2004 ഏ​പ്രി​ൽ 17ന് ​ബി​ജെ​പി​യു​ടെ തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​നി​ടെ വി​മാ​നം ത​ക​ർ​ന്ന് മ​രി​ച്ച ന​ടി സൗ​ന്ദ​ര്യ​യു​ടെ മ​ര​ണം കൊ​ല​പാ​ത​ക​മെ​ന്ന് പ​രാ​തി. ആ​ന്ധ്ര​പ്ര​ദേ​ശി​ലെ ഖ​മ്മം സ്വ​ദേ​ശി​യും സാ​മൂ​ഹി​ക​പ്ര​വ​ർ​ത്ത​ക​നു​മാ​യ ചി​ട്ടി​മ​ല്ലു​വാ​ണ് ഖ​മ്മം പോ​ലീ​സി​ൽ പ​രാ​തി ന​ല്കി​യ​ത്.

ഭൂ​മി​ത​ർ​ക്ക​മാ​ണ് കൊ​ല​പാ​ത​ക​ത്തി​ലേ​ക്കു ന​യി​ച്ച​തെ​ന്നും സൗ​ന്ദ​ര്യ​യു​ടെ​യും സ​ഹോ​ദ​ര​ന്‍റെ​യും ഉ​ട​മ​സ്ഥ​ത​യി​ൽ ഷം​ഷാ​ബാ​ദി​ലു​ള്ള ആ​റ് ഏ​ക്ക​ർ ഭൂ​മി വി​ൽ​ക്കാ​ൻ ക​ന്ന​ഡ ന​ട​ൻ മോ​ഹ​ൻ​ബാ​ബു സ​മ്മ​ർ​ദം ചെ​ലു​ത്തി​യി​രു​ന്നെ​ന്നും ഇ​തു വി​സ​മ്മ​തി​ച്ച​തി​ലു​ള്ള പ്ര​തി​കാ​ര​മാ​ണ് കൊ​ല​പാ​ത​ക​ത്തി​നു പി​ന്നി​ലെ​ന്നും പ​രാ​തി​യി​ൽ ആ​രോ​പി​ക്കു​ന്നു. സൗ​ന്ദ​ര്യ​യു​ടെ മ​ര​ണ​ശേ​ഷം മോ​ഹ​ൻ​ബാ​ബു ഈ ​സ്ഥ​ല​ത്തി​ന്‍റെ ഉ​ട​മ​സ്ഥാ​വ​കാ​ശം നേ​ടി​യെ​ടു​ത്തെ​ന്നും പ​രാ​തി​യി​ലു​ണ്ട്.

കൊ​ല്ല​പ്പെ​ടു​ന്പോ​ൾ 31 വ​യ​സു​ള്ള സൗ​ന്ദ​ര്യ ര​ണ്ടു​മാ​സം ഗ​ർ​ഭി​ണി​യാ​യി​രു​ന്നു. അ​പ​ക​ട സ്ഥ​ല​ത്തു​നി​ന്ന് സൗ​ന്ദ​ര്യ​യു​ടെ മൃ​ത​ദേ​ഹം ക​ണ്ടെ​ടു​ത്തി​രു​ന്നി​ല്ല. കൊ​ല​പാ​ത​ക​ത്തി​ൽ മോ​ഹ​ൻ​ബാ​ബു​വി​ന്‍റെ പ​ങ്ക് അ​ന്വേ​ഷി​ക്ക​ണ​മെ​ന്നും ഈ ​ഭൂ​മി സ​ർ​ക്കാ​ർ ക​ണ്ടു​കെ​ട്ട​ണ​മെ​ന്നു​മാ​ണ് പ​രാ​തി​ക്കാ​ര​ന്‍റെ ആ​വ​ശ്യം. എ​ന്നാ​ൽ, പ​രാ​തി​യി​ൽ പോ​ലീ​സ് കേ​സ് ര​ജി​സ്റ്റ​ർ ചെ​യ്യാ​ൻ വി​സ​മ്മ​തി​ച്ചു.

സൗ​ന്ദ​ര്യ​യു​ടെ സ​ഹോ​ദ​ര​ന്‍ അ​മ​ര്‍​നാ​ഥ് ഷെ​ട്ടി, പൈ​ല​റ്റ് മ​ല​യാ​ളി​യാ​യ ജോ​യ് ഫി​ലി​പ്പ്, പ്രാ​ദേ​ശി​ക ബി​ജെ​പി നേ​താ​വ് ര​മേ​ഷ് ക​ദം എ​ന്നി​വ​രാ​ണ് കൊ​ല്ല​പ്പെ​ട്ട​ത്. ഹൈ​ദ​രാ​ബാ​ദി​ലേ​ക്ക് ബി​ജെ​പി​യു​ടെ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി പോ​ക​വേ, ബം​ഗ​ലൂ​രു​വി​ന് സ​മീ​പം ജ​ക്കൂ​രി​ല്‍ വെ​ച്ച് ന​ടി സ​ഞ്ച​രി​ച്ചി​രു​ന്ന പ്രൈ​വ​റ്റ് ജെ​റ്റ് ത​ക​ര്‍​ന്നു വീ​ഴു​ക​യാ​യി​രു​ന്നു.