ക​ഴി​ഞ്ഞ ദി​വ​സം ഇ​ൻ​ഡോ​ർ ന​ഗ​ര​ത്തെ പ​രി​ഭ്രാ​ന്തി​യി​ലാ​ക്കി​യ ഗാ​ർ​ഹി​ക പീ​ഡ​ന വീ​ഡി​യോ​യു​ടെ പി​ന്നാ​മ്പു​റ ക​ഥ പു​റ​ത്തു​വ​ന്ന​പ്പോ​ൾ പോ​ലീ​സ് പോ​ലും അ​മ്പ​ര​ന്നു. സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ യു​വ​തി പ​ങ്കു​വെ​ച്ച ദുഃ​ഖ​ക​ര​മാ​യ ദൃ​ശ്യ​ങ്ങ​ൾ വ്യാ​ജ​മാ​യി​രു​ന്നു​വെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു.

നീ​ണ്ടു​നി​ൽ​ക്കു​ന്ന കു​ടും​ബ പ്ര​ശ്ന​ത്തി​ന്‍റെ ഭാ​ഗ​മാ​യി യു​വ​തി മ​ന​പ്പൂ​ർ​വം കെ​ട്ടി​ച്ച​മ​ച്ച നാ​ട​ക​മാ​യി​രു​ന്നു അ​ത്. സം​ഭ​വം ന​ട​ന്ന​ത് ഇ​ൻ​ഡോ​റി​ലെ ലാ​സൂ​ഡി​യ പോ​ലീ​സ് സ്റ്റേ​ഷ​ൻ പ​രി​ധി​യി​ലാ​ണ്.

യു​വ​തി​യും കൈ​ക്കു​ഞ്ഞും മു​റി​യി​ൽ പൂ​ട്ടി​യി​ട്ടി​രി​ക്കു​ക​യാ​ണെ​ന്നും, ഭ​ർ​തൃ​വീ​ട്ടു​കാ​ർ പു​റ​ത്ത് നി​ന്ന് ആ​ക്ര​മി​ക്കാ​ൻ ശ്ര​മി​ക്കു​ക​യാ​ണെ​ന്നും പ​റ​ഞ്ഞ് സ​ഹാ​യം അ​ഭ്യ​ർ​ഥി​ച്ചു​കൊ​ണ്ടു​ള്ള വീ​ഡി​യോ​യാ​ണ് സാ​മൂ​ഹി​ക മാ​ധ്യ​മ​ങ്ങ​ളി​ൽ അ​തി​വേ​ഗം പ്ര​ച​രി​ച്ച​ത്.



പൊ​തു​സ​മൂ​ഹ​ത്തി​ൽ പ​രി​ഭ്രാ​ന്തി പ​ട​ർ​ന്ന​തോ​ടെ അ​ധി​കൃ​ത​ർ ഉ​ട​ൻ​ത​ന്നെ ഇ​ട​പെ​ട്ടു. വീ​ഡി​യോ ശ്ര​ദ്ധ​യി​ൽ​പ്പെ​ട്ട​യു​ട​നെ അ​ഡീ​ഷ​ണ​ൽ ഡി​സി​പി രാ​ജേ​ഷ് ദ​ന്തോ​തി​യ​യു​ടെ നി​ർ​ദ്ദേ​ശ​പ്ര​കാ​രം വ​നി​താ ഇ​ൻ​സ്പെ​ക്ട​ർ നീ​തു സി​ങ്ങി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​വും എ​ഫ്ആ​ർ​വി യൂ​ണി​റ്റും സ്ഥ​ല​ത്തെ​ത്തി.

പോ​ലീ​സെ​ത്തി മു​റി​ക്കു​ള്ളി​ലു​ണ്ടാ​യി​രു​ന്ന യു​വ​തി​യെ​യും കു​ഞ്ഞി​നെ​യും സു​ര​ക്ഷി​ത​മാ​യി പു​റ​ത്തെ​ത്തി​ച്ചു. എ​ന്നാ​ൽ, സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യ പോ​ലീ​സ് സം​ഘ​ത്തി​ന് സം​ഭ​വ​ത്തി​ൽ അ​സ്വാ​ഭാ​വി​ക​ത അ​നു​ഭ​വ​പ്പെ​ട്ടു. യു​വ​തി അ​വ​കാ​ശ​പ്പെ​ട്ട​തു​പോ​ലെ വാ​തി​ൽ പു​റ​ത്തു​നി​ന്ന് പൂ​ട്ടി​യി​രു​ന്നി​ല്ല.


മാ​ത്ര​മ​ല്ല, ഭ​ർ​തൃ​വീ​ട്ടു​കാ​ർ ആ​രും ആ​ക്ര​മ​ണ​ത്തി​നാ​യി അ​വി​ടെ ഉ​ണ്ടാ​യി​രു​ന്നി​ല്ലെ​ന്നും പോ​ലീ​സ് സ്ഥി​രീ​ക​രി​ച്ചു. തു​ട​ർ​ന്ന് ന​ട​ത്തി​യ വി​ശ​ദ​മാ​യ അ​ന്വേ​ഷ​ണ​ത്തി​ലാ​ണ് സം​ഭ​വം കു​ടും​ബ ത​ർ​ക്ക​ത്തി​ന്‍റെ തു​ട​ർ​ച്ച​യാ​യി​രു​ന്നു​വെ​ന്ന് ബോ​ധ്യ​മാ​യ​ത്.

കു​റ​ച്ചു​കാ​ല​മാ​യി ഗ​സി​യാ​ബാ​ദി​ലാ​യി​രു​ന്ന യു​വ​തി അ​ടു​ത്തി​ടെ​യാ​ണ് ഇ​ൻ​ഡോ​റി​ലേ​ക്ക് വ​ന്ന​ത്. യു​വ​തി സ്വ​യം മു​റി​യി​ൽ ക​യ​റി വാ​തി​ല​ട​ച്ച് വീ​ഡി​യോ റെ​ക്കോ​ർ​ഡ് ചെ​യ്ത് ഓ​ൺ​ലൈ​നി​ൽ പ്ര​ച​രി​പ്പി​ക്കു​ക​യാ​യി​രു​ന്നു.



യു​വ​തി​യും ഭ​ർ​ത്താ​വും ത​മ്മി​ൽ നേ​ര​ത്തെ ത​ന്നെ നി​യ​മ​പ​ര​മാ​യ ത​ർ​ക്ക​ങ്ങ​ൾ നി​ല​നി​ൽ​ക്കു​ന്നു​ണ്ട്. ഭ​ർ​ത്താ​വ് ലാ​സൂ​ഡി​യ പോ​ലീ​സ് സ്റ്റേ​ഷ​നി​ലും, യു​വ​തി ഭ​ർ​ത്താ​വി​നും വീ​ട്ടു​കാ​ർ​ക്കു​മെ​തി​രെ ഗ​സി​യാ​ബാ​ദി​ലും ഗാ​ർ​ഹി​ക പീ​ഡ​ന പ​രാ​തി ന​ൽ​കി​യി​ട്ടു​ണ്ട്.

ഈ ​വൈ​രാ​ഗ്യ​ത്തി​ന്‍റെ പു​റ​ത്താ​ണ് യു​വ​തി സ​മൂ​ഹ​മാ​ധ്യ​മ​ങ്ങ​ളെ ദു​രു​പ​യോ​ഗം ചെ​യ്ത് തെ​റ്റാ​യ പ്ര​ചാ​ര​ണം ന​ട​ത്തി​യ​ത്. പൊ​തു​ജ​ന​ങ്ങ​ളി​ൽ ആ​ശ​ങ്ക​യു​ണ്ടാ​ക്കി​യ വീ​ഡി​യോ​യി​ലെ യു​വ​തി​യു​ടെ വാ​ദ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണെ​ന്ന് പോ​ലീ​സ് സ്ഥി​രീ​ക​രി​ച്ചു.

നി​ല​വി​ൽ, ദ​മ്പ​തി​ക​ൾ​ക്ക് കൗ​ൺ​സി​ലിം​ഗ് ന​ൽ​കാ​നു​ള്ള ന​ട​പ​ടി​ക​ൾ പോ​ലീ​സ് ആ​രം​ഭി​ച്ചി​ട്ടു​ണ്ട്. സം​ഭ​വ​ത്തെ​ക്കു​റി​ച്ച് കൂ​ടു​ത​ൽ വി​വ​ര​ങ്ങ​ൾ ശേ​ഖ​രി​ക്കു​ന്ന​തി​നാ​യി വി​ശ​ദ​മാ​യ അ​ന്വേ​ഷ​ണം ന​ട​ന്നു​വ​രി​ക​യാ​ണ്.