പോസ്റ്റ്കാ​ർ​ഡ് കി​ട്ടി; 26 വ​ർ​ഷ​ങ്ങൾക്ക് ശേ​ഷം!
Sunday, July 21, 2019 10:09 AM IST
യു​എ​സി​ലെ ഇ​ല്ലി​നോ​യി​സു​കാ​രി​യാ​യ കിം ​ഡ്രാ​പ്പ​റി​ന് ഏ​താ​നും ദി​വ​സം മു​ന്പ് ഒ​രു പോ​സ്റ്റ് കാ​ർ​ഡ് കി​ട്ടി. ഒ​രു പോ​സ്റ്റ്കാ​ർ​ഡി​ലെ​ന്താ​ണ് ഇ​ത്ര കാ​ര്യ​മെ​ന്നാ​വും ഇ​പ്പോ​ൾ ചി​ന്തി​ച്ച​ത്. കാ​ര്യ​മു​ണ്ട്. 1993ൽ ​മ​സ്റൂ​ർ കി​സി​ൽ​ബാ​ഷ് വീ​ട്ടി​ലേ​ക്ക് അ​യ​ച്ച കാ​ർ​ഡാ​ണ് 26 വ​ർ​ഷ​ത്തി​നു ശേ​ഷം ഇ​പ്പോ​ൾ ആ ​വി​ലാ​സ​ത്തി​ൽ താ​മ​സി​ക്കു​ന്ന കിമ്മിന് ല​ഭി​ച്ച​ത്. കി​സി​ൽ​ബാ​ഷി​ന്‍റെ കു​ടും​ബം സ്പ്രിം​ഗ​ഫീ​ൽ​ഡി​ലാ​ണ് താ​മ​സി​ച്ചി​രു​ന്ന​ത്. ജോ​ലി ആ​വ​ശ്യ​വു​മാ​യി കി​സി​ൽ​ബാ​ഷ് ഹോ​ങ്കോ​ങ്ങി​ലാ​യി​രു​ന്നു.

ലീ​ന ആ​ൻ​ഡ് മു​ഹ​മ്മ​ദ് ആ​ലി കി​സി​ൽ​ബാ​ഷ് എ​ന്നാ​ണ് ആ​ളു​ടെ അ​ഡ്ര​സി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത്.’ വൈ​കാ​തെ കാ​ണാം, നി​ങ്ങ​ളു​ടെ ഡാ​ഡി’ എ​ന്നാ​ണ് പോ​സ്റ്റ് കാ​ർ​ഡി​ൽ എ​ഴു​തി​യി​രി​ക്കു​ന്ന​ത്. പോ​സ്റ്റ്കാ​ർ​ഡ് കി​ട്ടി​യ​തോ​ടെ കിം ​വി​ലാ​സ​ക്കാ​ര​നെ എ​ങ്ങ​നെ​യും ക​ണ്ടു​പി​ടി​ക്കാ​ൻ തീ​രു​മാ​നി​ച്ചു.

സോ​ഷ്യ​ൽ മീ​ഡി​യയു​ടെ സ​ഹാ​യ​ത്തോ​ടെ ഏ​റെ പ​രി​ശ്ര​മ​ത്തി​നൊ​ടു​വി​ലാ​ണ് കി​സി​ൽ​ബാ​ഷി​നെ​യും മു​ഹ​മ്മ​ദി​നെ​യും ക​ണ്ടെ​ത്തി​യ​ത്. ഷി​ക്കാ​ഗോ​യി​ലാ​ണ് ഇ​പ്പോ​ൾ മു​ഹ​മ്മ​ദ് താ​മ​സി​ക്കു​ന്ന​ത്. ഫോ​ണ്‍ ചെ​യ്യാ​നും ഇ​ന്‍റ​ർ​നെ​റ്റ് സൗ​ക​ര്യ​ത്തി​നു​മെ​ല്ലാം വ​ലി​യ ചെ​ല​വാ​യി​രു​ന്ന അ​ക്കാ​ല​ത്ത് പോ​സ്റ്റ് കാ​ർ​ഡ് മാ​ത്ര​മാ​ണ് ഏ​ക ആ​ശ്ര​യ​മെ​ന്ന് കി​സി​ൽ​ബാ​ഷ് പ​റ​യു​ന്നു.

പ​തി​വാ​യി വീ​ട്ടി​ലേ​ക്ക് പോ​സ്റ്റ് കാ​ർ​ഡ് അ​യ​യ്ക്കാ​റു​ണ്ടാ​യി​രു​ന്ന​ത്രേ. കി​സി​ൽ​ബാ​ഷ് അ​യ​ച്ച ഹോ​ങ്കോ​ങ്ങി​ലെ മ​ത്സ്യ​ബോ​ട്ടു​ക​ളു​ടെ ചി​ത്ര​മു​ള്ള പോ​സ്റ്റ് കാ​ർ​ഡാ​ണ് കി​മ്മി​ന് ല​ഭി​ച്ച​ത്. ഹോ​ങ്കോ​ങ്ങി​ൽനി​ന്ന് കാ​ർ​ഡ് വ​രാ​ൻ താ​മ​സി​ച്ച​താ​വാം ഇ​ങ്ങ​നെ സം​ഭ​വി​ക്കാ​ൻ കാ​ര​ണ​മെ​ന്നാ​ണ് യു​എ​സ് പോ​സ്റ്റ​ൽ സ​ർ​വീ​സി​ന്‍റെ വി​ശ​ദീ​ക​ര​ണം. ഇ​നി നേ​രി​ട്ട് പോ​സ്റ്റ് കാ​ർ​ഡ് മു​ഹ​മ്മ​ദി​നെ ഏ​ൽ​പിക്കാ​നാ​ണ് കി​മ്മി​ന്‍റെ തീ​രു​മാ​നം.

എസ്ടി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.