പ്ര​ണ​യം ഒ​രു ക​ട​ല്‍ ആ​ണെ​ങ്കി​ല്‍ നോ​വ് അ​തി​ന്‍റെ ക​ര​യാ​ണ്. ഹൃ​ദ​യം ഒ​രു ശം​ഖാ​യി ആ ​ക​ര​യി​ല്‍ തി​ര​യു​ടെ ത​ലോ​ട​ല്‍ കാ​ത്തു​കി​ട​പ്പു​ണ്ടാ​കും ഇ​താ​ണ് സ​പ്ത സാ​ഗ​ര ദാ​ച്ചേ എ​ല്ലോ സൈ​ഡ് ബി ​എ​ന്ന ച​ല​ച്ചി​ത്രം കാ​വ്യാ​ത്മ​ക​മാ​യി പ്രേ​ക്ഷ​ക​നോ​ട് പ​റ​യു​ന്ന​ത്.

ഈ ​വ​ര്‍​ഷം സെ​പ്റ്റം​ബ​ര്‍ ആ​ദ്യ​വാ​രം റി​ലീ​സ് ആ​യ ക​ന്ന​ഡ ച​ല​ച്ചി​ത്ര​മാ​യി​രു​ന്നു സ​പ്ത സാ​ഗ​ര ദാ​ച്ചേ എ​ല്ലോ സൈ​ഡ് എ. ​ആ ചി​ത്ര​ത്തി​ന്‍റെ തു​ട​ര്‍​ച്ച​യാ​ണ് സ​പ്ത സാ​ഗ​ര ദാ​ച്ചേ എ​ല്ലോ സൈ​ഡ് ബി. ​ര​ക്ഷി​ത്‌​ഷെ​ട്ടി നാ​യ​ക​നാ​യ ചി​ത്രം മ​നു​വി​ന്‍റെ​യും പ്രി​യ​യു​ടെ​യും പ്ര​ണ​യ​ത്തി​ന്‍റെ ഏ​ടു​ക​ളെ കു​റി​ച്ചാ​ണ് പ​റ​യു​ന്ന​ത്.



ഹേ​മ​ന്ത് എം.​റാ​വു സം​വി​ധാ​നം ചെ​യ്തി​രി​ക്കു​ന്ന ചി​ത്രം പ​രം​വാ​ഹ് പി​ക്‌​ചേ​ഴ്‌​സി​ന്‍റെ ബാ​ന​റി​ല്‍ ര​ക്ഷി​ത് ഷെ​ട്ടി ത​ന്നെ​യാ​ണ് നി​ര്‍​മി​ച്ചി​രി​ക്കു​ന്ന​ത്. ഗു​ണ്ടു ഷെ​ട്ടി​ക്കൊ​പ്പം സം​വി​ധാ​യ​ക​ന്‍ കൂ​ടി​ച്ചേ​ര്‍​ന്നാ​ണ് തി​ര​ക്ക​ഥ എ​ഴു​തി​യി​രി​ക്കു​ന്ന​ത്. ഛായാ​ഗ്ര​ഹ​ണം അ​ദ്വൈ​ത ഗു​രു​മൂ​ര്‍​ത്തി.

ക​ന്ന​ഡ​യ്ക്ക് പു​റ​മെ ത​മി​ഴ്, തെ​ലു​ങ്ക്, മ​ല​യാ​ളം ഭാ​ഷ​ക​ളി​ല്‍ സി​നി​മ​യ്ക്ക് റി​ലീ​സു​ണ്ട്. ര​ക്ഷി​ത്‌​ഷെ​ട്ടി, രു​ക്മി​ണി വ​സ​ന്ത്, ചൈ​ത്ര ജെ.​ആ​ച്ചാ​ര്‍, അ​ച്യു​ത് കു​മാ​ര്‍, ര​മേ​ഷ് ഇ​ന്ദി​ര, ഗോ​പാ​ല്‍​കൃ​ഷ്ണ ദേ​ശ്പാ​ണ്ഡെ, തു​ട​ങ്ങി​യ​വ​രൊ​ക്കെ​യാ​ണ് ഈ ​ചി​ത്ര​ത്തി​ലെ പ്ര​മു​ഖ​താ​ര​ങ്ങ​ള്‍.



ഏ​ഴു സ​മു​ദ്ര​ങ്ങ​ള്‍​ക്ക​പ്പു​റ​ത്തെ​വി​ടെ​യോ എ​ന്ന​ര്‍​ഥം വ​രു​ന്ന സ​പ്ത സാ​ഗ​ര ദാ​ച്ചേ എ​ല്ലോ ഒ​രു പ്ര​ണ​യ​ക​വി​ത​യാ​ണെ​ന്ന് പ്രേ​ഷ​ക​ന് അ​നു​ഭ​വ​പ്പെ​ടും. സൈ​ഡ് ബി ​ചി​ത്രം പ​റ​ഞ്ഞു​വ​യ്ക്കു​ന്ന​ത് ര​ക്ഷി​തിന്‍റെ മ​നു​വും രു​ക്മി​ണി വ​സ​ന്തി​ന്‍റെ പ്രി​യ​യും ത​മ്മി​ലു​ള്ള പ്ര​ണ​യ​ക​ഥ​യു​ടെ പ​രി​സ​മാ​പ്തി​യാ​ണ്.

ഏ​റ്റ​വും വ​ലി​യ പ്ര​ണ​യ​ക​ഥ​ക​ളെ സൂ​ക്ഷ്മ​മാ​യി പ​രി​ശോ​ധി​ച്ചാ​ല്‍ അ​വ​യൊ​ക്കെ ദു​ര​ന്ത​പ​ര്യ​വ​സാ​യി ആ​യി​രി​ക്കും. സ​ലിം അ​നാ​ര്‍​ക്ക​ലി, റോ​മി​യോ ജൂ​ലി​യ​റ്റ്... അ​ങ്ങ​നെ ഒ​ട്ട​ന​വ​ധി പ്ര​ണ​യി​താ​ക്ക​ള്‍ ന​മ്മു​ടെ അ​റി​വു​ക​ളി​ല്‍ വേ​ദ​നി​ച്ചു കി​ട​ക്കു​ന്നു​ണ്ട്.



സ​പ്ത സാ​ഗ​ര ദാ​ച്ചേ എ​ല്ലോ സൈ​ഡ് ബി​യി​ല്‍ ത​ന്‍റേ​താ​യി​രു​ന്ന​ത് തന്‍റേ​ത് ആ​ണെ​ന്നും അ​ല്ലെ​ന്നുമു​ള്ള മാ​ന​സി​കാ​വ​സ്ഥ​യി​ല്‍ ഒ​രാ​ള്‍ ക​ട​ന്നു​പോ​കു​ന്ന​ത് കാ​ട്ടു​ന്നു. ക​ഴു​ത്ത​റു​പ്പ​ന്‍ പ്ര​ണ​യ​ങ്ങ​ളു​ടെ കാ​ല​ത്ത് ഓ​ഡി​യോ കാ​സ​റ്റു​മാ​യി പ്ര​ണ​യി​നി​യു​ടെ ശ​ബ്ദം നി​ര​ന്ത​രം​കേ​ട്ട് അ​തി​തീ​വ്ര വേ​ദ​ന അ​നു​ഭ​വി​ക്കു​ന്ന കാ​മു​ക​ന്‍ പ്രേ​ക്ഷ​ക​നെ​യും ന​ന്നേ വേ​ദ​നി​പ്പി​ക്കു​ന്നു.

പ്ര​ണ​യ​ത്തിന്‍റെ ഭൂ​ത​കാ​ല​മു​ള്ള ഒ​രു കാ​ഴ്ച​ക്കാ​ര​ന്‍ സി​നി​മ​യു​ടെ പ​ല​ഘ​ട്ട​ങ്ങ​ളി​ലും ആ ​സ്‌​ക്രീ​നി​ല്‍ മ​നു​വാ​യി മാ​റും. പ​ല​രു​ടെ​യും ജീ​വി​ത​വു​മാ​യു​ള്ള അ​ത്ത​ര​ത്തി​ലെ സാ​മ്യ​ത​യാ​ണ് ഈ ​ചി​ത്ര​ത്തി​ന്‍റെ വി​ജ​യ​വും.



ചി​ത്രം 2021 കാ​ല​ഘ​ട്ട​മാ​ണ് പ​റ​യു​ന്ന​ത്. അ​തി​നാ​ല്‍​ത്ത​ന്നെ പ​ല സീ​നു​ക​ളി​ലും ക​ഥാ​പാ​ത്ര​ങ്ങ​ള്‍ മാ​സ്‌​ക് ഉ​പ​യോ​ഗി​ക്കു​ന്നു. എ​ന്നാ​ല്‍ ക​ണ്ണു​ക​ളാ​ല്‍ വി​ര​ഹ​ത്തെ അ​ഭി​ന​യി​ച്ചു കൈ​യ​ടി നേ​ടു​ക​യാ​ണ് ര​ക്ഷി​ത് ഷെ​ട്ടി.

ഒ​രു ക​ട​യി​ല്‍ നി​ന്നും പ്രി​യ ഇ​റ​ങ്ങി​വ​രു​മ്പോ​ള്‍ അ​ര​ണ്ട​വെ​ളി​ച്ച​ത്തി​ല്‍ മാ​സ്‌​കും ധ​രി​ച്ച് അ​വ​ള്‍ കാ​ണാ​തെ മ​നു അ​വ​ളെ നോ​ക്കി നി​ല്‍​ക്കു​ന്ന ഒ​രു​ രം​ഗം ചി​ത്ര​ത്തി​ലു​ണ്ട്. ഒ​രി​ക്ക​ലും അ​തൊ​രു ക്ലോ​സ് ഷോ​ട്ട് അ​ല്ല. എ​ന്നി​രി​ന്നി​ട്ടും മ​നു​വിന്‍റെ ക​ണ്ണി​ല്‍ തെ​ളി​യു​ന്ന വേ​ദ​ന പ്രേ​ക്ഷ​ക​നെ​യും കൊ​ത്തി​വ​ലി​ക്കു​ക​യാ​ണ്.

അ​വ​ര്‍​ക്കി​ട​യി​ലു​ള്ള പാ​ളം തെ​റ്റി​കി​ട​ക്കു​ന്ന ട്രെ​യി​ന്‍ബോ​ഗി​യും നി​റം​കെ​ട്ട വെ​ളി​ച്ച​വും ഒ​ക്കെ ക​ഥാ​പാ​ത്ര​ങ്ങ​ളു​ടെ അ​വ​സ്ഥ​യെ പ്രേ​ക്ഷ​ക​ന് മ​റ്റൊ​രു ത​ര​ത്തി​ല്‍ കാ​ട്ടു​ന്നു.



കാ​സ​റ്റി​ല്‍ പ്രി​യ​യു​ടെ ശ​ബ്ദം മ​നു കേ​ള്‍​ക്കു​മ്പോ​ള്‍ നി​ല​വി​ലെ അ​വ​ന്‍റെ പ​രി​സ​ര​ദൃ​ശ്യ​ങ്ങ​ളു​മാ​യി അ​വ​ള്‍ പ​റ​യു​ന്ന​ത് ക​ണ​ക്ട് ചെ​യ്യു​ന്ന​ത് എ​ഴു​ത്തി​ലെ​യും സം​വി​ധാ​ന​ത്തി​ലെ​യും ഒ​രു ബ്രി​ല്ല്യ​ന്‍​സ് ആ​ണ്. ഈ ​സ​മ​യം നി​ര​വ​ധി മാ​ച്ച് ക​ട്ടു​ക​ള്‍ കാ​ണാ​ന്‍ ക​ഴി​യും.

നാം ​കേ​ട്ടി​രി​ക്കു​ന്ന, അ​ത​ല്ലെ​ങ്കി​ല്‍ ക​ട​ന്നു​പോ​യി​ട്ടു​ള്ള പ്ര​ണ​യാ​നു​ഭ​വ​ങ്ങ​ള്‍ ത​ന്നെ​യാ​ണ് ഈ ​സി​നി​മ ഉ​ട​നീ​ളം പ​റ​യു​ന്ന​ത്. എ​ന്നാ​ല്‍ ഇ​തിന്‍റെ സം​വി​ധാ​ന മി​ക​വും ലൈ​റ്റിം​ഗ് അ​റേ​ഞ്ചു​മെ​ന്‍റു​ക​ളും അ​ഭി​നേ​താ​ക്ക​ളു​ടെ പ്ര​ക​ട​ന​വും ന​മു​ക്ക് പു​തി​യൊ​രു അ​നു​ഭൂ​തി​യാ​ണ് സ​മ്മാ​നി​ക്കു​ന്ന​ത്.

ഏ​റ്റ​വും എ​ടു​ത്ത് പ​റ​യേ​ണ്ട ഒ​ന്നാ​ണ് ച​ര​ണ്‍ രാ​ജി​ന്‍റെ സം​ഗീ​ത​വും പ​ശ്ചാ​ത്ത​ല സം​ഗീ​ത​വും. ഈ ​ചി​ത്ര​ത്തി​ന്‍റെ ആ​ത്മാ​വ് ത​ന്നെ ഈ ​സം​ഗീ​ത​മാ​ണ്. ട്രെ​യി​നിന്‍റെ താ​ളം പ​ശ്ചാ​ത്ത​ല സം​ഗീ​ത​മാ​ക്കി മാ​റ്റു​ന്ന ഒ​രു രം​ഗ​മു​ണ്ട്. തീ​വ​ണ്ടി​യു​ടെ സ​ഞ്ചാ​ര​ശ​ബ്ദം ഇ​തെ​ങ്ങ​നെ ഇ​ത്ര നോ​വാ​ക്കി എ​ന്ന​ത് ന​മു​ക്ക് പി​ന്നീ​ട് അ​ദ്ഭു​ത​മു​ള​വാ​ക്കും.



ചി​ത്ര​ത്തി​ലെ എ​ല്ലാ അ​ഭി​നേ​താ​ക്ക​ളും മി​ക​ച്ച​പ്ര​ക​ട​ന​മാ​ണ് കാ​ഴ്ച​വ​ച്ചി​ട്ടു​ള്ള​ത്. എ​ന്നാ​ല്‍ ഏ​റ്റ​വും എ​ടു​ത്തു പ​റ​യേ​ണ്ട​വ​ര്‍ ര​ക്ഷി​ത് ഷെ​ട്ടി, ചൈ​ത്ര ജെ. ​ആ​ച്ചാ​ര്‍, ര​മേ​ശ് ഇ​ന്ദി​ര, രു​ക്മി​ണി വ​സ​ന്ത് എ​ന്നി​വ​രാ​ണ്.

ചി​ത്രം കാ​ണു​ന്ന ഒ​രാ​ള്‍ ആ​ദ്യ രം​ഗം​മു​ത​ല്‍ മ​നു​വിന്‍റെ മ​ന​സി​നൊ​പ്പം സ​ഞ്ച​രി​ക്കാ​ന്‍ ആ​രം​ഭി​ക്കു​ന്നു. പ്ര​ണ​യം, സൗ​ഹൃ​ദം, കാ​മം, പ്ര​തി​കാരം ഇ​വ​യൊ​ക്കെ അ​തി​ശ​യോ​ക്തി ക​ല​ര്‍​ത്താ​തെ ര​ക്ഷി​ത് കൃ​ത്യ​മാ​യി അ​വ​ത​രി​പ്പി​ച്ചി​ട്ടു​ണ്ട്.

ചൈ​ത്ര അ​വ​ത​രി​പ്പി​ച്ച സു​ര​ഭി എ​ന്ന ക​ഥാ​പാ​ത്രം പ്ര​ത്യേ​ക​കൈ​യ​ടി അ​ര്‍​ഹി​ക്കു​ന്നു. ഒ​രി​ക്ക​ല്‍ പോ​ലും തന്‍റെ നോ​വു​ക​ളെ കു​റി​ച്ച് അ​നാ​വ​ശ്യ​മാ​യി സം​സാ​രി​ക്കാ​ത്ത ആ ​ക​ഥാ​പാ​ത്രം കാ​ഴ്ച​ക്കാ​ര​നി​ല്‍ ഇ​രു​ണ്ട​വേ​ദ​ന​യെ കു​റി​ച്ചു​ള്ള ചി​ന്ത​ക​ളു​ടെ വി​ത്തി​ടു​ന്നു. ഈ ​ക​ഥാ​പാ​ത്രം മ​നു​വി​നെ പോ​ലെ പ്രേ​ക്ഷ​ക​ന്‍റെ മ​ന​സി​ല്‍ ഇ​ടം​നേ​ടു​ന്നു.

പ്രി​യ എ​ന്ന ക​ഥാ​പാ​ത്ര​ത്തെ ഏ​റെ പ​ക്വ​ത​യോ​ടെ ത​ന്നെ രു​ക്മി​ണി കൈാ​ര്യം ചെ​യ്തി​രി​ക്കു​ന്നു. ഭാ​ഗം ഒ​ന്നി​ലും മി​ക​ച്ച പ്ര​ക​ട​നം കാ​ഴ്ച​വ​ച്ച ര​മേ​ശ് ഇ​ന്ദി​ര സൈ​ഡ് ബി​യി​ലും അ​ത് തു​ട​ര്‍​ന്നു. അ​ദ്ദേ​ഹ​ത്തി​നാ​യി മ​ല​യാ​ള​ത്തി​ല്‍ ന​ല്‍​കി​യ​ത് മി​ക​ച്ച ശ​ബ്ദം​ത​ന്നെ​യാ​ണ്.

മ​നു​വിന്‍റെ സു​ഹൃ​ത്താ​യി എ​ത്തി​യ ന​ട​നും രു​ക്മി​ണി​യു​ടെ ഭ​ര്‍​ത്താ​വും സ​ഹോ​ദ​ര​നും ഒ​ക്കെ ത​ങ്ങ​ളു​ടെ ഭാ​ഗം വ​ള​രെ ഭം​ഗി​യാ​യി ചെ​യ്തി​രി​ക്കു​ന്നു. ഈ ​ചി​ത്രം ക​ണ്ടി​റ​ങ്ങു​ന്ന​വ​രു​ടെ മ​ന​സി​ല്‍ നി​ന്നും ആ ​ക​ഥാ​പാ​ത്ര​ങ്ങ​ള്‍ ആ​രും​ത​ന്നെ പ​ടി​യി​റ​ങ്ങു​ന്നി​ല്ല.

പ്ര​ണ​യ​ത്തി​ന്‍റെ ര​ഹ​സ്യ​ങ്ങ​ളി​ല്‍ ഓ​ഷോ പ​റ​യു​ന്ന ഒ​ന്നു​ണ്ട് "പ്ര​ണ​യ​ത്തി​ല്‍ നി​ന്ന് ഒ​ഴി​ഞ്ഞു​മാ​റ​രു​ത്. അ​തി​ന്‍റെ എ​ല്ലാവേ​ദ​ന​ക​ളോ​ടും അ​ത് അ​നു​ഭ​വി​ക്കു​ക. അ​ത് മു​റി​വേ​ല്‍​പ്പി​ക്കും. പ​ക്ഷേ നി​ങ്ങ​ള്‍ പ്ര​ണ​യ​ത്തി​ലാ​ണെ​ങ്കി​ല്‍ അ​ത് പ്ര​ശ്ന​മ​ല്ല. വാ​സ്ത​വ​ത്തി​ല്‍ ആ ​മു​റി​വു​ക​ളെ​ല്ലാം​നി​ങ്ങ​ളെ ബ​ല​പ്പെ​ടു​ത്തു​ന്നു'.

ഒ​ര​ര്‍​ഥ​ത്തി​ല്‍, പൃ​ഥ്‌​വി​രാ​ജ് പ്രൊ​ഡ​ക്ഷ​ന്‍​സ് കേ​ര​ള​ത്തി​ല്‍ എ​ത്തി​ച്ച സ​പ്ത സാ​ഗ​ര ദാ​ച്ചേ എ​ല്ലോ സൈ​ഡ് ബി ​എ​ന്ന ച​ല​ച്ചി​ത്രം പ്രേ​ക്ഷ​ക​നോ​ട് പ​റ​യു​ന്ന​തും അ​തു​ത​ന്നെ​യാ​ണ്.

‍ശരത് ജി. മോഹൻ