ക​നാ​ലി​നു സ​മീ​പം റോ​ഡ​രി​കി​ല്‍ ഉ​പേ​ക്ഷി​ക്ക​പ്പെ​ട്ട വ​ലി​യ ബാ​ഗി​നു​ള്ളി​ല്‍ ഒ​രു സ്ത്രീ​യു​ടെ ത​ല​യി​ല്ലാ​ത്ത മൃ​ത​ദേ​ഹ ഭാ​ഗ​ങ്ങ​ള്‍. ക​ഴി​ഞ്ഞ ജൂ​ണ്‍ ഏ​ഴി​ന് ഒ​ന്ന​ല്ല, ര​ണ്ടി​ട​ങ്ങ​ളി​ലാ​ണ് ഇ​ത്ത​രം കാ​ഴ്ച ക​ണ്ട് ക​ര്‍​ണാ​ട​ക ഞെ​ട്ടി​ത്ത​രി​ച്ച​ത്. ഒ​ന്ന് മാ​ണ്ഡ്യ ജി​ല്ല​യി​ലെ അ​രെ​ക്കേ​ര​യി​ല്‍. മ​റ്റൊ​ന്ന് 25 കി​ലോ​മീ​റ്റ​ർ അ​ക​ലെ തും​കൂ​ര്‍ ജി​ല്ല​യി​ലെ ബെ​ട്ട​ന​ഹ​ള്ളി​യി​ല്‍.

സി​നി​മ​ക​ളി​ല്‍പോ​ലും കാ​ണാ​ത്ത ത​ര​ത്തി​ലു​ള്ള ദു​രൂ​ഹ കൊ​ല​പാ​ത​ക​ങ്ങ​ള്‍ തെ​ളി​യി​ച്ചി​ട്ടു​ള്ള ക​ര്‍​ണാ​ട​ക പോ​ലീ​സി​ന് ക​ടു​ത്ത വെ​ല്ലു​വി​ളി​യാ​യി​രു​ന്നു ഈ ​സം​ഭ​വങ്ങൾ. കൊ​ല്ല​പ്പെ​ട്ട ര​ണ്ടു​പേ​രും മ​ധ്യ​വ​യ​സി​ല്‍ താ​ഴെ​യു​ള്ള സ്ത്രീ​ക​ളാ​ണെ​ന്ന് മൃ​ത​ദേ​ഹ പ​രി​ശോ​ധ​ന​യി​ല്‍ വ്യ​ക്ത​മാ​യി. ര​ണ്ടു​പേ​രെ​യും കൊ​ല​പ്പെ​ടു​ത്തു​ന്ന​തി​നു തൊ​ട്ടു​മു​മ്പ് ലൈം​ഗി​ക​മാ​യോ മ​റ്റേ​തെ​ങ്കി​ലും രീ​തി​യി​ലോ പീ​ഡി​പ്പി​ക്കു​ക​യോ മു​റി​വേ​ൽ​പി​ക്കു​ക​യോ ഉ​ണ്ടാ​യി​ട്ടി​ല്ലെ​ന്നും വ്യ​ക്ത​മാ​യി. വി​ഷ​മോ മ​റ്റോ അ​ക​ത്തു​ചെ​ന്ന​തി​ന്‍റെ ല​ക്ഷ​ണ​ങ്ങ​ളും മൃ​ത​ദേ​ഹ​ങ്ങ​ളി​ല്‍ ക​ണ്ടി​ല്ല.

കൊ​ല​പാ​ത​ക​ത്തി​നു പി​ന്നി​ൽ സൈ​ക്കോ കി​ല്ല​റോ ?

സ​യ​നൈ​ഡ് മോ​ഹ​ന്‍ ന​ട​ത്തി​യ കൊ​ല​പാ​ത​ക പ​ര​മ്പ​ര​ക​ള്‍ മ​റ​ക്കാ​റാ​യി​ട്ടി​ല്ലാ​ത്ത​തി​നാ​ല്‍ അ​തു​പോ​ലൊ​രു സൈ​ക്കോ കി​ല്ല​ര്‍ ആ​യേ​ക്കാ​മെ​ന്ന വ​ഴി​ക്കാ​ണ് പോ​ലീ​സി​ന്‍റെ ചി​ന്ത പോ​യ​ത്.
തി​രി​ച്ച​റി​യാ​ന്‍ ക​ഴി​യു​ന്ന ത​ര​ത്തി​ലു​ള്ള കാ​ര്യ​മാ​യ തെ​ളി​വു​ക​ളൊ​ന്നും മൃ​ത​ദേ​ഹ​ങ്ങ​ളി​ല്‍ അ​വ​ശേ​ഷി​ച്ചി​രു​ന്നി​ല്ലെ​ന്ന​തും വെ​ല്ലു​വി​ളി​യാ​യി. ഉ​ള്ള ല​ക്ഷ​ണ​ങ്ങ​ള്‍ വ​ച്ച് ആ​രും മ​രി​ച്ച​വ​രെ അ​ന്വേ​ഷി​ച്ചെ​ത്തി​യ​തു​മി​ല്ല. സ്വ​ന്ത​മാ​യി വീ​ടോ കു​ടും​ബ​മോ ഇ​ല്ലാ​ത്ത സ്ത്രീ​ക​ളാ​യി​രി​ക്കു​മോ എ​ന്ന വ​ഴി​ക്കാ​യി പോ​ലീ​സി​ന്‍റെ അ​ന്വേ​ഷ​ണം.

അ​ന്വേ​ഷ​ണ​ത്തി​ന് അ​ഞ്ച് സം​ഘം

ഈ ​ദു​രൂ​ഹ​മ​ര​ണ​ങ്ങ​ളെ​ക്കു​റി​ച്ച് അ​ന്വേ​ഷി​ക്കാ​ന്‍ ഒന്പതു വീ​തം പോ​ലീ​സ് ഉ​ദ്യോ​ഗ​സ്ഥ​ര​ട​ങ്ങി​യ അ​ഞ്ച് സം​ഘ​ങ്ങ​ളെ നി​യോ​ഗി​ച്ചു. മ​രി​ച്ച​വ​രെ തി​രി​ച്ച​റി​യു​ക​യാ​യി​രു​ന്നു ഇ​വ​രു​ടെ ആ​ദ്യ​ല​ക്ഷ്യം. അ​ടു​ത്തി​ടെ കാ​ണാ​താ​യ സ്ത്രീ​ക​ളു​ടെ വി​വ​ര​ങ്ങ​ള്‍ തേ​ടി ഇ​വ​ര്‍ ക​ര്‍​ണാ​ട​ക​യി​ലെ എ​ല്ലാ ജി​ല്ല​ക​ളി​ലെ​യും കേ​ര​ള​മു​ള്‍​പ്പെ​ടെ​യു​ള്ള അ​യ​ല്‍ സം​സ്ഥാ​ന​ങ്ങ​ളി​ലെ​യും രേ​ഖ​ക​ള്‍ അ​രി​ച്ചു​പെ​റു​ക്കി.


ഏ​റെ പ​ണി​പ്പെ​ട്ട് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ല്‍ മേ​യ് 30ന് ​ചാ​മ​രാ​ജ്ന​ഗ​റി​ല്‍നി​ന്നു കാ​ണാ​താ​യ സി​ദ്ധ​മ്മ എ​ന്ന സ്ത്രീ​യു​ടെ തി​രി​ച്ച​റി​യ​ല്‍ രേ​ഖ​ക​ള്‍ മൃ​ത​ദേ​ഹ​ങ്ങ​ളി​ല്‍ ഒ​ന്നു​മാ​യി യോ​ജി​ക്കു​ന്നു​ണ്ടെ​ന്ന് ക​ണ്ടെ​ത്തി.

സി​ദ്ധ​മ്മ​യെ തേ​ടി അ​ന്വേ​ഷ​ണ​സം​ഘം

ലൈം​ഗി​ക തൊ​ഴി​ലാ​ളി​യാ​യി​രു​ന്ന സി​ദ്ധ​മ്മ​യ്ക്ക് അ​ടു​ത്ത ബ​ന്ധു​ക്ക​ളോ കു​ടും​ബാം​ഗ​ങ്ങ​ളോ ഒ​ന്നു​മു​ണ്ടാ​യി​രു​ന്നി​ല്ല. അ​തു​കൊ​ണ്ടാ​യി​രു​ന്നു ഇ​വ​രെ കാ​ണാ​താ​യി​ട്ടും പോ​ലീ​സി​ന്‍റെ അ​ടു​ത്ത് പ​രാ​തിപോ​ലും എ​ത്താ​തി​രു​ന്ന​ത്.

സി​ദ്ധ​മ്മ​യു​ടെ മൊ​ബൈ​ല്‍ രേ​ഖ​ക​ള്‍ പ​രി​ശോ​ധി​ക്കു​ക​യാ​യി​രു​ന്നു അ​ടു​ത്ത പ​ടി. ഇ​വ​ര്‍ അ​വ​സാ​ന​മാ​യി പ​ല​വ​ട്ടം വി​ളി​ച്ച​ത് മു​മ്പ് ഇ​വ​ര്‍​ക്കൊ​പ്പം ലൈം​ഗിക തൊ​ഴി​ല്‍ ചെ​യ്തി​രു​ന്ന ച​ന്ദ്ര​ക​ല എ​ന്ന യു​വ​തി​യു​ടെ ന​മ്പ​റി​ലേ​ക്കാ​ണെ​ന്ന് ക​ണ്ടെ​ത്തി. മൊ​ബൈ​ല്‍​ഫോ​ണി​ന്‍റെ അ​വ​സാ​ന ലൊ​ക്കേ​ഷ​ന്‍ മൈ​സൂ​രാ​യി​രു​ന്നു. ച​ന്ദ്ര​ക​ല ഇ​പ്പോ​ള്‍ ലൈം​ഗി​ക തൊ​ഴി​ല്‍ ഉ​പേ​ക്ഷി​ച്ച് ഭ​ര്‍​ത്താ​വി​നൊ​പ്പം മൈ​സൂ​രു​വി​ല്‍ താ​മ​സി​ക്കു​ക​യാ​ണെ​ന്ന് നാ​ട്ടു​കാ​ര്‍ പ​റ​ഞ്ഞു.

ച​ന്ദ്ര​ക​ല​യെ കാ​ണാ​ൻ പോ​യ സി​ദ്ധ​മ്മ തി​രി​ച്ചെ​ത്തി​യി​ല്ല

സി​ദ്ധ​മ്മ ച​ന്ദ്ര​ക​ല​യെ കാ​ണാ​ന്‍ മൈ​സൂ​രു​വി​ലേ​ക്ക് പോ​യി​രു​ന്നു​വെ​ന്നും അ​വി​ടെ​നി​ന്നും ജീ​വ​നോ​ടെ മ​ട​ങ്ങി​യി​ല്ലെ​ന്നു​മു​ള്ള കാ​ര്യം പോ​ലീ​സി​ന് ഏ​റെ​ക്കു​റെ വ്യ​ക്ത​മാ​യി. ഒ​രു​പ​ക്ഷേ പ​ഴ​യ കാ​ര്യ​ങ്ങ​ള്‍ വ​ച്ച് യു​വ​തി​യെ ബ്ലാ​ക്ക്മെ​യി​ല്‍ ചെ​യ്യാ​നു​ള്ള ശ്ര​മം ന​ട​ത്തി​യ​തും ച​ന്ദ്ര​ക​ല മ​റ്റാ​രെ​യെ​ങ്കി​ലും കൊ​ണ്ട് ഇ​വ​രെ കൊ​ല്ലി​ച്ച​തും ആ​കാ​മെ​ന്ന സം​ശ​യ​മാ​ണ് ആ​ദ്യം ഉ​യ​ര്‍​ന്ന​ത്.

പ​ക്ഷേ സ​മാ​ന രീ​തി​യി​ല്‍ കൊ​ല്ല​പ്പെ​ട്ട ര​ണ്ടാ​മ​ത്തെ സ്ത്രീ ​ആ​രാ​ണെ​ന്ന സം​ശ​യം പി​ന്നെ​യും ഉ​യ​ര്‍​ന്നു. എ​ന്താ​യാ​ലും വി​വ​ര​മ​റി​ഞ്ഞ് പെ​ട്ടെ​ന്ന് സ്ഥ​ലം​വി​ടാ​തി​രി​ക്കാ​ന്‍ അ​ന്വേ​ഷ​ണ​സം​ഘം ച​ന്ദ്ര​ക​ല​യെ പി​ടി​കൂ​ടാ​നാ​യി മൈ​സൂ​രു​വി​ലേ​ക്ക് കു​തി​ച്ചു.
(തു​ട​രും)