ടി​ക്ക​റ്റ് എ​ടു​ക്കാ​തെ ട്രെ​യി​നി​ൽ യാ​ത്ര ചെ​യ്യു​ന്ന​ത് ഇ​ന്ന് പ​തി​വാ​യി​രി​ക്കു​ക​യാ​ണ്. എ​ന്നാ​ൽ, ഫ​സ്റ്റ് ക്ലാ​സ് എ​സി കോ​ച്ചി​ൽ ക​യ​റി​പ്പ​റ്റി ടി​ക്ക​റ്റ് ചോ​ദി​ക്കു​മ്പോ​ൾ ജീ​വ​ന​ക്കാ​ര​നോ​ട് ത​ട്ടി​ക്ക​യ​റു​ക​യും ജാ​തി​പ​ര​മാ​യി അ​ധി​ക്ഷേ​പി​ക്കു​ക​യും ചെ​യ്യു​ന്ന സം​ഭ​വ​മാ​ണ് ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ലാ​യി​രി​ക്കു​ന്ന​ത്. ടി​ക്ക​റ്റ് എ​ക്സാ​മി​ന​ർ സു​രേ​ഷ് കു​മാ​ർ ബ​ർ​മ്മ​നാ​ണ് യാ​ത്ര​ക്കാ​രി​യു​ടെ ഭാ​ഗ​ത്തു​നി​ന്നു​ണ്ടാ​യ അ​തി​ക്ര​മം മൊ​ബൈ​ലി​ൽ പ​ക​ർ​ത്തി​യ​ത്.

ഫ​സ്റ്റ് ക്ലാ​സ് എ​സി കോ​ച്ചി​ൽ ടി​ക്ക​റ്റി​ല്ലാ​തെ യാ​ത്ര ചെ​യ്ത അ​മ്മ​യും മ​ക​ളു​മാ​ണ് ഈ ​ബ​ഹ​ള​ത്തി​ന് പി​ന്നി​ൽ. ടി​ടി​ഇ ടി​ക്ക​റ്റ് ചോ​ദി​ച്ച​പ്പോ​ൾ, അ​വ​ർ ടി​ടി​ഇ -യെ ​മൊ​ബൈ​ലി​ൽ ചി​ത്രീ​ക​രി​ക്കാ​ൻ തു​ട​ങ്ങി. ത​ന്‍റെ സ​ഹോ​ദ​ര​ൻ ലോ​ക്കോ പൈ​ല​റ്റ് ആ​ണെ​ന്ന് അ​വ​കാ​ശ​പ്പെ​ട്ടാ​യി​രു​ന്നു യു​വ​തി​യു​ടെ പ്ര​ക​ട​നം.

സം​ഭ​വ​ത്തി​നി​ടെ, യു​വ​തി​യു​ടെ മ​ക​ൾ മ​റ്റൊ​രു ടി​ടി​ഇ -യോ​ട് ത​ങ്ങ​ൾ ജ​ന​റ​ൽ കോ​ച്ചി​ലേ​ക്കാ​ണ് പോ​കു​ന്ന​തെ​ന്നും അ​വി​ടെ​നി​ന്ന് ഇ​റ​ങ്ങാ​നാ​ണ് പ​ദ്ധ​തി​യി​ട്ടി​രു​ന്ന​തെ​ന്നും വി​ശ​ദീ​ക​രി​ക്കാ​ൻ ശ്ര​മി​ക്കു​ന്ന​തും വീ​ഡി​യോ​യി​ൽ കാ​ണാം.

എ​ന്നാ​ൽ, ജ​ന​റ​ൽ കോ​ച്ചി​ലേ​ക്കു​ള്ള ടി​ക്ക​റ്റ് ചോ​ദി​ക്കു​മ്പോ​ൾ അ​മ്മ​യ്ക്കും മ​ക​ൾ​ക്കും മ​റു​പ​ടി ഉ​ണ്ടാ​യി​രു​ന്നി​ല്ല. ഈ ​രം​ഗ​ങ്ങ​ളെ​ല്ലാം ചി​ത്രീ​ക​രി​ച്ച ടി​ടി​ഇ, "ഇ​തൊ​ക്കെ ദി​വ​സേ​ന​യു​ള്ള നി​ങ്ങ​ളു​ടെ പ​രി​പാ​ടി​യാ​ണ്' എ​ന്ന് യാ​ത്ര​ക്കാ​രി​യോ​ട് പ​റ​യു​ന്നു​ണ്ട്.

ത​ർ​ക്കം തു​ട​രു​ന്ന​തി​നി​ടെ, യു​വ​തി ടി​ടി​ഇ -യു​ടെ പേ​ര് ചോ​ദി​ച്ചു. സു​രേ​ഷ് കു​മാ​ർ ബ​ർ​മ്മ​ൻ എ​ന്ന് മ​റു​പ​ടി ല​ഭി​ച്ച​പ്പോ​ൾ, "നി​ങ്ങ​ൾ വ​ർ​മ്മ ആ​യ​തു​കൊ​ണ്ടാ​ണ് നി​ങ്ങ​ളു​ടെ ത​രം കാ​ണി​ക്കു​ന്ന​ത്' എ​ന്ന് പ​റ​ഞ്ഞ് യു​വ​തി ജാ​തി അ​ധി​ക്ഷേ​പം ന​ട​ത്തു​ക​യാ​യി​രു​ന്നു.



ഇ​തോ​ടെ ക്ഷ​മ ന​ശി​ച്ച ടി​ടി​ഇ , "ഇ​വി​ടെ ജാ​തീ​യ​ത പ​റ​യ​രു​ത്' എ​ന്ന് ഉ​റ​ക്കെ പ​റ​യു​ന്നു​ണ്ട്. ഇ​തി​ന് മ​റു​പ​ടി​യാ​യി ഭീ​ഷ​ണി​പ്പെ​ടു​ത്തു​ന്ന സ്വ​ര​ത്തി​ൽ "എ​നി​ക്കും ശ​ബ്ദ​മു​യ​ർ​ത്താ​ൻ അ​റി​യാം' എ​ന്ന് യു​വ​തി പ​റ​യു​ന്ന​തോ​ടെ​യാ​ണ് വീ​ഡി​യോ അ​വ​സാ​നി​ക്കു​ന്ന​ത്.

റെ​യി​ൽ​വേ നി​യ​മ​ങ്ങ​ളെ​യും ഉ​ദ്യോ​ഗ​സ്ഥ​രെ​യും അ​വ​ഹേ​ളി​ച്ചു​കൊ​ണ്ട് ടി​ക്ക​റ്റി​ല്ലാ​തെ യാ​ത്ര ചെ​യ്യു​ന്ന​വ​രു​ടെ പു​തി​യ ഉ​ദാ​ഹ​ര​ണ​മാ​യി ഈ ​വീ​ഡി​യോ മാ​റി​ക്ക​ഴി​ഞ്ഞു. വീ​ഡി​യോ വൈ​റ​ലാ​യി മ​ണി​ക്കൂ​റു​ക​ൾ​ക്ക​കം വ​ലി​യ പ്ര​തി​ക​ര​ണ​മാ​ണ് ല​ഭി​ച്ച​ത്.