രാ​ജ്യം ദീ​പാ​വ​ലി​യു​ടെ വ​ർ​ണ​പ്പൊ​ലി​മ​യി​ൽ നി​റ​ഞ്ഞു​നി​ൽ​ക്കു​മ്പോ​ൾ, വെ​ളി​ച്ച​ത്തി​ന്‍റെ​യും സ​ന്തോ​ഷ​ത്തി​ന്‍റെ​യും ഈ ​മ​ഹോ​ത്സ​വം ആ​ളു​ക​ൾ വ്യ​ത്യ​സ്ത​മാ​യ രീ​തി​യി​ലാ​ണ് ആ​ഘോ​ഷി​ക്കു​ന്ന​ത്. അ​ത്ത​ര​ത്തി​ൽ, ഈ ​ഉ​ത്സ​വ​കാ​ല​ത്ത് സാ​മൂ​ഹി​ക മാ​ധ്യ​മ​ങ്ങ​ളി​ൽ ഏ​റെ ശ്ര​ദ്ധേ​യ​മാ​വു​ക​യും നി​ര​വ​ധി പേ​രു​ടെ ഹൃ​ദ​യം ക​വ​രു​ക​യും ചെ​യ്ത ഒ​രു ദൃ​ശ്യ​മാ​ണ് ഇ​പ്പോ​ൾ വൈ​റ​ലാ​യി​രി​ക്കു​ന്ന​ത്.

താ​ൻ ഓ​ർ​ഡ​ർ ചെ​യ്ത മ​ധു​ര​പ​ല​ഹാ​ര​ങ്ങ​ൾ അ​ത് എ​ത്തി​ച്ചു​ത​ന്ന ഡെ​ലി​വ​റി പ​ങ്കാ​ളി​ക​ൾ​ക്ക് സ​മ്മാ​ന​മാ​യി തി​രി​കെ ന​ൽ​കി​ക്കൊ​ണ്ട് ഒ​രു യു​വാ​വ് പ​ങ്കു​വെ​ച്ച വീ​ഡി​യോ​യാ​ണ് ഇ​പ്പോ​ൾ വൈ​റ​ൽ. ഹൈ​ദ​രാ​ബാ​ദ് സ്വ​ദേ​ശി​യാ​യ ഗു​ണ്ടേ​ട്ടി മ​ഹേ​ന്ദ​ർ റെ​ഡ്ഡി എ​ന്ന ഇ​ൻ​സ്റ്റാ​ഗ്രാം ഉ​പ​യോ​ക്താ​വാ​ണ് ഈ ​ന​ന്മ​യു​ടെ കാ​ഴ്ച പ​ങ്കു​വെ​ച്ച​ത്.

ഉ​ത്സ​വ​ത്തി​ര​ക്കി​നി​ട​യി​ൽ വി​ശ്ര​മ​മി​ല്ലാ​തെ സ​ന്തോ​ഷം വീ​ടു​ക​ളി​ലേ​ക്ക് എ​ത്തി​ക്കു​ന്ന ഡെ​ലി​വ​റി ജീ​വ​ന​ക്കാ​ർ​ക്കു​ള്ള ആ​ദ​ര​വാ​യി​രു​ന്നു അ​ദ്ദേ​ഹ​ത്തി​ന്‍റെ ഈ ​പ്ര​വ​ർ​ത്തി. റെ​ഡ്ഡി, പ്ര​മു​ഖ ഡെ​ലി​വ​റി ആ​പ്ലി​ക്കേ​ഷ​നു​ക​ളാ​യ സ്വി​ഗ്ഗി, ബ്ലി​ങ്കി​റ്റ്, സെ​പ്റ്റോ, ബി​ഗ്ബാ​സ്ക​റ്റ് എ​ന്നി​വ വ​ഴി പ​ല​പ്പോ​ഴാ​യി മ​ധു​ര​പ​ല​ഹാ​ര​ങ്ങ​ൾ ഓ​ർ​ഡ​ർ ചെ​യ്തു.

എ​ന്നാ​ൽ, ഓ​രോ ഡെ​ലി​വ​റി എ​ക്സി​ക്യൂ​ട്ടീ​വ് വീ​ട്ടി​ലെ​ത്തു​മ്പോ​ഴും ഓ​ർ​ഡ​ർ സ്വീ​ക​രി​ക്കു​ന്ന​തി​ന് പ​ക​രം, അ​വ​ർ കൊ​ണ്ടു​വ​ന്ന മ​ധു​ര​ത്തി​ന്‍റെ പെ​ട്ടി, ദീ​പാ​വ​ലി സ​മ്മാ​ന​മാ​യി തി​രി​കെ ന​ൽ​കി അ​വ​രെ അ​മ്പ​ര​പ്പി​ച്ചു. "ഞ​ങ്ങ​ൾ ദീ​പാ​വ​ലി​ക്കാ​യി മ​ധു​ര​പ​ല​ഹാ​ര​ങ്ങ​ൾ ഓ​ർ​ഡ​ർ ചെ​യ്യു​ക​യും അ​ത് കൊ​ണ്ടു​വ​ന്ന ഡെ​ലി​വ​റി പ​ങ്കാ​ളി​ക​ൾ​ക്ക് ന​ൽ​കു​ക​യും ചെ​യ്തു, എ​ന്ന സ​ന്ദേ​ശം വീ​ഡി​യോ​യി​ൽ രേ​ഖ​പ്പെ​ടു​ത്തി​യി​രു​ന്നു.

സ്വ​കാ​ര്യ​ത മാ​നി​ച്ച് ഡെ​ലി​വ​റി പ​ങ്കാ​ളി​ക​ളു​ടെ മു​ഖം വീ​ഡി​യോ​യി​ൽ അ​വ്യ​ക്ത​മാ​ക്കി​യി​ട്ടു​ണ്ടെ​ങ്കി​ലും, അ​വ​രു​ടെ പ്ര​തി​ക​ര​ണ​ങ്ങ​ൾ വ​ള​രെ ഹൃ​ദ​യ​സ്പ​ർ​ശി​യാ​യി​രു​ന്നു. അ​പ്ര​തീ​ക്ഷി​ത​മാ​യി ല​ഭി​ച്ച ഈ ​സ്നേ​ഹ​സ​മ്മാ​നം ന​ൽ​കി​യ സ​ന്തോ​ഷ​വും ന​ന്ദി​യും അ​വ​രു​ടെ ആം​ഗ്യ​ങ്ങ​ളി​ലൂ​ടെ വ്യ​ക്ത​മാ​യി കാ​ണാം.




തി​ര​ക്കേ​റി​യ ഉ​ത്സ​വ സീ​സ​ണി​ൽ ത​ങ്ങ​ളു​ടെ ക​ഠി​നാ​ധ്വാ​ന​ത്തി​ന് ല​ഭി​ച്ച ഒ​രു ചെ​റി​യ അം​ഗീ​കാ​ര​മാ​യി​രു​ന്നു അ​വ​ർ​ക്ക​ത്. ഈ ​മ​നോ​ഹ​ര​മാ​യ വീ​ഡി​യോ വ​ള​രെ​പ്പെ​ട്ടെ​ന്നാ​ണ് വൈ​റ​ലാ​യ​ത്. റെ​ഡ്ഡി​യു​ടെ ഈ ​ഉ​ദ്യ​മ​ത്തെ അ​ഭി​ന​ന്ദി​ച്ചു​കൊ​ണ്ട് ആ​യി​ര​ക്ക​ണ​ക്കി​ന് ക​മ​ന്‍റു​ക​ളാ​ണ് വ​ന്ന​ത്.

"അ​വ​സാ​നം ആ​രെ​ങ്കി​ലും അ​വ​രു​ടെ പ്ര​യ​ത്ന​ത്തെ അം​ഗീ​ക​രി​ച്ചു​വെ​ന്നും ഇ​താ​ണ് ദീ​പാ​വ​ലി​യു​ടെ യ​ഥാ​ർ​ഥ ഭം​ഗി', എ​ന്നെ​ല്ലാ​മാ​യി​രു​ന്നു പ്ര​തി​ക​ര​ണ​ങ്ങ​ൾ. ദീ​പാ​വ​ലി എ​ന്നാ​ൽ വെ​ളി​ച്ച​വും അ​ല​ങ്കാ​ര​ങ്ങ​ളും മാ​ത്ര​മ​ല്ല, സ​ന്തോ​ഷം പ​ങ്കു​വെ​ക്ക​ൽ കൂ​ടി​യാ​ണെ​ന്ന് ഈ ​സം​ഭ​വം അ​ടി​വ​ര​യി​ടു​ന്നു.