നി​റ​ങ്ങ​ളി​ല്ലാ​തെ നി​ഴ​ലും ഇ​രു​ളും പ​ര​ന്ന ജീ​വി​ത​ത്തി​ലെ സ​ഹ​ന​പാ​ത​ക​ൾ താ​ണ്ടി എം​എ വ​രെ പ​ഠി​ച്ച ക​മ​ൽ​രാ​ജ്. ക​യ്യൂ​ർ ചീ​മേ​നി മൊ​ള​ക്കോ​ത്ത് കൃ​ഷ്ണ​യി​ൽ വീ​ട്ടി​ൽ കൃ​ഷ്ണ​രാ​ജി​ന് സ്വ​പ്നം ജീ​വി​ക്കാ​ൻ ഒ​രു ജോ​ലി​യാ​ണ്. പൂ​ർ​ണ അ​ന്ധ​നാ​യ ത​നി​ക്ക് ആ​ര് ജോ​ലി ന​ൽ​കു​മെ​ന്ന ആ​ശ​ങ്ക കൃ​ഷ്ണ​രാ​ജി​നെ അ​ല​ട്ടു​ന്നു.

മ​ല​യോ​ര​ങ്ങ​ളെ വി​ഷ​ത്തി​ൽ പു​ത​ച്ച മാ​ര​ക​രാ​സ​ക​ത്തി​ന്‍റെ ഇ​ര​യെ​ന്ന നി​ല​യി​ൽ സ​ർ​ക്കാ​ർ അ​നു​വ​ദി​ച്ച 1700 ക്ഷേ​മ​പെ​ൻ​ഷ​ൻ മു​ട​ങ്ങു​ന്ന സ്ഥി​തി​യി​ൽ കൃ​ഷ്ണ​രാ​ജ് ഉ​ൾ​പ്പെ​ടു​ന്ന നി​സ​ഹാ​യ​രു​ടെ സ​മൂ​ഹം എ​ങ്ങ​നെ വി​ശ​പ്പ​ട​ക്കും, എ​ങ്ങ​നെ ചി​കി​ത്സ തേ​ടും. അ​ൽ​പം​മെ​ങ്കി​ലും വെ​ളി​ച്ചം ​വീ​ണ്ടെ​ടു​ക്കാ​മെ​ന്ന പ്ര​തീ​ക്ഷ​യി​ൽ മാ​താ​പി​താ​ക്ക​ൾ കൃ​ഷ്ണ​രാ​ജി​നെ ബാ​ല്യ​ത്തി​ൽ പു​ട്ട​പ​ർ​ത്തി സാ​യി ബാ​ബ ആ​ശു​പ​ത്രി​യി​ൽ വ​രെ എ​ത്തി​ച്ച് ചി​കി​ത്സ ചെ​യ്തു നോ​ക്കി​യി​രു​ന്നു.

കാ​സ​ർ​ഗോ​ഡ് അ​ന്ധ​വി​ദ്യാ​ല​യ​ത്തി​ലും കാ​സ​ർ​ഗോ​ഡ് ഹ​യ​ർ സെ​ക്ക​ൻ​ഡ​റി സ്കൂ​ളി​ലും പ​ഠ​ന​ത്തി​നു​ശേ​ഷം നെ​ഹ്‌റു കോ​ള​ജി​ൽ ബി​രു​ദ​വും ക​ണ്ണൂ​ർ സ​ർ​വ​ക​ലാ​ശാ​ല​യി​ൽ​നി​ന്ന് മ​ല​യാ​ളം എം​എ​യും നേ​ടി. ജീ​വി​ക്കാ​ൻ എ​ന്ത് തൊ​ഴി​ൽ, എ​ന്തു വ​രു​മാ​നം എ​ന്ന ചോ​ദ്യ​വു​മാ​യി വീ​ടി​നു​ള്ളി​ൽ നി​സ​ഹാ​യ​നാ​യി ക​ഴി​യു​ക​യാ​ണ് ക​മ​ൽ​രാ​ജ്. അ​ച്ഛ​ൻ രാ​ധാ​കൃ​ഷ്ണ​ൻ ഓ​ട്ടോ ഡ്രൈ​വ​റാ​ണ്. അ​മ്മ ഇ​ന്ദി​ര​യ്ക്ക് ത​യ്യ​ൽ​ജോ​ലി​യും.

എ​ൻ​ഡോ​സ​ൾ​ഫാ​ൻ ബാ​ധി​ത​രാ​യ നൂ​റു​ക​ണ​ക്കി​നു ഹ​ത​ഭാ​ഗ്യ​രു​ടെ നാ​ടാ​ണ് ക​യ്യൂ​ർ ചീ​മേ​നി അ​തി​രി​ടു​ന്ന ഗ്രാ​മ​ങ്ങ​ൾ. വി​ഷ​പ്ര​യോ​ഗം നി​രോ​ധി​ച്ച​തി​നു​ശേ​ഷ​വും ഇ​വി​ടെ ജ​നി​ച്ചു​വീ​ഴു​ന്ന ഏ​റെ കു​ഞ്ഞു​ങ്ങ​ൾ​ക്ക് വൈ​ക​ല്യ​ങ്ങ​ൾ സാ​ധാ​ര​ണ​മാ​ണ്. അ​ത്ര​യേ​റെ ഈ ​പ്ര​കൃ​തി വി​ഷ​ലി​പ്ത​മാ​യി​രി​ക്കു​ന്നു.

ഇ​വി​ട​ങ്ങ​ളി​ലെ ഓ​രോ സ്ത്രീ​യും ആ​ശ​ങ്ക​യോ​ടെ​യാ​ണ് ഗ​ർ​ഭം ധ​രി​ക്കു​ന്ന​ത്. ഓ​രോ പ​രി​ശോ​ധ​ന​യും സ്കാ​നിം​ഗും ഇ​വ​ർ​ക്ക് ആ​ശ​ങ്ക​ക​ളു​ടേ​താ​ണ്. പ്ര​സ​വി​ച്ചു​ക​ഴി​ഞ്ഞാ​ലും അ​ണ​യു​ന്ന​ത​ല്ല ഇ​വ​രു​ടെ ഹൃ​ദ​യ​ങ്ങ​ളി​ൽ ഉ​യു​ന്ന ആ​ധി​യു​ടെ ജ്വാ​ല​ക​ൾ.

ത​ല​യു​ണ്ടോ ത​ല​ച്ചോ​റു​ണ്ടോ, ഉ​ട​ലു​ണ്ടോ വ​ള​ർ​ച്ച​യു​ണ്ടോ എ​ന്നി​ങ്ങ​നെ തീ​രാ​ത്ത ആ​ശ​ങ്ക​ക​ൾ. ചു​റ്റും ക​ണ്ടും കേ​ട്ടും അ​നു​ഭ​വി​ച്ച​റി​യു​ന്ന ഭീ​തി​പ്പെ​ടു​ത്തു​ന്ന അ​വ​സ്ഥ​ക​ളും രോ​ദ​ന​ങ്ങ​ളു​മാ​ണ് ഒ​രു കു​ഞ്ഞി​നെ ആ​ഗ്ര​ഹി​ക്കു​ന്ന ന​വ​ദ​ന്പ​തി​ക​ളു​ടെ ഹൃ​ദ​യ​വ്യ​ഥ.

എ​ൻ​ഡോ​സ​ൾ​ഫാ​ൻ ബാ​ധി​ത മേ​ഖ​ല​യി​ലെ 11 പ​ഞ്ചാ​യ​ത്തു​ക​ളി​ലും മി​ക്ക വീ​ട്ടി​ലേ​ക്കു ക​ട​ന്നു ചെ​ന്നാ​ലും ഒ​രു കി​ട​പ്പു​രോ​ഗി​യു​ണ്ടാ​കും. അ​ത​ല്ലെ​ങ്കി​ൽ നി​ഴ​ലി​നെ നോ​ക്കി നി​ശ്ച​ല​മാ​യി ഇ​രി​ക്കു​ന്ന ഒ​രു ഇ​രു​പ്പു​രോ​ഗി​യു​ണ്ടാ​കും. കാ​ലും കൈ​യും ത​നി​യെ ച​ലി​പ്പി​ക്കാ​ൻ ശേ​ഷി​യി​ല്ലാ​തെ ക​ട്ടി​ലി​ലും നി​ല​ത്തും മാ​ത്രം കി​ട​ക്കു​ന്ന​വ​ർ. ചി​ല​ർ​ക്ക് ച​ല​ന​മി​ല്ല, ചി​ല​ർ കി​ടു​ന്നു​രു​ളു​ന്നു. ചി​ല​ർ സ്ഥ​ര​ബു​ദ്ധി​യി​ല്ലാ​തെ പു​ല​ന്പു​ന്നു. കാ​ഴ്ച​യി​ല്ലാ​തെ മു​റി​ക​ളി​ൽ ത​പ്പി​ത്തി​ര​യു​ന്ന വേ​റെ​യും ഹ​ത​ഭാ​ഗ്യ​ർ.

ഇ​രു​പ​തും അ​തി​ലേ​റെ​യും പ്രാ​യ​ത്തി​ൽ അ​ച്ഛ​ന്‍റെ​യോ അ​മ്മ​യു​ടെ​യോ മ​ടി​യി​ൽ മാ​ത്രം കി​ട​ക്കു​ന്ന രോ​ഗി​ക​ളാ​യ മ​ക്ക​ൾ. ശ​രീ​രം വ​ള​രാ​തെ​യും സ്വ​ന്തം കാ​ലി​ൽ ന​ട​ക്കാ​ൻ സാ​ധി​ക്കാ​തെ​യും ഭി​തി​ജ​നി​പ്പി​ക്കു​ന്ന രൂ​പ​ങ്ങ​ളാ​യി നി​ര​ങ്ങി​യും മു​ട​ന്തി​യും ക​ഴി​യു​ന്ന​വ​ർ. ബു​ദ്ധി​പ​ര​മാ​യ വ​ള​ർ​ച്ച​യി​ല്ലാ​തെ ലോ​ക​ത്തെ​യും അ​ടു​ത്തു​നി​ൽ​ക്കു​ന്ന​വ​രെ​യും നി​ഴ​ലും കി​നാ​വും പോ​ലെ മാ​ത്രം കാ​ണു​ന്ന സാ​ധു​ക്ക​ളാ​ണ് ഏ​റെ​യും.

ഭ​ക്ഷ​ണം വാ​രി​ക്കൊ​ടു​ത്തും വെ​ള്ളം കോ​രി​ക്കൊ​ടു​ത്തും കാ​ല​വും പ്രാ​യ​വും നോ​ക്കാ​തെ മ​ക്ക​ൾ​ക്കു​വേ​ണ്ടി ജീ​വി​തം ഉ​ഴി​ഞ്ഞു​വെ​ച്ചി​രി​ക്കു​ന്ന ഹ​ത​ഭാ​ഗ്യ​രാ​യ മാ​താ​പി​താ​ക്ക​ളു​ടെ വി​തു​ന്പ​ൽ ആ​ര​റി​യു​ന്നു.

വ​ഴി​മു​ട്ടി​യ ജീ​വി​തം

ജീ​വി​ക്കാ​ൻ മാ​ർ​ഗ​മി​ല്ലാ​തെ വ​ല​യു​ന്ന ചീ​മേ​നി​യി​ലെ അ​ജ​യ​കു​മാ​റി​ന്‍റെ വേ​ദ​ന ആ​രു​ടെ​യും ക​ണ്ണു​ക​ളെ ഈ​റ​ന​ണി​യി​ക്കും. അ​ന്ധ​നാ​യ അ​ജ​യ​കു​മാ​ർ ലോ​ട്ട​റി ക​ച്ച​വ​ട​വു​മാ​യി ചീ​മേ​നി​യി​ലും പൊ​താ​വൂ​രി​ലും ഒ​രു​വി​ധം ജീ​വി​തം കൂ​ട്ടി​മു​ട്ടി​ച്ചു വ​രു​ന്പോ​ഴാ​ണ് നോ​ട്ട് നി​രോ​ധ​നം വ​ന്ന​ത്. പു​തി​യ നോ​ട്ടു​ക​ൾ നി​റം​കൊ​ണ്ടോ വ​ലി​പ്പം കൊ​ണ്ടോ തി​രി​ച്ച​റി​യാ​ൻ പ​റ്റാ​തെ വ​ന്ന​തോ​ടെ ടി​ക്ക​റ്റ് വാ​ങ്ങു​ന്ന​വ​ർ​ക്ക് ബാ​ക്കി കൊ​ടു​ക്കാ​നാ​വാ​തെ വ​ന്നു.

പ​ല​രും ക​ബ​ളി​പ്പി​ക്കു​ന്ന സാ​ഹ​ച​ര്യം കൂ​ടി​യാ​യ​പ്പോ​ൾ ലോ​ട്ട​റി നി​റു​ത്തി. കാ​സ​ർ​ഗോ​ട്ട് എ​ൻ​ഡോ​സ​ൾ​ഫാ​ൻ ബാ​ധി​ത​രാ​യി കാ​ഴ്ച മ​ങ്ങി​യ ഏ​റെ​പ്പേ​ർ വ​ഴി​യോ​ര​ങ്ങ​ളി​ലും ക​വ​ല​ക​ളി​ലും ലോ​ട്ട​റി വി​ൽ​പ​ന ന​ട​ത്തു​ന്നു​ണ്ട്. നി​ര​വ​ധി പേ​ർ പ​തി​വാ​യി ക​ബ​ളി​പ്പി​ക്ക​ലി​ന് ഇ​ര​യാ​വു​ക​യും ചെ​യ്യു​ന്നു.


തെ​യ്യം തു​ള്ള​ൽ കു​ല​ത്തൊ​ഴി​ലാ​ക്കി​യ കു​ടും​ബ​ത്തി​ലെ അം​ഗ​മാ​ണ് അ​ജ​യ​കു​മാ​ർ. ലോ​ട്ട​റി നി​റു​ത്തി​ അ​ച്ഛ​നും സ​ഹോ​ദ​ര​ങ്ങ​ൾ​ക്കു​മൊ​പ്പം ക്ഷേ​ത്ര​ങ്ങ​ളി​ൽ തെ​യ്യ​ത്തി​ന് പോ​യി​രു​ന്നു. തെ​യ്യം തു​ള്ളാ​ൻ കാ​ഴ്ച​യു​ടെ പ​രി​മി​തി​യു​ണ്ടെ​ങ്കി​ലും വാ​ദ്യം കൊ​ട്ടാ​ൻ അ​ജ​യ​കു​മാ​ർ പ​രി​ശീ​ല​നം നേ​ടി​യി​രു​ന്നു. തെ​യ്യ​ത്തി​ന് വാ​ദ്യം ന​ട​ത്തി കു​ടും​ബം പോ​റ്റി പോ​രു​ന്പോ​ഴാ​ണ് കോ​വി​ഡിന്‍റെ വരവിൽ​ ഉ​ത്സ​വ​ങ്ങ​ൾ നി​ല​ച്ചു​പോ​യ​ത്.

നി​ല​വി​ൽ ലോ​ട്ട​റി​യും തെ​യ്യ​വു​മി​ല്ലാ​തെ ദു​രി​ത​പ്പെ​ടു​ക​യാ​ണ് ഈ ​നി​സ​ഹാ​യ​ൻ. കൈ​യി​ൽ ബി​രു​ദ​മു​ണ്ട്, ജീ​വി​ക്കാ​ൻ മാ​ർ​ഗ​മി​ല്ല എ​ന്ന ദ​യ​നീ​യാ​വ​സ്ഥ​യി​ൽ അ​ജ​യ​കു​മാ​റി​നെ​പ്പോ​ലെ നി​ര​വ​ധി​പേ​ർ ഈ ​മ​ല​യോ​ര ഗ്രാ​മ​ങ്ങ​ളി​ലു​ണ്ട്.

പ​രീ​ക്ഷ എ​ന്ന പ​രീ​ക്ഷ​ണം

കാ​സ​ർ​ഗോ​ഡ് പ​ള്ളി​ക്ക​ര പ​ന​യാ​ൽ ബെ​ന്നാ​ട് ചി​റ​യ്ക്ക​ൽ വി​ജേ​ഷ് ടി​ടി​സി​പാ​സാ​യി​ട്ട് നാ​ലു വ​ർ​ഷ​മാ​യി. അ​ധ്യാ​പ​ക​ജോ​ലി​ക്കു​ള്ള സ​ർ​ക്കാ​ർ യോ​ഗ്യ​താ (കെ-​ടെറ്റ്) മൂ​ന്നു ത​വ​ണ എ​ഴു​തി. കാ​ഴ്ച വൈ​ക​ല്യ​മു​ള്ള​വ​ർ​ക്ക് യോ​ഗ്യ​ത​നേ​ടാ​ൻ 75 സ്കോ​ർ ല​ഭി​ച്ചാ​ൽ മ​തി. ഒ​രു മാ​ർ​ക്കി​ന്‍റെ കു​റ​വി​ൽ യോ​ഗ്യ​ത നേ​ടാ​ൻ സാ​ധി​ക്കാ​തെ വ​ന്ന വി​ജേ​ഷ് പ്ര​തീ​ക്ഷ​യോ​ടെ അ​ടു​ത്ത യോ​ഗ്യ​താ പ​രീ​ക്ഷ എ​ഴു​താ​നു​ള്ള ത​യാ​റെ​ടു​പ്പി​ലാ​ണ്.

പ്ര​ത്യേ​കം അ​നു​വ​ദി​ച്ച സ​ഹാ​യി​യ്ക്കൊ​പ്പം പ​രീ​ക്ഷ എ​ഴു​തി​യാ​ലും കാ​ഴ്ച​യി​ല്ലാ​ത്ത​വ​ർ ബ്രെ​യി​ലി​യി​ൽ കു​റി​ക്കു​ന്ന ഉ​ത്ത​ര​ക്ക​ട​ലാ​സു​ക​ളി​ലെ ഡോ​ട്ടു​ക​ൾ പ​ല​പ്പോ​ഴും മാ​ഞ്ഞു​പോ​കു​ന്ന സാ​ഹ​ച​ര്യ​മാ​ണ്.

സാ​ധാ​ര​ണ ഉ​ത്ത​ര​ക്ക​ട​ലാ​സു​ക​ൾ​ക്കൊ​പ്പ​മാ​ണ് ബ്രെ​യി​ലി​യി​ൽ പ​രീ​ക്ഷ എ​ഴു​തു​ന്ന​വ​രു​ടെ പേ​പ്പ​റു​ക​ളും പാ​യ്ക്ക് ചെ​യ്യു​ക. കം​പ്യൂ​ട്ട​ർ മൂ​ല്യ​നി​ർ​ണ​യ​ത്തി​ൽ അ​ർ​ഹ​മാ​യ മാ​ർ​ക്ക് ല​ഭി​ക്കാ​ൻ ഈ ​സാ​ങ്കേ​തി​പ​രി​മി​തി കാ​ര​ണ​മാ​കു​ന്നു​വെ​ന്ന പ​രാ​തി വ്യാ​പ​ക​മാ​ണ്. കാ​ഴ്ച​യി​ല്ലാ​ത്ത​വ​രു​ടെ ഉ​ത്ത​ര​ക്ക​ട​ലാ​സു​ക​ൾ പ്ര​ത്യേ​കം പാ​യ്ക്ക് ചെ​യ്ത് മൂ​ല്യ​നി​ർ​ണ​യം ന​ട​ത്താ​നാ​ൻ സം​വി​ധാ​ന​മു​ണ്ടാ​ക​ണം.

കാ​സ​ർ​ഗോ​ഡ് അ​ന്ധ​വി​ദ്യാ​ല​യ​ത്തി​ലും കാ​സ​ർ​ഗോ​ഡ് ഹ​യ​ർ​സെ​ക്ക​ൻ​ഡ​റി സ്കൂ​ളി​ലും പ​ഠ​ന​ത്തി​നു​ശേ​ഷം ത​ല​ശേ​രി ബ്ര​ണ്ണ​ൻ കോ​ള​ജി​ൽ ബി​രു​ദം നേ​ടി​യ ശേ​ഷ​മാ​ണ് കാ​സ​ർ​ഗോ​ഡ് ഡ​യ​റ്റി​ൽ​നി​ന്ന് വി​ജേ​ഷ് ടി​ടി​സി പാ​സാ​യ​ത്. അ​ച്ഛ​ൻ കു​ഞ്ഞി​ക്ക​ണ്ണ​ന്‍റെ​യും അ​മ്മ ഓ​മ​ന​യു​ടെ​യും ക​രു​ത​ലി​ൽ എ​ത്ര​കാ​ലം മു​ന്നോ​ട്ടു​പോ​കും.

ബ്രെ​യി​ലി​യി​ൽ അ​ക്ഷ​രം പ​ഠി​ച്ച​തി​നൊ​പ്പം ലൈ​ബ്ര​റി കൗ​ണ്‍​സി​ൽ കാ​ഴ്ച​യി​ല്ലാ​ത്ത​വ​ർ​ക്ക് ആ​വി​ഷ്ക​രി​ച്ച ഓ​ഡി​യോ ലൈ​ബ്ര​റി​യു​ടെ സ​ഹാ​യ​വും വി​ജേ​ഷി​നു നേ​ട്ട​മാ​യി. പെ​ൻ​ഷ​ൻ മു​ട​ങ്ങി​യ​തോ​ടെ ഒ​രു ജോ​ലി അ​പേ​ക്ഷ അ​യ​യ്ക്കാ​നു​ള്ള ജീ​വി​ത​മാ​ർ​ഗം പോ​ലും വി​ജേ​ഷി​നി​ല്ലാ​താ​യി.
കാ​ഴ്ച, കേ​ൾ​വി, ബു​ദ്ധി വൈ​ക​ല്യ​ങ്ങ​ൾ ജ​നി​ച്ചു മാ​സ​ങ്ങ​ൾ​ക്കു ശേ​ഷ​മാ​യി​രി​ക്കും തി​രി​ച്ച​റി​യാ​നാ​വു​ക. വി​ജേ​ഷി​ന് കാ​ഴ്ച​വൈ​ക​ല്യ​മു​ണ്ടെ​ന്ന​ത് ജ​നി​ച്ചു മാ​സ​ങ്ങ​ൾ​ക്കു​ശേ​ഷ​മാ​ണ് വ്യ​ക്ത​മാ​യ​ത്. അ​പ്പോ​ഴേ​ക്കും വി​ദ​ഗ്ധ ചി​കി​ത്സാ​സാ​ധ്യ​ത​ക​ളെ​ല്ലാം ഇ​രു​ള​ഞ്ഞു​ക​ഴി​ഞ്ഞി​രു​ന്നു.

ഈ ​മേ​ഖ​ല​യി​ൽ ഒ​രി​ട​ത്തും സ​ർ​ക്കാ​ർ ത​ല​ത്തി​ൽ സ്പെ​ഷാ​ലി​റ്റി ആ​ശു​പ​ത്രി​ക​ളി​ല്ല. ഗൈ​ന​ക്കോ​ള​ജി​സ്റ്റു​ക​ളു​ടെ സാ​ന്നി​ധ്യം സ​ർ​ക്കാ​ർ ആ​ശു​പ​ത്രി​ക​ളി​ൽ തീ​രെ വി​ര​ളം. വി​ദ​ഗ്ധ ചി​കി​ത്സ തേ​ടി ഏ​റെ​പ്പേ​രും മം​ഗ​ലാ​പു​രം, ബം​ഗ​ളൂ​ർ എ​ന്നി​വി​ട​ങ്ങ​ളി​ലെ സ്വ​കാ​ര്യ ആ​ശു​പ​ത്രി​ക​ളെ​യാ​ണ് അ​ന്നും ഇ​ന്നും ആ​ശ്ര​യി​ക്കു​ന്ന​ത്. ബ​ന്ധു​ക്ക​ളു​ടെ​യും മാ​താ​പി​താ​ക്ക​ളു​ടെ കാ​രു​ണ്യ​വും പ​രി​ച​ര​ണ​വും മാ​ത്ര​മാ​ണ് ദു​രി​ത​ങ്ങ​ളും വേ​ദ​ന​ക​ളു​മാ​യി ക​ഴി​യു​ന്ന ഇവർക്ക് ആ​ശ്ര​യം.
(തു​ട​രും)