Cinema
‘അ​ന​ന്യം’ ഈ ​പാ​ട്ടു​വെ​ട്ടം..!
Sunday, June 28, 2020 7:46 PM IST
റി​യാ​ലി​റ്റി വേ​ദി​ക​ളി​ൽ തി​ള​ങ്ങു​ന്ന​വ​ർ​ക്ക് പി​ന്ന​ണി പാ​ടാ​ൻ മു​ന്തി​യ പ​രി​ഗണ​ന ന​ല്കു​ന്ന കാ​ല​ത്താ​ണ് "​വെ​ള്ളം’ സി​നി​മ​യു​ടെ സം​വി​ധാ​യ​ക​ൻ പ്ര​ജേ​ഷ് സെ​ൻ സാ​ധാ​ര​ണ ജീ​വി​ത​പ​രി​സ​ര​ങ്ങ​ളി​ൽ നി​ന്ന് അ​സാ​ധാ​ര​ണ പ്ര​തി​ഭാ​സ്പ​ർ​ശ​മു​ള്ള അ​ന​ന്യ​യെ​ന്നെ അ​ഞ്ചാം ക്ലാ​സു​കാ​രി​യെ ബി​ജി​ബാ​ലി​ന്‍റെ ഈ​ണ​ത്തി​ൽ പാ​ടാ​ൻ വി​ളി​ക്കു​ന്ന​ത്.

“അ​വ​ർ​ക്കൊ​ക്കെ അ​വ​സ​ര​ങ്ങ​ളു​ണ്ട്. ഈ ​കു​ട്ടി​ക്ക് അ​ത്ത​രം സാ​ധ്യ​ത​ക​ൾ കു​റ​വ​ല്ലേ. ഏ​റെ ഫീ​ൽ ചെ​യ്താ​ണ് അ​ന​ന്യ പാ​ടു​ന്ന​ത്. ഫീ​ലു​ള്ള ആ ​വോ​യ്സ് ബി​ജി​ബാ​ലി​ന് വ​ള​രെ ഇ​ഷ്ട​മാ​യി. ഇ​നി​യും പാ​ട്ടു​ക​ൾ അ​ന​ന്യ​യെ തേ​ടി​യെ​ത്തും...” കു​ഞ്ഞു​സ്വ​പ്ന​ങ്ങ​ൾ​ക്കു ചി​റ​കു​ക​ൾ ന​ല്കി​യ പ്ര​ജേ​ഷ് സെ​ൻ പ​റ​യു​ന്നു.

ഉ​ൾ​ക്ക​ണ്ണി​ലൂ​ടെ മാ​ത്രം ഈ ​ലോ​കം കാ​ണു​ന്ന അ​ന​ന്യ​യു​ടെ പാ​ട്ട് അ​ച്ഛ​നെ​ക്കു​റി​ച്ചാ​ണ്, അ​മ്മ​യെ​ക്കു​റി​ച്ചാ​ണ്, സ​ർ​വ​ച​രാ​ച​ര​ങ്ങ​ളെ​യും തൊ​ട്ടു​ണ​ർ​ത്തു​ന്ന സ്നേ​ഹ​ത്തെ​ക്കു​റി​ച്ചു​മാ​ണ്. ബി​ജി​ബാ​ലും നി​ധീ​ഷ് ന​ടേ​രി​യും ചേ​ർ​ന്നൊ​രു​ക്കി​യ "​പു​ല​രി​യി​ല​ച്ഛ​ന്‍റെ തു​ടു​വി​ര​ലെ​ന്ന​പോ​ൽ തൊ​ട്ടു​ണ​ർ​ത്തു​ന്നൂ തൂ​വെ​ട്ടം..’ യൂ​ട്യൂ​ബി​ൽ ഇ​തു​വ​രെ ആ​സ്വ​ദി​ച്ച​ത് ര​ണ്ട​ര​ല​ക്ഷ​ത്തി​ല​ധി​കം​പേ​ർ. ജ​യ​സൂ​ര്യ​യും സി​ദ്ധി​ക്കും സം​യു​ക്ത മേ​നോ​നും പ്ര​ധാ​ന വേ​ഷ​ങ്ങ​ളി​ലെ​ത്തു​ന്ന "​വെ​ള്ളം’ ക​ണ്ണൂ​രു​ള്ള ​ഒ​രു മ​നു​ഷ്യ​ന്‍റെ ജീ​വി​ത​മാ​ണു പ​റ​യു​ന്ന​ത്.



വഴിത്തിരിവായത് ‘നീ മുകിലോ...’

മൂ​ന്ന​ര വ​യ​സി​ൽ അ​ന​ന്യ പാ​ടി​ത്തു​ട​ങ്ങി​യെ​ന്ന് അ​മ്മ പ്ര​ജി​ത. ഒ​ന്നാം ക്ലാ​സി​ൽ ആ​യ​പ്പോ​ഴേ​ക്കും സി​നി​മാ​പാ​ട്ടു​ക​ളി​ലെ​ത്തി. "ഇ​ന്നോ ഞാ​നെ​ന്‍റെ മു​റ്റ​ത്തൊ​ര​റ്റ​ത്ത്...’ അ​തി​ലാ​ണു തു​ട​ക്കം. റേ​ഡി​യോ​യി​ലും മൊ​ബൈ​ലി​ലും കേ​ട്ട പാ​ട്ടു​ക​ളൊ​ക്കെ അ​ന​ന്യ പാ​ടി​പ്പ​ഠി​ച്ചു. രാഗേഷ് ഹ​രി​ശ്രീ​യാ​ണ് ആ​ദ്യ​മാ​യി പാ​ട്ടു പ​ഠി​പ്പി​ച്ച​ത്. കണ്ണൂർ ഫ്ളവേഴ്സ് അക്കാദമിയിലെ ഷമീർബാബുവാണ് ഇപ്പോഴത്തെ ഗുരു.

ക​ഴി​ഞ്ഞ വ​ർ​ഷം ക്ലാ​സി​ലി​രു​ന്ന് ല​ഞ്ച് ബ്രേ​ക്കി​ൽ പാ​ടി​യ "നീ മു​കി​ലോ..’ എ​ന്ന പാ​ട്ടാ​ണ് വ​ഴി​ത്തി​രി​വാ​യ​ത്. അ​നി​ഷ എ​ന്ന കു​ട്ടി എ​ടു​ത്ത വീ​ഡി​യോ ന​ടി അ​നു​മോ​ൾ​ക്ക് അ​യ​ച്ചു​കൊ​ടു​ത്തു. അ​തു സാ​മൂ​ഹി​ക മാ​ധ്യ​മ​ങ്ങ​ളി​ൽ വൈ​റ​ലാ​യി. ചാ​ന​ലു​ക​ൾ കൊ​ച്ചു​പാ​ട്ടു​കാ​രി​യെ​ത്തേ​ടി ക​ണ്ണൂ​ർ വാ​ര​ത്തെ വീ​ട്ടി​ലെ​ത്തി. സി​നി​മ​യി​ൽ പാ​ടാ​ൻ ആ​ഗ്ര​ഹ​മു​ള്ള​താ​യി അ​ന​ന്യ അ​ഭി​മു​ഖ​ങ്ങ​ളി​ൽ പ​റ​ഞ്ഞു.



പ്രാർഥനയോടെ തുടക്കം...

അ​ന​ന്യ​യു​ടെ അ​ഭി​ലാ​ഷം പ്ര​ജേ​ഷ് സെ​ൻ അ​റി​ഞ്ഞ​ത് "റോ​ക്ക​റ്റ്റി’ സി​നി​മ​യു​ടെ വ​ർ​ക്കി​നി​ട​യി​ലാ​ണ്. ഏ​ഷ്യാ​നെ​റ്റി​ൽ ജേ​ണ​ലി​സ്റ്റാ​യ സു​ഹൃ​ത്ത് വി​നി​ത​യാ​ണ് ആ ​പാ​ട്ടു​വീ​ഡി​യോ എ​ത്തി​ച്ച​ത്. “എ​നി​ക്ക​തു ഹൃ​ദ​യ​സ്പ​ർ​ശി​യാ​യി തോ​ന്നി. വെ​ള്ള​ത്തി​ന്‍റെ മ്യൂ​സി​ക് ചെ​യ്യു​ന്ന ബി​ജി​ബാ​ലി​നെ വി​ളി​ച്ചു.

ബി​ജി​ബാ​ൽ അ​ന​ന്യ​യു​ടെ പാ​ട്ട് മു​ന്പേ കേ​ട്ടി​രു​ന്നു. അ​ന​ന്യ​യെ ന​മ്മു​ടെ സി​നി​മ​യി​ൽ പാ​ടി​ക്കാ​മെ​ന്ന് ഞാ​ൻ. അ​തി​നു​ള്ള സി​റ്റ്വേ​ഷ​ൻ ഉ​ണ്ടോ എ​ന്നാ​യി ബി​ജി​ബാ​ൽ. സി​റ്റ്വേ​ഷ​ൻ ഉ​ണ്ടാ​ക്കാം ഞാ​ൻ പ​റ​ഞ്ഞു. അ​ങ്ങ​നെ സ്കൂ​ൾ സീ​ക്വ​ൻ​സി​ൽ അ​ന​ന്യ​യ്ക്കു വേ​ണ്ടി ഒ​രു പ്രാ​ർ​ഥ​നാ​ഗീ​തം രൂ​പ​പ്പെ​ടു​ത്തി. ബി​ജി​ബാ​ൽ ഒ​രു പാ​ട്ട് മ്യൂ​സി​ക് ഉ​ണ്ടാ​ക്കി. നി​ധീ​ഷ് ന​ടേ​രി എ​ഴു​തി​യ വ​രി​ക​ൾ പാ​ടി ബി​ജി​ബാ​ൽ അ​ന​ന്യ​യ്ക്ക് അ​യ​ച്ചു​കൊ​ടു​ത്തു. സി​നി​മ​യു​ടെ ഷൂ​ട്ട് തു​ട​ങ്ങും​മു​ന്പ് അ​ന​ന്യ​യെ എ​റ​ണാ​കു​ള​ത്തെ സ്റ്റു​ഡി​യോ​യി​ൽ എ​ത്തി​ച്ച് പാ​ട്ട് റെ​ക്കോ​ർ​ഡ് ചെ​യ്തു” പ്ര​ജേ​ഷ് സെ​ൻ പ​റ​ഞ്ഞു.



പ്രകാശം പരത്തുന്ന പാട്ടുകാരി

റി​ക്കാ​ർ​ഡിം​ഗി​ന് വ​ന്ന​പ്പോ​ഴാ​ണ് ബി​ജി​ബാ​ൽ അ​ന​ന്യ​യെ ആ​ദ്യ​മാ​യി ക​ണ്ട​ത്. പു​തി​യ പാ​ട്ടു​കൊ​ടു​ത്താ​ൽ ആ ​കു​ട്ടി എ​ങ്ങ​നെ പ​ഠി​ക്കും, അ​തു കൃ​ത്യ​മാ​യി​ട്ടാ​ണോ പ​ഠി​ക്കു​ന്ന​ത്, അ​തി​ന്‍റെ സം​ഗ​തി​ക​ളെ​ല്ലാം കൃ​ത്യ​മാ​യി ക​ണ്‍​സീ​വ് ചെ​യ്തി​ട്ടാ​ണോ വ​രു​ന്ന​ത്...​പ​ല​താ​യി​രു​ന്നു ബി​ജി​ബാ​ലി​ന്‍റെ സം​ശ​യ​ങ്ങ​ൾ.

“അ​ദ്ഭു​ത​ക​ര​മെ​ന്നു പ​റ​യ​ട്ടെ... പാ​ട്ടി​ലെ ചെ​റി​യ ചെ​റി​യ കാ​ര്യ​ങ്ങ​ളും ഡീ​റ്റ​യി​ലിം​ഗു​മെ​ല്ലാം കൃ​ത്യ​മാ​യി പ​ഠി​ച്ചാ​ണ് അ​ന​ന്യ വ​ന്ന​ത്. അ​ത്ര ദൂ​രെ നി​ന്നാ​ണു വ​ന്ന​തെ​ങ്കി​ൽ​പ്പോ​ലും കേ​വ​ലം 20 മി​നി​റ്റു​കൊ​ണ്ട് ആ ​കു​ട്ടി പാ​ടി​ക്ക​ഴി​ഞ്ഞി​രു​ന്നു. ഒ​രു ക​റ​ക്ഷ​നും പി​ന്നീ​ട് എ​ടു​ക്കേ​ണ്ടി വ​ന്നി​ല്ല. മോ​ഹ​നം എ​ന്നൊ​ക്കെ പ​റ​യാ​വു​ന്ന രീ​തി​യി​ൽ സിം​പി​ളാ​യ ഒ​രു പ്രാ​ർ​ഥ​ന.



പാ​ട്ട് സിം​പി​ളാ​ണെ​ങ്കി​ലും ബു​ദ്ധി​മു​ട്ടു​ള്ള​താ​ണെ​ങ്കി​ലും അ​തു പ്ര​കാ​ശ​മാ​ന​മാ​ക്ക​ണ​മ​ല്ലോ. പ്ര​ത്യേ​കി​ച്ചും പ്രാ​ർ​ഥ​ന​യാ​കു​ന്പോ​ൾ കേ​ൾ​ക്കു​ന്ന​വ​ർ​ക്കും അ​തു വെ​ളി​ച്ചം പ​ക​രു​ന്ന​താ​വ​ണം. അ​ക്ഷ​ര​സ്ഫു​ട​ത​യ്ക്ക​പ്പു​റം പാ​ട്ടി​ന്‍റെ ഒ​രു സ്ഫു​ട​ത​യു​ണ്ട​ല്ലോ... പാ​ട്ടു പാ​ടു​ന്ന​തി​ലു​ള​ള ഒ​രു​റ​പ്പ്. അ​ത് ആ​ത്മ​വി​ശ്വാ​സ​ത്തി​ൽ നി​ന്നു വ​രു​ന്ന​താ​ണ്. അ​വ​ന​വ​ൻ സം​ശ​യി​ച്ചാ​ണു പാ​ടു​ന്ന​തെ​ങ്കി​ൽ ആ ​പാ​ട്ടി​ന്‍റെ ഉ​ദ്ദേ​ശം ത​ന്നെ മാ​റി​പ്പോ​കും. കൃ​ത്യ​ത​യോ​ടെ, ഒ​രു സം​ശ​യ​വു​മി​ല്ലാ​തെ​യാ​ണ് ആ ​കു​ട്ടി പാ​ടു​ന്ന​ത്. അ​ക്ഷ​ര​സ്ഫു​ട​ത​യ്ക്കൊ​പ്പം സം​ഗീ​ത​ത്തി​ലു​ള്ള കൃ​ത്യ​ത​യും...​അ​തി​ലൊ​ക്കെ​യാ​ണ് ഏ​റ്റ​വും മ​തി​പ്പു തോ​ന്നി​യ​ത്. കു​ട്ടി​ക​ൾ പാ​ടു​ന്ന പാ​ട്ടൊ​ക്കെ​യാ​ണെ​ങ്കി​ൽ തു​ട​ർ​ന്നും അ​ന​ന്യ​യെ​ക്കൊ​ണ്ട് പാ​ടി​ക്കു​ന്ന​തി​ൽ സ​ന്തോ​ഷം ” ബി​ജി​ബാ​ൽ പ​റ​ഞ്ഞു.



പാട്ടെഴുതുന്പോൾ അറിയാമായിരുന്നു...

“അ​ന​ന്യ​യാ​വും ഈ ​പാ​ട്ടു പാ​ടു​ക​യെ​ന്ന് ബോ​ധി​യി​ലി​രു​ന്ന് പാ​ട്ടെ​ഴു​ന്പോ​ൾ അ​റി​യാ​മാ​യി​രു​ന്നു. കാ​ര​ണം, ബി​ജി​ബാ​ൽ സാ​റും പ്ര​ജേ​ഷ് ഭാ​യി​യു​മൊ​ക്കെ അ​തു തീ​രു​മാ​നി​ച്ചി​രു​ന്നു. നീ ​മു​കി​ലോ വൈ​റ​ലാ​യി നി​ൽ​ക്കു​ന്ന സ​മ​യ​മാ​യി​രു​ന്നു അ​ത്.

ആ​ദ്യ​ത്തെ കു​റ​ച്ചു വ​രി​ക​ൾ ​എ​ഴു​തി​ത്തു​ട​ങ്ങി​യ ശേ​ഷ​മാ​ണ് ട്യൂ​ൺ ത​ന്ന​ത്. ത​ളി​പ്പ​റ​ന്പി​ലെ സെ​റ്റി​ലെ​ത്തി​യ അ​ന​ന്യ​യു​മാ​യി ഫോ​ണി​ൽ സം​സാ​രി​ച്ചി​രു​ന്നു. വൈ​കാ​തെ വീ​ട്ടി​ൽ പോ​യി കാ​ണും....” ഗാ​ന​ര​ച​യി​താ​വ് നി​ധീ​ഷ് ന​ടേ​രി പ​റ​ഞ്ഞു.



മാ​ധ​വ​നും മ​ഞ്ജു​വാ​ര്യ​രും സുരാജും

സെ​ലി​ബ്രി​റ്റി​ക​ളും അ​ന​ന്യ​യു​ടെ പാ​ട്ട് ഏ​റ്റെ​ടു​ത്തി​രി​ക്കു​ന്നു. “ന​ട​ൻ മാ​ധ​വ ൻ ​പാ​ട്ട് ട്വി​റ്റ​റി​ൽ ഷെ​യ​ർ ചെ​യ്തു. കേ​ട്ട് ഇ​ഷ്ട​മാ​യി​ട്ടാ​ണ് മ​ഞ്ജു​വാ​ര്യ​ർ ഫേ​സ്ബു​ക്കി​ൽ പാ​ട്ട് ലോ​ഞ്ച് ചെ​യ്ത​ത്. അ​ന​ന്യ​യു​ടെ ശ​ബ്ദം ഏ​റെ ഹോ​ണ്ടിം​ഗ് ആ​ണെ​ന്നു സു​രാ​ജ് വെ​ഞ്ഞാ​റ​മൂ​ട് പ​റ​ഞ്ഞി​രു​ന്നു. പാ​ട്ട് ഹി​റ്റാ​യ​തോ​ടെ അ​ന​ന്യ സ​ന്തോ​ഷ​ത്തി​ലാ​ണ്. കാ​ര​ണം, അ​വ​ൾ​ക്കു പു​റം​ലോ​ക​മൊ​ന്നും ഇ​ല്ല​ല്ലോ. ആ​കെ​യു​ള്ള​തു ശ​ബ്ദം മാ​ത്ര​മ​ല്ലേ. പു​റ​ത്തു കൊ​ണ്ടു​പോ​യി ചി​കി​ത്സി​ക്ക​ണ​മെ​ങ്കി​ൽ പോ​ലും പ്രൊ​ഡ്യൂ​സേ​ഴ്സ് റെ​ഡി​യാ​ണ്.” അ​ന​ന്യ​യ്ക്കു കാ​ഴ്ച ല​ഭി​ക്കാ​നു​ള്ള സാ​ധ്യ​ത​ക​ൾ തേ​ടു​ക​യാ​ണ് പ്ര​ജേ​ഷ് സെ​ൻ.

വാ​രം യു​പി സ്കൂ​ൾ വി​ദ്യാ​ർ​ഥി​യാ​യ അ​ന​ന്യ ധ​ർ​മ​ശാ​ല​യി​ലെ മോ​ഡ​ൽ സ്കൂ​ൾ ഫോ​ർ ബ്ലൈ​ൻ​ഡി​ൽ ബ്രെ​യി​ൻ ലി​പി പ​ഠി​ക്കു​ന്നു. “ സ്കൂ​ളി​ൽ കൊ​ണ്ടു​പോ​കു​ന്ന​തും കൂ​ട്ടി​രി​ക്കു​ന്ന​തും വീ​ട്ടി​ലേ​ക്കു കൂ​ട്ടി​വ​രു​ന്ന​തും ഞാ​നാ​ണ്. അ​വ​ൾ​ക്കു ന​ട​ക്കാ​നും മ​റ്റും എ​പ്പോ​ഴും ഒ​രാ​ളു​ടെ സ​ഹാ​യം വേ​ണം ” അ​ന​ന്യ​യെ ചേ​ർ​ത്തു​പി​ടി​ച്ച് പ്ര​ജി​ത പ​റ​ഞ്ഞു.



വ​ലി​യ പാ​ട്ടു​കാ​രി​യാ​വ​ണം

പാ​ടി​ക്ക​ഴി​ഞ്ഞ​പ്പോ​ൾ ന്ധ​ന​ന്നാ​യി​ട്ടു​ണ്ട്, ഒ​രു​പാ​ട് ഇ​ഷ്ട​മാ​യി’ എ​ന്നു ബി​ജി ബാ​ൽ പ​റ​ഞ്ഞ​തും പാ​ട്ടു കേ​ട്ട് കൂ​ട്ടു​കാ​ർ വി​ളി​ച്ച​തു​മെ​ല്ലാം ഓ​ർ​ക്കു​ന്പോ​ൾ അ​ന​ന്യ​യു​ടെ മ​ന​സി​ൽ പു​തു​വെ​ട്ടം. നീ ​മു​കി​ലോ, രാ​ജ​ഹം​സ​മേ, പു​ല​ർ​കാ​ല സു​ന്ദ​ര​സ്വ​പ്ന​ത്തി​ൽ, മൗ​ന​സ​രോ​വ​ര​മാ​കെ​യു​ണ​ർ​ന്നു... അ​ന​ന്യ​യു​ടെ ഇ​ഷ്ട​ഗാ​ന​ങ്ങ​ൾ തീ​രു​ന്നി​ല്ല.

“ചി​ത്ര​ച്ചേ​ച്ചി, എം.​ജി. ശ്രീ​കു​മാ​ർ അ​ങ്കി​ൾ, യേ​ശു​ദാ​സ് അ​ങ്കി​ൾ...​എ​ല്ലാ​വ​രു​ടെ​യും പാ​ട്ടു​ക​ൾ ഇ​ഷ്ട​മാ​ണ്. വ​ലി​യ പാ​ട്ടു​കാ​രി​യാ​വ​ണം..,” വാ​ര​ത്തെ കൊ​ച്ചു​വീ​ട്ടി​ലി​രു​ന്ന് അ​ന​ന്യ പ​റ​ഞ്ഞു. കൂ​ലി​പ്പ​ണി ചെ​യ്യു​ന്ന അ​ച്ഛ​ൻ പു​ഷ്പ​നും അ​മ്മ പ്ര​ജി​ത​യും സ​ഹോ​ദ​രി അ​തു​ല്യ​യും അ​വ​ളു​ടെ സ്വ​പ്ന​ങ്ങ​ൾ​ക്കൊ​പ്പ​മാ​ണ്. അ​ന​ന്യ​യു​ടെ മോ​ഹ​ങ്ങ​ൾ പാ​ട്ടു​ക​ളു​ടെ ആ​കാ​ശ​ങ്ങ​ളി​ലേ​ക്കു പ​റ​ന്നു തു​ട​ങ്ങു​ക​യാ​ണ്.

ടി.ജി.ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.