ഇ​ന്ത്യ​ന്‍ ഉ​പ​ഭൂ​ഖ​ണ്ഡ​ത്തി​ലെ ആ​ദി​മ മ​നു​ഷ്യ​ജീ​വി​ത​ങ്ങ​ളി​ലേ​ക്കു വെ​ളി​ച്ചം​വീ​ശാ​ൻ ക​ഴി​യു​ന്ന ഒ​രു പ്ര​ദേ​ശം വി​ല്പ​ന ന​ട​ത്തി​യ​താ​യി റി​പ്പോ​ർ​ട്ട്. ആ​ന്ധ്രാ​പ്ര​ദേ​ശ് ന​ന്ദ്യാ​ല്‍ ജി​ല്ല​യി​ലെ ബം​ഗ​ന​പ്പ​ള്ളി ജ്വാ​ലാ​പു​ര​ത്താ​ണു സം​ഭ​വം.

74,000 വ​ർ​ഷം മു​ൻ​പ് ഇ​വി​ടെ​യു​ണ്ടാ​യ അ​ഗ്നി​പ​ര്‍​വ​ത സ്ഫോ​ട​ന​ത്തി​ന്‍റെ അ​വ​ശി​ഷ്ട​ങ്ങ​ൾ ഉ​റ​ഞ്ഞു​കൂ​ടി​യ മ​ണ്ണ്, അ​ധി​കാ​രി​ക​ളു​ടെ ഒ​ത്താ​ശ​യോ​ടെ ട​ണ്ണി​ന് 2,000 രൂ​പ​യ്ക്കാ​ണു റി​യ​ൽ എ​സ്റ്റേ​റ്റ് മാ​ഫി​യ സോ​പ്പ് നി​ര്‍​മാ​താ​ക്ക​ള്‍​ക്കു ക​ച്ച​വ​ട​മാ​ക്കി​യ​ത്. ‌

സു​മാ​ത്ര​യി​ലു​ണ്ടാ​യ ടോ​ബ അ​ഗ്നി​പ​ര്‍​വ​ത സ്ഫോ​ട​ന​ത്തി​ന്‍റെ അ​വ​ശി​ഷ്‌​ട​ങ്ങ​ള​ടി​ഞ്ഞ ഇ​ന്ത്യ​യി​ലെ അ​പൂ​ര്‍​വ ഇ​ട​മാ​ണി​തെ​ന്ന് 2003ലും 2007​ലും ന​ട​ത്തി​യ ഖ​ന​ന​ങ്ങ​ളി​ൽ ഗ​വേ​ഷ​ക​ർ ക​ണ്ടെ​ത്തി​യി​രു​ന്നു. പ​ത്ത് മു​ത​ല്‍ ഇ​രു​പ​ത് അ​ടി വ​രെ താ​ഴ്‌​ച​യി​ല്‍ ലാ​വ ഉ​റ​ച്ചു​കി​ട​ക്കു​ക​യാ​ണ്.


മൂ​ന്നു മീ​റ്റ​ര്‍ വ​രെ ഘ​ന​മു​ണ്ട്. ജ്വാ​ലാ​പു​ര​ത്തി​ല്‍ അ​ഞ്ചു ച​തു​ര​ശ്ര കി​ലോ​മീ​റ്റ​റി​ൽ ഇ​ത് വ്യാ​പി​ച്ചു കി​ട​ക്കു​ന്ന​താ​യി ഗ​വേ​ഷ​ക​ർ പ​റ​യു​ന്നു. പ്രാ​ചീ​ന​കാ​ല​ത്തെ ക​ല്ലു​ക​ളും മ​റ്റും അ​ട​ങ്ങി​യ അ​ഗ്‌​നി​പ​ര്‍​വ​ത സ്ഫോ​ട​ന​ത്തി​ന്‍റെ അ​വ​ശി​ഷ്‌​ട​ങ്ങ​ൾ ന​ശി​പ്പി​ക്ക​പ്പെ​ടു​ന്ന​തി​ൽ വ​ൻ പ്ര​തി​ഷേ​ധ​മാ​ണ് ഉ​യ​രു​ന്ന​ത്.

ആ​ദ്യ​ഘ​ട്ട ഖ​ന​ന പ്ര​വ​ര്‍​ത്ത​ന​ങ്ങ​ളി​ല്‍ നി​ര്‍​ണാ​യ​ക പ​ങ്ക് വ​ഹി​ച്ച ക​ര്‍​ണാ​ട​ക സ​ര്‍​വ​ക​ലാ​ശാ​ല​യി​ലെ പ്ര​ഫ. ര​വി കോ​രി​സെ​ട്ടാ​ര്‍ സം​ഭ​വ​ത്തി​ല്‍ ആ​ശ​ങ്ക പ്ര​ക​ടി​പ്പി​ച്ചു. കൂ​ടു​ത​ല്‍ നാ​ശ​ന​ഷ്ട​ങ്ങ​ൾ സം​ഭ​വി​ക്കാ​തെ ഇ​വി​ടെ സം​ര​ക്ഷി​ത മേ​ഖ​ല​യാ​യി സ​ര്‍​ക്കാ​ര്‍ പ്ര​ഖ്യാ​പി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.