സംവിധായകൻ ജീത്തു ജോസഫിന്റെ പുതിയ ചിത്രത്തിൽ ബേസിൽ ജോസഫ് നായകനാകുന്നു. നുണകുഴി എന്നാണ് ചിത്രത്തിന്റെ പേര്. കെ.ആർ. കൃഷ്ണകുമാറാണ് നുണക്കുഴിയുടെ തിരക്കഥ ഒരുക്കുന്നത്.
ട്വൽത് മാൻ, കൂമൻ എന്നീ എന്നീ സിനിമകൾക്കു ശേഷം ജീത്തു ജോസഫും കെ.ആർ. കൃഷ്ണകുമാറും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ഡാർക്ക് ഹ്യുമർ ജോണറിൽപെട്ട ചിത്രമാണ് നുണക്കുഴി . ഗ്രേസ് ആന്റണിയാണ് ചിത്രത്തിലെ നായിക.
നിലവിൽ മോഹൻലാലിനെ നായകനാക്കി നേര് എന്ന സിനിമ ഒരുക്കുകയാണ് ജീത്തു ജോസഫ്. ഈ സിനിമ പൂർത്തിയായാൽ ഉടൻ ബേസിൽ ചിത്രത്തിന്റെ ഷൂട്ട് ആരംഭിക്കും.
പ്രശസ്ത സിനിമ നിർമാണ കമ്പനിയായ സരീഗമയും ജീത്തു ജോസഫിന്റെ വിന്റേജ് ഫിലിംസും ചേർന്നാണ് ചിത്രം ഒരുക്കുന്നത്.
സതീഷ് കുറുപ്പ് ചായാഗ്രഹണം നിർവഹിക്കുന്നു. സിദ്ദീഖ്, മനോജ് കെ. ജയൻ, ബൈജു, അജു വർഗീസ്, സൈജു കുറുപ്പ്, ബിനു പപ്പു, പ്രമോദ് വെളിയനാട്, അസീസ് നെടുമങ്ങാട് തുടങ്ങി ഒരു വലിയ താരനിര ചിത്രത്തിന്റെ ഭാഗമാകുന്നുണ്ട്.
സഹിൽ ശർമയാണ് സഹ നിർമാതാവ്. സൂരജ് കുമാറാണ് എക്സിക്യൂട്ടീവ് പ്രൊഡ്യൂസർ. എഡിറ്റർ വിനായക് വി.എസ്., കോസ്റ്റും ഡിസൈനർ ലിന്റാ ജീത്തു,മേക്കപ്പ് അമൽ ചന്ദ്രൻ, പ്രൊഡക്ഷൻ ഡിസൈനെർ പ്രശാന്ത് മാധവ്, പ്രൊഡക്ഷൻ കൺട്രോളർ പ്രണവ് മോഹൻ, ചീഫ് അസോഷ്യേറ്റ് ഡയറക്ടർ സുധീഷ് രാമചന്ദ്രൻ, ഡിസൈൻ യെല്ലോ ടൂത്ത്, പിആർഒ- മാർക്കറ്റിംഗ് വൈശാഖ് സി. വടക്കേവീട്, ജിനു അനിൽകുമാർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.