സിറ്റി ടാർഗറ്റ് എന്റർടൈൻമെന്റിന്റെ ബാനറിൽ അഗസ്റ്റിൻ ജോസഫ് നിർമിച്ച് ആർ.എ. ഷഫീർ സംവിധാനം ചെയ്യുന്ന നിമ്രോദ് എന്ന ചിത്രം ദുബായിൽ ആരംഭിച്ചു. കലാസാംസ്കാരിക രംഗത്തെ നിരവധി പേരാണ് ചടങ്ങിൽ പങ്കെടുത്തത്.
പൂർണ്ണമായും ക്രൈം ത്രില്ലർ ജോണറിൽ അവതരിപ്പിക്കുന്ന ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത് ഷൈൻ ടോം ചാക്കോയാണ്.
ദിവ്യാ പിള്ള, ആത്മീയാ രാജൻ, പാർവതി ബാബു എന്നിവരാണ് നായികമാർ. സംവിധായകൻ ലാൽ ജോസും യുവനടൻ അമീർ നിയാസും പ്രധാന കഥാപാത്രങ്ങളെ അവതരിപ്പിക്കുന്നു.
തിരക്കഥ കെ.എം. പ്രതീഷ് . ഷീലാ പോളിന്റെ വരികൾക്ക് സംവിധായകൻ ആർ.എ.ഷഫീർ ഈണം പകർന്നിരിക്കുന്നു. തെലുങ്ക് - തമിഴ് ഭാഷകളിലെ പ്രശസ്തനായ ശേഖർ വി.ജോസഫ് ഛായാഗ്രഹണം നിർവഹിക്കുന്നു.
എഡിറ്റിംഗ് - അയൂബ് ഖാൻ. കലാസംവിധാനം - കോയാസ്. മേക്കപ്പ് - റോണക്സ് സേവ്യർ. കോസ്റ്റ്യും -ഡിസൈൻ - സമീരാ സനീഷ്. പ്രൊജക്റ്റ് ഡിസൈനർ - ലിജു നടേരി.
സിനിമയുടെ ചിത്രീകരണം ജനുവരി ഒന്നിന് ആരംഭിക്കും. ജോർജിയ, ഇടുക്കി, കൊച്ചി, പാലക്കാട്, കോയമ്പത്തൂർ എന്നിവിടങ്ങളാണ് പ്രധാന ലൊക്കേഷനുകൾ. പിആർഓ -വാഴൂർ ജോസ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.