പോ​ലീ​സു​കാ​ർ​ക്ക് വി​വാ​ഹസ​ദ്യ സ്റ്റേ​ഷ​നി​ൽ ഒ​രു​ക്കി ന​വദ​മ്പ​തി​ക​ൾ
ക​ര​യോ​ഗ മ​ന്ദി​ര​ത്തി​ലെ ക​തി​ർ​മ​ണ്ഡ​പ​ത്തി​ലെ താ​ലി​കെ​ട്ടി​നുശേ​ഷം ന​വ​ദ​മ്പ​തി​ക​ൾ നേ​രെ കാ​റി​ൽ വ​ന്നി​റ​ങ്ങി​യ​ത് പോ​ലീ​സ് സ്റ്റേ​ഷ​ൻ മു​റ്റ​ത്ത്. പി​ന്നെ പോ​ലീ​സു​കാ​രു​ടെ വ​ക സ്വീ​ക​ര​ണ​വും സ്റ്റേ​ഷ​നു മു​റ്റ​ത്തെ​ പ​ന്തി​ലി​ൽ ഒ​രു​ക്കി​യ സ​ദ്യ​യും ഒ​ക്കെ കൂ​ടി ആ​യ​പ്പോ​ൾ ന​വ ദ​മ്പ​തി​ക​ളു​ടെ വി​വാ​ഹ​വും വി​വാ​ഹ സ​ദ്യ​യും വേ​റി​ട്ട​താ​യി.

യെ​മ​നി​ൽ ഓ​യി​ൽ ക​മ്പ​നി​യി​ൽ ജോ​ലി ചെ​യ്യു​ന്ന ചേ​പ്പാ​ട് ചേ​ങ്ക​ര വീ​ട്ടി​ൽ അ​രു​ൺ എ​സ്. കൈ​മ​ളും ചേ​പ്പാ​ട് കോ​ട്ടം കോ​യി​ക്ക​ൽ നീ​തു​വു​മാ​ണ് ലോ​ക്ക്ഡൗ​ൺ കാ​ല​ത്ത് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ വി​ശ്ര​മ​മി​ല്ലാ​തെ സേ​വ​നം ചെ​യ്യു​ന്ന പോ​ലീ​സു​കാ​ർ​ക്ക് ആ​ദ​ര​വ് ന​ൽ​കി ക​രീ​ല​ക്കു​ള​ങ്ങ​ര പോ​ലീ​സ് സ്റ്റേ​ഷ​ൻ മു​റ്റ​ത്ത് വി​ഭ​വ സ​മൃ​ദ്ധ​മാ​യ സ​ദ്യ ഒ​രു​ക്കിത്. ക​ഴി​ഞ്ഞദി​വ​സം രാ​വി​ലെ 7നും 7.30 ​നും മ​ധ്യേ​യു​ള്ള മു​ഹൂ​ർ​ത്ത​ത്തി​ൽ ചേ​പ്പാ​ട് എ​ൻ എ​സ് എ​സ് ക​ര​യോ​ഗ മ​ന്ദി​ര​ത്തി​ലായി​രു​ന്നു ഇ​രു​വ​രു​ടെ​യും വി​വാ​ഹം.

ആ​യൂ​ർ​വേദ ഡോ​ക്ട​റാ​യ നീ​തു​വും അ​രു​ണും ത​മ്മി​ലു​ള്ള വി​വാ​ഹം മു​മ്പ് ന​ട​ത്താ​ൻ തീ​രു​മാ​നി​ച്ചി​രു​ന്നെ​ങ്കി​ലും ലോ​ക്ക് ഡൗ​ൺ​പ്ര​ഖ്യാ​പി​ച്ച​തി​നാ​ൽ നീ​ട്ടി​വ​യ്ക്കു​ക​യാ​യി​രു​ന്നു. വീ​ണ്ടും തീ​യ​തി നി​ശ്ച​യി​ച്ചെ​ങ്കി​ലും ലോ​ക്ക് ഡൗ​ൺ നീ​ട്ടി​യ​തി​നാ​ൽ മേ​യ് 24ന് ​ന​ട​ത്താ​ൻ ബ​ന്ധു​ക്ക​ൾ തീ​രു​മാ​നി​ക്കു​ക​യാ​യി​രു​ന്നു.​ സം​സ്ഥാ​ന സ​ർ​ക്കാ​രി​ന്‍റെയും ആ​രോ​ഗ്യ പ്ര​വ​ർ​ത്ത​ക​രു​ടേ​യും നി​ർ​ദേ​ശ​ങ്ങ​ളും മാ​ന​ദ​ണ്ഡ​ങ്ങ​ളും പാ​ലി​ച്ചാ​ണ് ച​ട​ങ്ങു​ക​ൾ ന​ട​ത്തി​യ​ത്. ​

വി​വാ​ഹ​ത്തി​ന് ല​ളി​ത​മാ​യ ച​ട​ങ്ങു​ക​ൾ മാ​ത്ര​മാ​ണ് ഉ​ണ്ടാ​യി​രു​ന്ന​ത്. വി​വാ​ഹ മ​ണ്ഡ​പ​ത്തി​ൽ നി​ന്നും ഇ​രു​വ​രും അ​ടു​ത്ത സു​ഹൃ​ത്തു​ക്ക​ൾ​ക്കൊ​പ്പ​മാ​ണ് ക​രീ​ല​ക്കു​ള​ങ്ങ​ര പോ​ലീ​സ് സ്റ്റേ​ഷ​നി​ൽ എ​ത്തി​യ​ത്. സ്റ്റേ​ഷ​ന് മു​മ്പി​ൽ ഒ​രു​ക്കി​യ താ​ത്ക്കാ​ലി​ക പ​ന്ത​ലി​ൽ പോ​ലീ​സു​കാ​ർ​ക്കൊ​പ്പം ഇ​രു​ന്നാ​ണ് ന​വ ദ​മ്പ​തി​ക​ൾ വി​വാ​ഹ സ​ദ്യ ക​ഴി​ച്ച​ത് . സ​ബ് ഇ​ൻ​സ്പെ​ക്ട​ർ​മാ​രാ​യ ആ​ശാ ​വി. രേ​ഖ, സു​ജി​ത്ത്, ജ​ന​മൈ​ത്രി ബീ​റ്റ് ഓ​ഫീ​സ​ർ എ​സ്. ആ​ർ. ഗി​രീ​ഷ് എ​ന്നി​വ​ർ ന​വദ​മ്പ​തി​ക​ൾ​ക്ക് ആ​ശം​സ​ക​ൾ നേ​ർ​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2021 , Rashtra Deepika Ltd.