മെ​ക്സിക്കോ​യി​ലെ എ​ക്കോ​ള​ജി​ക്ക​ൻ പാ​ർ​ക്കി​ൽ ന​ട​ന്ന സം​ഭ​വ​ത്തി​ന്‍റെ വീ​ഡി​യോ ക​ണ്ടാ​ൽ​ത​ന്നെ ശ്വാ​സം നി​ല​ച്ചു​പോ​കും. സം​ഭ​വം എ​ന്താ​ണ​ന്ന​ല്ലേ‍? പാ​ർ​ക്കി​ലെ​ത്തി​യ യു​വ​തി​ക​ളാ​യ നാ​ലം​ഗ​സം​ഘം കാ​ഴ്ച​ക​ൾ ആ​സ്വ​ദി​ച്ച് ന​ട​ക്കു​ക​യാ​യി​രു​ന്നു. തോ​ളി​ൽ ആ​രോ കൈ​വ​ച്ച​പ്പോ​ഴാ​ണ് സം​ഘ​ത്തി​ൽ ഏ​റ്റ​വും പി​ന്നി​ലാ​യി ന​ട​ന്ന യു​വ​തി തി​രി​ഞ്ഞു​നോ​ക്കി​യ​ത്. ഒ​രു ക​ര​ടി എ​ണി​റ്റു​നി​ന്ന് തോ​ളി​ൽ കൈ​വ​ച്ച​താ​ണ്.

സാ​ധാ​ര​ണ മ​നു​ഷ്യ​ൻ ബോ​ധം​കെ​ട്ടു പോ​കു​ന്ന അ​വ​സ്ഥ. പ​ക്ഷെ ആ ​യു​വ​തി ബോ​ധം കെ​ട്ടി​ല്ലെ​ന്ന് മാ​ത്ര​മ​ല്ല, ഒ​ന്നു ഞെ​ട്ടി​പോ​ലു​മി​ല്ല. യു​വ​തി​ക്കൊ​പ്പ​മു​ണ്ടാ​യി​രു​ന്ന​വ​രും ശാ​ന്ത​ത​യോ​ടെ നി​ന്നു. പ​ല ത​വ​ണ ക​ര​ടി യു​വ​തി​യു​ടെ ത​ല​മു​ടി​യി​ല്‍ പി​ടി​ക്കു​ന്നു​ണ്ട്. യു​വ​തി​യെ ക​ര​ടി അ​ടി​തൊ​ട്ട് മു​ടി​വ​രെ മ​ണ​ത്ത് പ​രി​ശോ​ധി​ച്ചു.

യു​വ​തി​യു​ടെ തോ​ളി​ൽ നി​ന്നു നി​ല​ത്തേ​ക്ക് വീ​ണ ക​ര​ടി വീ​ണ്ടും പി​ൻ​കാ​ലു​ക​ളി​ൽ ഉ​യ​ർ​ന്ന് പൂ​ർ​വ​സ്ഥി​തി​യി​ൽ നി​ന്നു. ചു​റ്റു​മു​ള്ള​വ​ർ ഞെ​ട്ടി​ത്ത​രി​ച്ച് നി​ൽ​ക്കു​ന്പോ​ൾ യു​വ​തി ഫോ​ൺ പു​റ​ത്തെ​ടു​ത്ത് സെ​ൽ​ഫി​യെ​ടു​ക്കു​ന്ന തി​ര​ക്കി​ലാ​യി​രു​ന്നു. അ​പൂ​ർ​വ നി​മി​ഷം യു​വ​തി ത​ന്‍റെ ഫോ​ണി​ൽ പ​ക​ർ​ത്തി. വൈ​കാ​തെ ക​ര​ടി മ​ട​ങ്ങി. ക​ര​ടി മാ​റി​പ്പോ​യെ​ന്ന് ഉ​റ​പ്പാ​ക്കി​യ​തോ​ടെ യു​വ​തി​യും സം​ഘ​വും വേ​ഗം സ്ഥ​ലം കാ​ലി​യാ​ക്കി.



യു​വ​തി​യു​ടെ ധൈ​ര്യ​ത്തെ​ക്കു​റി​ച്ച് സോ​ഷ്യ​ൽ മീ​ഡി​യ​യി​ൽ വ​ലി​യ ച​ർ​ച്ച​ക​ളാ​ണ്. സ​ൻ​മ​ന​സു​ള്ള​വ​ർ​ക്ക് സ​മാ​ധാ​നം എ​ന്ന സി​നി​മ​യി​ൽ തി​ല​ക​ൻ മോ​ഹ​ൻ​ലാ​ലി​നോ​ട് പ​റ​യു​ന്ന​തു​പോ​ലെ നി​ന​ക്ക് എ​ങ്ങ​നെ കി​ട്ടി കു​ട്ടി​യീ ധൈ​ര്യ​മെ​ന്നാ​ണ് സോ​ഷ്യ​ൽ മീ​ഡി​യ​യു​ടെ ചോ​ദ്യം.​യു​വ​തി​യെ ക​ണ്ടെ​ത്തി ത​ന്‍റെ സു​ഹൃ​ത്താ​ക്കാ​ൻ സോ​ഷ്യ​ൽ മീ​ഡി​യ​യി​ൽ മ​ത്സ​ര​മാ​ണ്.

പൊ​തു​വേ ക​റു​ത്ത ക​ര​ടി​ക​ൾ ആ​ക്ര​മ​ണ​കാ​രി​ക​ള​ല്ല. ഭ​ക്ഷ​ണം അ​ന്വേ​ഷി​ച്ചു ന​ട​ന്ന ഒ​രു ക​ര​ടി വി​നോ​ദ​സ​ഞ്ചാ​രി​യാ​യ ഒ​രു സ്ത്രീ​യു​ടെ പി​ന്നാ​ലെ​യെ​ത്തി മു​ടി​യി​ൽ ത​ഴു​കി​യ ദൃ​ശ്യ​വും നേ​ര​ത്ത സോ​ഷ്യ​ൽ മീ​ഡി​യ​യി​ൽ വൈ​റ​ലാ​യി​രു​ന്നു.

കൂ​ടെ​യു​ണ്ടാ​യി​രു​ന്ന സ്ത്രീ ​ന​ൽ​കി​യ നി​ർ​ദേ​ശ​മ​നു​സ​രി​ച്ച് ക​ര​ടി സ​മീ​പ​ത്തെ​ത്തി​യ​പ്പോ​ൾ പ​രി​ഭ്രാ​ന്ത​രാ​കാ​തെ അ​വി​ടെ​ത്ത​ന്നെ സ്ത്രീ​ക​ൾ നി​ന്നു. ക​ര​ടി പോ​യ ശേ​ഷം മാ​ത്ര​മാ​ണ് അ​വ​ർ അ​വി​ടെ നി​ന്നു മാ​റി​യ​ത്.