പ്ര​ണ​യ​ത്തി​നു വെ​ള്ള​പ്പൊ​ക്കം ത​ട​സ​മാ​യി​ല്ല, താ​ലി​ഭാ​ഗ്യം ചെ​ന്പി​ന​ക​ത്ത് പൂ​വ​ണി​ഞ്ഞു
Tuesday, October 19, 2021 9:51 AM IST
പ്ര​ണ​യ​ത്തി​നും താ​ലി​കെ​ട്ടി​നും വെ​ള്ള​പ്പൊ​ക്കം ത​ട​സ​മാ​യി​ല്ല. മു​ഹൂ​ര്‍​ത്തം തെ​റ്റാ​തി​രി​ക്കാ​ന്‍ വ​ര​നും വ​ധു​വും അ​മ്പ​ല​ത്തി​ലേ​ക്ക് എ​ത്തി​യ​തും മി​ന്നു​ചാ​ര്‍​ത്തി മ​ട​ങ്ങി​യ​തും ചെ​മ്പി​നു​ള്ളി​ല്‍ ക​യ​റി. താ​ലി​ഭാ​ഗ്യം വ​ലി​യ ചെ​ന്പി​നു​ള്ളി​ൽ പൂ​വ​ണി​ഞ്ഞ സ​ന്തോ​ഷ​ത്തി​ലാ​ണ് ആ​കാ​ശും ഐ​ശ്വ​ര്യ​യും.

ത​ല​വ​ടി പ​ന​യ​ന്നൂ​ര്‍​കാ​വ് ദേ​വീക്ഷേ​ത്ര​ത്തി​ല്‍ വ​ച്ചാ​യി​രു​ന്നു ഇ​ന്ന​ലെ രാ​വി​ലെ വി​വാ​ഹം. ത​ക​ഴി പ​ട്ട​ത്താ​നം ക​റു​ക​യി​ല്‍ ആ​കാ​ശി​ന്‍റെ​യും അ​മ്പ​ല​പ്പു​ഴ അ​ശ്വ​തി​യി​ല്‍ ഐ​ശ്വ​ര്യ​യു​ടെയും വി​വാ​ഹ​മാ​ണ് ചെ​മ്പു​പാ​ത്ര​ത്തി​ല്‍ പൂ​വ​ണി​ഞ്ഞ​ത്.

ക്ഷേ​ത്ര​വും പ​രി​സ​ര​വും വെ​ള്ള​ത്തി​ലാ​യ​തോ​ടെ മു​ഹൂ​ര്‍​ത്തം തെ​റ്റാ​തി​രി​ക്കാ​ന്‍ ഇ​വ​ര്‍ ചെ​മ്പി​നെ ആ​ശ്ര​യി​ക്കു​ക​യാ​യി​രു​ന്നു. വ​ധു​വ​ര​ന്മാ​ര്‍ ത​ല​വ​ടി പ​ന​യ​ന്നൂ​ര്‍​കാ​വ് ദേ​വീക്ഷേ​ത്ര​ത്തി​ല്‍ താ​ലി​ചാ​ര്‍​ത്താ​നെ​ത്തി​യ​പ്പോ​ള്‍ ക്ഷേ​ത്ര​ത്തി​ലേ​ക്കു പ്ര​വേ​ശി​ക്കാ​ന്‍ വെ​ള്ളം ത​ട​സ​മാ​യി. അ​ര​യോ​ളം വെ​ള്ള​ത്തി​ല്‍ 300 മീ​റ്റ​റോ​ളം നീ​ന്തി വേ​ണം ക്ഷേ​ത്ര​ത്തി​ല്‍ എ​ത്താ​ന്‍.

വി​വാ​ഹ​വ​സ്ത്രം ധ​രി​ച്ചെ​ത്തി​യ ആ​കാ​ശും ഐ​ശ്വ​ര്യ​യും അ​ല്പ​മൊ​ന്ന് പ​ക​ച്ചെ​ങ്കി​ലും ബ്ലോ​ക്ക് പ​ഞ്ചാ​യ​ത്ത് അം​ഗം അ​ജി​ത്ത് കു​മാ​ര്‍ പി​ഷാ​ര​ത്തി​ന്‍റെ നേ​തൃ​ത്വ​ത്തി​ൽ ത​ദ്ദേ​ശ​വാ​സി​ക​ള്‍ ധൈ​ര്യം പ​ക​ര്‍​ന്നുന​ല്‍​കി. ക്ഷേ​ത്ര​ത്തി​ല്‍ ഉ​പ​യോ​ഗി​ക്കു​ന്ന വ​ലി​യ ചെ​മ്പു​പാ​ത്ര​ത്തി​ല്‍ വ​ധു​വ​ര​ന്മാ​രെ ക​യ​റ്റി ക്ഷേ​ത്ര​ത്തി​ല്‍ എ​ത്തി​ച്ചു.

ക്ഷേ​ത്ര മ​ണ്ഡ​പ​ത്തി​ല്‍ ന​ട​ത്തി​യ ല​ഘു​ച​ട​ങ്ങി​ല്‍ ആ​കാ​ശ് ഐ​ശ്വ​ര്യ​യു​ടെ ക​ഴു​ത്തി​ല്‍ താ​ലി ചാ​ര്‍​ത്തി. അ​ര​യോ​ളം വെ​ള്ള​മു​ള്ള ശ്രീ​കോ​വി​ലി​നു ചു​റ്റും വ​ര​ണ​മാ​ല്യം ധ​രി​ച്ച് വ​ധു​വ​ര​ന്മാ​ര്‍ ചെ​മ്പി​ല്‍ ക​യ​റി പ്ര​ദ​ക്ഷി​ണം പൂ​ര്‍​ത്തി​യാ​ക്കി​യാ​ണ് മ​ട​ങ്ങി​യ​ത്.

ചെ​ങ്ങ​ന്നൂ​രി​ലെ സ്വ​കാ​ര്യ ആ​ശു​പ​ത്രി​യി​ല്‍ ന​ഴ്‌​സിം​ഗ് അ​സി​സ്റ്റ​ന്‍റാ​യി ജോ​ലി നോ​ക്കു​ന്ന ഐ​ശ്വ​ര്യ​യും അ​തേ ആ​ശു​പ​ത്രി​യി​ല്‍ ക്ലീ​നിം​ഗ് ജോ​ലി ചെ​യ്യു​ന്ന ആ​കാ​ശും പ്ര​ണ​യ​ബ​ദ്ധ​രാ​യി​രു​ന്നു. വീ​ട്ടു​കാ​രു​ടെ എ​തി​ര്‍​പ്പ് അ​വ​ഗ​ണി​ച്ച് ഐ​ശ്വ​ര്യ ക​ഴി​ഞ്ഞ അ​ഞ്ചി​ന് ആ​കാ​ശി​നൊ​പ്പം ഇ​റ​ങ്ങി​പ്പോ​രു​ക​യാ​യി​രു​ന്നു.

15ന് ​ഇ​രു​വ​രു​ടെയും വി​വാ​ഹ ര​ജി​സ്‌​ട്രേ​ഷ​നും ന​ട​ന്നു. ക്ഷേ​ത്ര​ത്തി​ല്‍ വ​ച്ച് താ​ലി ചാ​ര്‍​ത്ത​ണ​മെ​ന്ന് വ​ധൂവ​ര​ന്മാ​ര്‍ തീ​രു​മാ​നി​ച്ചു. താ​ലി കെ​ട്ടാ​നാ​യി അ​മ്പ​ല​പ്പു​ഴ, ത​ക​ഴി ക്ഷേ​ത്ര​ങ്ങ​ളി​ല്‍ എ​ത്തി​യെ​ങ്കി​ലും കോ​വി​ഡ് പ്രോ​ട്ടോ​കോ​ള്‍ ത​ട​സ​മാ​യി. ഇ​രു​വ​രും പ​ന​യ​ന്നൂ​ര്‍​കാ​വ് ദേ​വീ ക്ഷേ​ത്ര ഭാ​ര​വാ​ഹി​ക​ളു​മാ​യി ബ​ന്ധ​പ്പെ​ട്ടു.

താ​ലി ചാ​ര്‍​ത്ത​ലി​നു ക്ഷേ​ത്ര ഭാ​ര​വാ​ഹി​ക​ള്‍ സ​മ്മ​തം ന​ല്‍​കി​യ​തോ​ടെ ക​ന്നി​മാ​സം ക​ഴി​യാ​ന്‍ ഇ​രു​വ​രും കാ​ത്തി​രി​ക്കു​ക​യാ​യി​രു​ന്നു. ഐ​ശ്വ​ര്യ ആ​കാ​ശി​ന്‍റെ പി​താ​വി​നും മാ​താ​വി​നും സ​ഹോ​ദ​രി​ക്കും സ​ഹോ​ദ​രി ഭ​ര്‍​ത്താ​വി​നും ഒ​പ്പ​മാ​ണ് എ​ത്തി​യ​ത്.

വി​വാ​ഹ ശേ​ഷം ത​ല​വ​ടി സ്വ​ദേ​ശി​ക​ളാ​യ നി​ര​വ​ധി യു​വാ​ക്ക​ളു​ടെ അ​ക​ന്പ​ടി​യോ​ടെ​യാ​ണ് വ​ധു​വ​ര​ന്മാ​ര്‍ വീ​ട്ടി​ല്‍ തി​രി​കെ എ​ത്തി​യ​ത്. ക്ഷേ​ത്ര മു​ഖ്യ കാ​ര്യ​ദ​ര്‍​ശി ആ​ന​ന്ദ​ന്‍ ന​മ്പൂ​തി​രി, അ​ജി​കു​മാ​ര്‍ ക​ല​വ​റ​ശേ​രി, പ്ര​സ​ന്ന​ന്‍, പ്ര​സാ​ദ് എ​ന്നി​വ​ര്‍ വി​വാ​ഹ ച​ട​ങ്ങു​ക​ള്‍​ക്കു നേ​തൃ​ത്വം ന​ല്‍​കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.