തെലുങ്ക് പയ്യനായി കൊറിയക്കാരന്‍; വൈറല്‍ കാഴ്ച

വേറിട്ട സംസ്‌കാരങ്ങളും ആചാരങ്ങളും ലോകമെമ്പാടും കാണാന്‍ കഴിയും. ഇവയൊക്കെ അവരുടെ വസ്ത്രധാരണത്തിലും ഉണ്ടാകും. ഇന്ത്യക്കാരന്‍റെ ശൈലിയില്‍ നിന്നും തികച്ചും വ്യത്യസ്തമായിരിക്കും അമേരിക്കരന്‍റെ വസ്ത്രധാരണം.

അതിലും വ്യത്യസ്തമായിരിക്കും ആഫ്രിക്കയിലുള്ളവരുടേത്. സമൂഹ മാധ്യംങ്ങളുടെ വരവോടെ ഇത്തരം ആചാരങ്ങളും വസ്ത്രധാരണവുമൊക്കെ മറ്റുള്ളവര്‍ക്കും കാണാനും മനസിലാക്കാനും പഠിക്കാനുമൊെക്ക സാധിക്കുന്നു.

ഇപ്പോഴിതാ ദക്ഷിണ കൊറിയയില്‍ നിന്നുള്ള ഒരു യുവാവ് ഇന്ത്യന്‍ വസ്ത്രങ്ങള്‍ പരീക്ഷിക്കുന്നത് സമൂഹ മാധ്യമങ്ങളില്‍ വൈറലാകുന്നു. ബേ യൂന്‍-സൂ എന്ന ഇന്‍സ്റ്റഗ്രാം ഉപയോക്താവാണ് ഇത്തരമൊരു കാര്യം ചെയ്തത്.

ഇദ്ദേഹം പരമ്പരാഗത ദക്ഷിണേന്ത്യന്‍ വസ്ത്രമാണ് ധരിച്ചത്. പ്രത്യേകിച്ച് ആന്ധയിലും മറ്റും കാണെപ്പെടുന്ന വസ്ത്രധാരണമായിരുന്നത്. ഇന്‍സ്റ്റഗ്രാമില്‍ ബേ പങ്കുവച്ച വീഡിയോയയില്‍ ഇദ്ദേഹം ധോതിയും ദുപ്പട്ടയും കൃത്യമായി ധരിച്ചു കാട്ടുകയാണ്.

അടിക്കുറിപ്പില്‍, അദ്ദേഹം എഴുതി, "ഇന്ത്യയില്‍ ധാരാളം പരമ്പരാഗത വസ്ത്രങ്ങളുണ്ട്, എല്ലാം വളരെ മനോഹരമാണ്! അതുകൊണ്ടാണ് ഞാന്‍ ഇന്ത്യന്‍ പരമ്പരാഗത ഫാഷന്‍ ഇഷ്ടപ്പെടുന്നത്, ഞാന്‍ അത് പഠിക്കാന്‍ ശ്രമിക്കുന്നു. എന്‍റെ ഉറ്റസുഹൃത്തിന്‍റെ മാതാപിതാക്കള്‍ എനിക്ക് ഈ മനോഹരമായ ദക്ഷിണേന്ത്യന്‍ പരമ്പരാഗത വസ്ത്രം അയച്ചുതന്നു'

നിരവധി കമന്‍റുകള്‍ ദൃശ്യങ്ങള്‍ക്ക് ലഭിച്ചു. "ഞാന്‍ നിങ്ങളെ ആധാര്‍ ഓഫീസിലേക്ക് കൊണ്ടുപോകുന്നു. നിങ്ങള്‍ ഇപ്പോള്‍ ഇന്ത്യക്കാരനാണ്.'എന്നാണൊരാള്‍ കുറിച്ചത്. "ഞാന്‍ തെലുങ്കനും ദക്ഷിണേന്ത്യക്കാരനുമാണ്, എന്‍റെ സംസ്‌കാരം നിങ്ങളുടെ രാജ്യത്തേക്ക് കൊണ്ടുപോകുന്നത് കാണുന്നത് വളരെ മനോഹരമായി തോന്നുന്നു,'എന്നാണ് മറ്റൊരാള്‍ കുറിച്ചത്.

View this post on Instagram

A post shared by 배윤수 (@baeyunsooo)