നീ​തി നി​ര്‍​വ​ഹ​ണ​ത്തി​നൊ​പ്പം കൃ​ഷി​യി​ല്‍ നൂ​റു​മേ​നി വി​ള​യി​ക്കാ​നും ത​നി​ക്ക് ക​ഴി​യു​മെ​ന്ന് തെ​ളി​യി​ച്ചി​രി​ക്കു​ക​യാ​ണ് തൊ​ടു​പു​ഴ ക്രൈം​ബ്രാ​ഞ്ചി​ലെ സീ​നി​യ​ര്‍ സി​വി​ല്‍ പോ​ലീ​സ് ഓ​ഫീ​സ​റാ​യ മു​ഹ​മ്മ​ദ്.

കോ​ത​മം​ഗ​ലം മ​ടി​യൂ​രി​ലു​ള്ള മു​ഹ​മ്മ​ദി​ന്‍റെ പു​ര​യി​ട​ത്തി​ലെ​ത്തി​യാ​ല്‍ ആ​രു​മൊ​ന്ന് അ​ത്ഭു​ത​പ്പെ​ട്ടു​പോ​കും. റം​ബൂ​ട്ടാ​നും വാ​ഴ​യും പ്ലാ​വും തു​ട​ങ്ങി മീ​നും തേ​നീ​ച്ച​ക​ളും വ​രെ ഇ​വി​ടെ​യു​ണ്ട്.

കൃ​ഷി​യെ പാ​ഷ​നാ​യി കാ​ണു​ന്ന മു​ഹ​മ്മ​ദി​ന്‍റെ ഒ​ഴി​വു സ​മ​യ​ത്തെ പ​രി​ശ്ര​മ​ത്തി​ന്‍റെ ഫ​ല​മാ​ണ് ഈ ​നേ​ട്ടം.

14ാം വ​യ​സി​ല്‍ തു​ട​ങ്ങി​യ കൃ​ഷി

കോ​ത​മം​ഗ​ലം മ​ടി​യൂ​ര്‍ ക​ള​പ്പു​ര​യി​ല്‍ പ​രേ​ത​നാ​യ ഇ​ബ്രാ​ഹിം-​ന​ബീ​സ ദ​മ്പ​തി​ക​ളു​ടെ ഏ​ക​മ​ക​നാ​യ മു​ഹ​മ്മ​ദി​ന് കു​ട്ടി​ക്കാ​ലം മു​ത​ല്‍ കൃ​ഷി​യി​ല്‍ ക​മ്പ​മു​ണ്ടാ​യി​രു​ന്നു.

ഗ​ള്‍​ഫി​ലാ​യി​രു​ന്ന അ​മ്മാ​വ​ന്‍ അ​ലി​യാ​രു​ടെ ഒ​രേ​ക്ക​ര്‍ സ്ഥ​ല​ത്ത് പ​തി​നാ​ലാം വ​യ​സി​ല്‍ പൈ​നാ​പ്പി​ള്‍ കൃ​ഷി ചെ​യ്താ​യി​രു​ന്നു തു​ട​ക്കം.

തു​ട​ക്കം പി​ഴ​ച്ചി​ല്ല. പി​ന്നീ​ട് അ​വി​ടെ നെ​ല്‍​കൃ​ഷി ചെ​യ്തു. അ​തും വി​ജ​യ​മാ​യി​രു​ന്നു. വീ​ട്ടി​ലേ​ക്ക് ആ​വ​ശ്യ​മാ​യ പ​ച്ച​ക്ക​റി​ക​ളെ​ല്ലാം മു​ഹ​മ്മ​ദ് സ്വ​ന്ത​മാ​യി ത​ന്നെ ഉ​ത്പാ​ദി​പ്പി​ച്ചി​രു​ന്നു.

16-ാം വ​യ​സി​ല്‍ മി​ക​ച്ച യു​വ ക​ര്‍​ഷ​ക​നു​ള​ള പ​ല്ലാ​രി​മം​ഗ​ലം പ​ഞ്ചാ​യ​ത്തി​ന്‍റെ പു​ര​സ്‌​കാ​രം മു​ഹ​മ്മ​ദി​നെ തേ​ടി​യെ​ത്തി. ഇ​ത് കൃ​ഷി​യി​ല്‍ തു​ട​രാ​ന്‍ അ​ദേ​ഹ​ത്തി​ന് ക​രു​ത്തേ​കി.



23ാം വ​യ​സി​ല്‍ പോ​ലീ​സി​ലേ​ക്ക്

23ാം വ​യ​സി​ല്‍ പോ​ലീ​സ് സേ​ന​യി​ല്‍ ജോ​ലി കി​ട്ടു​മ്പോ​ള്‍ ഇ​ദ്ദേ​ഹം വാ​നി​ല കൃ​ഷി ചെ​യ്തി​രു​ന്നു. ട്രെ​യി​നിം​ഗി​ന്‍റെ ഭാ​ഗ​മാ​യി വീ​ട്ടി​ല്‍​നി​ന്ന് മാ​റി​യ​പ്പോ​ള്‍ കൃ​ഷി​യു​ടെ താ​ളം തെ​റ്റി.

ഒ​രു പ​രി​ച​യ​ക്കാ​ര​നെ കൃ​ഷി ഏ​ല്‍​പ്പി​ച്ചെ​ങ്കി​ലും വി​ള​വ് ന​ന്നേ പ​രാ​ജ​യ​മാ​യി​രു​ന്നു. തു​ട​ര്‍​ന്ന് അ​വി​ടെ കൊ​ക്കോ കൃ​ഷി ചെ​യ്തു.

അ​തും ഫ​ലം ക​ണ്ടി​ല്ല. മൂ​ന്നു വ​ര്‍​ഷം മ​ല​പ്പു​റ​ത്ത് ജോ​ലി ചെ​യ​ത് ശേ​ഷം 2006 ല്‍ ​മു​ഹ​മ്മ​ദ് എ​റ​ണാ​കു​ള​ത്തേ​ക്ക് മ​ട​ങ്ങി​യെ​ത്തി.

വീ​ണ്ടും കൃ​ഷി​യി​ലേ​ക്ക്

അ​ന്ന് എ​റ​ണാ​കു​ള​ത്ത് ഐ​ജി​യാ​യി​രു​ന്ന ആ​ര്‍. ശ്രീ​ലേ​ഖ​യു​ടെ ഡ്രൈ​വ​റാ​യി ജോ​ലി​യി​ല്‍ പ്ര​വേ​ശി​ച്ച​തോ​ടെ മു​ഹ​മ്മ​ദി​ന് കൃ​ഷി​യി​ല്‍ കൂ​ടു​ത​ല്‍ സ​മ​യം ക​ണ്ടെ​ത്താ​നാ​യി.

ശ്രീ​ലേ​ഖ​യു​ടെ ഭാ​ഗ​ത്തു​നി​ന്നും ന​ല്ല രീ​തി​യി​ല്‍ പ്രോ​ത്സാ​ഹ​നം ല​ഭി​ച്ചി​രു​ന്നു​വെ​ന്ന് മു​ഹ​മ്മ​ദ് പ​റ​യു​ന്നു.

സ്വ​ന്തം ആ​വ​ശ്യ​ത്തി​നാ​യി ചീ​ര, പ​യ​ര്‍, പൊ​ട്ടു​വെ​ള്ള​രി, ത​ക്കാ​ളി, വാ​ഴ, ചേ​ന, ക​പ്പ എ​ന്നി​വ​യെ​ല്ലാം മു​ഹ​മ്മ​ദ് കൃ​ഷി ചെ​യ്തു. ഇ​വ​യി​ല്‍ നി​ന്നെ​ല്ലാം ന​ല്ല ഫ​ലം ല​ഭി​ച്ചു. തു​ട​ര്‍​ന്ന് 300 ഏ​ത്ത​വാ​ഴ വ​ച്ചു.

ഇ​തി​ന് ഇ​ട​വി​ള​യാ​യി ചേ​ന, ചേ​മ്പ്, ക​പ്പ, പാ​വ​ല്‍, പ​ട​വ​ലം എ​ന്നി​വ​യും കൃ​ഷി ചെ​യ്തു. പ​ല്ലാ​രി​മം​ഗ​ല​ത്ത് സ്വ​ന്ത​മാ​യു​ള്ള 50 സെ​ന്‍റ് സ്ഥ​ലം​കൂ​ടാ​തെ കു​ടും​ബ​സ്വ​ത്താ​യു​ള്ള ഒ​രേ​ക്ക​റി​ലും കൂ​ടി​യാ​ണ് മു​ഹ​മ്മ​ദി​ന്‍റെ കൃ​ഷി.

മൂ​ന്നു വ​ര്‍​ഷം മു​ന്‍​പ് കാ​ഞ്ഞി​ര​പ്പ​ള്ളി​യി​ല്‍​നി​ന്ന് വാ​ങ്ങി​യ 100 വി​യ​റ്റ്‌​നാം സൂ​പ്പ​ര്‍ ഏ​ര്‍​ളി പ്ലാ​വു​ക​ളാ​ണ് മ​റ്റൊ​രു ആ​ക​ര്‍​ഷ​ണം. 30 സെ​ന്‍റി​ലാ​യി വ​ള​രു​ന്ന എ​ല്ലാ പ്ലാ​വു​ക​ളും വി​ള​വ് ന​ല്‍​കി​ത്തു​ട​ങ്ങി.

പ​ക്ഷേ, ച​ക്ക​യു​ടെ സീ​സ​ണ്‍ ആ​യി​ട്ടും മു​ഹ​മ്മ​ദ് അ​ത് വി​റ്റി​ല്ല. ബ​ന്ധു​ക്ക​ള്‍​ക്കും സു​ഹൃ​ത്തു​ക്ക​ള്‍​ക്കു​മൊ​ക്കെ അ​വ ന​ല്‍​കു​ക​യാ​ണ് ചെ​യ്ത​ത്.

അ​ര​യേ​ക്ക​റി​ലെ റം​ബൂ​ട്ടാ​ന്‍ കൃ​ഷി

അ​ര​യേ​ക്ക​റി​ല്‍ 25 റം​ബൂ​ട്ടാ​നും അ​തി​ന് ഇ​ട​വി​ള​യാ​യി 50 തെ​ങ്ങും വ​ച്ചി​ട്ടു​ണ്ട്. നാ​ലു വ​യ​സു പി​ന്നി​ട്ട റം​ബു​ട്ടാ​ന്‍ മ​ര​ങ്ങ​ള്‍ മി​ക​ച്ച വി​ള​വാ​ണ് ന​ല്‍​കു​ന്ന​ത്.


സു​ഹൃ​ത്തു​ക്ക​ള്‍​ക്കും ബ​ന്ധു​ക്ക​ള്‍​ക്കും ന​ല്‍​കി​യ​തു കൂ​ടാ​തെ 60,000 രൂ​പ​യു​ടെ റം​ബു​ട്ടാ​ന്‍ പ​ഴ​ങ്ങ​ള്‍ ക​ഴി​ഞ്ഞ സീ​സ​ണി​ല്‍ വി​ല്‍​ക്കാ​ന്‍ ക​ഴി​ഞ്ഞു​വെ​ന്ന് മു​ഹ​മ്മ​ദ് പ​റ​ഞ്ഞു. ചാ​ണ​ക​മാ​ണ് വ​ള​മാ​യി ഇ​ടു​ന്ന​ത്.

ഗൗ​രാ​മി​യാ​ണ് താ​രം

വീ​ട്ടു​മു​റ്റ​ത്തെ ആ​റു കു​ള​ങ്ങ​ളി​ലാ​യി മു​ഹ​മ്മ​ദി​ന് മ​ത്സ്യ​കൃ​ഷി​യു​മു​ണ്ട്. ബ്ലാ​ക്ക്, പി​ങ്ക്, റെ​ഡ് എ​ന്നി​ങ്ങ​നെ മൂ​ന്നി​ന​ങ്ങ​ളി​ലു​ള്ള മ​ത്സ്യ​ങ്ങ​ളാ​ണ് മു​ഹ​മ്മ​ദി​ന്‍റെ കൈ​വ​ശ​മു​ള്ള​ത്.

ഇ​വ ബ്രീ​ഡ് ഇ​ന​ങ്ങ​ളാ​യി കു​ഞ്ഞു​ങ്ങ​ളെ ഉ​ത്പാ​ദി​പ്പി​ക്കു​ന്നു​മു​ണ്ട്. ര​ണ്ടി​ഞ്ച് വ​ലു​പ്പ​മു​ള്ള ബ്ലാ​ക്ക് ഗൗ​രാ​മി ഒ​ന്നി​ന് 30 രൂ​പ​യും പി​ങ്കി​ന് 100 രൂ​പ​യും റെ​ഡ് ഐ​യ്ക്ക് 150 രൂ​പ​യു​മാ​ണ് വി​ല.

അ​ധി​കം പ​രി​ച​ര​ണം ആ​വ​ശ്യ​മി​ല്ലാ​ത്ത ഇ​വ​യ്ക്ക് തൊ​ടി​യി​ല്‍​നി​ന്നു​ള്ള ഇ​ല​ക​ളാ​ണ് ഭ​ക്ഷ​ണ​മാ​യി ന​ല്‍​കു​ന്ന​ത്. ഇ​വ​യു​ടെ കാ​ഷ്ഠ​മ​ട​ങ്ങി​യ വെ​ള്ളം പ​ച്ച​ക്ക​റി​ക​ള്‍ ന​ന​യ്ക്കാ​നും ഉ​പ​യോ​ഗി​ക്കു​ന്നു.

നൂ​റു​മേ​നി വി​ള​വെ​ടു​ത്ത് തേ​നീ​ച്ച​ക്കൃ​ഷി

ഏ​ഴു​വ​ര്‍​ഷം മു​മ്പ് പാ​ലാ​യി​ല്‍​നി​ന്ന് കൊ​ണ്ടു​വ​ന്ന ഒ​രു പെ​ട്ടി തേ​നീ​ച്ച​യി​ല്‍​നി​ന്നാ​ണ് മു​ഹ​മ്മ​ദ് കൃ​ഷി തു​ട​ങ്ങി​യ​ത്. ഇ​പ്പോ​ള്‍ 60 പെ​ട്ടി വ​ന്‍​തേ​നീ​ച്ച​യും 30 പെ​ട്ടി ചെ​റു തേ​നീ​ച്ച​യു​മു​ണ്ട്.

തേ​നീ​ച്ച എ​ന്നും അ​ത്ഭു​ത​മാ​ണെ​ന്നാ​ണ് മു​ഹ​മ്മ​ദി​ന്‍റെ അ​ഭി​പ്രാ​യം. ക​ഴി​ഞ്ഞ വ​ര്‍​ഷം തേ​നീ​ച്ച​ക്കൃ​ഷി​യി​ല്‍ ഇ​ദ്ദേ​ഹം നൂ​റു​മേ​നി വി​ജ​യം കൊ​യ്തു.

അ​ന്ന് 50 പെ​ട്ടി​ക​ളി​ല്‍​നി​ന്നാ​യി 500 കി​ലോ​യി​ല​ധി​കം തേ​ന്‍ ല​ഭി​ച്ചു. 50 കി​ലോ​ഗ്രാ​മി​ന്‍റെ ജാ​റി​ല്‍ തേ​ന്‍ നി​റ​ച്ച് വാ​യു ക​ട​ക്കാ​ത്ത വി​ധ​ത്തി​ല്‍ അ​ട​ച്ചാ​ണ് സൂ​ക്ഷി​ക്കു​ക.

ഒ​രു ജാ​ര്‍ തു​റ​ന്നാ​ല്‍ ഒ​രു കി​ലോ, ര​ണ്ടു കി​ലോ തോ​തി​ല്‍ കു​പ്പി​ക​ളി​ല്‍ തേ​ന്‍ നി​റ​യ്ക്കും. ഇ​ത് വി​റ്റു തീ​ര്‍​ന്ന​തി​നു​ശേ​ഷ​മേ അ​ടു​ത്ത ജാ​ര്‍ തു​റ​ക്കൂ. അ​തു​കൊ​ണ്ടു​ത​ന്നെ കേ​ടാ​യി​പ്പോ​കി​ല്ല.

തേ​ന​ട​യി​ലെ തേ​ന​റ​ക​ള്‍ പൂ​ര്‍​ണ​മാ​യും സീ​ല്‍ ചെ​യ്ത​തി​നു​ശേ​ഷം മാ​ത്ര​മാ​ണ് തേ​ന്‍ ശേ​ഖ​രി​ക്കു​ക. അ​തു​കൊ​ണ്ടു​ത​ന്നെ ജ​ലാം​ശം തേ​നി​ല്‍ കു​റ​വാ​യി​രി​ക്കും. ഇ​ത് കൂ​ടു​ത​ല്‍ കാ​ലം കേ​ടാ​വാ​തെ സൂ​ക്ഷി​ക്കാ​നാ​കും.

തേ​ന്‍ കി​ലോ 350 രൂ​പ​യ്ക്കാ​ണ് വി​ല്‍​ക്കു​ന്ന​ത്. ഔ​ഷ​ധ ഗു​ണ​മു​ള്ള ചെ​റു​തേ​ന്‍ കി​ലോ​യ്ക്ക് 2,500 രൂ​പ വ​രും. തേ​നീ​ച്ച​ക​ളെ വി​ല്ക്കു​ന്ന​ത് കൂ​ട് ഉ​ൾ​പ്പെ​ടെ 500 രൂ​പ​യ്ക്കാ​ണ്.

വൈ​റ​ലാ​യ കു​റി​പ്പ്

ഏ​താ​നും മാ​സം മു​മ്പ് ലോ ​ആ​ന്‍​ഡ് ഓ​ര്‍​ഡ​ര്‍ എ​ഡി​ജി​പി എം.​ആ​ര്‍. അ​ജി​ത് കു​മാ​ര്‍ ഫേ​സ്ബു​ക്കി​ല്‍ മു​ഹ​മ്മ​ദി​നെ​ക്കു​റി​ച്ച് ഒ​രു പോ​സ്റ്റ് ഇ​ട്ടി​രു​ന്നു. വൈ​റ​ലാ​യ ആ ​പോ​സ്റ്റ് ഇ​ങ്ങ​നെ​യാ​യി​രു​ന്നു.

"എ​റ​ണാ​കു​ളം റൂ​റ​ല്‍, ഊ​ന്നു​ക​ല്‍ പോ​ലീ​സ് സ്റ്റേ​ഷ​നി​ലെ ശ്രീ. ​മു​ഹ​മ്മ​ദ് മ​ടി​യൂ​ര്‍ എ​ന്ന പോ​ലീ​സ് ഉ​ദ്യോ​ഗ​സ്ഥ​ന്‍ കൃ​ഷി​യോ​ടും കാ​ര്‍​ഷി​ക​രം​ഗ​ത്തോ​ടും കാ​ണി​ക്കു​ന്ന അ​ഭി​നി​വേ​ശം മാ​തൃ​കാ​പ​ര​മാ​ണ്.

സ്റ്റേ​ഷ​നി​ലെ തി​ര​ക്കു​ക​ള്‍​ക്കി​ട​യി​ലും ഒ​ഴി​വു​സ​മ​യം ക​ണ്ടെ​ത്തി മു​ഹ​മ്മ​ദ് മ​ടി​യൂ​ര്‍ ത​ന്‍റെ കൃ​ഷി​ത്തോ​ട്ട​ത്തി​ലെ റം​ബൂ​ട്ടാ​ന്‍, പ​ച്ച​ക്ക​റി​ക​ള്‍ എ​ന്നി​വ​യോ​ടൊ​പ്പം തേ​നീ​ച്ച വ​ള​ര്‍​ത്ത​ലും മ​ത്സ്യ​കൃ​ഷി​യും ന​ട​ത്തി നൂ​റു​മേ​നി വി​ള​യി​ച്ചി​രി​ക്കു​ക​യാ​ണ്.

ഭാ​ര്യ ആ​ന്‍​സി​യും മ​ക്ക​ളാ​യ അം​ന, അ​മാ​ന്‍, അ​സ്‌​ല​ഹ എ​ന്നി​വ​രും മു​ഹ​മ്മ​ദി​ന്‍റെ ഈ ​നേ​ട്ട​ത്തി​ല്‍ പ​ങ്കാ​ളി​ക​ളാ​ണ്.'

കു​ടും​ബ​ത്തി​ന്‍റെ പി​ന്തു​ണ

വീ​ട്ട​മ്മ​യാ​യ ഭാ​ര്യ അ​ന്‍​സി​യും വി​ദ്യാ​ര്‍​ഥി​ക​ളാ​യ മ​ക്ക​ള്‍ അം​ന, അ​മാ​ന്‍, അ​സ്‌​ല​ഹ എ​ന്നി​വ​രും മു​ഹ​മ്മ​ദി​നു ക​രു​ത്താ​യി എ​പ്പോ​ഴും കൂ​ടെ​യു​ണ്ട്.