ആ​ദ്യ ഫ്രെ​യിം കാ​ണു​ന്ന​തി​ന് മു​മ്പ് ത​ന്നെ ചി​ല ചി​ത്ര​ങ്ങ​ളു​ടെ വി​ധി സ്ക്രീ​നി​ൽ തെ​ളി​ഞ്ഞ് കാ​ണു​മെ​ന്നതിന്‍റെ ഉദാഹരണമാണ് സു​രേ​ന്ദ​ർ റെ​ഡ്ഡി സം​വി​ധാ​നം ചെ​യ്ത "ഏ​ജ​ന്‍റ്'. ല​ഹ​രി​വ​സ്തു​ക്ക​ളു​ടെ ഉ​പ​യോ​ഗം ആ​പ​ത്ത് എ​ന്ന് എ​ഴു​തി​ക്കാ​ട്ടു​ന്ന​തി​ൽ തെ​ളി​ഞ്ഞു​വ​രു​ന്ന അ​ക്ഷ​ര​ത്തെ​റ്റും ഗൂ​ഗി​ൾ ട്രാ​ൻ​സ്‌​ലേ​റ്റ​റി​ന്‍റെ നി​റ​സാ​ന്നി​ധ്യ​വും "ഏ​ജ​ന്‍റ്' പൊ​ട്ടി​ക്കു​ന്ന വെ​ടി ഏ​ത് ഭാ​ഗ​ത്തേ​ക്ക് പോ​കു​മെ​ന്ന് വ്യ​ക്ത​മാ​ക്കി​ത്ത​രു​ന്നു.

മ​ല​യാ​ള​ത്തി​ലെ ഒ​രു മെ​ഗാ​താ​രം പ്ര​ധാ​ന​വേ​ഷ​ത്തി​ലെ​ത്തു​ന്ന ബി​ഗ് ബ​ജ​റ്റ് ചി​ത്രം മൊ​ഴി​മാ​റ്റി കേ​ര​ള​ത്തി​ലെ തീ​യേ​റ്റ​റു​ക​ളി​ൽ എ​ത്തി​ക്കു​മ്പോ​ൾ പ്ര​ത്യേ​ക ശ്ര​ദ്ധ ന​ൽ​കേ​ണ്ട ശ​ബ്ദ​സം​വി​ധാ​ന​ത്തി​ലും ഈ ​ചി​ത്ര​ത്തി​ന് പാ​ളി​ച്ച പ​റ്റു​ന്നു. മ​ല​യാ​ളി​ക​ൾ​ക്ക് സു​പ​രി​ചി​ത​മാ​യ മ​മ്മൂ​ട്ടി​യു​ടെ ഘ​ന​ഗാം​ഭീ​ര്യ​മു​ള്ള ശ​ബ്ദം അ​വ​സാ​ന നി​മി​ഷ​ത്തി​ലെ ത​ട്ടി​ക്കൂ​ട്ട് ശ​ബ്ദ​ലേ​ഖ​നം കൊ​ണ്ട് ന​ന​ഞ്ഞ പ​ട​ക്ക​മാ​യി ആ​ണ് അ​നു​ഭ​വ​പ്പെ​ടു​ന്ന​ത്. ഒ​രു​വേ​ള ഡ​യ​ലോ​ഗി​നി​ട​യ്ക്ക് മ​മ്മൂ​ട്ടി​യു​ടെ ശ​ബ്ദ​ത്തി​ന് പ​ക​രം മ​റ്റൊ​രാ​ളു​ടെ ശ​ബ്ദ​വും ക​ട​ന്നു​വ​രു​ന്നു.



ചി​ത്ര​ത്തി​ന്‍റെ ക​ഥ​യ്ക്ക് പ്ര​ത്യേ​കി​ച്ച് പു​തു​മ​യൊ​ന്നും അ​വ​കാ​ശ​പ്പെ​ടാ​നി​ല്ലാ​ത്ത​തി​നാ​ൽ ഒ​രു ശ​രാ​ശ​രി പ്രേ​ക്ഷ​ക​ൻ ആ​ദ്യം ശ്ര​ദ്ധി​ക്കു​ക ഇ​ത്ത​രം കാ​ര്യ​ങ്ങ​ളാ​കും. ചാ​ര​പ്ര​വ​ർ​ത്ത​ന​ത്തി​ൽ അ​തീ​വ​ത​ൽ​പ​ര​നാ​യ ഒ​രു "വൈ​ൽ​ഡ് ഭ്രാ​ന്ത​ന്‍' ആ​യി ആ​ണ് അ​ക്കി​നേ​നി താ​ര​കു​ടും​ബ​ത്തി​ലെ ഇ​ള​മു​റ​ക്കാ​ര​നാ​യ അ​ഖി​ൽ എ​ത്തു​ന്ന​ത്.

"ജോ​ൺ വി​ക്ക്' ആ​കാ​ൻ ശ്ര​മി​ക്കു​ന്ന ആ​ക്ഷ​ൻ സീ​ക്വ​ൻ​സു​ക​ളു​ടെ ഇ‌​ട‌​യി​ൽ 1970-ക​ളി​ലെ വി​ല്ല​ന്മാ​രു​ടെ "അ​രി​മി​ല്ല് മെ​ഷീ​ൻ' ക​ണ​ക്കു​ള്ള ഓ​ഫീ​സ് സെ​റ്റു​ക​ളും വ​ന്നു​നി​റ​യു​ന്നു. മോ​ശം വി​എ​ഫ്എ​ക്സും ഗ്രീ​ൻ സ്ക്രീ​നി​ന്‍റെ മു​ഴ​ച്ചു​നി​ൽ​ക്കു​ന്ന ഉ​പ​യോ​ഗ​വും പ്ര​ത്യേ​ക പ​രാ​മ​ർ​ശം അ​ർ​ഹി​ക്കു​ന്നു.

ഏ​ജ​ന്‍റി​ന്‍റെ മെ​ന്‍റ​ർ ആ​യി എ​ത്തു​ന്ന മ​മ്മൂ​ട്ടി​ക്ക് കാ​ര്യ​മാ​യി ഒ​ന്നും ചെ​യ്യാ​നി​ല്ല. മാ​ത്ര​മ​ല്ല താ​ര​ത്തി​ന് നേ​ർ​ക്ക് ഭാ​വി​യി​ൽ സൈ​ബ​ർ ലോ​ക​ത്ത് നി​ന്ന് എ​ത്താ​നി​ട​യു​ള്ള മീം/​ട്രോ​ൾ സ്ക്രീ​ൻ​ഷോ​ട്ടു​ക​ൾ സം​വി​ധാ​യ​ക​ൻ എ​തി​രാ​ളി​ക​ൾ​ക്ക് സ​മ്മാ​നി​ക്കു​ക​യും ചെ​യ്യു​ന്നു.

എ​ന്തി​നോ വേ​ണ്ടി തി​ള​ച്ച നാ​യി​ക ആ​യി സാ​ക്ഷി വൈ​ദ്യ​യും "അ​ലൈ വൈ​കു​ണ്ഠ​പു​ര​മു​ലോ' ഹാം​ഗ്ഓ​വ​ർ വി​ട്ടു​മാ​റാ​ത്ത അ​ച്ഛ​നാ​യി മു​ര​ളി ശ​ർ​മ​യും വ​ന്നു​പോ​കു​ന്നു. കു​ഴ​പ്പമില്ലാ​ത്ത രീ​തി​യി​ൽ ചി​ത്രം മു​ന്നേ​റു​ന്നതായി തോ​ന്നു​ന്ന ഒ​രു ഘ​ട്ട​ത്തി​ൽ "ഹ​രേ കൃ​ഷ്ണ ഹ​രേ റാം' ​എ​ന്ന ഗാ​ന​ത്തി​ന്‍റെ ഹി​പ്പി ട്രി​ബ്യൂ​ട്ട് ക​ട​ന്നു​വ​ന്ന് വീ​ണ്ടും ഒ​ഴു​ക്ക് ന​ശി​പ്പി​ക്കു​ന്നു.
‌
ക​ഴി​ഞ്ഞ കു​റ​ച്ച് നാ​ളു​ക​ളാ​യി ഏ​വ​രെ​യും വി​സ്മ​യി​പ്പി​ക്കു​ന്ന ത​ര​ത്തി​ലു​ള്ള പ്ര​ക​ട​നം കാ​ഴ്ച​വ​യ്ക്കു​ന്ന മ​മ്മൂ​ട്ടി​യു​ടെ പ്ര​ക​ട​ന ഗ്രാ​ഫി​നെ തീ​ർ​ച്ച​യാ​യും പി​ന്നോ​ട്ട​ടി​ക്കു​ന്ന ചി​ത്ര​മാ​ണി​ത്. വ​ർ​ഷ​ങ്ങ​ൾ​ക്ക് മു​മ്പെ​ത്തി​യ മ​മ്മൂ​ട്ടി​യു​ടെ സ്പൈ/​ഏ​ജ​ന്‍റ് ചി​ത്ര​മാ​യ "വ​ന്ദേ​മാ​ത​രം' മ​ന​സി​ൽ വ​ച്ച് അ​ള​ന്നാ​ൽ "ഏ​ജ​ന്‍റ്' ക​ണ്ടു​നോ​ക്കാ​വു​ന്ന ഒ​രു ചി​ത്ര​മാ​ണെ​ന്ന് വ്യ​ക്ത​മാ​കും എ​ന്ന​ത് മാ​ത്ര​മാ​ണ് ഏ​ക ആ​ശ്വാ​സം.

ജോർജ് സഖറിയ