ബാ​ക്കി​വ​ച്ച ഏ​താ​നും ദൗ​ത്യ​ങ്ങ​ൾ പൂ​ർ​ത്തി​യാ​ക്കാ​നു​ണ്ടെ​ന്ന​തു​പോ​ലെ മ​ര​ണ​ത്തി​ൽ​നി​ന്നു തി​രി​ച്ചു​പി​ടി​ച്ച ജീ​വി​തം 28 ദി​വ​സ​ങ്ങ​ൾ​ക്കു ശേ​ഷം മ​ര​ണ​ത്തി​നു​ത​ന്നെ വി​ട്ടു​കൊ​ടു​ത്ത് ഫ്രാ​ൻ​സി​സ് മാ​ർ​പാ​പ്പ മ​ട​ങ്ങി​യി​രി​ക്കു​ന്നു. ഉ​യി​ർ​പ്പു​ദി​ന​ത്തി​ൽ ന​ഗ​ര​ത്തി​നും ലോ​ക​ത്തി​നു​മു​ള്ള - ഊ​ർ​ബി എ​ത് ഒാ​ർ​ബി - ആ​ശീ​ർ​വാ​ദം ന​ൽ​കി ത​ന്‍റെ അ​വ​സാ​ന ദൗ​ത്യ​വും പൂ​ർ​ത്തി​യാ​ക്കി​യ​തു​പോ​ലെ പി​റ്റേ​ന്ന് അ​പ്ര​തീ​ക്ഷി​ത മ​ട​ക്കം.

ജെ​മെ​ല്ലി​യി​ൽ​നി​ന്ന്

ഇ​ര​ട്ട ന്യു​മോ​ണി​യ​യും ശ്വാ​സ​കോ​ശ അ​ണു​ബാ​ധ​യും ബാ​ധി​ച്ച് ക​ഴി​ഞ്ഞ ഫെ​ബ്രു​വ​രി 14നാ​യി​രു​ന്നു പാ​പ്പാ​യെ റോ​മി​ലെ ജെ​മെ​ല്ലി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. വി​ശ്വാ​സി​ക​ളും മാ​ധ്യ​മ​ങ്ങ​ളും ജെ​മെ​ല്ലി ആ​ശു​പ​ത്രി​ക്കു മു​ന്നി​ൽ ത​ന്പ​ടി​ച്ചു. ഈ ​രോ​ഗാ​വ​സ്ഥ​യെ താ​ൻ അ​തി​ജീ​വി​ച്ചേ​ക്കി​ല്ലെ​ന്നു മാ​ർ​പാ​പ്പ​ത​ന്നെ സൂ​ചി​പ്പി​ച്ച​താ​യി റി​പ്പോ​ർ​ട്ടു​ക​ൾ പു​റ​ത്തു​വ​ന്നു.

മ​ര​ണ​ത്തി​നും ജീ​വി​ത​ത്തി​നു​മി​ട​യി​ലൂ​ടെ ദി​വ​സ​ങ്ങ​ൾ നീ​ണ്ട യാ​ത്ര. ഒ​രു വേ​ള മ​ര​ണം അ​ദ്ദേ​ഹ​ത്തി​ന്‍റെ തൊ​ട്ട​ടു​ത്ത് എ​ത്തി​യ​താ​യി ത​ങ്ങ​ൾ​ക്ക് അ​നു​ഭ​വ​പ്പെ​ട്ടെ​ന്നു ഡോ​ക്‌​ട​ർ​മാ​ർ​ത​ന്നെ വെ​ളി​പ്പെ​ടു​ത്തി. എ​ന്നാ​ൽ, എ​ല്ലാ​വ​രെ​യും വി​സ്മ​യി​പ്പി​ച്ചു​കൊ​ണ്ട് 88 വ​യ​സു​ള്ള ഫ്രാ​ൻ​സി​സ് പാ​പ്പ തി​രി​ച്ചു​വ​ന്നു.

38 ദി​വ​സം നീ​ണ്ട ആ​ശു​പ​ത്രി​വാ​സ​ത്തി​നു​ശേ​ഷം മാ​ർ​ച്ച് 23ന് ​അ​ദ്ദേ​ഹം ആ​ശു​പ​ത്രി വി​ട്ടു. ആ​ശു​പ​ത്രി​ക്കി​ട​ക്ക​യി​ൽ ആ​യി​രു​ന്ന​പ്പോ​ൾ​പോ​ലും ജോ​ലി​ക​ൾ ചെ​യ്തു​തീ​ർ​ക്കാ​ൻ മ​ടി കാ​ണി​ക്കാ​തി​രു​ന്ന ആ​ത്മീ​യ ആ​ചാ​ര്യ​ൻ ജെ​മെ​ല്ലി ആ​ശു​പ​ത്രി​യു​ടെ പ​ത്താം നി​ല​യി​ലെ ജാ​ല​ക​ത്തി​നു സ​മീ​പ​മെ​ത്തി ത​നി​ക്കു​വേ​ണ്ടി പ്രാ​ർ​ഥി​ച്ച​വ​ർ​ക്കു പു​ഞ്ചി​രി​യോ​ടെ ന​ന്ദി പ​റ​ഞ്ഞു.

ത​ടി​ച്ചു​കൂ​ടി​യ മൂ​വാ​യി​ര​ത്തോ​ളം വി​ശ്വാ​സി​ക​ളെ ആ​ശീ​ർ​വ​ദി​ച്ചു. ആ​ശു​പ​ത്രി ജീ​വ​ന​ക്കാ​രോ​ടും ന​ന്ദി പ​റ​ഞ്ഞു മ​ട​ങ്ങു​ന്പോ​ൾ ഡോ​ക്ട​ർ​മാ​ർ നി​ർ​ദേ​ശി​ച്ച​തു ര​ണ്ടു മാ​സം നീ​ളു​ന്ന പ​രി​പൂ​ർ​ണ വി​ശ്ര​മം. എ​ന്നാ​ൽ, തി​രി​ച്ചു​പി​ടി​ച്ച ജീ​വി​തം വി​ശ്ര​മ​ത്തി​നു​ള്ള​ത​ല്ലെ​ന്നു ബോ​ധ്യ​മു​ണ്ടാ​യി​രു​ന്ന​തു​പോ​ലെ​യാ​യി​രു​ന്നു തു​ട​ർ​ന്നു​ള്ള അ​ദ്ദേ​ഹ​ത്തി​ന്‍റെ ദി​ന​ങ്ങ​ൾ.

വി​ശ്ര​മ​മി​ല്ലാ​തെ

മാ​ർ​ച്ച് 23ന് ​ആ​ശു​പ​ത്രി വി​ട്ട അ​ദ്ദേ​ഹം ഏ​പ്രി​ൽ ആ​റി​ന് ഞാ​യ​റാ​ഴ്ച പൊ​തു​വേ​ദി​യി​ലെ​ത്തി വി​ശ്വാ​സി​ക​ളെ ക​ണ്ട​ത് ആ​ശ്ച​ര്യ​മാ​യി. ഒാ​ക്സി​ജ​ൻ ന​ൽ​കു​ന്ന നേ​സ​ൽ ട്യൂ​ബു​ക​ൾ ധ​രി​ച്ചാ​യി​രു​ന്നു അ​ന്ന് അ​ദ്ദേ​ഹം പൊ​തു​വേ​ദി​യി​ൽ എ​ത്തി​യ​ത്. വി​ശ്വാ​സി​ക​ളു​ടെ പ്രാ​ർ​ഥ​ന​ക​ൾ​ക്കു ന​ന്ദി പ​റ​ഞ്ഞ് അ​വ​രെ ആ​ശീ​ർ​വ​ദി​ച്ച് അ​ദ്ദേ​ഹം മ​ട​ങ്ങി. തു​ട​ർ​ന്ന് ഒാ​ശാ​ന ഞാ​യ​റാ​ഴ്ച വീ​ണ്ടും സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ലെ​ത്തി വി​ശ്വാ​സി​ക​ളെ ക​ണ്ടു.

ഇ​ത്ത​വ​ണ നേ​സ​ൽ ട്യൂ​ബു​ക​ൾ ഇ​ല്ലാ​തെ കൂ​ടു​ത​ൽ ഉ​ന്മേ​ഷ​വാ​നാ​യി​ട്ടാ​ണ് കാ​ണ​പ്പെ​ട്ട​ത്. പ്ര​ധാ​ന അ​ൾ​ത്താ​ര​യി​ലേ​ക്കു വീ​ൽ ചെ​യ​റി​ൽ എ​ത്തി​യ അ​ദ്ദേ​ഹം ഇ​രു​പ​തി​നാ​യി​ര​ത്തോ​ളം വി​ശ്വാ​സി​ക​ളെ ആ​ശീ​ർ​വ​ദി​ച്ചും ഒാ​ശാ​ന ആ​ശം​സ നേ​ർ​ന്നും വി​ശു​ദ്ധ​വാ​ര​ത്തി​നു തു​ട​ക്കം​കു​റി​ച്ചു. മ​ട​ങ്ങും വ​ഴി‌​ത​ന്നെ അ​ഭി​വാ​ദ്യം ചെ​യ്ത കു​ട്ടി​ക്കു പു​ഞ്ചി​രി​യോ​ടെ ജ​പ​മാ​ല​യും മി​ഠാ​യി​യും ന​ൽ​കി. ഒാ​ശാ​ന ക​ർ​മ​ങ്ങ​ൾ ക​ർ​ദി​നാ​ൾ ഡോ. ​ലി​യ​ണാ​ർ​ദോ സാ​ന്ദ്രി​യാ​ണ് നി​ർ​വ​ഹി​ച്ച​ത്.


ജെ​മെ​ല്ലി സം​ഘം

ഇ​തി​നി​ടെ, ജെ​മെ​ല്ലി ആ​ശു​പ​ത്രി​യി​ൽ മാ​ർ​പാ​പ്പ​യെ ചി​കി​ത്സി​ച്ച ഡോ​ക്ട​ർ​മാ​രു​ടെ​യും മ​റ്റു ജീ​വ​ന​ക്കാ​രു​ടെ​യും സം​ഘം ബു​ധ​നാ​ഴ്ച മാ​ർ​പാ​പ്പ​യെ സ​ന്ദ​ർ​ശി​ച്ചു. അ​വ​രു​മാ​യി ഇ​രു​പ​തു മി​നി​റ്റോ​ളം അ​ദ്ദേ​ഹം ചെ​ല​വി​ട്ടു. ത​ന്നെ പ​രി​ച​രി​ച്ച​തി​നു ന​ന്ദി​യും പ്രാ​ർ​ഥ​ന​യും അ​റി​യി​ച്ചു.

പെ​സ​ഹ ജ​യി​ലി​ൽ

ക്രി​സ്തു​വി​ന്‍റെ സ​ഹ​ന​ങ്ങ​ളു​ടെ ഒാ​ർ​മ​ക​ൾ നി​റ​ഞ്ഞ വി​ശു​ദ്ധ​വാ​ര​ത്തോ​ടു ത​ന്‍റെ സ​ഹ​ന​ങ്ങ​ളെ ചേ​ർ​ത്തു​വ​യ്ക്കു​ന്ന പാ​പ്പാ​യെ ആ​ണ് പി​ന്നെ ലോ​കം ക​ണ്ട​ത്. ആ​രോ​ഗ്യ​പ്ര​ശ്നം മൂ​ലം പെ​സ​ഹാ​ദി​ന​ത്തി​ൽ ശു​ശ്രൂ​ഷ​ക​ളി​ൽ​നി​ന്ന് അ​ദ്ദേ​ഹം വി​ട്ടു​നി​ൽ​ക്കു​മെ​ന്നാ​യി​രു​ന്നു ഏ​വ​രും ക​രു​തി​യി​രു​ന്ന​ത്. എ​ന്നാ​ൽ, പെ​സ​ഹാ​ദി​ന​ത്തി​ൽ റോ​മി​ലെ റെ​ജി​ന ചേ​ലി ജ​യി​ൽ സ​ന്ദ​ർ​ശി​ച്ചു. അ​വി​ടെ എ​ഴു​പ​തു ത​ട​വു​കാ​രു​മാ​യി സം​സാ​രി​ച്ച് അ​വ​ർ​ക്കൊ​പ്പം സ​മ​യം ചെ​ല​വി​ട്ടു, പ്രാ​ർ​ഥി​ച്ചു.

ദുഃ​ഖ​വെ​ള്ളി​യാ​ഴ്ച കൊ​ളോ​സി​യ​ത്തി​ൽ ന​ട​ന്ന കു​രി​ശി​ന്‍റെ വ​ഴി​യി​ൽ പ​ങ്കെ​ടു​ക്കാ​ൻ ക​ഴി​ഞ്ഞി​ല്ലെ​ങ്കി​ലും അ​ദ്ദേ​ഹം കു​റി​ച്ച ധ്യാ​ന​ചി​ന്ത​ക​ളാ​ണ് പ്രാ​ർ​ഥ​ന​ക​ളി​ൽ ഉ​പ​യോ​ഗി​ച്ച​ത്.

വാ​ൻ​സി​നെ സ്വീ​ക​രി​ച്ചു

ഇ​തി​നി​ടെ, ഞാ​യ​റാ​ഴ്ച അ​മേ​രി​ക്ക​ൻ വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സി​നെ സ്വീ​ക​രി​ക്കാ​നും അ​ദ്ദേ​ഹം സ​മ​യം ക​ണ്ടെ​ത്തി. വ​ത്തി​ക്കാ​നി​ലെ​ത്തി​യ വാ​ൻ​സും ഭാ​ര്യ​യും മൂ​ന്നു മ​ക്ക​ളും ദുഃ​ഖ​വെ​ള്ളി​യാ​ഴ്ച ക​ർ​മ​ങ്ങ​ളി​ൽ മു​ൻ​നി​ര​യി​ൽ നി​ന്നു പ​ങ്കെ​ടു​ത്തി​രു​ന്നു. തു​ട​ർ​ന്നാ​ണ് ഞാ​യ​റാ​ഴ്ച മാ​ർ​പാ​പ്പ​യെ ക​ണ്ട​ത്. ഈ​സ്റ്റ​ർ സ​മ്മാ​ന​ങ്ങ​ളും ന​ൽ​കി​യാ​ണ് പാ​പ്പാ അ​ദ്ദേ​ഹ​ത്തെ മ​ട​ക്കി​യ​യ​ച്ച​ത്. അ​മേ​രി​ക്ക​യി​ൽ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ, കു​ടി​യേ​റ്റ​ക്കാ​രെ ഞെ​രു​ക്കു​ന്ന ന​യ​ങ്ങ​ളെ ക​ത്തോ​ലി​ക്കാ സ​ഭ വി​മ​ർ​ശി​ച്ചി​രു​ന്നു.

എ​ന്നാ​ൽ, ഈ ​ന​യ​ങ്ങ​ളെ മ​ധ്യ​കാ​ല ദൈ​വ​ശാ​സ്ത്ര ആ​ശ​യ​ങ്ങ​ൾ വ​ച്ചു ന്യാ​യീ​ക​രി​ക്കാ​ൻ വൈ​സ് പ്ര​സി​ഡ​ന്‍റാ​യ വാ​ൻ​സ് ശ്ര​മി​ച്ചി​രു​ന്നു. ഫെ​ബ്രു​വ​രി ആ​ദ്യം ആ​ശു​പ​ത്രി​യി​ലേ​ക്കു പോ​കു​ന്ന​തി​നു മു​ന്പ് ഇ​തി​നെ രൂ​ക്ഷ​മാ​യി ഫ്രാ​ൻ‌​സി​സ് പാ​പ്പ വി​മ​ർ​ശി​ച്ചു. ഈ ​പ​ശ്ചാ​ത്ത​ല​ത്തി​ലാ​ണ് ജെ.​ഡി. വാ​ൻ​സ് പാ​പ്പാ​യെ സ​ന്ദ​ർ​ശി​ക്കാ​ൻ എ​ത്തി​യ​ത്.

ഈ​സ്റ്റ​ർ ദി​ന​ത്തി​ലും

ഒ​ടു​വി​ൽ ഈ​സ്റ്റ​ർ ദി​ന​ത്തി​ലും അ​ദ്ദേ​ഹം വി​ശ്വാ​സി​ക​ളെ കാ​ണാ​ൻ സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ലെ​ത്തി. ന​ഗ​ര​ത്തി​നും ലോ​ക​ത്തി​നു​മു​ള്ള സ​ന്ദേ​ശ​വും ആ​ശീ​ർ​വാ​ദ​വും ന​ൽ​കി. യു​ദ്ധ​ത്താ​ലും മ​റ്റു കെ​ടു​തി​ക​ളാ​ലും ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വേ​ദ​ന അ​നു​ഭ​വി​ക്കു​ന്ന എ​ല്ലാ​വ​രെ​യും എ​ടു​ത്തു​പ​റ​ഞ്ഞു പ്രാ​ർ​ഥി​ച്ചു.

യു​ദ്ധം അ​വ​സാ​നി​പ്പി​ക്കാ​ൻ ആ​ഹ്വാ​നം ന​ൽ​കി. ത​ന്‍റെ ദൗ​ത്യം പൂ​ർ​ത്തി​യാ​ക്കി​യ​തു പോ​ലെ ആ​ശു​പ​ത്രി വി​ട്ട 28-ാം ദി​വ​സം ദൈ​വ​സ​ന്നി​ധി​യി​ലേ​ക്കു മ​ട​ക്കം.