തി​രു​വ​ന​ന്ത​പു​രം: ഓ​ഖി ദു​ര​ന്ത​ത്തി​ൽ നൂ​റു​ക​ണ​ക്കി​നാ​ളു​ക​ൾ ക​ട​ലി​ൽ ജീ​വ​നു വേ​ണ്ടി പൊ​രു​തു​ന്പോ​ഴും ക​ര​യി​ൽ ര​ക്ഷാ​പ്ര​വ​ർ​ത്ത​ന​ത്തി​നു​ള്ള നീ​ക്ക​ങ്ങ​ൾ സാ​വ​ധാ​ന​മാ​ണു ന​ട​ന്ന​ത്. കേ​ര​ള​ത്തി​ന്‍റെ പൊ​തു​മ​നഃ​സാ​ക്ഷി ഉ​ണ​രാ​ൻ വീ​ണ്ടും ദി​വ​സ​ങ്ങ​ൾ വേ​ണ്ടി​വ​ന്നു. തീ​ര​ജ​ന​ത പ്ര​തി​ഷേ​ധ​ത്തി​ന്‍റെ വ​ഴി​യി​ലേ​ക്കു നീ​ങ്ങി​യ​പ്പോ​ൾ മാ​ത്ര​മാ​ണ് പൊ​തു​സ​മൂ​ഹ​വും ഭ​ര​ണ​നേ​തൃ​ത്വ​വും ഉ​ണ​ർ​ന്നെ​ണീ​റ്റ​ത്.

എ​ന്നാ​ൽ, മാ​സ​ങ്ങ​ൾ​ക്കി​പ്പു​റം കേ​ര​ള​ത്തെ വി​ഴു​ങ്ങി​യ മ​ഹാ​പ്ര​ള​യ​ത്തി​ൽ കു​ടു​ങ്ങി​ക്കി​ട​ന്ന പ​തി​നാ​യി​ര​ങ്ങ​ൾ ജീ​വ​നു വേ​ണ്ടി യാ​ചി​ച്ച​പ്പോ​ൾ സ്വ​ന്തം ജീ​വ​ൻ പ​ണ​യ​പ്പെ​ടു​ത്തി അ​വ​രെ ര​ക്ഷി​ക്കാ​ൻ രം​ഗ​ത്തി​റ​ങ്ങി​യ​ത് കേ​ര​ള​ത്തി​ലെ മ​ത്സ്യ​ത്തൊ​ഴി​ലാ​ളി​ക​ളാ​യി​രു​ന്നു. നാ​ട​ൻ വ​ള്ള​ങ്ങ​ളും ചെ​റു​ബോ​ട്ടു​ക​ളു​മാ​യി പ്ര​ള​യ​ബാ​ധി​ത പ്ര​ദേ​ശ​ങ്ങ​ളി​ലേ​ക്കു പോ​യ മ​ത്സ്യ​ത്തൊ​ഴി​ലാ​ളി​ക​ൾ പ​തി​നാ​യി​ര​ങ്ങ​ളെ ര​ക്ഷി​ച്ചു.


തി​രു​വ​ന​ന്ത​പു​രം അ​തി​രൂ​പ​ത​യു​ടെ നേ​തൃ​ത്വ​ത്തി​ൽ 138 വ​ള്ള​ങ്ങ​ളു​മാ​യി 590 മ​ത്സ്യ​ത്തൊ​ഴി​ലാ​ളി​ക​ൾ ര​ക്ഷാ​പ്ര​വ​ർ​ത്ത​ന​ത്തി​നി​റ​ങ്ങി. ഇ​വ​രെ കൂ​ടാ​തെ ക്ല​ബ്ബു​ക​ളു​ടെ​യും മ​റ്റും ആ​ഭി​മു​ഖ്യ​ത്തി​ലും ഈ ​പ്ര​ദേ​ശ​ത്തു​നി​ന്നു മ​ത്സ്യ​ത്തൊ​ഴി​ലാ​ളി​ക​ൾ ര​ക്ഷാ​പ്ര​വ​ർ​ത്ത​ന​ത്തി​നാ​യി​റ​ങ്ങി. ഇ​വ​ർ അ​റു​പ​ത്ത​യ്യാ​യി​ര​ത്തോ​ളം പേ​രെ ര​ക്ഷ​പ്പെ​ടു​ത്തി​യെ​ന്നു പ​റ​ഞ്ഞ​ത് മ​ന്ത്രി ക​ട​കം​പ​ള്ളി സു​രേ​ന്ദ്ര​നാ​ണ്. ഓ​ഖി ദു​ര​ന്തം അ​വ​ർ​ക്കൊ​രു പാ​ഠ​മാ​യി​രു​ന്നു. മ​ത്സ്യ​ത്തൊ​ഴി​ലാ​ളി​ക​ളു​ടെ ത്യാ​ഗോ​ജ്വ​ല​മാ​യ പ്ര​വ​ർ​ത്ത​നം കേ​ര​ള​ത്തി​നാ​കെ​യും പാ​ഠ​മാ​യി. അ​തു​കൊ​ണ്ടാ​ണ​ല്ലോ മ​ത്സ്യ​ത്തൊ​ഴി​ലാ​ളി​ക​ളെ കേ​ര​ള​ത്തി​ന്‍റെ സ്വ​ന്തം സൈ​ന്യം എ​ന്നു മു​ഖ്യ​മ​ന്ത്രി പി​ണ​റാ​യി വി​ജ​യ​ൻ വി​ശേ​ഷി​പ്പി​ച്ച​ത്.