ലോക്സ​ഭ​യ്ക്കു പി​ന്നാ​ലെ ബ​ഹ​ള​ത്തി​നി​ട​യി​ൽ രാ​ജ്യ​സ​ഭ​യും തി​ര​ക്കി​ട്ടു പാ​സാ​ക്കി​യ വി​വാ​ദ ക​ർ​ഷ​ക ബി​ല്ലു​ക​ൾ രാ​ഷ്‌​ട്ര​പ​തി ഒ​പ്പു​വ​യ്ക്കു​ന്ന​തോ​ടെ നി​യ​മ​മാ​കും. കേ​ന്ദ്ര​സ​ർ​ക്കാ​രി​ന്‍റെ സ​ഖ്യ​ക​ക്ഷി​ക​ളാ​യ അ​കാ​ലി​ദ​ളി​ന്‍റെ പ്ര​ബ​ല​യാ​യ ഏ​ക​മ​ന്ത്രി രാ​ജി​വ​ച്ചി​ട്ടും ഹ​രി​യാ​ന​യി​ലെ ബി​ജെ​പി​യു​ടെ മ​റ്റൊ​രു സ​ഖ്യ​ക​ക്ഷി​യാ​യ ജ​ന​നാ​യ​ക് ജ​ന​താ പാ​ർ​ട്ടി (ജെ​ജെ​പി)​യും ഏ​റ്റ​വു​മൊ​ടു​വി​ൽ ഒ​ഡീ​ഷ​യി​ലെ ബി​ജു ജ​ന​താ​ദ​ളും അ​ട​ക്ക​മു​ള്ള​വ​ർ എ​തി​ർ​ത്തി​ട്ടും എ​ങ്ങ​നെ​യും ബി​ല്ലു​ക​ൾ പാ​സാ​ക്കാ​ൻ മോ​ദി സ​ർ​ക്കാ​ർ എ​ന്തി​നാ​ണ് അ​മി​ത താ​ത്പ​ര്യം കാ​ട്ടി​യ​ത്? അ​ണ്ണാ ഡി​എം​കെ, വൈ​എ​സ്ആ​ർ കോ​ണ്‍ഗ്ര​സ്, ടി​ആ​ർ​എ​സ് അ​ട​ക്കം സ​ർ​ക്കാ​രി​നെ അ​നു​കൂ​ലി​ക്കാ​റു​ള്ള മ​റ്റു ചി​ല പാ​ർ​ട്ടി​ക​ളും ബി​ല്ലി​ൽ ആ​ശ​ങ്ക​യും എ​തി​ർ​പ്പും പ്ര​ക​ടിപ്പിക്കു​ന്നു.

പൗ​ര​ത്വ ഭേ​ദ​ഗ​തി ബി​ൽ മു​ത​ൽ ജ​മ്മു കാ​ഷ്മീ​രി​നു പ്ര​ത്യേ​ക പ​ദ​വി ന​ൽ​കി​യി​രു​ന്ന ഭ​ര​ണ​ഘ​ട​ന​യു​ടെ അ​നു​ച്ഛേ​ദം 370 റ​ദ്ദാ​ക്ക​ൽ വ​രെ​യു​ള്ള എ​ൻ​ഡി​എ സ​ർ​ക്കാ​രി​ന്‍റെ എ​ല്ലാ ബി​ല്ലു​ക​ളെ​യും അ​നു​കൂ​ലി​ക്കു​ക​യും ഇ​തേ ക​ർ​ഷ​ക ബി​ല്ലു​ക​ളെ ലോ​ക്സ​ഭ​യി​ൽ പി​ന്തു​ണ​യ്ക്കു​ക​യും ചെ​യ്ത ശേ​ഷ​മാ​ണ് ബി​ജെ​ഡി നി​ല​പാ​ട് മാ​റ്റി​യ​ത്. കോ​ണ്‍ഗ്ര​സ് നേ​തൃ​ത്വ​ത്തി​ലു​ള്ള വി​ശാ​ല പ്ര​തി​പ​ക്ഷ​വും തൃ​ണ​മൂ​ൽ കോ​ണ്‍ഗ്ര​സും ഇ​ട​തു​ക​ക്ഷി​ക​ളും അ​ട​ക്ക​മു​ള്ള​വ​രെ​ല്ലാം ബി​ല്ലു​ക​ളെ എ​തി​ർ​ക്കു​ക​യും ന​ടു​ത്ത​ള​ത്തി​ലി​റ​ങ്ങി ബ​ഹ​ളമു​ണ്ടാക്കു​ക​യും ചെ​യ്തി​ട്ടും ബി​ല്ലു​ക​ൾ പാ​ർ​ല​മെ​ന്‍റ് സെ​ല​ക്ട് ക​മ്മി​റ്റി​ക്ക് അ​യ​യ്ക്കു​ക​യെ​ന്ന കീ​ഴ്‌വ​ഴ​ക്കം പോ​ലും പാ​ലി​ച്ചി​ല്ല.

2003ൽ ​മാ​തൃ​കാ നി​യ​മം

സാ​ന്പ​ത്തി​കം, കൃ​ഷി, ക​യ​റ്റി​റ​ക്കു​മ​തി, വി​ദേ​ശ​വ്യാ​പാ​ര ക​രാ​റു​ക​ൾ അ​ട​ക്ക​മു​ള്ള​വ​യി​ലെ ന​യ​ങ്ങ​ളി​ലും സ​മീ​പ​ന​ങ്ങ​ളി​ലും യു​പി​എ, എ​ൻ​ഡി​എ സ​ർ​ക്കാ​രു​ക​ൾ ത​മ്മി​ൽ ഫ​ല​ത്തി​ൽ വ​ലി​യ വ്യ​ത്യാ​സ​ങ്ങ​ളി​ല്ല. കേ​ര​ള​ത്തി​ൽ പ്ര​സ​ക്ത​മ​ല്ലെ​ങ്കി​ലും ഉ​ത്തേ​ന്ത്യ​ൻ സം​സ്ഥാ​ന​ങ്ങ​ളി​ൽ ശ​ക്ത​മാ​യ കാ​ർ​ഷി​കോ​ത്പ​ന്ന വി​പ​ണ​ന സ​മി​തി​ക​ൾ (അ​ഗ്രി​ക​ൾ​ച്ച​റ​ൽ പ്രൊ​ഡ്യൂ​സ് മാ​ർ​ക്ക​റ്റ് ക​മ്മി​റ്റി (എ​പി​എം​സി) രൂ​പീ​ക​രി​ക്കാ​നു​ള്ള 2003-ലെ ​മാ​തൃ​കാ നി​യ​മം അം​ഗീ​ക​രി​ക്കാ​ൻ 2004ൽ ​അ​ധി​കാ​ര​ത്തി​ലെ​ത്തി​യ മ​ൻ​മോ​ഹ​ൻ സിം​ഗ് സ​ർ​ക്കാ​ർ സം​സ്ഥാ​ന​ങ്ങ​ളെ ഉ​പ​ദേ​ശി​ച്ചി​രു​ന്നു. 2007ൽ ​ഇ​തി​നാ​യി ച​ട്ട​ങ്ങ​ളും രൂ​പീ​ക​രി​ച്ചു. അ​ന്ത​ർസം​സ്ഥാ​ന വ്യാ​പാ​രം സു​ഗ​മ​മാ​ക്കു​ന്ന​തി​നാ​യി 2013ൽ ​ക​ര​ടു നി​യ​മം ത​യാ​റാ​ക്കി​യെ​ങ്കി​ലും എ​തി​ർ​പ്പു​ക​ളെത്തു​ട​ർ​ന്ന് ഉ​പേ​ക്ഷി​ച്ചു. എ​പി​എം​സി നി​യ​മം റ​ദ്ദാ​ക്കു​മെ​ന്ന് 2019ലെ ​കോ​ണ്‍ഗ്ര​സ് പ്ര​ക​ട​ന​പ​ത്രി​ക​യി​ൽ വാ​ഗ്ദാ​നം ചെ​യ്ത​തും കാ​ണാ​തെ​പോ​ക​രു​ത്.

എ​ന്നാ​ൽ, 2014ൽ ​അ​ധി​കാ​ര​ത്തി​ലെ​ത്തി​യ ഉ​ട​ൻ മോ​ദി സ​ർ​ക്കാ​ർ തി​ടു​ക്ക​ത്തി​ൽ ചി​ല വ്യ​തി​യാ​ന​ങ്ങ​ൾ​ക്കും വ​ലി​യ മാ​റ്റ​ങ്ങ​ൾ​ക്കും തു​ട​ക്കം കു​റി​ച്ചു. കൃ​ത്യ​മാ​യ പ​ദ്ധ​തി​യോ​ടെ കേ​ന്ദ്ര​സ​ർ​ക്കാ​ർ ന​ട​പ്പാ​ക്കു​ന്ന പ​ദ്ധ​തി​ക​ളു​ടെ തു​ട​ർ​ച്ച​യാ​ണ് ഇ​പ്പോ​ഴ​ത്തെ ര​ണ്ടു ക​ർ​ഷ​ക ബി​ല്ലു​ക​ളും അ​വ​ശ്യ​സാ​ധ​ന നി​യ​മ ഭേ​ദ​ഗ​തി​യും. ക​ർ​ഷ​ക​ർ​ക്ക് ഇ​ര​ട്ടി വ​രു​മാ​നം ഉ​റ​പ്പാ​ക്കു​മെ​ന്ന വാ​ഗ്ദാ​നം മാ​ത്രം പാ​ലി​ച്ച​തു​മി​ല്ല. രാ​ജ്യ​ത്താ​കെ ക​ർ​ഷ​ക ആ​ത്മ​ഹ​ത്യ​ക​ൾ​ക്കും ക​ർ​ഷ​ക​രു​ടെ ദു​രി​ത​ങ്ങ​ൾ​ക്കും കു​റ​വി​ല്ല.

വി​വാ​ദ ബി​ല്ലു​ക​ൾ വ​ന്ന വ​ഴി

ക​ർ​ഷ​ക​രെ ബാ​ധി​ക്കു​ന്ന ര​ണ്ടു പു​തി​യ നി​യ​മ​നി​ർ​മാ​ണ​ങ്ങ​ളും അ​തോ​ട​നു​ബ​ന്ധി​ച്ചു​ള്ള അ​വ​ശ്യ​സാ​ധ​ന നി​യ​മ ഭേ​ദ​ഗ​തി​യും വ​സ്തു​നി​ഷ്ഠ​മാ​യി പ​രി​ശോ​ധി​ക്കാം. പാ​ർ​ല​മെ​ന്‍റ് പാ​സാ​ക്കി​യ വി​വാ​ദ ക​ർ​ഷ​കബി​ല്ലു​ക​ൾ എ​ന്താ​ണ്? പ​ശ്ചാ​ത്ത​ലം എ​ന്താ​ണ്?

കോ​വി​ഡ് മ​ഹാ​മാ​രി​യു​ടെ കാ​ല​ത്ത് മോ​ദി സ​ർ​ക്കാ​ർ കൊ​ണ്ടു​വ​ന്ന ഓ​ർ​ഡി​ന​ൻ​സു​ക​ൾ​ക്കു പ​ക​ര​മു​ള്ള ബി​ല്ലു​ക​ളാ​ണു ലോ​ക്സ​ഭ​യി​ലും രാ​ജ്യ​സ​ഭ​യി​ലും തെ​ര​ക്കി​ട്ടു പാ​സാ​ക്കി​യ​ത്. കാ​ർ​ഷി​ക മേ​ഖ​ല​യി​ലെ സ​മ​ഗ്ര പ​രി​ഷ്കാ​ര​ങ്ങ​ളേ​ക്കാ​ളും ക​ർ​ഷ​ക​രോ​ടു​ള്ള സ്നേ​ഹ​ത്തേ​ക്കാ​ളു​മേ​റെ കോ​ർ​പ​റേ​റ്റ് മു​ത​ലാ​ളി​മാ​രു​ടെ താ​ത്പ​ര്യം ഇ​തി​നു പി​ന്നി​ലു​ണ്ട്. നി​ര​വ​ധി വ​ർ​ഷ​ങ്ങ​ളു​ടെ ആ​ലോ​ച​ന​ക​ളും പ​ദ്ധ​തി​ക​ളും ഇ​തി​നു പി​ന്നി​ലു​ണ്ട്.

ഫു​ഡ് കോ​ർ​പ​റേ​ഷ​ൻ ഓ​ഫ് ഇ​ന്ത്യ (എ​ഫ്സി​ഐ) പു​നഃ​സം​ഘ​ടി​പ്പി​ക്കാ​നും ഒ​രു പ​രി​ധിവ​രെ ഇ​ല്ലാ​താ​ക്കാ​നും ല​ക്ഷ്യ​മി​ട്ട് 2004 ഓ​ഗ​സ്റ്റി​ൽ മോ​ദി സ​ർ​ക്കാ​ർ നി​യ​മി​ച്ച ശാ​ന്ത​കു​മാ​ർ ക​മ്മി​റ്റി​യു​ടെ ശി​പാ​ർ​ശ​യു​ടെ തു​ട​ർ​ച്ച കൂ​ടി​യാ​ണു പു​തി​യ നി​യ​മ​ങ്ങ​ളും നി​യ​മ​ഭേ​ദ​ഗ​തി​യും. ഹി​മാ​ച​ൽ പ്ര​ദേ​ശ് മു​ൻ മു​ഖ്യ​മ​ന്ത്രി​യും ബി​ജെ​പി നേ​താ​വു​മാ​യ ശാ​ന്ത​കു​മാ​ർ അ​ധ്യ​ക്ഷ​നാ​യ ഉ​ന്ന​ത​ത​ല സ​മി​തി​യെ 2014 ഓ​ഗ​സ്റ്റി​ലാ​ണ് നി​യ​മി​ച്ച​ത്. ശാ​ന്ത​കു​മാ​റി​നു പു​റ​മെ ആ​റ് അം​ഗ​ങ്ങ​ളെ​യും സ​മി​തി​യി​ൽ നി​യ​മി​ച്ചി​രു​ന്നു. ഇ​തു കൂ​ടാ​തെ ഒ​രു പ്ര​ത്യേ​ക ക്ഷ​ണി​താ​വും സ​മി​തി​യി​ലു​ണ്ടാ​യി​രു​ന്നു. അ​ന്ന​ത്തെ എ​ഫ്സി​ഐ ചെ​യ​ർ​മാ​ൻ സി. ​വി​ശ്വ​നാ​ഥ്, ഐ​ടി സെ​ക്ര​ട്ട​റി രാം ​സേ​വ​ക് ശ​ർ​മ, അ​ഗ്രി​ക​ൾ​ച്ച​റ​ൽ കോ​സ്റ്റ്സ് ആ​ൻ​ഡ് പ്രൈ​സ​സ് ക​മ്മീ​ഷ​ൻ ചെ​യ​ർ​മാ​ൻ അ​ശോ​ക് ഗു​ലാ​ത്തി, പ​ഞ്ചാ​ബ്, ഛത്തീ​സ്ഗ​ഡ് ചീ​ഫ് സെ​ക്ര​ട്ട​റി​മാ​ർ, ഐ​ഐ​എം ഹൈ​ദ​രാ​ബാ​ദി​ലെ ജി. ​ര​ഘു​റാം, ഹൈ​ദ​രാ​ബാ​ദ് യൂ​ണി​വേ​ഴ്സി​റ്റി​യി​ലെ ജി. ​ന​ൻ​ച​ര​യ്യ എ​ന്നി​വ​രു​ടെ ഈ ​സ​മി​തി 2015 ജ​നു​വ​രി 21-ന് ​പ്ര​ധാ​ന​മ​ന്ത്രി​ക്കു റി​പ്പോ​ർ​ട്ട് ന​ൽ​കു​ക​യും ചെ​യ്തു.

യു​പി​എ സ​ർ​ക്കാ​രി​ന്‍റെ ദേ​ശീ​യ ഭ​ക്ഷ്യ​സു​ര​ക്ഷാ നി​യ​മ​ത്തി​ന്‍റെ​യും കേ​ര​ള​ത്തി​ലെ ശ​ക്ത​മാ​യ റേ​ഷ​ൻ സം​വി​ധാ​ന​ത്തി​ന്‍റെ​യും അ​ടി​ത്ത​റ​യി​ള​ക്കു​ന്ന​ വിധത്തിൽ റേ​ഷ​ൻ കൂ​ടു​ത​ൽ പ​രി​മി​ത​പ്പെ​ടു​ത്താൻ ശാ​ന്ത​കു​മാ​ർ സ​മി​തി ശി​പാ​ർ​ശ ചെ​യ്തു. രാ​ജ്യ​ത്ത് 67 ശ​ത​മാ​നം പേ​ർ​ക്കു ന​ൽ​കി​വ​രു​ന്ന റേ​ഷ​ൻ (അ​ഞ്ചു കി​ലോ​ഗ്രാം അ​രി വീ​തം) 40 ശ​ത​മാ​ന​ത്തി​നാ​യി ചു​രു​ക്ക​ണം. സ​ന്പ​ന്ന​രെ ഒ​ഴി​വാ​ക്കി​യി​ട്ടു​ള്ള നി​ല​വി​ലെ റേ​ഷ​ൻ സം​വി​ധാ​ന​ത്തി​ൽ നി​ന്നു വീ​ണ്ടും 27 ശ​ത​മാ​നം പേ​രെ കൂ​ടി ഒ​ഴി​വാ​ക്കു​ക. ഫ​ല​ത്തി​ൽ 30 കോ​ടി​യോ​ളം പേ​രു​ടെ റേ​ഷ​ൻ ഇ​ല്ലാ​താ​ക്കു​ക​യെ​ന്ന ല​ക്ഷ്യ​ത്തി​ലേ​ക്കു സാ​വ​ധാ​ന​മെ​ങ്കി​ലും സ​ർ​ക്കാ​ർ നീ​ങ്ങു​ക​യാ​ണ്. ആ​ധാ​റും ഡ​യ​റ​ക്ട് കാ​ഷ് ട്രാ​ൻ​സ്ഫ​റു​മെ​ല്ലാം ഇ​തി​ലേ​ക്കു വ​ഴി​തെ​ളി​ക്കു​ന്നു​മു​ണ്ട്.


വ്യാപാര, ശക്തീകരണ, അവശ്യസാധന ബില്ലുകൾ

1. കാ​ർ​ഷി​കോ​ത്പ​ന്ന വ്യാ​പാ​ര വാ​ണി​ജ്യ ബി​ൽ -ഫാ​ർ​മേ​ഴ്സ് പ്രൊ​ഡ്യൂ​സ് ട്രേ​ഡ് ആ​ൻ​ഡ് കൊ​മേ​ഴ്സ് (പ്രൊ​മോ​ഷ​ൻ ആ​ൻ​ഡ് ഫ​സി​ലി​റ്റേ​ഷ​ൻ) ബി​ൽ 2020.

2. ക​ർ​ഷ​ക (ശാ​ക്തീ​ക​ര​ണ, സം​ര​ക്ഷ​ണ) ബി​ൽ -ദി ​ഫാ​ർ​മേ​ഴ്സ് (എ​ൻ​പ​വ​ർ​മെ​ന്‍റ് ആ​ൻ​ഡ് പ്രൊ​ട്ട​ക‌്ഷ​ൻ) എ​ഗ്രി​മെ​ന്‍റ് ഓ​ണ്‍ പ്രൈ​സ് അ​ഷു​റ​ൻ​സ് ആ​ൻ​ഡ് ഫാം ​സ​ർ​വീ​സ​സ് ബി​ൽ 2020.
3. അ​വ​ശ്യ സാ​ധ​ന നി​യ​മ ഭേ​ദ​ഗ​തി- ദി ​എ​സെ​ൻ​ഷ്യ​ൽ ക​മ്മോ​ഡി​റ്റീ​സ് (അ​മെ​ൻ​ഡ്മെ​ന്‍റ്) ബി​ൽ 2020.

കാ​ർ​ഷി​കോ​ത്പ​ന്ന വ്യാ​പാ​ര വാ​ണി​ജ്യ ബി​ൽ

കാ​ർ​ഷി​കോ​ത്പ​ന്ന വി​പ​ണ​ന സ​മി​തി​ക​ളു​ടെ (എ​പി​എം​സി) കു​ത്ത​ക ഇ​ല്ലാ​താ​ക്കു​ക​യാ​ണു കാ​ർ​ഷി​കോ​ത്പ​ന്ന വ്യാ​പാ​ര വാ​ണി​ജ്യ ബി​ല്ലി​ന്‍റെ പ്ര​ധാ​ന ല​ക്ഷ്യം. ഉ​ത്ത​രേ​ന്ത്യ​യി​ലെ വ​ൻ​കി​ട​ക്കാ​രും ഭൂ​പ്ര​ഭു​ക്ക​ളു​മ​ട​ക്ക​മു​ള്ള​വ​രു​ടെ നി​യ​ന്ത്ര​ണ​ത്തി​ലാ​ണ് മി​ക്ക എം​പി​എം​സി​ക​ളും. സ​ർ​ക്കാ​ർ നി​യ​ന്ത്രി​ത ച​ന്ത​ക​ൾ​ക്ക് (ഹി​ന്ദി​യി​ൽ മ​ണ്ഡി​ക​ൾ) പു​റ​ത്ത് ഉ​ത്പ​ന്നം വി​ൽ​ക്കാ​ൻ ഈ ​നി​യ​മം അ​നു​സ​രി​ച്ചു ക​ർ​ഷ​ക​ർ​ക്കു സ്വാ​ത​ന്ത്ര്യം കി​ട്ടും.


സം​സ്ഥാ​ന​ത്തി​ന​ക​ത്തും അ​ന്ത​ർ സം​സ്ഥാ​ന വ്യാ​പാ​ര​ത്തി​നും നി​യ​മം പ്രോ​ത്സാ​ഹ​നം ന​ൽ​കു​ന്നു. ഇ​ല​ക്‌​ട്രോ​ണി​ക് പ്ലാ​റ്റ്ഫോ​മി​ൽ വ്യാ​പാ​രം സു​ഗ​മ​മാ​ക്കാ​നും ബി​ല്ലി​ൽ വ്യ​വ​സ്ഥ​യു​ണ്ട്. ക​ന്പ​നി​ക​ൾ, പാ​ർ​ട്ണ​ർ​ഷി​പ്പ് ഫേ​മു​ക​ൾ, ര​ജി​സ്റ്റ​ർ ചെ​യ്ത സൊ​സൈ​റ്റി​ക​ൾ, കാ​ർ​ഷി​ക സ​ഹ​ക​ര​ണ സം​ഘ​ങ്ങ​ൾ, ക​ർ​ഷ​ക ഉ​ത്പാ​ദ​ന സം​ഘ​ട​ന​ക​ൾ തു​ട​ങ്ങി​യ​വ​ർ​ക്കെ​ല്ലാം ഇ- ​വ്യാ​പാ​ര​ത്തി​ന് അ​നു​മ​തി​യു​ണ്ട്.

കാ​ർ​ഷി​ക വ്യാ​പാ​ര​ങ്ങ​ൾ​ക്കു മേ​ൽ സം​സ്ഥാ​ന സ​ർ​ക്കാ​രു​ക​ൾ നി​കു​തി​യോ, ഫീ​സോ ചു​മ​ത്തു​ന്ന​തി​നു നി​രോ​ധ​ന​മു​ണ്ടാ​കും. മാ​ർ​ക്ക​റ്റ് ഫീ, ​സെ​സ്, ക​ർ​ഷ​ക​രു​ടെ​യോ വ്യാ​പാ​രി​ക​ളു​ടെ​യോ ഇ-​വ്യാ​പാ​ര പ്ലാ​റ്റ്ഫോ​മു​ക​ളു​ടെ​യോ മേ​ലു​ള്ള ലെ​വി, വ്യാ​പാ​ര മേ​ഖ​ല​യ്ക്കു പു​റ​ത്തു​ള്ള ക​ർ​ഷ​ക​രു​ടെ വ്യാ​പാ​രം തു​ട​ങ്ങി​യ​വ​യു​ടെ മേ​ൽ സം​സ്ഥാ​ന​ങ്ങ​ൾ തു​ക ഈ​ടാ​ക്കു​ന്ന​തു ബി​ല്ലി​ൽ നി​രോ​ധി​ച്ചു.

പ​തി​വു ച​ന്ത​ക​ൾ​ക്കും എ​പി​എം​സി​ക​ൾ​ക്കും പു​റ​മേ കൃ​ഷി​ഭൂ​മി​യു​ടെ പ​രി​സ​രം (ഫാം ​ഗേ​റ്റ്സ്), ഫാ​ക്ട​റി പ​രി​സ​ര​ങ്ങ​ൾ, വെ​യ​ർ​ഹൗ​സു​ക​ൾ, സൈ​ലോ​ക​ൾ പോ​ലു​ള്ള മ​റ്റു സം​ഭ​ര​ണ കേ​ന്ദ്ര​ങ്ങ​ൾ, ചെ​റു​തും വ​ലു​തു​മാ​യ കോ​ൾ​ഡ് സ്റ്റോ​റേ​ജു​ക​ൾ എ​ന്നി​വി​ട​ങ്ങ​ളി​ൽ നി​ന്നെ​ല്ലാം ക​ർ​ഷ​ക​ർ​ക്ക് ഉ​ത്പ​ന്നം വി​ൽ​ക്കാ​നും ഇ​ട​പാ​ടു​ക​ൾ ന​ട​ത്താ​നും നി​യ​മ പ​രി​ര​ക്ഷ​യു​ണ്ടാ​കും.

ക​ർ​ഷ​ക ശ​ക്തീ​ക​ര​ണ, സം​ര​ക്ഷ​ണ ബി​ൽ

ക​രാ​ർ കൃ​ഷി​ക്കു നി​യ​മ​പ്രാ​ബ​ല്യം ന​ൽ​കു​ന്ന​താ​ണു ക​ർ​ഷ​ക ശ​ക്തീ​ക​ര​ണ, സം​ര​ക്ഷ​ണ ബി​ൽ എ​ന്ന കേ​ട്ടാ​ൽ സു​ഖ​മു​ള്ള പേ​രു ന​ൽ​കി​യ ര​ണ്ടാ​മ​ത്തെ നി​യ​മം. ക​ർ​ഷ​ക​നും ഉ​ത്പാ​ദി​പ്പി​ക്കു​ന്ന വി​ള​ക​ൾ വാ​ങ്ങു​ന്ന​വ​നും (കു​ത്ത​ക ക​ന്പ​നി​ക​ൾ അ​ട​ക്കം) ത​മ്മി​ൽ കൃ​ഷി​ക്കു മു​ന്പേ ക​രാ​റി​ലേ​ർ​പ്പെ​ടാ​നാ​കും. വ​ൻ​കി​ട​ക്കാ​ർ​ക്ക് ആ​വ​ശ്യ​മാ​യ കാ​ർ​ഷി​കോ​ത്പ​ന്നം അ​വ​ർ​ക്കു​വേ​ണ്ടി അ​വ​ർ പ​റ​യു​ന്ന രീ​തി​യി​ലും അ​ള​വി​ലും ക​ർ​ഷ​ക​ൻ ഉ​ത്പാ​ദി​പ്പി​ച്ചു ന​ൽ​കാ​മെ​ന്ന​താ​ണു ക​രാ​ർ.

ചു​രു​ങ്ങി​യ​ത് ഒ​രു കൃ​ഷിസീ​സ​ണി​ലേ​ക്കോ വ​ള​ർ​ത്തു​മൃ​ഗ​ങ്ങ​ളു​ടെ ഒ​രു ഉ​ത്പാ​ദ​ന കാ​ല​യ​ള​വി​ലേ​ക്കെ​ങ്കി​ലുമോ ക​ർ​ഷ​ക​ൻ ക​രാ​ർ ഒ​പ്പി​ട​ണം. അ​ഞ്ചു വ​ർ​ഷ​ത്തി​ലേ​റെ ഉ​ത്പാ​ദ​ന കാ​ല​യ​ള​വി​ല്ലാ​ത്ത​വ​യു​ടെ കാ​ര്യ​ത്തി​ൽ പ​രമാവ​ധി അ​ഞ്ചു വ​ർ​ഷ​ത്തേ​ക്കാ​കും ക​രാ​ർ ക​ാലവ​ധി​യെ​ന്നും വ്യ​വ​സ്ഥ ചെ​യ്തി​ട്ടു​ണ്ട്.

കാ​ർ​ഷി​കോ​ത്പ​ന്ന​ത്തി​ന്‍റെ വി​ല ക​രാ​റി​ൽ നി​ജ​പ്പെ​ടു​ത്ത​ണം. വി​ലവ്യ​തി​യാ​നം വ​രു​ന്ന​വ​യു​ടെ കാ​ര്യ​ത്തി​ൽ ചു​രു​ങ്ങി​യ വി​ല​യാ​കും രേ​ഖ​പ്പെ​ടു​ത്തു​ക. ഇ​ത്ത​രം കേ​സു​ക​ളി​ൽ ഉ​റ​പ്പു ന​ൽ​കി​യ വി​ല​യു​ടെ ഉ​പ​രി​യാ​യ തു​ക​യെ​ക്കു​റി​ച്ചും കൃ​ത്യ​മാ​യ റ​ഫ​റ​ൻ​സ് ഉ​ണ്ടാ​ക​ണം. വി​ല നി​ശ്ച​യി​ക്കു​ന്ന​തി​ന്‍റെ രീ​തി​യും പ്ര​കി​യ​യും ക​രാ​റി​ൽ രേ​ഖ​പ്പെ​ടു​ത്ത​ണം.

മൊ​ത്ത​ക്ക​ച്ച​വ​ട​ക്കാ​ർ, റി​ല​യ​ൻ​സ്- അ​ദാ​നി- ബി​ർ​ള പോ​ലെ രാ​ജ്യ​മാ​കെ ശൃം​ഖ​ല​ക​ളു​ള്ള വ​ൻ​കി​ട ചി​ല്ല​റ വി​ൽ​പ്പന​ക്കാ​ർ, ഫാ​ക്ട​റി​ക​ൾ അ​ട​ക്കം വ​ൻ സം​സ്ക​ര​ണ​ക്കാ​ർ, ക​യ​റ്റു​മ​തി​ക്കാ​ർ എ​ന്നി​വ​ർ​ക്കെ​ല്ലാം സാ​ധാ​ര​ണ ക​ർ​ഷ​ക​രു​മാ​യി ക​രാ​ർ കൃ​ഷി​യി​ൽ ഏ​ർ​പ്പെ​ടാ​ൻ നി​യ​മം സ​ഹാ​യി​ക്കും.

പ​രാ​തി​പ​രി​ഹാ​ര​ത്തി​നു ത്രി​ത​ല സം​വി​ധാ​ന​മാ​ണു നി​യ​മ​ത്തി​ൽ വ്യ​വ​സ്ഥ ചെ​യ്തി​ട്ടു​ള്ളത്. സ​മ​വാ​യ സ​മി​തി (ക​ണ്‍സി​ലി​യേ​ഷ​ൻ ബോ​ർ​ഡ്), സ​ബ് ഡി​വി​ഷ​ണ​ൽ മ​ജി​സ്ട്രേ​റ്റ്, അ​പ്പ​ലേ​റ്റ് അ​ഥോ​റി​റ്റി എ​ന്നി​വ. പ​രാ​തി പ​രി​ഹാ​ര​ത്തി​നു​ള്ള സ​മ​വാ​യ ബോ​ർ​ഡി​ൽ ന്യാ​യ​വും സ​ന്തു​ലി​ത​വു​മാ​യ പ്രാ​തി​നി​ധ്യം ഉ​ണ്ടാ​ക​ണ​മെ​ന്നു പ​റ​യു​ന്നു​ണ്ടെങ്കി​ലും ചി​ല അ​വ്യ​ക്ത​ത​ക​ളു​ണ്ട്. 30 ദി​വ​സ​ത്തി​ന​കം പ​രി​ഹാ​രം ഉ​ണ്ടാ​യി​ല്ലെ​ങ്കി​ൽ സ​ബ് ഡി​വി​ഷ​ണ​ൽ മ​ജി​സ്ട്രേ​റ്റി​നെ ക​രാ​റി​ലെ ര​ണ്ടു പാ​ർ​ട്ടി​ക​ൾ​ക്കും സ​മീ​പി​ക്കാം. എ​സ്ഡി​എ​മ്മി​ന്‍റെ തീ​രു​മാ​ന​ത്തി​ൽ തൃ​പ്ത​ര​ല്ലെ​ങ്കി​ൽ ജി​ല്ലാ ക​ള​ക്ട​റോ അ​ഡീ​ഷ​ണ​ൽ ക​ള​ക്ട​റോ അ​ധ്യ​ക്ഷ​നാ​യ അ​പ്പ​ലേ​റ​റ്റ് അ​ഥോ​റി​റ്റി​യെ സ​മീ​പി​ക്കാം. എ​സ്ഡി​എം, ക​ള​ക്ട​ർ എ​ന്നി​വ​ർ അ​പേ​ക്ഷ ല​ഭി​ച്ച് 30 ദി​വ​സ​ത്തി​ന​കം അ​ന്തി​മതീ​രു​മാ​ന​മെ​ടു​ക്ക​ണ​മെ​ന്നും വ്യ​വ​സ്ഥ ചെ​യ്തി​ട്ടു​ണ്ട്.

ക​രാ​ർ ലം​ഘി​ച്ച​താ​യി ക​ണ്ടെത്തി​യാ​ൽ ലം​ഘ​നം ന​ട​ത്തി​യ പാ​ർ​ട്ടി​ക്കെ​തി​രേ പി​ഴ ഏ​ർ​പ്പെ​ടു​ത്താ​നും എ​സ്ഡി​എ​മ്മി​നും ക​ള​ക്ട​റു​ടെ അ​പ്പ​ലേ​റ്റ് അ​ഥോ​റി​റ്റി​ക്കും അ​ധി​കാ​ര​മു​ണ്ട്. എ​ന്നാ​ൽ, ഇ​തെ​ത്ര ശ​ത​മാ​ന​മെ​ന്നു കൃ​ത്യ​മാ​യി പ​റ​യു​ന്നി​ല്ല. ഏ​തു കാ​ര​ണ​ത്താ​ലും കു​ടി​ശി​ക ഈ​ടാ​ക്കാ​നാ​യി ക​ർ​ഷ​ക​ന്‍റെ ഭൂ​മി​ക്കെ​തി​രേ ന​ട​പ​ടി​യെ​ടു​ക്കാ​ൻ പാ​ടി​ല്ലെ​ന്നും ബി​ല്ലി​ൽ പ​റ​യു​ന്നു.

അ​വ​ശ്യ​സാ​ധ​ന ഭേ​ദ​ഗ​തി ബിൽ

പെ​ട്ടെ​ന്നു ന​ശി​ക്കാ​വു​ന്ന കാ​ർ​ഷി​കോ​ത്പ​ന്ന​ങ്ങ​ൾ​ക്ക് (പെ​രീ​ഷ​ബി​ൾ ഗു​ഡ്സ്) ശ​രാ​ശ​രി 50 ശ​ത​മാ​ന​വും ഹോ​ർ​ട്ടി​ക​ൾ​ച്ച​ർ ഉ​ൾ​പ്പെ​ടെ അ​ല്ലാ​ത്ത​വ​യ്ക്ക് (നോ​ണ്‍ പെ​രീ​ഷ​ബി​ൾ ഐ​റ്റം​സ്) നൂ​റു ശ​ത​മാ​ന​വും വി​ല കൂ​ടി​യാ​ൽ മാ​ത്രം സം​ഭ​ര​ണ നി​യ​ന്ത്ര​ണം അ​ട​ക്കം സ​ർ​ക്കാ​ർ ഇ​ട​പെ​ട്ടാ​ൽ മ​തി​യെ​ന്നു വ്യ​വ​സ്ഥ ചെ​യ്യു​ന്ന​താ​ണ് അ​വ​ശ്യ​സാ​ധ​ന ഭേ​ദ​ഗ​തി നി​യ​മം. ഒ​രു വ​ർ​ഷ​ത്തെ​യോ അ​ഞ്ചു വ​ർ​ഷ​ത്തെ​യോ ശ​രാ​ശ​രി (ഇ​തി​ൽ ഏ​താ​ണോ കു​റ​വ്) വി​ല​യാ​കും ക​ണ​ക്കാ​ക്കു​ക.

തൊ​ട്ടു​മു​ന്പു​ള്ള വ​ർ​ഷ​മോ, വ​ർ​ഷ​ങ്ങ​ളി​ലോ ന്യാ​യ​മാ​യ വി​ല​യേ​ക്കാ​ൾ വ​ള​രെ കൂ​ടു​ത​ൽ വി​ല ഇ​ട​യ്ക്കെ​ല്ലാം കൂ​ടി​യി​ട്ടു​ള്ള​വ​യു​ടെ ശ​രാ​ശ​രി വി​ല ക​ണ​ക്കാ​ക്കു​ന്പോ​ൾ ശ​രാ​ശ​രി വി​ല കൂ​ടു​ത​ലാ​യേ​ക്കും. വി​ല ഫ​ല​ത്തി​ൽ വ​ള​രെ​ക്കൂ​ടി​യാ​ലും സ​ർ​ക്കാ​ർ ഇ​ട​പെ​ട​ൽ ഉ​ണ്ടാ​വി​ല്ല. ഭ​ക്ഷ്യോ​ത്പ​ന്ന​ങ്ങ​ളു​ടെ വി​ല കു​ത്ത​നെ കൂ​ടു​ന്പോ​ഴും പു​തി​യ ഭേ​ദ​ഗ​തി​യ​നു​സ​രി​ച്ച് അ​ത്യ​പൂ​ർ​വ അ​വ​സ​ര​ങ്ങ​ളി​ൽ മാ​ത്ര​മാ​കും സ​ർ​ക്കാ​ർ ഇ​ട​പെ​ടു​ക. യു​ദ്ധം, വ​ലി​യ പ്ര​ത്യാ​ഘാ​തം ഉ​ണ്ടാ​ക്കി​യ പ്ര​കൃ​തി​ദു​ര​ന്തം, കൊ​ടും​പ​ട്ടി​ണി, അ​സാ​ധാ​ര​ണ വി​ല​ക്ക​യ​റ്റം തു​ട​ങ്ങി​യ​വ​യാ​ണ് ഈ ​അ​ത്യ​പൂ​ർ​വ അ​വ​സ​ര​ങ്ങ​ൾ.

ഭ​ക്ഷ്യ​ധാ​ന്യ​ങ്ങ​ൾ, പ​യ​ർ- പ​രി​പ്പു വ​ർ​ഗ​ങ്ങ​ൾ, സ​വോ​ള, കി​ഴ​ങ്ങ്, ഭ​ക്ഷ്യ​യെ​ണ്ണ, എ​ണ്ണ​ക്കു​രു​ക്ക​ൾ തു​ട​ങ്ങി പ​തി​വാ​യി വി​ല കൂ​ടു​ന്ന​വ​യെ അ​വ​ശ്യ​സാ​ധ​ന​ങ്ങ​ളു​ടെ പ​ട്ടി​ക​യി​ൽനി​ന്നു നീ​ക്കു​ക​യും ചെ​യ്തു. വ്യാ​പാ​രി​ക​ൾ, ക​യ​റ്റു​മ​തി​ക്കാ​ർ, ഇ​റ​ക്കു​മ​തി​ക്കാ​ർ, മി​ല്ലു​ക​ൾ, സം​സ്ക​ര​ണ ഫാ​ക്ട​റി​ക​ൾ തു​ട​ങ്ങി​യ​വ​യ്ക്ക് എ​ത്ര വേ​ണ​മെ​ങ്കി​ലും സ്റ്റോ​ക്ക് ചെ​യ്യു​ന്ന​തി​നു ത​ട​സ​മി​ല്ല.

ജോ​ർ​ജ് ക​ള്ളി​വ​യ​ലി​ൽ