മാർപാപ്പായോടൊപ്പം കുർബാന അർപ്പിക്കാൻ മലയാളി വൈദികനും : Deepika.com Special News

ഇതു രക്ഷാകർത്താക്കൾ വായിക്കാതെ പോവരുത്! ഒരു വയസാകും മുൻപേ കുരുന്നുകൈകളിൽ മൊബൈൽ ഫോണോ ടാബ്‌ലെറ്റോ കൊടുക്കുന്നവരാണ് ഇന്നു നല്ലൊരു ശതമാനം മാതാപിതാക്കളും. കരച്ചിലടക്കുക, പഠിപ്പിക്കുക, ഭക്ഷണം കഴിപ്പിക്കുക തുടങ്ങി കുട്ടികളെ വളയ്ക്കുന്നതിനുള്ള ഒറ്റമൂലിയായാണ് രക്ഷിതാക്കൾ പലപ്പോഴും മൊബൈൽ ഫോണിനെ കാണുന്നത്. ആദ്യം തമാശയ്ക്കു കൊടുക്കുന്ന ഇത്തരം ഡിജിറ്റൽ സ്ക്രീനുകൾ പിന്നീട് കുട്ടികളുടെ കൈയിൽ നിന്നു തിരികെ വാങ്ങാനാകാത്ത സ്ഥിതി വരുന്നു. മയക്കുമരുന്നുകൾ പോലെ ഒഴിവാക്കാനാകാത്ത ഒന്നായി ഈ സ്ക്രീനുകൾ മാറുന്ന കാഴ്ചയാണ് ഇന്നുള്ളത്. തുടർച്ചയായ ഡിജിറ്റൽ സ്ക്രീനുകളുടെ ഉപയോഗം കുട്ടികളിൽ ഗുരുതരമായ ആരോഗ്യപ്രശ്നങ്ങളുണ്ടാക്കുമെന്നു പഠനങ്ങൾ തെളിയിക്കുന്നു. മൊബൈൽ ഫോണ്‍ കൊടുത്തുള്ള സ്നേഹപ്രകടനം അവരോടുചെയ്യുന്ന ഏറ്റവും വലിയ അപരാധമായി മാറും. ഡിജിറ്റൽ സ്ക്രീനുകൾക്ക് അടിമകളായ കുട്ടികൾ അതു ലഭിക്കാതെ വരുമ്പോൾ ഒരു പ്രത്യേക മാനസികാവസ്ഥയിലേക്ക് എത്തുന്നു

മാർപാപ്പായോടൊപ്പം കുർബാന അർപ്പിക്കാൻ മലയാളി വൈദികനും

മസ്കറ്റ്: മാർപാപ്പായോടൊപ്പം വിശുദ്ധ കുർബാന അർപ്പിക്കാൻ കുട്ടനാട്ടുകാരനായ വൈദികനും. മൂന്നു മുതൽ അഞ്ചുവരെ ഫ്രാൻസിസ് മാർപാപ്പ യുണൈറ്റഡ് അറബ് എമറേറ്റ്സിൽ (യുഎഇ) നടത്തുന്ന സന്ദർശന വേളയിലാണ് ഫാ.ജോബി കരിക്കംപള്ളിൽ ഒഎഫ്എം കപ്പുച്ചിൻ മാർപാപ്പായൊടൊപ്പം വിശുദ്ധ കുർബാന അർപ്പിക്കുന്നത്.

അബുദാബി സെന്‍റ് ജോസഫ്സ് കത്തീഡ്രലിൽ അസിസ്റ്റന്‍റ് വികാരിയാണ് ഫാ. ജോബി. കഴിഞ്ഞ ഒക്ടോബറിലാണ് അദ്ദേഹം അബുദാബിയിൽ എത്തിയത്.അതിനു മുന്പ് മസ്കറ്റിലെ സെന്‍റ് പീറ്റർ ആൻഡ് പോൾ കാത്തോലിക്കാ പള്ളിയിലാ‍യിരുന്നു ശുശ്രൂഷ.

മൂന്നിന് അബുദാബിയിൽ എത്തുന്ന മാർപാപ്പ അഞ്ചിനു ചൊവ്വാഴ്ച യുഎഇ സമയം രാവിലെ 9.15-നു (ഇന്ത്യൻ സമയം രാവിലെ 10.45) കത്തീഡ്രൽ സന്ദർശിക്കും. 10.30-നു സായിദ് സ്പോർട്സ് സിറ്റിയിൽ നടത്തുന്ന വിശുദ്ധ കുർബാനയിലാണ് ഫാ.ജോബി സഹകാർമികനാകുന്നത്.
ഉച്ചയ്ക്ക് 12.40-നു അബുദാബി പ്രസിഡൻഷ്യൽ എയർപോർട്ടിൽ നിന്നു മാർപാപ്പ വത്തിക്കാനിലേക്കു മടങ്ങും. യുഎഇ, ഒമാൻ, യെമൻ അടങ്ങുന്ന ദക്ഷിണ അറേബ്യ അപ്പസ്തോലിക് വികാർ ബിഷപ് പോൾ ഹിൻഡർ ഒഎഫ്എം കപ്പുച്ചിൻ ആണ് മാർപാപ്പായുടെ സന്ദർശന പരിപാടികൾ ക്രമീകരിക്കുന്നത്.

മാർപാപ്പായൊടൊപ്പം വിശുദ്ധ കുർബാന അർപ്പിക്കാൻ സാധിക്കുന്നത് ദൈവാനുഗ്രഹമാണെന്നു ഫാ. ജോബി കരിക്കംപള്ളിൽ പറഞ്ഞു.

കെഎസ്ഇബി റിട്ട. ഉദ്യോഗസ്ഥൻ ആലപ്പുഴ എടത്വ ചെക്കിടിക്കാട് കരിക്കംപള്ളിൽ ചിറയിൽ സി.സി. ജോസിന്‍റെയും മുട്ടാർ ശ്രാന്പിക്കൽ പുത്തൻപുരയിൽ ത്രേസ്യാമ്മയുടെയും മകനാണ് ഫാ. ജോബി. ജോഷി കെ. ജോസ് (സൗദി അറേബ്യ), ജോജി കെ.ജോസ് (ദീപിക, ആലപ്പുഴ), ജിനോ കെ. ജോസ് (സൗദി അറേബ്യ) എന്നിവരാണ് സഹോദരങ്ങൾ.

2011-ൽ പൗരോഹിത്യം സ്വീകരിച്ച ഫാ. ജോബി ഭരണങ്ങാനം അസീസി ധ്യാനകേന്ദ്രത്തിന്‍റെ ഡയറക്ടറായിരുന്നു.

സേവ്യർ കാവാലം

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.