടു​ന്നു. 10 ല​ക്ഷ​ത്തോ​ളം ക​ത്തോ​ലി​ക്ക​രു​ള്ള യു​എ​ഇ​യി​ൽ ഒ​ന്പ​ത് ക​ത്തോ​ലി​ക്ക ദേ​വാ​ല​യ​ങ്ങ​ളാ​ണു​ള്ള​ത്. ഫ്രാൻസിസ് മാർപാപ്പയ്ക്ക് സമ്മാനമായി യു​എ​ഇ ഉ​പ സ​ർ​വ​സൈ​ന്യാ​ധി​പ​നു​മാ​യ ഷെ​യ്ഖ് മു​ഹ​മ്മ​ദ് ബി​ൻ അ​ൽ ന​ഹ്യാ​ൻ നല്കിയത് സെ​ന്‍റ് ജോ​സ​ഫ് ക​ത്തീ​ഡ്ര​ൽ സ്ഥിതിചെയ്യുന്ന സ്ഥലത്തിന്‍റെ രേഖയാണ്.