ADVERTISEMENT

ADVERTISEMENT

Back to Home

തെരഞ്ഞെടുത്ത കവിതകൾ

തെരഞ്ഞെടുത്ത കവിതകൾ

പുറമണ്ണൂർ ടി. മുഹമ്മദ്, എഡി. ആലങ്കോട് ലീലാകൃഷ്ണൻ
പേജ്: 136, വില: ₹175
കേരള സാഹിത്യ അക്കാദമി, തൃശൂർ

മലയാള കവിതയിലെ സമാന്തര ശാഖയുടെ പ്രതിനിധിയായ പുറമണ്ണൂർ ടി. മുഹമ്മദിന്‍റെ തെരഞ്ഞെടുത്ത കവിതകൾ അടങ്ങിയ സമാഹാരം.

മുസ്‌ലിം സമൂഹികജീവിതത്തെ രചനകളിൽ ആവിഷ്കരിച്ച എഴുത്തുകാരൻ.

ADVERTISEMENT

St. Thomas Apostolic Seminary Vadavathoor

St. Thomas Apostolic Seminary Vadavathoor

ഡോ. മാത്യു കൊച്ചാദംപള്ളിൽ പേജ്: 400 വില: ₹ 450 ഒഐആർഎസ്, കോട്ടയം ഫോൺ: 0481 2571807 വടവാതൂർ സെന്‍റ് തോമസ് അപ്പസ്തോലിക് സെമിനാരിയുടെ ചരിത്രവും രേഖകളും സംബന്ധിച്ച ആധികാരിക ഗ്രന്ഥം. 1962ൽ സെമിനാരി സ്ഥാപിതമായ വർഷം മുതൽ ഇന്നേവരെയുള്ള ചരിത്രം. സെമിനാരിയുടെ ഉത്ഭവം, ലക്ഷ്യം, പ്രവർത്തനം, സംഭാവനകൾ, സ്ഥാപകർ, നയിച്ചവർ തുടങ്ങി സമഗ്രമായ വിവരങ്ങൾ രേഖകളുടെ അടിസ്ഥാനത്തിൽ അപഗ്രഥിക്കുന്നു.

സ്നേഹമുദ്രകൾ

സ്നേഹമുദ്രകൾ

ഫാ. ജോയി ചെഞ്ചേരിൽ എംസിബിഎസ് പേജ്: 48 വില: ₹ 30 ജീവൻ ബുക്സ്, കോട്ടയം ഫോൺ: 8078333125 ഉയിർപ്പിലൂടെ മരണം കവിതയായി മാറിയ ക്രിസ്തുവിന്‍റെ കുരിശിന്‍റെ വഴിയുടെ വ്യത്യസ്തമായ ചിന്തകൾ. യുവജനങ്ങൾക്കും കുട്ടികൾക്കും ഏറെ ചിന്തിക്കാൻ ഇടം നൽകുന്നതാണ് കുരിശിന്‍റെ വഴിയിലെ പ്രാർഥനകളടങ്ങിയ ഈ കൈപ്പുസ്തകം.

പ്രകൃതിയിലെ പ്രതിഭാസങ്ങൾ

പ്രകൃതിയിലെ പ്രതിഭാസങ്ങൾ

ടി.കെ. മാറിയിടം പേജ്: 110 വില: ₹ 230 കൈരളി ബുക്സ്, കണ്ണൂർ ഫോൺ: 0497 2761200 അദ്ഭുതം ജനിപ്പിക്കുന്ന പ്രകൃതി പ്രതിഭാസങ്ങളിലേക്കും കൗതുകങ്ങളിലേക്കും ഒരു യാത്ര. ജീവജാലങ്ങളുടെയും സസ്യജാലങ്ങളുടെയും സവിശേഷമായ അതിജീവന രീതികളും തിരിച്ചറിയാം. ജീവജാലങ്ങളെ ആവാസ വ്യവസ്ഥയുമായി ചേർത്തുവച്ചുള്ള അപഗ്രഥനം നടത്തുന്നു ഈ വൈജ്ഞാനിക ഗ്രന്ഥം.

കാരുണ്യത്തിന്‍റെ രാജകുമാരൻ

കാരുണ്യത്തിന്‍റെ രാജകുമാരൻ

എഡി: ആന്‍റണി ആറിൽചിറ പേജ്: 88 വില: ₹ 75 റെക്ടർ കല്ലൂർക്കാട് ബസിലിക്ക, ചന്പക്കുളം ഫോൺ: 9447505677 ജീവകാരുണ്യരംഗത്തും സാമൂഹ്യസേവനരംഗത്തും നിറഞ്ഞ സാന്നിധ്യമായിരുന്ന ഫാ. ഗ്രിഗറി ഓണംകുളത്തിനെക്കുറിച്ചുള്ള ഒാർമക്കുറിപ്പുകൾ. അദ്ദേഹത്തിനൊപ്പം നിരവധി വർഷങ്ങൾ പ്രവർത്തിച്ചവരും അടുത്തറിയാവുന്നവരുമാണ് ഓർമകൾ പങ്കുവയ്ക്കുന്നത്.

കുഞ്ചന്‍റെ കല

കുഞ്ചന്‍റെ കല

ഡോ. സി. രാവുണ്ണി പേജ്: 260 വില: ₹ 340 കേരള സാഹിത്യ അക്കാദമി, തൃശൂർ ഫോൺ: 9447223742 തുള്ളൽക്കലയുടെ സൗന്ദര്യശാസ്ത്രത്തെക്കുറിച്ച് അനന്യമായ നിരീക്ഷണങ്ങൾ ഉൾക്കൊള്ളുന്ന ഗ്രന്ഥം. കുഞ്ചൻ നന്പ്യാരുടെ കലാജീവിതത്തെക്കുറിച്ചുള്ള ഒരു അക്കാദമിക വിലയിരുത്തലും ഇതിൽ ഉൾപ്പെടുന്നു. തുള്ളൽ എങ്ങനെയാണ് ഒരു സമഗ്രമായ സാഹിത്യശില്പമാകുന്നതെന്ന് ഈ ഗ്രന്ഥം പരിശോധിക്കുന്നു.

അദൃശ്യ മുറിവുകൾ

അദൃശ്യ മുറിവുകൾ

വിഷ്ണുലാൽ സുധ പ്രസാധകർ: മാൻ കൈൻഡ് ലിറ്ററേചർ വില: 320 രൂപ, ഫോൺ: 097441 55666 ചരിത്രവും മിത്തും മന്ത്ര തന്ത്രങ്ങളും മനഃശാസ്ത്രവും പശ്ചാത്തലമായി മാറുന്ന പ്രമേയത്തിലൂടെ ലളിതവും മൂർച്ഛയേറിയതുമായ ഭാഷയിലൂടെ ആഖ്യാനം നടത്തുന്ന അപസർപ്പക നോവലാണ് വിഷ്ണുലാൽ സുധ എഴുതിയ അദൃശ്യ മുറിവുകൾ. നന്ദകുമാർ എന്ന സാഹസികനായ പോലീസ് ഉദ്യോദസ്ഥന്റെ കുറ്റാന്വേഷണ യാത്രകൾ വായനക്കാരനെ ഭ്രമിപ്പിക്കുന്ന തരത്തിലാണ് ചിട്ടപ്പെടുത്തിയിരിക്കുന്നത്.

ഇന്ത്യ ഇന്നത്തെ ഇന്ത്യ

ഇന്ത്യ ഇന്നത്തെ ഇന്ത്യ

കെ. പളനി പേജ്: 72 വില: ₹ 110 പ്രഭാത് ബുക്ക് ഹൗസ്, തിരുവനന്തപുരം ഫോൺ: 0471-2471533 ഗാനാത്മകതയുള്ള 36 കവിതകളുടെ സമാഹാരം. ഇന്ത്യയിലെ സാധാരണക്കാരുടെ ജീവിതവും വ്യാകുലതകളും നിരീക്ഷിച്ച് എഴുതിയവയാണ് കവിതകളെന്നു ഗ്രന്ഥകാരൻ പറയുന്നു. സാമൂഹ്യം, രാഷ്‌‌ട്രീയം, സാംസ്കാരികം, സദാചാരം ഇത്തരം വിഷയങ്ങളൊക്കെ ഈ കവിതകളിൽ പ്രമേയമായിട്ടുണ്ട്.

മഴമേഘങ്ങളുടെ വീട്

മഴമേഘങ്ങളുടെ വീട്

കെ.കെ. പ്രേംരാജ് പേജ്: 136 വില: ₹ 230 അഡോർ പബ്ലിഷിംഗ് ഹൗസ്, ബംഗളൂരു ഫോൺ: 9886910278 നമ്മുടെ നിത്യജീവിതത്തിൽ കണ്ടുമുട്ടുന്ന വ്യക്തികളെപ്പോലുള്ളവരെ ഈ കഥകളിൽ വായനക്കാർ കണ്ടുമുട്ടിയേക്കാം. ലളിതമായ ഭാഷയും ഒഴുക്കുള്ള ശൈലിയും ഈ കഥകൾക്കുണ്ട്. മനുഷ്യത്വം, സ്നേഹം, ആർദ്രത ഇങ്ങനെയുള്ള വികാരങ്ങളെക്കെ ഈ കഥ ഒരുപക്ഷേ, വായനക്കാർക്കു സമ്മാനിച്ചേക്കാം.

ത്യാഗാർച്ചന

ത്യാഗാർച്ചന

ആചാര്യശ്രീ പേജ്: 80 വില: ₹ 50 ധർമരാജ്യവേദി, ആലപ്പുഴ ഫോൺ: 8281874941 ഭാരതത്തിന്‍റെ സമഗ്രനവോത്ഥാനത്തിന് സ്ഥാപിക്കപ്പെട്ടിരിക്കുന്ന ധർമരാജ്യവേദിയുടെ ത്യാഗാർച്ചന എന്ന കർമപദ്ധതിയെക്കുറിച്ചുള്ള ഗ്രന്ഥം. ക്രിസ്തുവിനെ ഗുരുവായി കണ്ട് വിശ്വമതങ്ങളുടെ ദൈവസങ്കല്പങ്ങളുടെ സമന്വയമാണ് ധർമരാജ്യവേദിയെന്നു ഗ്രന്ഥം പറയുന്നു. പഠനം, സംവാദം, പ്രബോധനം, പ്രോത്സാഹനം, പ്രാർഥന എന്നീ ക്രിസ്തുമാർഗങ്ങളിലൂടെ രൂപപ്പെടുത്തിയിരിക്കുന്ന പ്രത്യേക ജീവിതശൈലി പിന്തുടരാൻ ആഗ്രഹിക്കുന്നവർക്കുള്ള ദർശനഗ്രന്ഥം.

ഗതകാല സ്മരണകൾ

ഗതകാല സ്മരണകൾ

അഡ്വ. ഫിലിപ്പ് പഴേന്പള്ളി പേജ്: 280 വില: ₹ 500 എസ്എം ബുക്സ് ആൻഡ് പബ്ലിക്കേഷൻ, കോട്ടയം ഫോൺ: 8281458637 ആത്മകഥയെന്നു വിളിക്കാനാവില്ല എന്നാൽ, ഓർമക്കുറിപ്പുകൾ ആണു താനും. കണ്ടതും കേട്ടതും പരിചയിച്ചതുമൊക്കെ ഗ്രന്ഥകാരൻ എഴുതുന്പോൾ അതു പുതുതലമുറയ്ക്കു വിസ്മയകരമായ ഒരു അറിവനുഭവം കൂടിയാണ്. അതോടൊപ്പം സമൂഹത്തിലെ വിവിധ വിഷയങ്ങളെക്കുറിച്ചുള്ള പ്രതികരണങ്ങളും വീക്ഷണങ്ങളും വായിക്കാം.

വണക്കമാസം

വണക്കമാസം

റവ.ഡോ. ജോർജ് നേരേപറന്പിൽ സിഎംഐ പേജ്: 142 വില: ₹ 100 സോഫിയ ബുക്സ്, കോഴിക്കോട് ഫോൺ: 9605770005 പരിശുദ്ധ കന്യകാമറിയത്തോടുള്ള ഭക്തി പ്രകടിപ്പിക്കുന്ന മേയ് വണക്കമാസ പ്രാർഥനകളാണ് ഈ ഗ്രന്ഥത്തിൽ ഉൾപ്പെടുത്തിയിരിക്കുന്നത്. 31 ദിവസത്തെ ജപങ്ങളും മറ്റു പ്രാർഥനകളും കൂടാതെ മാതാവിന്‍റെ സ്തുതി ഗീതങ്ങളും ഈ ഗ്രന്ഥത്തിന്‍റെ പ്രത്യേകതയാണ്. കേരളത്തിൽ വിശുദ്ധ ചാവറയച്ചൻ തുടങ്ങിവച്ചതാണ് വണക്കമാസ ഭക്തിയെന്നു ഗ്രന്ഥം ചൂണ്ടിക്കാട്ടുന്നു.

പൊതുജനം ഇറച്ചിക്കോഴികളോ?

പൊതുജനം ഇറച്ചിക്കോഴികളോ?

പ്രശസ്ത സാഹിത്യകാരൻ കാരൂർ സോമൻ രചിച്ച "കോഴി' എന്ന കഥയിലെ നായകനായ നാണപ്പൻ വലിയൊരു സാമൂഹ്യ വിമർശകൻ തന്നെയാണ്. ഒരു ഇറച്ചിക്കോഴിയുടെ നിസഹായവസ്ഥയെ സമകാലിക രാഷ്ട്രീയവുമായി ചേർത്ത് ശക്തമായ സാമൂഹ്യ വിമർശനമാണ് കഥാകാരൻ നടത്തുന്നത്. സമാനമായ കഥകൾ വി. കെ. എൻ എഴുതിയിട്ടുണ്ട്. നാടൻകോഴിയോട് പഥ്യമുള്ള അമേരിക്കക്കാരനോട് കോഴിപിടുത്തത്തിന്‍റെ ടെക്‌നിക്ക് പറഞ്ഞു കൊടുക്കുന്ന ഡ്രൈവർ നാണപ്പൻ കോഴിപിടുത്തം പാർട്ടിസഖാക്കന്മാരുടെ അടവുകൾ പോലെയാണെന്ന് നർമത്തിലൂടെ പ്രതിപാദിക്കുന്നു. പയ്യെ വലമുറുക്കണം, പിന്നെ വാൾ, പിന്നെ കൊല്ലലും തടുക്കലും അങ്ങനെ രാഷ്ട്രീയ കുതന്ത്രങ്ങൾ കുരുക്കഴിയുന്ന നാണപ്പന്‍റെ വിമർശനങ്ങൾ തികച്ചും കാലികമായ പ്രസ്താവനകൾ. വിവരമില്ലെങ്കിലും കൂവാൻ ഇവറ്റകൾ മതിയെന്ന് കഥാകാരൻ വെളിപ്പെടുത്തുകയാണ് നാണപ്പനിലൂടെ. കാൽചുവട്ടിൽ കിടന്നു ഗർജ്ജിച്ചോളും പാവംകോഴികൾ കത്തി കയറുന്നതറിയാതെ. നിലാവുപൊഴിയുംപോലെ ഒരു കോഴിയുടെ തൊലിയുരിയുന്നത് മനുഷ്യരുടെ നിസ്സഹാ യവസ്ഥ വെളിപ്പെടുത്തുന്നു. കോഴിയുടെ പരിഭ്രമം സ്വരക്ഷയാണ്. ആ രക്ഷ ലഭിക്കാതെ ഒരു കോഴി പ്രാണരക്ഷാർത്ഥം ഓടിമറയുന്നതും വീണ്ടും വേട്ടക്കാരന്‍റെ കയ്യിൽപ്പെടുന്നതും ഉടഞ്ഞു വീഴുന്ന ജീവിതത്തിലേക്കുള്ള സൂചനയാണ്. കോഴിയെ ജീവിതത്തിലെ ഒരു അധ:സ്ഥിതവർ ഗ്ഗമായിട്ടാണ് അനാവരണം ചെയ്യുന്നത്. കാരൂരിനെ വേറിട്ടുവായിക്കാൻ ഈ കഥതന്നെ ധാരാളം. രാജാവ് നഗ്‌നനാണെന്നു അല റിപ്പറഞ്ഞവന്‍റെ നാവ് അറുത്തുമാറ്റപ്പെട്ടപ്പോൾ രാജാവ് മൗനത്തിന്‍റെ അറയിലായിരുന്നു. കണ്ണും ചെവിയും നാവും ഉള്ളവരെ ഇരുട്ടറകളിൽ തള്ളുന്ന രാജവിദ്യ ഇന്നും തുടരുന്നു. വിങ്ങി പ്പൊട്ടിനിൽക്കുന്ന മനുഷ്യഹൃദയങ്ങൾ അഗ്‌നിയാവാൻ അധികസമയം വേണ്ട എന്ന് കഥാകാരൻ പറയാതെ പറയുന്നു. നമ്മുടെ സമകാലിക രാഷ്ട്രീയത്തെ തൊലി പൊളിച്ചു കാട്ടുകയാണ് പ്രഭാത് ബുക്‌സ് പ്രസിദ്ധീകരിച്ച "കാട്ടുകോഴികൾ' എന്ന കഥാസമാഹാരത്തിലെ കോഴി എന്ന കാരൂർ കഥ. മിഥില

അട്ടമൂതി കുലം

അട്ടമൂതി കുലം

തോന്നയ്ക്കൽ അയ്യപ്പൻ പേജ്: 226 വില: ₹360 പ്രഭാത് ബുക്ക് ഹൗസ്, തിരുവനന്തപുരം ഫോൺ: 0471-2471533 മണ്ണിന്‍റെ മണമുള്ള നോവൽ. മണ്ണിൽ പണിയെടുക്കുകയല്ല, പടവെട്ടുകയാണ് അട്ടമൂതി എന്ന കഥാപാത്രമെന്നു നോവലിസ്റ്റ് പറയുന്നു. അട്ടമൂതിയുടെയും കൂട്ടരുടെയും തീക്ഷ്ണജീവിതത്തിലേക്കുള്ള സാഹസിക യാത്ര.

ഇതെന്‍റെ ഓർമയ്ക്കായി ചെയ്യുവിൻ

ഇതെന്‍റെ ഓർമയ്ക്കായി ചെയ്യുവിൻ

തങ്കച്ചൻ തുണ്ടിയിൽ പേജ്: 166 വില: ₹180 സെന്‍റ് പോൾസ്, എറണാകുളം ഫോൺ: 9961051381 സുവിശേഷ പ്രവർത്തനങ്ങളിൽ സജീവമായ തങ്കച്ചൻ തുണ്ടിയിൽ എഴുതി ഏറെ പ്രചാരം നേടിയ "ഇതെന്‍റെ ഓർമയ്ക്കായി ചെയ്യുവിൻ' എന്ന ഗ്രന്ഥത്തിന്‍റെ പരിഷ്കരിച്ച നൂറാം പതിപ്പ്. വിശുദ്ധ കുർബാനയുമായി ബന്ധപ്പെട്ട സ്വന്തം അനുഭവങ്ങളാണ് ഗ്രന്ഥകാരൻ വിവരിക്കുന്നത്. വായനക്കാരെ വല്ലാതെ സ്പർശിക്കാൻ മാത്രം ആഴവും തീക്ഷ്ണതയും സത്യസന്ധതയും ആ അനുഭവങ്ങൾക്കുണ്ട്. അതാണ് ചിലപ്പോൾ വായനക്കാരുടെയും കണ്ണുനനയ്ക്കുന്നത്.

ബൈബിൾ ചോദ്യരത്നാവലി

ബൈബിൾ ചോദ്യരത്നാവലി

ഫാ. ജോസ് നടുവിലേക്കുറ്റ് പേജ്: 752 വില: ₹900 ബുക്ക് മീഡിയ, കോട്ടയം ഫോൺ: 9447536240 ബൈബിൾ പഠിക്കാനും മനസിലാക്കാനും ആഗ്രഹിക്കുന്നവർക്ക് ഏറെ പ്രയോജനകരമാണ് ബൈബിൾ ചോദ്യരത്നാവലി എന്ന ഗ്രന്ഥം. വളരെ ലളിതമായി ബൈബിൾ സംഭവങ്ങൾ ചോദ്യോത്തരങ്ങളിലൂടെ മനസിലാക്കാം. ബൈബിളിലെ എല്ലാ ഗ്രന്ഥങ്ങളുടെയും അധ്യായം തിരിച്ചുള്ള ചോദ്യാവലി ഇതിൽ ഉൾപ്പെടുത്തിയിട്ടുണ്ട്. ക്വിസ് മത്സരങ്ങൾക്കും പ്രയോജനപ്പെടും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

Useful Links

ADVERTISEMENT

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]