ക​ഴി​ഞ്ഞ​ദി​വ​സം ഒ​രു സു​ഹൃ​ത്ത് വീ​ട് വ​യ്ക്കാ​ൻ ലോ​ൺ എ​ടു​ക്കു​ന്ന കാ​ര്യം ചോ​ദി​ച്ചു. ഏ​ക​ദേ​ശം 50 ല​ക്ഷം രൂ​പ​യാ​ണു വേ​ണ്ട​ത്. വെ​റു​തെ അ​വ​നോ​ടു ചോ​ദി​ച്ചു. ഇ​പ്പോ​ൾ മാ​സം കി​ട്ടു​ന്ന ശ​മ്പ​ള​ത്തി​ൽ ഇ​എം​ഐ അ​ട​യ്ക്കാ​നു​ള്ള തു​ക മി​ച്ചം പി​ടി​ക്കു​ന്നു​ണ്ടോ? ആ​റു മാ​സ​ത്തി​നു​ള്ളി​ൽ 50,000 രൂ​പ​യെ​ങ്കി​ലും മി​ച്ചം വ​രാ​റു​ണ്ടോ?

മ​റു​പ​ടി ഉ​ട​ൻ വ​ന്നു: “ഇ​ല്ല, അ​തു​കൊ​ണ്ടാ​ണ് ലോ​ൺ എ​ടു​ക്കു​ന്ന​ത്!”
വാ​യ്പ എ​ടു​ക്കാ​തെ വീ​ട് വ​യ്ക്കാ​ൻ പ​റ്റി​ല്ലാ​യി​രി​ക്കാം. പ​ക്ഷേ, ഒ​രു കാ​ര്യം ഉ​റ​പ്പി​ച്ചു പ​റ​യാം. ഹോം ​ലോ​ൺ അ​പ​ക​ട​കാ​രി​യാ​ണ്. മ​റ്റു​ള്ള ലോ​ൺ പോ​ലെ​യ​ല്ല അ​ത്. ബി​സി​ന​സ് ലോ​ണി​ൽ ന​ഷ്ട​സാ​ധ്യ​ത ഏ​റെ​യാ​ണെ​ങ്കി​ലും തി​രി​ച്ച് റി​ട്ടേ​ൺ വ​രു​മെ​ന്ന പ്ര​തീ​ക്ഷ​യെ​ങ്കി​ലു​മു​ണ്ട്. ഹോം ​ലോ​ണി​ൽ തി​രി​കെ​യൊ​ന്നും കി​ട്ടാ​നി​ല്ല. 50 ല​ക്ഷം രൂ​പ ലോ​ൺ എ​ടു​ത്താ​ൽ 25 വ​ർ​ഷം കൊ​ണ്ട് ഏ​ക​ദേ​ശം ഒ​രു കോ​ടി 15 ല​ക്ഷം തി​രി​ച്ച​ട​യ്ക്കേ​ണ്ടി വ​രും.

ഇ​പ്പോ​ൾ എ​ടു​ത്താ​ൽ, 10 വ​ർ​ഷം ക​ഴി​യു​മ്പോ​ൾ ന​ല്ല ശ​മ്പ​ളം ആ​യി​രി​ക്കും. അ​പ്പോ​ൾ ഇ​എം​ഐ ഈ​സി​യാ​യി അ​ട​യ്ക്കാം എ​ന്ന് ചി​ല​ർ പ​റ​യാ​റു​ണ്ട്. അ​വ​ർ അ​റി​യു​ന്നി​ല്ല, അ​വ​രു​ടെ ശ​മ്പ​ളം കൂ​ടു​ന്ന​തു​പോ​ലെ റി​സ​ർ​വ് ബാ​ങ്കി​ന്‍റെ റി​പ്പോ നി​ര​ക്ക് മാ​റു​ന്ന​ത​നു​സ​രി​ച്ച് മാ​സ​ത​വ​ണ​യും കൂ​ടാം എ​ന്ന്.

മൂ​ന്നു​ത​വ​ണ അ​ട​വ് മു​ട​ങ്ങി​യാ​ൽ വീ​ട് ജ​പ്തി​ചെ​യ്തു കൊ​ണ്ടു​പോ​കാ​ൻ ബാ​ങ്കി​ന് പ്ര​ത്യേ​ക റി​ക്ക​വ​റി ഏ​ജ​ൻ​സി​ത​ന്നെ ഉ​ണ്ട്. അ​വ​ർ​ക്ക് ഇ​തൊ​ക്കെ ലാ​ഭ​ക​ര​മാ​യ ബി​സി​ന​സാ​ണ്. ന​ഷ്ടം ന​മു​ക്കു​മാ​ത്രം.
അ​തു​കൊ​ണ്ട് ഹോം ​ലോ​ൺ അ​ത്യാ​വ​ശ്യ​മെ​ങ്കി​ൽ ന​ല്ല പ്ലാ​നിം​ഗോ​ടെ മാ​ത്രം എ​ടു​ക്കു​ക. ആ​ദ്യം വീ​ടി​ന്‍റെ പ്ലാ​നും ബ​ജ​റ്റും നി​ങ്ങ​ളു​ടെ വ​രു​മാ​ന​ത്തി​ന​നു​സ​രി​ച്ചു ത​യാ​റാ​ക്കു​ക. ലോ​ൺ എ​ടു​ക്കേ​ണ്ട തു​ക നി​ശ്ച​യി​ച്ച് അ​തി​ന്‍റെ ഇ​എം​ഐ ക​ണ​ക്കു​കൂ​ട്ടു​ക. ആ ​തു​ക ആ​റു മാ​സ​മാ​യി മി​ച്ചം വ​രു​ന്നു​ണ്ടോ എ​ന്നു പ​രി​ശോ​ധി​ക്കു​ക.


ഇ​തി​നു​പു​റ​മെ മ​റ്റ് വ​രു​മാ​ന​മാ​ർ​ഗം കൂ​ടി പ​രി​ശോ​ധി​ക്കു​ക. നി​ല​വി​ൽ ചെ​യ്യു​ന്ന ജോ​ലി​ക്ക് ഏ​തെ​ങ്കി​ലും ത​ട​സം നേ​രി​ട്ടാ​ൽ ബ​ദ​ൽ മാ​ർ​ഗ​ങ്ങ​ൾ അ​ത്യാ​വ​ശ്യ​മാ​ണ്. ആ​കെ ചെ​ല​വാ​കു​ന്നു പ്ര​തീ​ക്ഷി​ക്കു​ന്ന തു​ക​യു​ടെ 30 ശ​ത​മാ​നം തു​ക കൂ​ടി നി​ങ്ങ​ൾ പ​ണ​മാ​യി കൈ​യി​ൽ ക​രു​ത​ണം. കാ​ര​ണം ഒ​രു പ​ണി​യും നി​ങ്ങ​ളു​ടെ എ​സ്റ്റി​മേ​റ്റി​ൽ തീ​ര​ണ​മെ​ന്നി​ല്ല.

വീ​ടു പ​ണി​യു​മാ​യി ബ​ന്ധ​പ്പെ​ട്ട് നി​ർ​മാ​ണ​മേ​ഖ​ല​യി​ൽ പ​രി​ച​യ​മു​ള്ള ആ​ളു​ക​ളു​ടെ മാ​ത്രം അ​ഭി​പ്രാ​യം തേ​ടു​ക. നി​ശ്ചി​ത സ​മ​യ​ത്തി​ന​കം വീ​ടു​പ​ണി പൂ​ർ​ത്തി​യാ​ക്കു​ക. ലോ​ൺ കൃ​ത്യ​മാ​യി അ​ട​യ്ക്കാ​ൻ ശ്ര​ദ്ധി​ക്കു​ക. മ​റ്റ് വ​രു​മാ​ന​മാ​ർ​ഗം കൂ​ടി ക​ണ്ടെ​ത്തി ആ ​തു​ക മൂ​ല​ധ​ന​ത്തി​ലേ​ക്ക് അ​ട​ച്ച് ലോ​ൺ എ​ത്ര​യും വേ​ഗം തീ​ർ​ക്കു​ക. മാ​ക്സി​മം ലോ​ൺ എ​ടു​ക്കാ​തെ ത​ന്നെ വീ​ട് വ​യ്ക്കാ​ൻ ശ്ര​മി​ക്കു​ക.

25 വ​ർ​ഷം ലോ​ൺ അ​ട​യ്ക്കു​ന്നി​ലും ഭേ​ദ​മാ​ണ് ഏ​ഴു വ​ർ​ഷം ഇ​ൻ​വെ​സ്റ്റ്മെ​ന്‍റ് ചെ​യ്ത് തു​ക കൂ​ട്ടി​വ​ച്ച് പ​തി​യെ പ​തി​യെ വീ​ട് പ​ണി​യു​ന്ന​ത്. തൊ​ട്ട​ടു​ത്ത വീ​ട്ടു​കാ​രെ നോ​ക്കി താ​ര​ത​മ്യം ചെ​യ്ത് വീ​ട് പ​ണി​യാ​ൻ പോ​ക​രു​ത്. വീ​ടി​ന്‍റെ കാ​ര്യം പ​റ​ഞ്ഞ് ക​ളി​യാ​ക്കു​ന്ന ഒ​രാ​ളും ബാ​ങ്ക് വീ​ട് ജ​പ്തി​ചെ​യ്തു കൊ​ണ്ടു​പോ​കു​മ്പോ​ൾ സ​ഹാ​യ​ത്തി​നു വ​രി​ല്ല. അ​വ​ർ അ​ന്നും ക​ളി​യാ​ക്കും.

ഇ​ന്ന് ലോ​ണെ​ടു​ത്ത് വീ​ടു​വ​ച്ചാ​ൽ 10 വ​ർ​ഷം ക​ഴി​ഞ്ഞ് അ​തി​ന് കോ​ടി​ക​ൾ മൂ​ല്യം വ​രു​മെ​ന്ന് ചി​ന്തി​ക്കു​ന്ന​വ​രു​ണ്ട്. ഒ​രി​ക്ക​ലും അ​ങ്ങ​നെ മൂ​ല്യം കൂ​ടി​ല്ല. അ​ത​റി​യ​ണ​മെ​ങ്കി​ൽ 15 വ​ർ​ഷം പ​ഴ​ക്ക​മു​ള്ള വീ​ട് ഈ​ടു​വ​ച്ച് ലോ​ണി​ന് ചെ​ല്ല​ണം. ഓ​രോ വ​ർ​ഷ​വും വീ​ടി​ന്‍റെ ആ​യു​സ് കു​റ​യു​ക​യാ​ണ്. അ​തോ​ടൊ​പ്പം മൂ​ല്യ​വും കു​റ​യും.

(ക​ട​പ്പാ​ട്-​ഫേ​സ്ബു​ക്ക്)