തി​ങ്ക​ളാ​ഴ്ച രാ​വി​ലെ വ​ത്തി​ക്കാ​ൻ സ​മ​യം 9.45ന് ​അ​സാ​ധാ​ര​ണ​മാ​യൊ​രു വാ​ർ​ത്താ​സ​മ്മേ​ള​ന​ത്തി​നാ​ണ് വ​ത്തി​ക്കാ​ൻ പ്ര​സ് ഓ​ഫീ​സ് സാ​ക്ഷ്യം വ​ഹി​ച്ച​ത്. വ​ത്തി​ക്കാ​ൻ സ്റ്റേ​റ്റ് സെ​ക്ര​ട്ട​റി പി​യെ​ത്രോ പ​രോ​ളി​നോ​ടൊ​പ്പം ക​മ​ർ​ലെ​ങ്കോ ക​ർ​ദി​നാ​ൾ കെ​വി​ൻ ജോ​സ​ഫ് ഫാ​രെ​ൽ ലോ​ക​ത്തോ​ടു പ​റ​ഞ്ഞു, “പ്രി​യ​പ്പെ​ട്ട​വ​രേ, ന​മ്മു​ടെ പ​രി​ശു​ദ്ധ പി​താ​വി​ന്‍റെ നി​ര്യാ​ണ​ത്തെ​ക്കു​റി​ച്ച് അ​ഗാ​ധ​മാ​യ വ്യ​സ​ന​ത്തോ​ടെ നി​ങ്ങ​ളെ ഞാ​ൻ അ​റി​യി​ക്കു​ന്നു.

ഇ​ന്നു രാ​വി​ലെ ഇ​റ്റാ​ലി​യ​ൻ സ​മ​യം 7.35ന് ​റോ​മി​ന്‍റെ മെ​ത്രാ​ൻ ഫ്രാ​ൻ​സി​സ് മാ​ർ​പാ​പ്പ നി​ത്യ​പി​താ​വി​ന്‍റെ ഭ​വ​ന​ത്തി​ലേ​ക്കു മ​ട​ങ്ങി. അ​ദ്ദേ​ഹ​ത്തി​ന്‍റെ ജീ​വി​തം മു​ഴു​വ​നും ക​ർ​ത്താ​വി​ന്‍റെ​യും അ​വ​ന്‍റെ സ​ഭ​യു​ടെ​യും സേ​വ​ന​ത്തി​നാ​യി സ​മ​ർ​പ്പി​ച്ചു. സു​വി​ശേ​ഷ മൂ​ല്യ​ങ്ങ​ൾ വി​ശ്വ​സ്ത​ത​യോ​ടും ധൈ​ര്യ​ത്തോ​ടും സാ​ർ​വ​ത്രി​ക സ്നേ​ഹ​ത്തോ​ടും​കൂ​ടി, പ്ര​ത്യേ​കി​ച്ചു ദ​രി​ദ്ര​രു​ടെ​യും പാ​ർ​ശ്വ​വ​ത്ക​രി​ക്ക​പ്പെ​ട്ട​വ​രു​ടെ​യും പ​ക്ഷം ചേ​ർ​ന്നു​കൊ​ണ്ട് ജീ​വി​ക്കാ​ൻ അ​ദ്ദേ​ഹം ന​മ്മെ പ​ഠി​പ്പി​ച്ചു.

ക​ർ​ത്താ​വാ​യ ക്രി​സ്തു​വി​ന്‍റെ യ​ഥാ​ർ​ഥ ശി​ഷ്യ​നെ​ന്ന നി​ല​യി​ൽ അ​ദ്ദേ​ഹം ന​ൽ​കി​യ മാ​തൃ​ക​യ്ക്ക് അ​തി​യാ​യ കൃ​ത​ജ്ഞ​ത രേ​ഖ​പ്പെ​ടു​ത്തി​ക്കൊ​ണ്ട്, പാ​പ്പ​യു​ടെ ആ​ത്മാ​വി​നെ ത്രി​യേ​ക ദൈ​വ​ത്തി​ന്‍റെ ക​രു​ണാ​മ​സൃ​ണ​മാ​യ സ്നേ​ഹ​ത്തി​നു ന​മു​ക്ക് സ​മ​ർ​പ്പി​ക്കാം.”

ഈ ​വാ​ർ​ത്ത മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​ന്നു നി​മി​ഷ​ങ്ങ​ൾ​ക്കു​ള്ളി​ൽ വ​ത്തി​ക്കാ​നി​ലേ​ക്കു​ള്ള എ​ല്ലാ വ​ഴി​ക​ളും ജ​ന​നി​ബി​ഡ​മാ​യി. ജൂ​ബി​ലി തീ​ർ​ഥാ​ട​ക​രാ​യി വ​ന്ന​വ​രെ കൂ​ടാ​തെ ആ​യി​ര​ക്ക​ണ​ക്കി​നാ​ളു​ക​ൾ പ്രാ​ർ​ഥ​ന​യോ​ടെ വ​ത്തി​ക്കാ​നി​ലേ​ക്കൊ​ഴു​കി. റോ​മി​ലും തു​ട​ർ​ന്ന് ലോ​ക​മെ​ങ്ങും എ​ല്ലാ ദേ​വാ​ല​യ​ങ്ങ​ളി​ലും ദുഃ​ഖ​സാ​ന്ദ്ര​മാ​യ മ​ണി​നാ​ദം മു​ഴ​ങ്ങി.

മാ​ർ​പാ​പ്പ​മാ​ർ കാ​ലം ചെ​യ്താ​ൽ മ​ര​ണം സ്ഥി​രീ​ക​രി​ക്കു​ന്ന സ്വ​കാ​ര്യ ച​ട​ങ്ങ് വ​ത്തി​ക്കാ​നി​ലെ മാ​ർ​പാ​പ്പ​യു​ടെ വ​സ​തി​യാ​യ സാ​ന്താ മാ​ർ​ത്ത​യി​ൽ തി​ങ്ക​ളാ​ഴ്ച വൈ​കു​ന്നേ​രം ന​ട​ന്നു. ക​ർ​ദി​നാ​ൾ കെ​വി​ൻ ഫാ​രെ​ൽ നേ​തൃ​ത്വം ന​ൽ​കി​യ ക​ർ​മ​ങ്ങ​ൾ​ക്കു സാ​ക്ഷി​ക​ളാ​യി ക​ർ​ദി​നാ​ൾ കോ​ള​ജി​ന്‍റെ അ​ധ്യ​ക്ഷ​ൻ ക​ർ​ദി​നാ​ൾ ജോ​സെ​ഫ് ബാ​റ്റി​സ്റ്റ​യും ഫ്രാ​ൻ​സി​സ് മാ​ർ​പാ​പ്പ​യു​ടെ കു​ടും​ബാം​ഗ​ങ്ങ​ളും വ​ത്തി​ക്കാ​ൻ ആ​രോ​ഗ്യ​വി​ഭാ​ഗം മേ​ധാ​വി​ക​ളാ​യ ഡോ. ​ആ​ന്ദ്രേ​യ അ​ർ​കാ​ഞ്ചേ​ലി​യും ഡോ. ​ലൂ​യി​ജി കാ​ർ​ബോ​നെ പ​ങ്കെ​ടു​ത്തു.

ഫ്രാ​ൻ​സി​സ് മാ​ർ​പാ​പ്പ​യു​ടെ ഭൗ​തി​ക​ശ​രീ​രം പൊ​തു​ദ​ർ​ശ​ന​ത്തി​നാ​യി വ​ത്തി​ക്കാ​നി​ലെ സെ​ന്‍റ് പീ​റ്റേ​ഴ്‌​സ് ബ​സി​ലി​ക്ക​യി​ലേ​ക്കു കൊ​ണ്ടു​വ​രു​ന്ന​ത് ബു​ധ​നാ​ഴ്ച രാ​വി​ലെ ആ​ണെ​ന്നു വ​ത്തി​ക്കാ​ൻ മീ​ഡി​യ മേ​ധാ​വി മ​ത്തെ​യോ ബ്രൂ​ണി അ​റി​യി​ച്ചു. പ​തി​നാ​യി​ര​ക്ക​ണ​ക്കി​നു വ​രു​ന്ന വി​ശ്വാ​സീ​സ​മൂ​ഹ​ത്തി​ന് ത​ങ്ങ​ളു​ടെ സ്നേ​ഹ​നി​ധി​യാ​യ പി​താ​വി​ന് അ​ന്തി​മോ​പ​ചാ​രം അ​ർ​പ്പി​ക്കു​ന്ന​തി​നു​ള്ള എ​ല്ലാ സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ടെ​ന്നും അ​ദ്ദേ​ഹം അ​റി​യി​ച്ചു.


ഉ​യി​ർ​പ്പു​തി​രു​നാ​ളി​ൽ മാ​ർ​പാ​പ്പ​മാ​ർ സ​ഭ​യ്ക്കും ലോ​ക​ത്തി​നും വേ​ണ്ടി​യു​ള്ള ‘ഉ​ർ​ബി എ​ത്ത് ഓ​ർ​ബി’ ആ​ശീ​ർ​വാ​ദം ന​ൽ​കി നി​മി​ഷ​ങ്ങ​ൾ​ക്കു​ള്ളി​ലാ​യി​രു​ന്നു അ​ദ്ദേ​ഹ​ത്തി​ന്‍റെ വി​ട​വാ​ങ്ങ​ൽ എ​ന്ന​ത് വി​ശ്വാ​സീ​സ​മൂ​ഹ​ത്തി​നു നൊ​മ്പ​ര​മു​ണ​ർ​ത്തു​ന്ന​താ​ണ്.

പീ​ഡാ​നു​ഭ​വ​വാ​ര​ത്തി​ൽ അ​ദ്ദേ​ഹ​ത്തെ സ​ന്ദ​ർ​ശി​ച്ച അ​മേ​രി​ക്ക​ൻ വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സി​നോ​ടും കു​ടും​ബ​ത്തോ​ടും കു​ശ​ലാ​ന്വേ​ഷ​ണ​ങ്ങ​ൾ ന​ട​ത്തു​ന്ന മാ​ർ​പാ​പ്പ​യു​ടെ ചി​ത്ര​ങ്ങ​ൾ, അ​ദ്ദേ​ഹം ആ​രോ​ഗ്യ​വാ​നാ​യി തി​രി​ച്ചെ​ത്തു​ന്നു എ​ന്ന പ്ര​തീ​തി ഉ​ണ​ർ​ത്തി​യി​രു​ന്നു. അ​നൗ​ദ്യോ​ഗി​ക വേ​ഷ​ത്തി​ൽ ബ​സ​ലി​ക്ക​യി​ലേ​ക്ക് ഹ്ര​സ്വ സ​ന്ദ​ർ​ശ​ന​ങ്ങ​ൾ ന​ട​ത്തു​ന്ന​ത് ഈ ​വി​ശ്ര​മ​വേ​ള​ക​ളി​ൽ അ​ദ്ദേ​ഹ​ത്തി​ന്‍റെ പ​തി​വാ​യി​രു​ന്നു. അ​ത്ത​രം യാ​ത്ര​ക​ളി​ൽ ക​ണ്ടു​മു​ട്ടു​ന്ന കു​ട്ടി​ക​ളെ ഏ​റെ സ്നേ​ഹ​ത്തോ​ടെ ചേ​ർ​ത്തു​നി​ർ​ത്തി സം​സാ​രി​ക്കു​മ്പോ​ൾ ഏ​റെ സ​ന്തോ​ഷ​വാ​നാ​യി അ​ദ്ദേ​ഹം കാ​ണ​പ്പെ​ട്ടു.

ര​ണ്ടു കാ​ര്യ​ങ്ങ​ളി​ലാ​ണ് വ​ത്തി​ക്കാ​ന്‍റെ ഔ​ദ്യോ​ഗി​ക പ്ര​തി​ക​ര​ണ​ത്തി​നു ലോ​കം കാ​തോ​ർ​ക്കു​ന്ന​ത്. മാ​ർ​പാ​പ്പ​മാ​രു​ടെ ക​ബ​റ​ട​ക്ക ശു​ശ്രു​ഷ​ക​ളു​ടെ പ​തി​വ് രീ​തി​ക​ൾ വി​ട്ടു ഫ്രാ​ൻ​സി​സ് മാ​ർ​പാ​പ്പ ആ​ഗ്ര​ഹി​ച്ച​തു​പോ​ലെ ല​ളി​ത​മാ​യി ആ​യി​രി​ക്കു​മോ ച​ട​ങ്ങു​ക​ൾ എ​ന്ന​തും അ​ങ്ങ​നെ​യെ​ങ്കി​ൽ എ​ത്ര​മാ​ത്രം വ്യ​ത്യാ​സ​ങ്ങ​ൾ ഉ​ണ്ടാ​കും എ​ന്ന​തു​മാ​ണ് ആ​ദ്യ​ത്തെ ആ​കാം​ക്ഷ. ര​ണ്ടാ​മ​ത് മാ​ർ​പാ​പ്പ ആ​ഗ്ര​ഹി​ച്ച​തു പോ​ലെ സെ​ന്‍റ് പീ​റ്റേ​ഴ്സ് ബ​സി​ലി​ക്ക​യ്ക്കു പ​ക​രം മേ​രി മേ​ജ​ർ ബ​സ​ലി​ക്ക​യി​ൽ ആ​യി​രി​ക്കു​മോ അ​ദ്ദേ​ഹ​ത്തി​ന്‍റെ ക​ബ​റ​ട​ക്കം എ​ന്ന​താ​ണ്.

ആ​ത്മീ​യ​നേ​താ​വ് എ​ന്ന​തു​പോ​ലെ​ത​ന്നെ വ​ത്തി​ക്കാ​ൻ എ​ന്ന രാ​ജ്യ​ത്തി​ന്‍റെ ത​ല​വ​നാ​യ​തി​നാ​ൽ പൂ​ർ​ണ ഔ​ദ്യോ​ഗി​ക ബ​ഹു​മ​തി​ക​ളോ​ടെ ച​ട​ങ്ങു​ക​ൾ ന​ട​ത്താ​നു​ള്ള സാ​ധ്യ​ത ഏ​റെ​യാ​ണ്. റോ​മി​ലെ ഏ​റ്റ​വും തി​ര​ക്കേ​റി​യ റോ​മാ തെ​ർ​മി​നി എ​ന്ന ന​ഗ​ര​കേ​ന്ദ്ര​ത്തോ​ട​ടു​ത്ത് സ്ഥി​തി ചെ​യ്യു​ന്ന മേ​രി മേ​ജ​ർ ബ​സ​ലി​ക്ക​യി​ൽ വ​ത്തി​ക്കാ​ൻ ച​ത്വ​ര​ത്തി​ലേ​തു​പോ​ലെ ജ​ന​ങ്ങ​ളെ ഉ​ൾ​ക്കൊ​ള്ളാ​നു​ള്ള സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ൽ ക​ബ​റ​ട​ക്ക ശു​ശ്രൂ​ഷ​ക​ൾ ഏ​തു വി​ധ​ത്തി​ൽ ന​ട​ക്കും എ​ന്ന കാ​ര്യ​ത്തി​ലും ഔ​ദ്യോ​ഗി​ക അ​റി​യി​പ്പു​ക​ൾ​ക്ക് കാ​ത്തി​രി​ക്കു​ക​യാ​ണ് ലോ​കം.