സു​പ്രീം​കോ​ട​തി ഉ​ത്ത​ര​വി​ട്ടാ​ല്‍ വ​നം​വ​കു​പ്പ് വ​ഴി​തെ​ളി​ക്ക​ണം, പോ​ലീ​സ് ക​മ്മീ​ഷ​ണ​ര്‍ പാ​പ്പാ​നാ​ക​ണം!
Saturday, December 14, 2019 10:08 PM IST
"ല​ക്ഷ്മി എ​നി​ക്ക് ഏ​റ്റ​വും പ്രീ​യ​പ്പെ​ട്ട​വ​ളാ​ണ്. അ​വ​ള്‍​ക്ക് വേ​ണ്ടി ജീ​വ​ന്‍ വ​രെ കൊ​ടു​ക്കാ​ന്‍ ഞാ​ന്‍ ത​യാ​റാ​ണ്. എ​ല്ലാ​വി​ധ അ​ന്ത​സോ​ടെ​യും അ​ഭി​മാ​ന​ത്തോ​ടെ​യും ഭൂ​മി​യി​ല്‍ ജീ​വി​ക്കാ​നു​ള്ള അ​വ​കാ​ശം അ​വ​ള്‍​ക്കു​ണ്ട്. അ​വ​ളെ വി​ട്ടു​ത​ര​ണം...’ ഇ​ങ്ങ​നെ ഒ​രാ​വ​ശ്യ​വു​മാ​യി ബി​ഹാ​ര്‍ സ്വ​ദേ​ശി സ​ദാം ക​ഴി​ഞ്ഞ ദി​വ​സം സു​പ്രീം​കോ​ട​തി​യി​ല്‍ ന​ല്‍​കി​യ ഹേ​ബി​യ​സ് കോ​ര്‍​പ​സ് ഹ​ര്‍​ജി​യി​ല്‍ ല​ക്ഷ്മി​ക്ക് വേ​ണ്ടി​യു​ള്ള നി​ല​വി​ളി ത​ന്നെ​യാ​ണു​ള്ള​ത്.

ഹ​ര്‍​ജി പ​രി​ഗ​ണി​ച്ച് സു​പ്രീം കോ​ട​തി ല​ക്ഷ്മി​യെ ഹാ​ജാ​ര​ക്കാ​ന്‍ ഉ​ത്ത​ര​വി​ട്ടാ​ല്‍ കേ​ന്ദ്ര വ​നം വ​കു​പ്പ് വ​ഴി​തെ​ളി​ച്ചു കൊ​ടു​ക്കേ​ണ്ടി വ​രും. ഒ​രു പ​ക്ഷേ തോ​ട്ടി​യും വ​ടി​യു​മാ​യി ഡ​ല്‍​ഹി പോ​ലീ​സ് ക​മ്മീ​ഷ​ണ​ര്‍ പാ​പ്പാ​നാ​യി വ​രേ​ണ്ടി​യും വ​രും. യ​മു​ന ന​ദി ഡ​ല്‍​ഹി​ക്കു​ള്ള​താ​ണെ​ങ്കി​ല്‍ ല​ക്ഷ്മി തന്‍റേതാ​ണ് എ​ന്ന വി​ശ്വാ​സ​ത്തി​ല്‍ കാ​ത്തി​രി​ക്കു​ക​യാ​ണ് സ​ദാം.

ഇ​നി ല​ക്ഷ്മി ആ​രെ​ന്ന​ല്ലേ, ത​ല​സ്ഥാ​ന ന​ഗ​ര​മാ​യ ഡ​ല്‍​ഹി​യി​ല്‍ ആ​ന​ക​ളു​ടെ വ​ര്‍​ഗ​ത്തി​ല്‍ ത​ന്നെ അ​വ​ശേ​ഷി​ക്കു​ന്ന അ​വ​സാ​ന​ത്തെ പി​ടി​യാ​ന​യാ​ണ്. സ​ദാം ആ​ക​ട്ടെ അ​വ​ളെ ജീ​വ​നു തു​ല്യം സ്നേ​ഹി​ക്കു​ന്ന പാ​പ്പാ​നും. ല​ക്ഷ്മി​ക്ക് വേ​ണ്ടി ത​ന്റെ ജീ​വ​ന്‍ ത​ന്നെ ന​ല്‍​കാ​ന്‍ ത​യാ​റാ​ണ്. ത​നി​ക്ക് മാ​ത്ര​മേ അ​വ​ള്‍​ക്ക് മ​ന​സി​ലാ​കു​ന്ന ഭാ​ഷ​യി​ല്‍ സം​സാ​രി​ക്കാ​ന്‍ ക​ഴി​യൂ എ​ന്നും സ​ദാം തന്‍റെ ഹ​ര്‍​ജി​യി​ല്‍ പ​റ​യു​ന്നു.



സ​ദാം എ​ന്ന ബി​ഹാ​ര്‍ സ്വ​ദേ​ശി പാ​പ്പാ​നാ​ണ് തന്‍റെ ഹൃ​ദ​യ​ത്തിന്‍റെ ത​ന്നെ ഭാ​ഗ​മാ​യ ല​ക്ഷ്മി എ​ന്ന ആ​ന​യെ വി​ട്ടുകി​ട്ട​ണം എ​ന്നാ​വ​ശ്യ​പ്പെ​ട്ട് സു​പ്രീം​കോ​ട​തി​യി​ല്‍ ഹ​ര്‍​ജി ന​ല്‍​കി​യി​രി​ക്കു​ന്ന​ത്. ല​ക്ഷ്മി​യെ മോ​ഷ്ടി​ച്ച് അ​ന​ധി​കൃ​ത​മാ​യി ക​സ്റ്റ​ഡി​യി​ല്‍ വെ​ച്ചി​രി​ക്കു​ക​യാ​ണെ​ന്ന പ​രാ​തി​യി​ല്‍ ഡ​ല്‍​ഹി പോ​ലീ​സ് അ​റ​സ്റ്റ് ചെ​യ്ത സ​ദാം 68 ദി​വ​സ​ത്തെ ജ​യി​ല്‍ വാ​സ​ത്തി​ന് ശേ​ഷം ക​ര്‍​ക്ക​ര്‍​ദൂ​മ കോ​ട​തി ജാ​മ്യം ന​ല്‍​കി​യ​തി​നെ തു​ട​ര്‍​ന്നാ​ണ് ഇ​ന്ന​ലെ ഡ​ല്‍​ഹി മ​ണ്ടോ​ളി ജ​യി​ലി​ന് പു​റ​ത്തി​റ​ങ്ങി​യ​ത്.

ജ​യി​ലി​ന് പു​റ​ത്തി​റ​ങ്ങി​യ സ​ദാം ല​ക്ഷ്മി​യെ പ​ല​യി​ട​ങ്ങ​ളി​ലും തി​ര​ഞ്ഞു. അ​ങ്ങ​നെ​യാ​ണ് ഹ​രി​യാ​ന​യി​ലെ ഒ​രു പു​ന​ര​ധി​വാ​സ കേ​ന്ദ്ര​ത്തി​ല്‍ അ​സു​ഖ​ബാ​ധി​ത​യാ​യി ക​ഴി​യു​ക​യാ​ണെ​ന്ന് അ​റി​ഞ്ഞ​ത്. സ്നേ​ഹ​മോ പ​രി​ച​ര​ണ​മോ ല​ഭി​ക്കാ​തെ അ​തീ​വ ഗു​രു​ര​ത​രാ​വ​സ്ഥ​യി​ല്‍ ല​ക്ഷ്മി ത​ട​വി​ല്‍ എ​ന്ന പോ​ലെ​യാ​ണ് ക​ഴി​യു​ന്ന​തെ​ന്ന് സ​ദാം തന്‍റെ ഹ​ര്‍​ജി​യി​ല്‍ ചൂ​ണ്ടി​ക്കാ​ട്ടു​ന്നു.

കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യം, ഡ​ല്‍​ഹി പോ​ലീ​സ് ക​മ്മീ​ഷ​ണ​ര്‍, ഹ​രി​യാ​ന​യി​ലെ തെ​ഹ്രി​യി​ലെ ആ​ന സം​ര​ക്ഷ​ണ കേ​ന്ദ്രം എ​ന്നി​വ​ര്‍​ക്കെ​തി​രേ​യാ​ണ് ഹ​ര്‍​ജി. മ​ല​യാ​ളി​യാ​യ സു​പ്രീം​കോ​ട​തി അ​ഭി​ഭാ​ഷ​ക​ന്‍ വി​ല്‍​സ് മാ​ത്യൂ​സ് മു​ഖേ​ന​യാ​ണ് സ​ദാം ഹ​ര്‍​ജി ന​ല്‍​കി​യി​രി​ക്കു​ന്ന​ത്.

ബി​ഹാ​റി​ല്‍ നി​ന്നു ഡ​ല്‍​ഹി​യി​ലേ​ക്ക് കു​ടി​യേ​റി​യ യൂ​സ​ഫ​ലി എ​ന്ന​യാ​ളു​ടെ ര​ണ്ട് ആ​ന​ക​ളെ​യാ​ണ് സ​ദാം പ​രി​പാ​ലി​ച്ചി​രു​ന്ന​ത്, ല​ക്ഷ്മി​യും മോ​ട്ടി​യും. പ​തി​ന​ഞ്ച് വ​ര്‍​ഷ​മാ​യി ല​ക്ഷ്മി​യു​മാ​യി അ​തീ​വ ഹൃ​ദ്യ​മാ​യ ബ​ന്ധ​മാ​ണ് സ​ദാ​മി​നു ഉ​ണ്ടാ​യി​രു​ന്ന​ത്. യൂ​സ​ഫ​ലി ആ​ന​യ്ക്ക് ശ​രി​യാ​യ ചി​ട്ട​വ​ട്ട​ങ്ങ​ള്‍ ഒ​രു​ക്കു​ന്നി​ല്ലെ​ന്ന പ​രാ​തി​യി​ല്‍ ആ​ന​യെ പി​ടി​ച്ചെ​ടു​ക്കു​മെ​ന്ന് ചൂ​ണ്ടി​ക്കാ​ട്ടി വ​ന്യ​ജീ​വി വ​കു​പ്പ് നോ​ട്ടീ​സ് അ​യ​ച്ചി​രു​ന്നു. തു​ട​ര്‍​ന്നാ​ണ് സ​ദാം ആ​ന​യു​മാ​യി അ​പ്ര​ത്യ​ക്ഷ​നാ​യ​ത്. അ​തോ​ടെ ആ​ന​യെ​ക്കു​റി​ച്ച് വി​വ​രം ല​ഭി​ച്ചാ​ല്‍ അ​റി​യി​ക്കാ​ന്‍ വ​നം വ​കു​പ്പ് എ​ല്ലാ സം​സ്ഥാ​ന​ങ്ങ​ളി​ലെ​യും വ​ന്യ​ജീ​വി വ​കു​പ്പി​ന് നോ​ട്ടീ​സ​യ​ച്ചു.

ഒ​ടു​വി​ല്‍ ക​ഴി​ഞ്ഞ സെ​പ്റ്റം​ബ​റി​ലാ​ണ് സ​ദാ​മി​നെ​യും ല​ക്ഷ്മി​യേ​യും ഡ​ല്‍​ഹി​യി​ല്‍ യ​മു​ന​യ്ക്ക​ടു​ത്തു നി​ന്ന് ക​ണ്ടെ​ത്തി​യ​ത്. ഇ​രു​വ​രെ​യും ഡ​ല്‍​ഹി പോ​ലീ​സ് ക​സ്റ്റ​ഡി​യി​ല്‍ എ​ടു​ക്കു​ക​യും ചെ​യ്തു. ആ​ന​യെ മോ​ഷ്ടി​ച്ച കു​റ്റ​ത്തി​ന് സ​ദാ​മി​നെ ജ​യി​ലി​ലേ​ക്കും ല​ക്ഷ്മി​യെ ഹ​രി​യാ​ന​യി​ലെ കേ​ന്ദ്ര​ത്തി​ലേ​ക്കും മാ​റ്റി.

പ​ന്ത്ര​ണ്ടോ​ളം ഉ​ദ്യോ​ഗ​സ്ഥ​രു​ടെ മൂ​ന്നു ടീ​മു​ക​ളാ​ണ് ത​ല​സ്ഥാ​ന​ത്ത് ല​ക്ഷ്മി​ക്കും സ​ദാ​മി​നും വേ​ണ്ടി തി​ര​ച്ചി​ല്‍ ന​ട​ത്തി​യ​ത്. ആ​ന​യു​ടെ ഉ​ട​മ അ​ല്ലെ​ങ്കി​ലും ഏ​റ്റ​വും അ​ടു​പ്പ​മു​ള്ള ആ​ളെ​ന്ന നി​ല​യി​ല്‍ ത​നി​ക്ക് നീ​തി ഉ​റ​പ്പാ​ക്കി ല​ക്ഷ്മി​യെ ചി​കി​ത്സ​യ്ക്കും പ​രി​പാ​ല​ന​ത്തി​നും ആ​യി വി​ട്ടു ന​ല്‍​ക​ണ​മെ​ന്നാ​ണ് സ​ദാ​മിന്‍റെ ഹ​ര്‍​ജി​യി​ല്‍ ആ​വ​ശ്യ​പ്പെ​ട്ടി​രി​ക്കു​ന്ന​ത്. കൊ​ടി​യ പീ​ഡ​ന​ങ്ങ​ള്‍ ഏ​ല്‍​പ്പി​ച്ചാ​ണ് ല​ക്ഷ്മി​യെ വ​നം വ​കു​പ്പ് ഉ​ദ്യോ​ഗ​സ്ഥ​ര്‍ കൊ​ണ്ടു പോ​യ​തെ​ന്നും സ​ദാം ആ​രോ​പി​ക്കു​ന്നു.

സു​പ്രീം​കോ​ട​തി​യു​ടെ 2014ലെ ​ജെ​ല്ലി​ക്കെ​ട്ട് കേ​സി​ലെ ഉ​ത്ത​ര​വി​ല്‍ പ​റ​യു​ന്ന​ത് പോ​ലെ ഒ​രു മൃ​ഗ​മാ​ണെ​ങ്കി​ല്‍ കൂ​ടി ഭ​ര​ണ​ഘ​ട​ന​യു​ടെ 21 വ​കു​പ്പ് ഉ​റ​പ്പ് ന​ല്‍​കു​ന്ന അ​ന്ത​സോ​ടെ ജീ​വി​ക്കാ​നു​ള്ള അ​വ​കാ​ശ​ത്തി​ന്‍റെ പേ​രി​ല്‍ ല​ക്ഷ്മി​യെ വി​ട്ടു കി​ട്ട​ണ​മെ​ന്നാ​ണ് പ്രിയ​പ്പെ​ട്ട പാ​പ്പാ​ന്‍ സ​ദാ​മിന്‍റെ ആ​വ​ശ്യം.



അ​ന്ന് ല​ക്ഷ്മി, ഇ​ന്ന് ജാ​സ്മി​ന്‍

സ​ദാം ഇ​നി​യും അ​റി​യാ​ത്ത ഒ​രു കാ​ര്യ​മു​ണ്ട്. 47കാ​രി​യാ​യ ല​ക്ഷ്മി ഇ​പ്പോ​ള്‍ ഹ​രി​യാ​ന​യി​ല്‍ ഒ​രു സം​ര​ക്ഷ​ണ കേ​ന്ദ്ര​ത്തി​ല്‍ ക​ഴി​യു​ന്ന​ത് മറ്റൊരു പേ​രി​ലാ​ണ്. ഹ​രി​യാ​ന​യി​ലെ ബാ​ന്‍​സ​ന്ദൗ​ര്‍ എന്ന ഒ​രു സ​ര്‍​ക്കാ​രി​ത​ര വ​ന്യ​ജീ​വി സം​ര​ക്ഷ​ണ സം​ഘ​ട​ന​യു​ടെ കേ​ന്ദ്ര​ത്തി​ല്‍ ഇ​പ്പോ​ള്‍ ജാ​സ്മി​ന്‍ എ​ന്ന പേ​രി​ലാ​ണ് ല​ക്ഷ്മി ക​ഴി​യു​ന്ന​ത്.

ല​ക്ഷ്മി​യെ ത​ങ്ങ​ള്‍​ക്ക് ല​ഭി​ക്കു​മ്പോ​ള്‍ ദേ​ഹ​മാ​സ​ക​ലം മു​റി​വേ​റ്റ പാ​ടു​ക​ളു​മാ​യി അ​വ​ശ​നി​ല​യി​ല്‍ ആ​യി​രു​ന്നെ​ന്നാ​ണ് വൈ​ല്‍​ഡ് ലൈ​ഫ് എ​സ്ഒ​എ​സിന്‍റെ സി​ഇ​ഒ കാ​ര്‍​ത്തി​ക് സ​ത്യ​നാ​രാ​യ​ണ്‍ പ​റ​ഞ്ഞ​ത്. മ​നു​ഷ്യ​രേ​ക്കാ​ള്‍ അ​ധി​കം ആ​ന​ക​ളു​മാ​യി ത​ന്നെ ഇ​വി​ടെ ഇ​ട​പ​ഴ​കി ക​ഴി​യു​ന്ന ജാ​സ്മി​ന്‍ എ​ന്ന ല​ക്ഷ്മി അ​തീ​വ സ​ന്തോ​ഷ​ത്തി​ലാ​ണെ​ന്നും കാ​ര്‍​ത്തി​ക് പ​റ​യു​ന്നു.

സെബി മാത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.