സ​ങ്കേ​തി​ക​വി​ദ്യ അ​നു​ദി​നം വ​ള​രു​ക​യും ജ​ന​കീ​യ​മാ​വു​ക​യും അ​തി​ന്‍റെ പ്ര​യോ​ജ​നം നി​ത്യ​ജീ​വി​ത​ത്തി​ല്‍ നാം ​ഓ​രോ​രു​ത്ത​രും അ​നു​ഭ​വി​ക്കു​ക​യും ചെ​യ്യു ന്പോ​ഴും അ​തി​നൊ​പ്പം​ത​ന്നെ ദൂ​ഷ്യ​ങ്ങ​ളും വ​ള​രു​ന്നു. വ​ലി​യ വി​ദ്യാ​ഭ്യാ​സ​മി​ല്ലാ​ത്ത​വ​ര്‍ പോ​ലും സാ​ങ്കേ​തി​ക​വി​ദ്യ ദു​രു​പ​യോ​ഗം ചെ​യ്ത് കു​റ്റ​കൃ​ത്യ​ങ്ങ​ളി​ലേ​ർ​പ്പെ​ടു​ന്ന പ്ര​വ​ണ​ത വ​ര്‍​ധി​ച്ചു​വ​രി​ക​യാ​ണ്.

അ​തി​ന്‍റെ ഏ​റ്റ​വും ഭീ​ക​ര​മാ​യ ഉ​ദാ​ഹ​ര​ണ​മാ​ണ് കാ​സ​ര്‍​ഗോ​ഡ് ജി​ല്ല​യി​ലെ ഒ​രു മ​ല​യോ​ര​ഗ്രാ​മ​ത്തി​ല്‍ അ​ടു​ത്തി​ടെ ന​ട​ന്ന സം​ഭ​വം. പ്ല​സ്ടു വി​ദ്യാ​ഭ്യാ​സം പോ​ലു​മി​ല്ലാ​ത്ത മൂ​ന്നു ചെ​റു​പ്പ​ക്കാ​ര്‍ ത​ങ്ങ​ളു​ടെ ഗ്രാ​മ​ത്തി​ലെ 150ല്‍​പ​രം സ്ത്രീ​ക​ളു​ടെ ന​ഗ്ന​ചി​ത്ര​ങ്ങ​ള്‍ നി​ര്‍​മി​ച്ചു.

അ​തി​ന് ഉ​പ​യോ​ഗി​ച്ച​ത് സാ​ങ്കേ​തി​ക​വി​ദ്യ​രം​ഗ​ത്തെ ഏ​റ്റ​വും പു​തി​യ താ​ര​മാ​യ ആ​ര്‍​ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍​സ്. ഒ​രു​പ​ക്ഷേ കേ​ര​ള​ത്തി​ല്‍ ഇ​തി​നു​മു​മ്പ് ഇ​ത്ത​ര​മൊ​രു കേ​സ് റി​പ്പോ​ര്‍​ട്ട് ചെ​യ്യ​പ്പെ​ട്ടി​ട്ടു​ണ്ടാ​കി​ല്ല. ഒ​ന്ന​ര​വ​ര്‍​ഷ​ത്തി​ലേ​റെ​യാ​യി ന​ട​ന്നു​കൊ​ണ്ടി​രു​ന്ന കു​റ്റ​കൃ​ത്യം അ​ടു​ത്തി​ടെ​യാ​ണ് ചി​റ്റാ​രി​ക്ക​ല്‍ പോ​ലീ​സ് പി​ടി​കൂ​ടു​ന്ന​ത്.

പ്ര​തി​ക​ളാ​യ സി​ബി​ന്‍ ലൂ​ക്കോ​സ് (21), എ​ബി​ന്‍ ടോം ​ജോ​സ​ഫ് (18), ജ​സ്റ്റി​ന്‍ ജേ​ക്ക​ബ് (21) എ​ന്നി​വ​ര്‍ അ​റ​സ്റ്റി​ലാ​യി. ഇ​വ​ര്‍​ക്കെ​തി​രെ ഐ​ടി ആ​ക്‌​ട് 67 (എ) ​വ​കു​പ്പ് പ്ര​കാ​രം കേ​സെ​ടു​ത്തു. ഏ​ഴു​വ​ര്‍​ഷം വ​രെ ജ​യി​ല്‍ ശി​ക്ഷ​യും 10 ല​ക്ഷം രൂ​പ വ​രെ പി​ഴ​യും ല​ഭി​ക്കാ​വു​ന്ന കു​റ്റ​മാ​ണി​ത്.

സു​ഹൃ​ത്ത് ഫോ​ണ്‍ ക​ണ്ട​ത് വ​ഴി​ത്തി​രി​വാ​യി

എ​ബി​ന്‍ ഈ​വ​ര്‍​ഷം ന​ട​ന്ന പ്ല​സ്ടു പ​രീ​ക്ഷ​യി​ല്‍ പ​രാ​ജ​യ​പ്പെ​ട്ടി​രു​ന്നു. സി​ബി​നും ജ​സ്റ്റി​നും സ്വ​കാ​ര്യ ബ​സു​ക​ള്‍ ക​ഴു​കി​യാ​ണ് ഉ​പ​ജീ​വ​ന​മാ​ര്‍​ഗം ക​ണ്ടെ​ത്തു​ന്ന​ത്. ജൂ​ണ്‍ 11നാ​ണ് ഇ​വ​രു​ടെ കു​റ്റ​കൃ​ത്യം ആ​ദ്യ​മാ​യി പു​റം​ലോ​ക​മ​റി​യു​ന്ന​ത്.

സി​ബി​ന്‍ ത​ന്‍റെ സു​ഹൃ​ത്തി​ന്‍റെ വീ​ട്ടി​ല്‍ പോ​യ​താ​യി​രു​ന്നു. അ​വി​ചാ​രി​ത​മാ​യി സി​ബി​ന്‍റെ ഫോ​ണെ​ടു​ത്തു നോ​ക്കി​യ​പ്പോ​ഴാ​ണ് സു​ഹൃ​ത്ത് ഞെ​ട്ടി​പ്പോ​യ​ത്. ഫോ​ണി​ല്‍ ത​ന്‍റെ അ​ടു​ത്ത ബ​ന്ധു​വാ​യ യു​വ​തി​യു​ടെ ന​ഗ്‌​ന​ചി​ത്രം. കൂ​ടാ​തെ നാ​ട്ടി​ലെ വേ​റെ​യും ഒ​രു​പാ​ട് സ്ത്രീ​ക​ളു​ടെ ന​ഗ്ന​ചി​ത്ര​ങ്ങ​ള്‍.

ഏ​താ​നും ചി​ത്ര​ങ്ങ​ള്‍ ത​ന്‍റെ ഫോ​ണി​ലേ​ക്ക് പ​ക​ര്‍​ത്തി​യെ​ടു​ത്ത് ഇ​യാ​ള്‍ ത​ന്‍റെ ബ​ന്ധു​ക്ക​ളെ വി​വ​ര​മ​റി​യി​ക്കു​ക​യാ​യി​രു​ന്നു. പോ​ലീ​സെ​ത്തു​ന്ന​തി​നു മു​മ്പ് യു​വാ​ക്ക​ള്‍ ത​ങ്ങ​ളു​ടെ ഫോ​ണി​ല്‍ നി​ന്ന് ചി​ത്ര​ങ്ങ​ള്‍ ഡി​ലീ​റ്റ് ചെ​യ്തി​രു​ന്നു.


പോ​ലീ​സ് ഇ​വ​രു​ടെ ഫോ​ണു​ക​ള്‍ പി​ടി​ച്ചെ​ടു​ത്ത് സൈ​ബ​ര്‍ സെ​ല്ലി​ന്‍റെ പ​രി​ശോ​ധ​ന​യ്ക്ക് അ​യ​ച്ചി​രി​ക്കു​ക​യാ​ണ്. ചി​ത്ര​ങ്ങ​ള്‍ ഡി​ലീ​റ്റ് ചെ​യ്ത കാ​ര്യം സൈ​ബ​ര്‍ സെ​ല്ലി​ന്‍റെ പ​രി​ശോ​ധ​ന​യി​ലൂ​ടെ തെ​ളി​യി​ക്കാ​നാ​കു​മെ​ന്ന് പോ​ലീ​സ് പ​റ​ഞ്ഞു. മൂ​ന്നു​പേ​രു​ടെ​യും അ​റ​സ്റ്റ് രേ​ഖ​പ്പെ​ടു​ത്തി ജാ​മ്യ​ത്തി​ല്‍ വി​ട്ടു.



ഫോ​ട്ടോ കി​ട്ടാ​ന്‍ പ​ല​വ​ഴി​ക​ള്‍

പ​ല വ​ഴി​ക​ളി​ലൂ​ടെ​യാ​ണ് ഇ​വ​ര്‍ പെ​ണ്‍​കു​ട്ടി​ക​ളു​ടെ ചി​ത്ര​ങ്ങ​ള്‍ സം​ഘ​ടി​പ്പി​ച്ച​ത്. ഫേ​സ്ബു​ക്കാ​യി​രു​ന്നു ഇ​തി​ല്‍ പ്ര​ധാ​നം. കൂ​ടാ​തെ ഞാ​യ​റാ​ഴ്ച​ത്തെ വി​ശു​ദ്ധ കു​ര്‍​ബാ​ന​യി​ല്‍ പ​ങ്കെ​ടു​ക്കാ​ന്‍ പ​ള്ളി​യി​ല്‍ വ​രു​ന്ന​വ​രു​ടെ​യും ദുഃ​ഖ​വെ​ള്ളി ദി​ന​ത്തി​ല്‍ കു​രി​ശി​ന്‍റെ വ​ഴി​യി​ല്‍ പ​ങ്കെ​ടു​ത്ത​വ​രു​ടെ​യും ചി​ത്ര​ങ്ങ​ള്‍ ഇ​വ​ര്‍ പ​ല​പ്പോ​ഴാ​യി ത​ങ്ങ​ളു​ടെ ഡി​ജി​റ്റ​ല്‍ കാ​മ​റ​യി​ല്‍ പ​ക​ര്‍​ത്തി.

ഇ​വ​രു​ടെ സ്‌​കൂ​ളി​ല്‍ പ​ഠി​ച്ച 40 ഓ​ളം പെ​ണ്‍​കു​ട്ടി​ക​ളു​ടെ ചി​ത്രം ഇ​തി​ലു​ണ്ടാ​യി​രു​ന്നു. ഇ​ങ്ങ​നെ എ​ടു​ക്കു​ന്ന ചി​ത്ര​ങ്ങ​ള്‍ എ​ഐ ബോ​ട്ട് വ​ഴി ന​ഗ്ന​ചി​ത്ര​ങ്ങ​ളാ​ക്കി മാ​റ്റും. ഈ ​ചി​ത്ര​ങ്ങ​ള്‍ പി​ന്നീ​ട് ഇ​ന്‍​സ്റ്റ​ഗ്രാ​മി​ല്‍ ഒ​രു പ്രൈ​വ​റ്റ് അ​ക്കൗ​ണ്ട് തു​ട​ങ്ങി അ​തി​ലാ​ണ് അ​പ്‌​ലോ​ഡ് ചെ​യ്ത​ത്.

ഈ ​ഗ്രൂ​പ്പി​ല്‍ മെം​ബ​ര്‍​മാ​രാ​യി​ട്ടു​ള്ള​വ​ര്‍​ക്ക് മാ​ത്ര​മാ​ണ് ഇ​തി​ലെ ചി​ത്ര​ങ്ങ​ള്‍ കാ​ണാ​ന്‍ സാ​ധി​ക്കു​ക. മെം​ബ​ര്‍​ഷി​പ്പി​ന് ഇ​വ​ര്‍ പ​ണം വാ​ങ്ങി​യി​രു​ന്നോ എ​ന്ന കാ​ര്യം പോ​ലീ​സ് അ​ന്വേ​ഷി​ക്കു​ന്നു​ണ്ട്. പ്ര​തി​ക​ളെ പി​ടി​കൂ​ടി​യ​തി​നു പി​ന്നാ​ലെ പ്ര​ദേ​ശ​വാ​സി​ക​ളു​ടെ ആ​ശ​ങ്ക പ​രി​ഹ​രി​ക്കാ​നാ​യി വാ​ര്‍​ഡ് മെം​ബ​റു​ടെ​യും പോ​ലീ​സ് ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ല്‍ പ്ര​ദേ​ശ​ത്ത് യോ​ഗം വി​ളി​ച്ചു​ചേ​ര്‍​ത്തി​രു​ന്നു.

210 പേ​ര്‍ ആ ​യോ​ഗ​ത്തി​ല്‍ പ​ങ്കെ​ടു​ത്തി​രു​ന്നു. പ​രാ​തി​ക്കാ​രു​ടെ സ്വ​കാ​ര്യ​ത സം​ര​ക്ഷി​ക്കു​മെ​ന്നും അ​ക്കാ​ര്യ​ത്തി​ല്‍ ആ​ര്‍​ക്കും ആ​ശ​ങ്ക വേ​ണ്ടെ​ന്നും ഡി​വൈ​എ​സ്പി സി​ബി തോ​മ​സ് യോ​ഗ​ത്തി​ല്‍ ഉ​റ​പ്പു​ന​ല്‍​കി​യി​രു​ന്നു. നി​ല​വി​ല്‍ നാ​ലു​പേ​ര്‍ പ​രാ​തി​യു​മാ​യി മു​ന്നോ​ട്ടു​വ​ന്നി​ട്ടു​ണ്ട്.