ബെയ്ദു സിഇഒയുടെ തലയിൽ വെള്ളമൊഴിച്ച് യുവാവിന്റെ പ്രതിഷേധം; അമ്പരന്ന് സദസ്
Thursday, July 4, 2019 12:22 PM IST
ചൈനീസ് കമ്പനിയായ ബെയ്ദുവിന്റെ സിഇഒ റോബിൻ ലീ പ്രസംഗിച്ചുകൊണ്ടിരിക്കുമ്പോൾ സ്റ്റേജിൽ അതിക്രമിച്ചു കയറിയ യുവാവ് അദ്ദേഹത്തിന്റെ തലയിൽ വെള്ളമൊഴിച്ചു. കമ്പനി സംഘടിപ്പിച്ച ചടങ്ങിനിടെ നിർമിത ബുദ്ധിയെക്കുറിച്ച് കമ്പനിയുടെ സ്ഥാപകനും സിഇഒയുമായ റോബിൻ ലീ സംസാരിക്കുമ്പോഴായിരുന്നു ഈ അസാധാരണമായ സംഭവം അരങ്ങേറിയത്.
കുപ്പിയിൽ നിറച്ച വെള്ളവുമായാണ് ഇദ്ദേഹം സ്റ്റേജിൽ കയറിയത്. അദ്ദേഹം അമ്പരന്നു നിൽക്കുമ്പോൾ ഈ യുവാവ് സ്റ്റേജിൽ നിന്നും നടന്നു നീങ്ങുകയും ചെയ്തു. തുടർന്ന് സുരാക്ഷാ ഉദ്യോഗസ്ഥരുടെ സംരക്ഷണയിലാണ് അദ്ദേഹം തന്റെ സംസാരം പൂർത്തീകരിച്ചത്.
എന്നാൽ ഇയാൾ ഇങ്ങനെ ചെയ്യാൻ കാരണമെന്താണെന്ന് വ്യക്തമല്ല.