ചൈ​ന​യി​ലെ ചെ​ങ്ഡു ന​ഗ​ര​ത്തി​ൽ തി​ങ്ക​ളാ​ഴ്ച​യു​ണ്ടാ​യ ദാ​രു​ണ​മാ​യ വാ​ഹ​നാ​പ​ക​ടം ഇ​ല​ക്ട്രി​ക് വാ​ഹ​ന​ങ്ങ​ളു​ടെ സു​ര​ക്ഷ​യെ​ക്കു​റി​ച്ചു​ള്ള ചോ​ദ്യ​ങ്ങ​ൾ വീ​ണ്ടും ഉ​യ​ർ​ത്തി​യി​രി​ക്കു​ക​യാ​ണ്. റോ​ഡി​ലെ ഡി​വൈ​ഡ​റി​ൽ ഇ​ടി​ച്ച് തീ​പി​ടി​ച്ച ഷൗ​വ്മി SU7 ഇ​ല​ക്ട്രി​ക് സെ​ഡാ​ൻ കാ​റി​നു​ള്ളി​ൽ കു​ടു​ങ്ങി​യ ഡ്രൈ​വ​ർ​ക്ക് ജീ​വ​ൻ ന​ഷ്ട​പ്പെ​ട്ടു.

അ​പ​ക​ട​ത്തെ​ത്തു​ട​ർ​ന്ന് വാ​ഹ​ന​ത്തി​ന്‍റെ വൈ​ദ്യു​തി സം​വി​ധാ​നം നി​ല​ച്ച​തി​നാ​ൽ ഡോ​റു​ക​ൾ തു​റ​ക്കാ​ൻ സാ​ധി​ക്കാ​തെ വ​ന്ന​താ​ണ് ദു​ര​ന്ത​ത്തി​ന്‍റെ വ്യാ​പ്തി വ​ർ​ധി​പ്പി​ച്ച​ത്. കൂ​ട്ടി​യി​ടി​ക്ക് ശേ​ഷം തീ ​ആ​ളി​ക്ക​ത്തി​യ കാ​റി​ൽ നി​ന്ന് ഡ്രൈ​വ​റെ ര​ക്ഷ​പ്പെ​ടു​ത്താ​ൻ കാ​ഴ്ച​ക്കാ​ർ ന​ട​ത്തി​യ ശ്ര​മ​ങ്ങ​ൾ പ​രാ​ജ​യ​പ്പെ​ടു​ന്ന ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ വ്യാ​പ​ക​മാ​യി പ്ര​ച​രി​ക്കു​ന്നു​ണ്ട്.

പ്രാ​ദേ​ശി​ക പോ​ലീ​സ് ന​ൽ​കി​യ വി​വ​ര​മ​നു​സ​രി​ച്ച്, 31 വ​യ​സു​ള്ള ഡെ​ങ് എ​ന്ന​യാ​ളാ​ണ് മ​രി​ച്ച​ത്. ഇ​ദ്ദേ​ഹം മ​ദ്യ​പി​ച്ച് വാ​ഹ​ന​മോ​ടി​ച്ച​തി​നെ തു​ട​ർ​ന്നാ​ണ് മ​റ്റൊ​രു കാ​റു​മാ​യി കൂ​ട്ടി​യി​ടി​ച്ച് ഡി​വൈ​ഡ​റി​ലേ​ക്ക് പാ​ഞ്ഞു​ക​യ​റി തീ​പി​ടി​ച്ച​തെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.



വൈ​ദ്യു​ത സം​വി​ധാ​നം ത​ക​രാ​റി​ലാ​യ​തി​നാ​ൽ ഡോ​റു​ക​ൾ തു​റ​ക്കാ​ൻ ക​ഴി​യാ​തെ വ​ന്ന​താ​ണ് ഡെ​ങ്ങി​ന്‍റെ മ​ര​ണ​ത്തി​ന് കാ​ര​ണ​മാ​യ​തെ​ന്നും ര​ക്ഷാ​പ്ര​വ​ർ​ത്ത​ക​ർ​ക്ക് അ​ദ്ദേ​ഹ​ത്തെ പു​റ​ത്തെ​ടു​ക്കാ​ൻ സാ​ധി​ച്ചി​ല്ലെ​ന്നും പോ​ലീ​സ് പ്ര​സ്താ​വ​ന​യി​ൽ വ്യ​ക്ത​മാ​ക്കു​ന്നു. സാ​ങ്കേ​തി​ക​വി​ദ്യ​യു​ടെ വ​ള​ർ​ച്ച​യ്ക്കൊ​പ്പം വാ​ഹ​ന സു​ര​ക്ഷ​യു​ടെ അ​ടി​സ്ഥാ​ന മാ​ന​ദ​ണ്ഡ​ങ്ങ​ൾ ഉ​റ​പ്പാ​ക്കേ​ണ്ട​തി​ന്‍റെ ആ​വ​ശ്യ​ക​ത​യാ​ണ് ഈ ​ദു​ര​ന്തം ഓ​ർ​മ്മി​പ്പി​ക്കു​ന്ന​ത്.