കാ​ല​മി​നി​യും ഉ​രു​ളും
കു​റ​ച്ചു​കാ​ലം മു​ന്പു​ള്ള ഒ​രോ​ണ​ക്കാ​ലം. അ​ത്തം ക​ഴി​ഞ്ഞു നാ​ലാം​പ​ക്കം. കു​ട്ടി​ക​ൾ​ക്ക് ഓ​ണാ​വ​ധി തു​ട​ങ്ങി​യ​തി​ന്‍റെ പി​റ്റേ​ന്ന്. തൊ​ടി​ക​ളും കു​ന്നു​ക​ളും ക​യ​റി​യി​റ​ങ്ങി ഒ​രു​കൂ​ട്ടം കു​ട്ടി​ക​ൾ. ഓ​രോ​രു​ത്ത​രു​ടെ​യും കൈ​യി​ൽ ചെ​റി​യ​കു​ട്ട​ക​ൾ. പ​റ​ന്പു​ക​ളി​ൽ പ​ല​നി​റ പൂ​ക്ക​ൾ. തെ​ച്ചി​യും ചെ​ന്പ​ര​ത്തി​യും മു​ക്കു​റ്റി​യും തു​ന്പ​യും തു​ട​ങ്ങി പേ​ര​റി​യാ​ത്ത​വ​യും. കു​ട്ടി​ക​ളു​ടെ കു​ട്ട​ക​ളി​ൽ പൂ​ക്ക​ൾ നി​റ​യു​ക​യാ​ണ്. വീ​ടു​ക​ളി​ൽ​നി​ന്ന് അ​വ​ർ പു​റ​പ്പെ​ട്ടി​ട്ട് ഒ​രു​പാ​ടു​നേ​രം ക​ഴി​ഞ്ഞി​രി​ക്കു​ന്നു. ഏ​റെ​ദൂ​രം പി​ന്നി​ട്ടി​രി​ക്കു​ന്നു. അ​വ​ര​ത​റി​യു​ന്നി​ല്ല. പൂ​ക്ക​ൾ പ​റി​ച്ചും വ​ർ​ത്ത​മാ​നം പ​റ​ഞ്ഞും അ​വ​ർ മ​റ്റൊ​രു ലോ​ക​ത്താ​ണ്. അ​വ​രു​ടെ മ​നം​നി​റ​യെ പൂ​ക്ക​ള​ങ്ങ​ളാ​ണ്.

പ​ത്തു​ദി​വ​സം മു​റ്റ​ത്തു പൂ​ക്ക​ള​മി​ടു​ന്ന​തു വ്ര​തം​പോ​ലെ അ​നു​ഷ്ഠി​ച്ചി​രു​ന്ന കാ​ലം. പൂ​ക്ക​ള​ങ്ങ​ളു​ടെ ഭം​ഗി​യി​ലും വ​ലി​പ്പ​ത്തി​ലും ആ​വേ​ശം​കൊ​ണ്ട ത​ല​മു​റ. പൂ​ക്ക​ൾ തേ​ടി​യു​ള്ള അ​ല​ച്ചി​ലു​ക​ളി​ൽ നി​ർ​വൃ​തി​കൊ​ണ്ട ബാ​ല്യ​ങ്ങ​ൾ. ജാ​തി​വ്യ​ത്യാ​സ​മി​ല്ലാ​തെ ആ​ളു​ക​ൾ വീ​ടി​നു മു​ന്നി​ൽ പൂ​ക്ക​ള​മി​ട്ടു. പ്രാ​യ​വ്യ​ത്യാ​സ​മി​ല്ലാ​തെ പ​ങ്കാ​ളി​ക​ളാ​യി. ആ ​ദി​ന​ങ്ങ​ളി​ൽ മ​ല​യാ​ളി​മ​ന​സ് പൂ​ക്ക​ള​ങ്ങ​ളു​ടെ ചു​റ്റി​ലു​മാ​യി​രു​ന്നു. മു​റ്റ​ത്തു പൂ​ക്ക​ള​മി​ടാ​ത്ത​തു കു​റ​ച്ചി​ലാ​യി ക​ണ്ടി​രു​ന്നു. മ​റു​നാ​ടു​ക​ളി​ലു​ള്ള മ​ല​യാ​ളി​ക​ൾ നാ​ട്ടി​ലെ​ത്താ​ൻ വെ​ന്പ​ൽ​കൊ​ണ്ടി​രു​ന്നു.

പ്ര​കൃ​തി​യു​ടെ ഭാ​വ​പ്പ​ക​ർ​ച്ച​ക​ൾ...

വേ​ന​ലി​ന്‍റെ രൂ​ക്ഷ​ത​യും കാ​ല​വ​ർ​ഷ​ത്തി​ന്‍റെ തീ​വ്ര​ത​യും ക​ഴി​ഞ്ഞു​വ​രു​ന്ന ചി​ങ്ങ​മാ​സം. വി​ട​പ​റ​ഞ്ഞു പ​ഞ്ഞ​ക്ക​ർ​ക്ക​ട​കം. പ​ച്ച​പ്പ​ണി​ഞ്ഞു പ്ര​കൃ​തി. നി​റ​ഞ്ഞ ജ​ലാ​ശ​യ​ങ്ങ​ൾ. വി​ള​ഞ്ഞ നെ​ൽ​പ്പാ​ട​ങ്ങ​ൾ. മ​ത്ത​നും കു​ന്പ​ള​വും വെ​ള്ള​രി​യും പ​യ​റും പാ​വ​ലും പ​ട​വ​ല​വും കാ​യ്ച പു​ര​യി​ട​ങ്ങ​ൾ. പു​ല്ലു​വ​രെ പു​ഷ്പി​ക്കും കാ​ലം. കേ​ര​ളം അ​തി​ന്‍റെ ത​ന​തു സൗ​ന്ദ​ര്യം പൂ​ർ​ണ​മാ​യി പ്ര​ദ​ർ​ശി​പ്പി​ക്കു​ന്ന സ​മ​യം. ശ​രീ​ര​ഭാ​ഷ​കൊ​ണ്ടു പ്ര​കൃ​തി പ്ര​ക​ടി​പ്പി​ക്കു​ന്ന പ്ര​സ​ന്ന​ത മ​നു​ഷ്യ​രി​ലേ​ക്കും പ​ട​രു​ന്ന​തി​ന്‍റെ സ​ന്തോ​ഷം. ഓ​ണ​ത്തെ നാ​ടി​ന്‍റെ​യാ​കെ ഉ​ത്സ​വ​മാ​ക്കു​ന്ന​തു പ്ര​കൃ​തി​യു​ടെ ഈ ​ഭാ​വ​പ്പ​ക​ർ​ച്ച​ക​ൾ കൂ​ടി​യാ​ണ്. ഓ​ണ​ത്തി​നു മ​നു​ഷ്യ​രേ​ക്കാ​ൾ ഒ​രു​ങ്ങു​ന്ന​തു പ്ര​കൃ​തി​യാ​ണ്.

ഒ​രു​പാ​ട് ഓ​ണ​ങ്ങ​ൾ ക​ഴി​ഞ്ഞി​രി​ക്കു​ന്നു. ഇ​രു​പ​താം നൂ​റ്റാ​ണ്ടു ര​ണ്ടു പ​തി​റ്റാ​ണ്ടു പി​ന്നി​ലാ​യി. പു​തു നൂ​റ്റാ​ണ്ടി​ൽ ജ​നി​ച്ച​വ​ർ​ക്കു പു​ത്ത​ൻ അ​നു​ഭ​വ​ങ്ങ​ൾ. കാ​ഴ്ച​യും കാ​ഴ്ച​പ്പാ​ടു​ക​ളും മാ​റു​ന്നു. ഉ​ത്സ​വ​ങ്ങ​ൾ​ക്കും ആ​ഘോ​ഷ​ങ്ങ​ൾ​ക്കു​മാ​യി കൊ​തി​യോ​ടെ​യു​ള്ള കാ​ത്തി​രി​പ്പി​നു പു​തു​ത​ല​മു​റ​യ്ക്ക് ക്ഷ​മ​യി​ല്ല. ദി​വ​സ​വും അ​വ​ർ ആ​ഘോ​ഷ​മാ​ക്കു​ന്നു. അ​തി​നി​ടെ ക​ട​ന്നു​വ​രു​ന്ന ഒ​രു ആ​ഘോ​ഷം മാ​ത്ര​മാ​യി മാ​റി​ക്കൊ​ണ്ടി​രി​ക്കു​ന്നു മ​ല​യാ​ള​നാ​ടി​ന്‍റെ പൊ​ന്നോ​ണം. പ​ത്തു​ദി​വ​സ​ത്തെ പൂ​ക്ക​ള​മി​ട​ൽ വീ​ട്ടു​മു​റ്റ​ങ്ങ​ളി​ൽ ഇ​ന്ന് അ​പൂ​ർ​വ​കാ​ഴ്ച. പൂ​ക്ക​ൾ തേ​ടി​യു​ള്ള യാ​ത്ര​ക​ൾ പ​ഴ​യ​ത​ല​മു​റ​യു​ടെ​വ​രെ മ​റ​വി​യി​ലാ​യി. പൂ​ന്തോ​ട്ട​ങ്ങ​ളി​ല്ലാ​ത്ത വീ​ട്ടു​മു​റ്റ​ങ്ങ​ൾ പ​ണ്ടി​ല്ലാ​യി​രു​ന്നു. മി​നു​ത്ത ക​ൽ​പ്പാ​ളി​ക​ൾ നി​ര​ത്തി​യ മു​റ്റ​ങ്ങ​ളി​ൽ ഇ​ന്നു പ​ട​ര​ൽ​പു​ല്ലു​ക​ൾ മാ​ത്രം. പ​റ​ന്പു​ക​ളി​ൽ പ​ണ്ടു​ണ്ടാ​യി​രു​ന്ന പൂ​ക്ക​ൾ മി​ക്ക​തും അ​പ്ര​ത്യ​ക്ഷ​മാ​യി.

എ​ന്തു ര​സ​മാ​യി​രു​ന്നു...

നൂ​റ്റ​ന്പ​തോ​ളം ഇ​നം പൂ​ക്ക​ൾ നാ​ട്ടി​ൻ​പു​റ​ങ്ങ​ളി​ൽ ഉ​ണ്ടാ​യി​രു​ന്നു. രൂ​പം​കൊ​ണ്ടും നി​റം​കൊ​ണ്ടും ഗ​ന്ധം​കൊ​ണ്ടും മ​ന​സി​നെ ര​സി​പ്പി​ക്കു​ന്ന​വ. കൗ​തു​ക​മാ​ണു പ​ല​തി​ന്‍റെ​യും രീ​തി​ക​ൾ. വാ​ച്ചി​ലെ സ​മ​യം നോ​ക്കി​യെ​ന്ന​പോ​ലെ വി​ട​രു​ന്ന പ​ത്തു​മ​ണി​പൂ​വും നാ​ലു​മ​ണി​പൂ​വും. നി​റം​മാ​റു​ന്ന റോ​സു​ക​ൾ. കി​രീ​ടാ​കൃ​തി​യി​ൽ കൃ​ഷ്ണ​കി​രീ​ടം. നാ​ടാ​കെ സു​ഗ​ന്ധം​കൊ​ണ്ടു നി​റ​യ്ക്കു​ന്ന മു​ല്ല​യും ഇ​ല​ഞ്ഞി​യും നി​ശാ​ഗ​ന്ധി​യും സു​ഗ​ന്ധ​രാ​ജ​നും. മ​രു​ന്നാ​യി മാ​റു​ന്ന മു​ക്കു​റ്റി​യും തു​ള​സി​യും ന​ന്ത്യാ​ർ​വ​ട്ട​വും. തീ​രു​ന്നി​ല്ല പേ​രു​ക​ൾ... അ​ശോ​കം, പി​ച്ച​കം, ചെ​ന്പ​കം, ക​ണ്ണാ​ന്ത​ളി, രാ​ജ​മ​ല്ലി, ചെ​ണ്ടു​മ​ല്ലി, കൊ​ങ്ങി​ണി, ഗു​ൽ​മോ​ഹ​ർ, മൊ​സാ​ണ്ട... അ​ത​ങ്ങ​നെ നീ​ളു​ന്നു. ഇ​വ​യി​ൽ പ​ല​തും ഇ​ന്നു മ​രു​ന്നി​നു പോ​ലു​മി​ല്ല.

നി​ശാ​ഗ​ന്ധി പൂ​ത്താ​ൽ അ​തി​ന്നു പ​ത്ര​വാ​ർ​ത്ത. റോ​സും മു​ല്ല​യും​വ​രെ പ​ഴ​ഞ്ച​നാ​യി. തൊ​ട്ടാ​വാ​ടി​പോ​ലും നാ​ടി​റ​ങ്ങി​പ്പോ​യി. ഇ​വ​യ്ക്കു പ​ക​രം വ​ന്ന​ത് ഓ​ർ​ക്കി​ഡു​ക​ൾ. ക​ണ്ടാ​ൽ പ്ലാ​സ്റ്റി​ക് പൂ​വ് പോ​ലെ. മ​ണ​മി​ല്ല. പൂ​വി​ടാ​ത്ത​വ​യെ​യും ക​ള്ളി​മു​ൾ​ചെ​ടി​ക​ളെ​യും ആ​ളു​ക​ൾ ഓ​മ​നി​ച്ചു വ​ള​ർ​ത്തു​ന്നു. വ​ലു​താ​കു​ന്ന പൂ​മ​ര​ങ്ങ​ളെ ക​ത്രി​ച്ചു​ക​ത്രി​ച്ചു കു​ള്ള​നാ​ക്കി ചെ​ടി​ച്ചെ​ട്ടി​ക​ളി​ൽ ആ​ക്കി​യി​രി​ക്കു​ന്നു ചി​ല​ർ. ഈ ​ബോ​ൺ​സാ​യി​ക​ൾ പോ​യ്മ​റ​ഞ്ഞ ന​ല്ല​കാ​ലം അ​യ​വി​റ​ക്കി വീ​ട്ടു​വ​രാ​ന്ത​ക​ളി​ൽ വി​മ്മി​ഷ്ട​പ്പെ​ട്ടു ക​ഴി​യു​ന്നു.

പൂ​ന്തോ​ട്ടം​പോ​ലെ...

ഓ​ണ​ക്കാ​ല​ത്തു ചെ​ടി​ക​ളാ​യ​ചെ​ടി​ക​ളും മ​ര​ങ്ങ​ളാ​യ​മ​ര​ങ്ങ​ളും പൂ​ത്തു പൂ​ന്തോ​ട്ടം​പോ​ലെ ആ​കു​മാ​യി​രു​ന്നു കേ​ര​ളം. ആ ​കാ​ഴ്ച കാ​ണാ​താ​യി​രി​ക്കു​ന്നു. പു​ഷ്പി​ക്കാ​ൻ ചെ​ടി​ക​ളി​ല്ലാ​തെ ക​രു​വാ​ളി​ച്ച മു​ഖ​വു​മാ​യി പ്ര​കൃ​തി. ഓ​ണ​ക്കാ​ല​ത്തെ പ്ര​കൃ​തി​യു​ടെ ചി​രി മാ​യു​ക​യാ​ണ്. പ്ര​കൃ​തി​ക്കു​മേ​ൽ മ​നു​ഷ്യ​ന്‍റെ അ​ധി​നി​വേ​ശം സൃ​ഷ്ടി​ച്ച ന​ഷ്ട​ങ്ങ​ൾ. അ​ത്തം ക​റു​ത്താ​ൽ ഓ​ണം വെ​ളു​ത്തി​രു​ന്നു. തെ​ളി​ഞ്ഞ​ദി​ന​ങ്ങ​ൾ ഓ​ണ​ത്തി​ന് ഉ​റ​പ്പാ​യി​രു​ന്നു. ക​ലാ​ഹൃ​ദ​യ​മു​ള്ള പ്ര​കൃ​തി​യു​ടെ ഇ​ട​പെ​ട​ൽ അ​ങ്ങ​നെ​യു​മു​ണ്ടാ​യി​രു​ന്നു. അ​തി​നും ഇ​ന്ന് ഉ​റ​പ്പി​ല്ല. പ്ര​കൃ​തി​യു​ടെ കാ​ട്ടാ​ള​ഭാ​വം ക​ണ്ടു പോ​യ​വ​ർ​ഷം ഓ​ണം​പോ​ലും കേ​ര​ളം വേ​ണ്ടെ​ന്നു​വ​ച്ചു. ഇ​ക്കൊ​ല്ല​വും പ്ര​കൃ​തി​യു​ടെ മു​ഖ​ത്തി​നു വേ​ണ്ട​ത്ര തെ​ളി​ച്ച​മി​ല്ല.

പ​ത്തു​ദി​വ​സ​ത്തെ പൂ​ക്ക​ള​മി​ടീ​ൽ തി​രു​വോ​ണ​ദി​വ​സം മാ​ത്ര​മാ​യി ചു​രു​ങ്ങി​യി​രി​ക്കു​ന്നു. അ​തു​ത​ന്നെ ചു​രു​ക്കം വീ​ടു​ക​ളി​ൽ മാ​ത്ര​മാ​യി​രി​ക്കു​ന്നു. മു​റ്റ​ത്തു​നി​ന്നു പൂ​ക്ക​ള​ങ്ങ​ൾ വ​രാ​ന്ത​യി​ലേ​ക്കും വീ​ടി​നു​ള്ളി​ലേ​ക്കും ക​യ​റി. ഇ​ടു​ന്ന പൂ​വു​ക​ളി​ൽ ഒ​ന്നു​പോ​ലും തൊ​ടി​ക​ളി​ൽ​നി​ന്നു പ​റി​ച്ചെ​ടു​ക്കു​ന്ന​ത​ല്ല. അ​ന്യ​നാ​ടു​ക​ളി​ൽ​നി​ന്നു വ​ന്ന​തു വ​ലി​യ​വി​ല​കൊ​ടു​ത്തു വാ​ങ്ങു​ന്ന​താ​ണ്. നാ​ലോ അ​ഞ്ചോ ഇ​ന​ങ്ങ​ളി​ൽ ഈ ​പൂ​ക്ക​ൾ ഒ​തു​ങ്ങു​ന്നു. നി​റം​ചേ​ർ​ത്ത തേ​ങ്ങാ​പ്പീ​ര​യും അ​രി​പ്പൊ​ടി​യു​മാ​ണു പൂ​ക്ക​ളു​ടെ പ​ക​ര​ക്കാ​ര​ൻ.

ഐ​തി​ഹ്യം മാ​ത്ര​മ​ല്ല...

ഓ​ണ​പ്പൂ​ക്ക​ള​ത്തി​നു പി​ന്നി​ൽ ഐ​തി​ഹ്യം മാ​ത്ര​മ​ല്ല, ചി​ട്ട​വ​ട്ട​ങ്ങ​ളും ക​ണ​ക്കു​ക​ളു​മൊ​ക്കെ​യു​ണ്ട്. ചി​ങ്ങ​മാ​സ​ത്തി​ലെ അ​ത്തം​നാ​ളി​ലാ​ണു തു​ട​ക്കം. മു​റ്റ​ത്തു ചാ​ണ​കം മെ​ഴു​കി​യ ത​റ​യി​ലാ​ണു പൂ​ക്ക​ള​മൊ​രു​ക്കേ​ണ്ട​ത്. ചോ​തി​വ​രെ മൂ​ന്നു​ദി​വ​സം തു​ന്പ​പ്പൂ​വ് മാ​ത്ര​മാ​ണ് ഇ​ടു​ക. ആ​ദ്യ​ദി​ന​ത്തി​ൽ ഒ​രു​നി​ര പൂ​വ്. ര​ണ്ടാം​ദി​നം ര​ണ്ടു​നി​ര. മൂ​ന്നാം​ദി​നം മൂ​ന്നു​നി​ര. തു​ട​ർ​ന്നു​ള്ള ദി​വ​സ​ങ്ങ​ളി​ൽ പ​ല​ത​രം പൂ​ക്ക​ൾ ഇ​ടാം.

ഓ​രോ​ദി​വ​സ​വും പൂ​ക്ക​ള​ത്തി​ന്‍റെ വ​ലി​പ്പം കൂ​ട്ട​ണം. ഉ​ത്രാ​ടം​ദി​ന​ത്തി​ൽ പൂ​ക്ക​ളം പ​ര​മാ​വ​ധി വ​ലി​പ്പ​ത്തി​ലാ​ക്ക​ണം. ചോ​തി​നാ​ൾ മു​ത​ൽ​ക്കേ ചെ​ന്പ​ര​ത്തി​പ്പൂ​വി​നു ക​ള​ത്തി​ൽ സ്ഥാ​ന​മു​ള്ളൂ. മൂ​ലം​നാ​ളി​ൽ പൂ​ക്ക​ളം ച​തു​ര​ത്തി​ലാ​കും. തി​രു​വോ​ണ​ദി​നം പൂ​ക്ക​ള​ത്തി​ൽ ഓ​ണ​ത്ത​പ്പ​ന്‍റെ​യും മ​ഹാ​ബ​ലി​യു​ടെ​യും രൂ​പം മ​ണ്ണി​ൽ മെ​ന​ഞ്ഞു പ്ര​തി​ഷ്ഠി​ക്കും. ഓ​ണം ക​ഴി​ഞ്ഞു ച​ത​യം​വ​രെ പൂ​ക്ക​ളം തു​ട​രും. ദേ​ശ​വ്യ​ത്യാ​സ​ങ്ങ​ളും പൂ​ക്ക​ള​ങ്ങ​ളി​ലു​ണ്ട്.

ചി​ല​യി​ട​ങ്ങ​ളി​ൽ ഒ​രു​നി​റ​ത്തി​ലു​ള്ള പൂ​വി​ൽ തു​ട​ങ്ങി പ​ത്താം​ദി​വ​സം പ​ത്തു​നി​റ​ത്തി​ലു​ള്ള പൂ​ക്ക​ൾ​കൊ​ണ്ടു പൂ​ക്ക​ളം ഒ​രു​ക്കു​ന്നു. ആ​ണ്ടു സ​ന്ദ​ർ​ശ​ന​ത്തി​നെ​ത്തു​ന്ന മ​ഹാ​ബ​ലി ച​ക്ര​വ​ർ​ത്തി​യെ വ​ര​വേ​ൽ​ക്കാ​നാ​ണു പൂ​ക്ക​ള​മെ​ന്നാ​ണു സ​ങ്ക​ൽ​പം. ജ​ന​ങ്ങ​ൾ​ക്കി​ഷ്ട​പ്പെ​ട്ട ഭ​ര​ണം​കൊ​ണ്ടു ദേ​വ​ന്മാ​രെ​പ്പോ​ലും അ​സൂ​യ​പ്പെ​ടു​ത്തി​യ മ​ഹാ​ബ​ലി​യു​ടെ ഓ​ർ​മ​ദി​ന​മാ​ണ് ഓ​ണ​മെ​ന്നും ഐ​തി​ഹ്യം പ​റ​യു​ന്നു.

മ​ല​യാ​ള​ത്തി​ന്‍റെ പ​ഴം​മ​ന​സ്...

ഓ​ണ​ക്ക​ളി​ക​ൾ​പോ​ലെ അ​ത്ര​യ്ക്കു കു​റ്റി​യ​റ്റി​ട്ടി​ല്ല ഓ​ണ​പ്പൂ​ക്ക​ള​ങ്ങ​ൾ. പൂ​ക്ക​ള​മ​ത്സ​ര​ങ്ങ​ളാ​ണ് അ​തി​ന്‍റെ കാ​ര​ണം. ഓ​ണ​ക്കാ​ല​മെ​ത്തി​യെ​ന്ന് ഇ​ന്ന​റി​യി​ക്കു​ന്ന​ത് ഈ ​മ​ത്സ​ര​ങ്ങ​ളു​ടെ വ​ർ​ണ​ങ്ങ​ളാ​ണ്. നാ​ട​ൻ പൂ​ക്ക​ൾ മാ​ത്ര​മെ​ന്ന നി​ബ​ന്ധ​ന വ​യ്ക്കാ​റു​ണ്ടെ​ങ്കി​ലും നി​ർ​ബ​ന്ധം പി​ടി​ക്കാ​ൻ ക​ഴി​യാ​റി​ല്ല. നാ​ടു​നീ​ങ്ങി​യ അ​വ​യെ എ​വി​ടെ​നി​ന്നു കൊ​ണ്ടു​വ​രാ​ൻ. വ​ട്ട​ത്തി​ൽ​ത​ന്നെ​യാ​ണു മ​ത്സ​ര​ങ്ങ​ളി​ലും പൂ​ക്ക​ളം. എ​ന്നാ​ൽ രീ​തി​ക​ൾ മാ​റി. പൂ​വു​കൊ​ണ്ടു​ള്ള ചി​ത്ര​മെ​ഴു​ത്താ​ണ് ഇ​പ്പോ​ൾ. പ​ടം​വ​ര​ക്കാ​രെ​ക്കൊ​ണ്ടു വ​ര​പ്പി​ച്ച​ശേ​ഷം പൂ​ക്ക​ൾ നി​ര​ത്തു​ന്നു. പൂ​ക്ക​ളം തീ​രു​ന്പോ​ൾ ചി​ത്രം തെ​ളി​ഞ്ഞു​വ​രും. പ​ക്ഷി​യും പ​റ​വ​യും ക​ഥ​ക​ളി​ത്ത​ല​യും മു​ത​ൽ ടാ​ജ്മ​ഹ​ൽ വ​രെ. കാ​ണാ​ൻ പ​ണ്ട​ത്തേ​ക്കാ​ൾ ഭം​ഗി​യു​ണ്ട്.

വ​ലി​പ്പ​ത്തി​ൽ റി​ക്കാ​ർ​ഡു​ക​ൾ ഭേ​ദി​ക്കു​ന്ന പൂ​ക്ക​ള​ങ്ങ​ളു​മൊ​രു​ക്കാ​റു​ണ്ട്. ഓ​ണ​ത്തി​ന് ആ​ഘോ​ഷ​ച്ഛാ​യ ന​ല്കാ​ൻ ഇ​വ​യ്ക്കു ക​ഴി​യാ​റു​മു​ണ്ട്. എ​ന്നി​രു​ന്നാ​ലും വീ​ട്ടു​മു​റ്റ​ങ്ങ​ളി​ൽ​നി​ന്നു പ​ടി​യി​റ​ങ്ങി​പ്പോ​യ കൊ​ച്ചു​പൂ​ക്ക​ള​ങ്ങ​ൾ​ക്കു പി​ന്നാ​ലെ​യാ​ണു മ​ല​യാ​ള​ത്തി​ന്‍റെ പ​ഴം​മ​ന​സ്. കു​ട്ടി​ക​ളും മു​തി​ർ​ന്ന​വ​രു​മൊ​ക്കെ വ​ട്ടം​കൂ​ടി​യി​രു​ന്ന് അ​ത്ര​യൊ​ന്നും നി​ര​യൊ​ക്കാ​തെ മു​റ്റ​ത്തു തീ​ർ​ത്തി​രു​ന്ന പൂ​ക്ക​ള​ങ്ങ​ൾ. തു​ന്പ തു​ട​ങ്ങി തൊ​ട്ടാ​വാ​ടി​പ്പൂ​വ് വ​രെ ചേ​ർ​ത്തു​വ​ച്ചു വ​സ​ന്ത​കാ​ല​ത്തി​നു മു​റ്റ​ത്തൊ​രു​ക്കി​യി​രു​ന്ന വി​രു​ന്നു​വ​യ്ക്ക​ൽ. ഐ​ശ്വ​ര്യ​ത്തി​ന്‍റെ​യും പ്ര​തീ​ക്ഷ​യു​ടെ​യും പൂ​വി​ളി. നാം ​ഒ​ന്നെ​ന്ന സ​ന്ദേ​ശ​ത്തി​ന്‍റെ പ്ര​ഖ്യാ​പ​നം. അ​തൊ​ക്കെ​യാ​യി​രു​ന്നു കേ​ര​ളീ​യ​രു​ടെ ഓ​ണ​പ്പൂ​ക്ക​ളം. നൂ​റ്റാ​ണ്ടു​ക​ൾ​ക്കു മു​ന്പു തു​ട​ങ്ങി കാ​ല​ത്തെ അ​തി​ജീ​വി​ച്ചെ​ത്തി​യ അ​നു​ഷ്ഠാ​നം.

തി​രി​ച്ചു​വ​രാ​ത്ത കാ​ലം...

കാ​ലം പി​ന്നോ​ട്ട​ല്ല. മു​ന്നോ​ട്ടാ​ണ് ഉ​രു​ളു​ന്ന​ത്. ക​ട​ന്നു​പോ​യ കാ​ലം തി​രി​ച്ചു​വ​രി​ല്ല. കാ​ലാ​വ​സ്ഥ​യും മ​നു​ഷ്യ​നും മാ​റു​ക​യാ​ണ്. ക​ണ്ടും അ​നു​ഭ​വി​ച്ചും പ​രി​ച​യ​മി​ല്ലാ​ത്ത​ത് ഓ​രോ​ന്നു സം​ഭ​വി​ക്കു​ന്നു. പ​ഴ​യ​കാ​ല​വും പ​ഴ​യ​കാ​ര്യ​ങ്ങ​ളും അ​തി​വേ​ഗം പി​ന്നി​ലാ​യി​ക്കൊ​ണ്ടി​രി​ക്കു​ന്നു. പ​ക്ഷേ, ഒ​ന്നു​ണ്ട്. കാ​ല​മു​രു​ളും കാ​ല​ത്തോ​ളം ചി​ങ്ങ​മാ​സം പി​റ​ന്നു​കൊ​ണ്ടി​രി​ക്കും. ചി​ങ്ങ​മു​ണ്ടെ​ങ്കി​ൽ തി​രു​വോ​ണ​വും വ​രും. അ​പ്പോ​ഴും മാ​യാ​തെ മ​ങ്ങാ​തെ പൂ​ക്ക​ള​ങ്ങ​ളും ഉ​ണ്ടാ​യി​രു​ന്നെ​ങ്കി​ൽ...

എം. ​റോ​യ്



Copyright @ 2019 , Rashtra Deepika Ltd.